Cov Lus Qhia - Abbott Nutrition

Cov Lus Qhia
Yog hais txog kev pub mis rau menyuam mos mas,
tsis muaj dabtsi yuav zoo tshaj mis niam li lawm.
Mis niam:
… Muaj ntau yam khoom zoo sib txig nkaus kom pab tau koj tus menyuam lub cev tua kabmob
thiab tej yam mob thaum yau
… Yoojyim muab, yeej muaj tas li, thiab tabtom tsis txias tsis kub dhau
… Pab tau leej niam lub tsev menyuam kom rov qab me li qub
… Pab kom leej niam tsis txhob muaj mob rau lub mis
… Pab kom tseg tau nyiaj
Kev Xyaum Pub Mis Niam
Ntau tus pojniam uas muaj menyuam yeej xav txog tias lawv puas yuav txawj pub mis niam
thiab puas yuav muaj kua mis txaus. Rau cov uas pub thawj zaug, kev pub mis niam yog ib
yam uas yuav tau kawm. Koj yuav tau kawm kom ntau li ntau tau thiab nug thaum tsis paub
ib qho twg. Cov yuav pab yog kws kho mob, tus kws pab txais menyuam, kws kuaj mob lossis
lwm cov neeg saib fab kev mob nkeeg, cov pab qhia pub mis niam thiab cov nyob rau pawg La
Leche league, nrog rau lwm cov koom haum qhia pub mis niam uas yuav txhawb koj kom koj
pub tau mis niam ntev li qhov ntev tau rau tus menyuam.
Cov lus hauv qab no yuav pab koj npaj rau kev pub mis niam thiab yuav teb ib co lus nug uas
koj muaj.
Mus tau zoo tom qab los so tag
… S o: Pw tsaug zog kom ntau li ntau tau. Muab sijhawm rau koj tus kheej kom lub cev rov zoo
li qub. Tsis txhob ua ntau ntau yam sai sai. Txhua hnub yuav tsum pw ib pliag, thiab pw
thaum koj tus menyuam pw lawm. Nrog qhua nyob thiab tham los tau tiamsis nco ntsoov
tias koj yuav tsum so kom txaus txaus rau thawj ob peb lub limtiam ntawd.
… Sijhawm pub mis: Pub mis rau koj tus menyuam txhua 1 - 3 teev rau thawj ob peb hnub
ntawd (uas yog suav thaum sijhawm pub mis mus rau lub sijhawm pub mis tom ntej).
Qhov no yuav pab tau kom koj lub cev ua tau mis ntxiv, thiab ua kom lub mis tsis txhob
nruj heev heev nrog kua mis thaum uas koj pib pub mis lawm.
Sab nraud
Xav Tau
Tswvyim Lossis Kev
Pab Txog Kev Pub Mis Niam ?
Thov
kev pab yeej TSIS UA LICAS kiag li:
koj tus kws kho mob, tus kws kho menyuam yaus, lossis tus kws kuaj mob » Tiv tauj ib tug neeg ua haujlwm txog kev pub mis niam rau menyuam »
Mus saib cov kev pab muaj ntau ntau nyob ntawm www.abbottnutrition.com/breastfeeding
Hu
Ua haujlwm zoo nrog:
Muaj kev pab 24/7. Muaj nais maum thiab cov neeg paub kev pub mis.
Hu Feeding Expert: 1-800-986-8800.
»
o Tswv Yim & Kev Pub Mis Niam: Cov Lus Qhia
…C
haw: Cia koj tus menyuam nyob ze koj kom koj thiaj li tsis tau mus los tas li. Muab cov
pawm, cov khoom hloov pawm, cov dej lossis kua txiv, thiab cov khoom txom ncauj tso ze.
Tej txhia pojniam uas los so tag nyiam haus kua dej txias lossis kua txiv thaum uas pub
mis rau menyuam noj hos tej txhia ho nyiam mloog nkauj. Tej txhia kuj nyiam ua ob yam
uake tibsi.
…X
is nyob: Saib zoo kom koj thiab koj tus menyuam ob leeg tibsi nyob tau zoo chaw thaum
tabtom pub mis niam. Siv hauv ncoo lossis tus tes ntawm lub rooj zaum los txheem sab
tes uas puag menyuam. Tej leej niam ho muab ib daim pam kauv, ib daim phuam, lossis
lwm yam uas ntaug ntaug xws li hauv ncoo. Tej txhia kuj pom tau hais tias yog muab ib
yam dabtsi xiab kotaw no ces ho pab txheem tau kom tus menyuam nyob tau zoo zog vim
txheem tau qhov chaw yuav puag tus menyuam thiab.
… Txhawb kev pub mis niam: Nug kom ib tug neeg pab muab tus menyuam tso kom ncaj rau
koj xubntiag thiab pab tus menyuam kom npuav tau mis niam nyob rau lub sijhawm koj
nyuam qhuav pib kawm pub mis niam. Coob leej niam yeej tau kev txhawb los ntawm ib
tug xibfwb txoj kev qhia, ib tug neeg uas yeej paub pub mis niam dhau los lawm, xws li cov
xibfwb qhia txog kev pub mis niam, cov kws kho mob pab menyuam yaus, lossis cov kws
kuaj mob. Yog thaum koj xav tau kev pab pub mis niam no koj yuav tsum nco ntsoov nug
lossis nug yog tias thaum koj pub mis niam es pheej mob mob lub mis.
… Cov kev txhawb: Sawvdaws yuav xav pab koj tom qab koj tau menyuam mos tshiab lawm.
Koj yuav tsum txais kev pab kom txog thaum koj tus kws kho mob hais tias koj rov ua
dejnum li qub tau lawm tso. Nub tsev neeg, phoojywg thiab cov neeg nyob koj zejzog kom
pab ua lossis xa zaub mov, tu vajtse, ntxhua khaub ncaws, ntxuav tais diav, lossis lwm yam
dejnum hauv tsev, saib cov menyuam hlob, thiab khiav lwm yam dejnum tawm sab nraud.
Nco ntsoov tias, nug kev pab tsis ua li cas li!
… Tshuaj mob, tshuaj qablos, thiab lwm yam tshuaj: Tiv tauj koj tus kws kho mob, tus neeg
pab txais menyuam, lossis tus xibfwb qhia kev pub mis niam yog tias koj siv ib hom tshuaj
dabtsi, ib hom tshuaj qablos, lossis ib hom tshuaj ntsuab. Txawm tias yog tej tshuaj noj rau
dias taubhau lossis ua khaub thuas xwb los qhia lawv vim tias muaj ntau hom tshuaj yuav
nkag roj ntsha mus tau rau leej niam cov mis. Txawm tsawg xwb los yeej mus tau li. Txwv
tsis txhob siv dejcawv thiab txhob siv tejyam uas muaj hom tshuaj ua rau koj tsis tsaug zog
nyob rau.
… Leej niam kev noj zaub mov: Thawj 4 txog 6 lub hlis mas koj tus menyuam tsaus yuav tsum
noj mis xwb, tiamsis koj yuav tsum noj kom txwm zaub mov zoo. Nco ntsoov tias yam koj
noj thiab haus yuav mus rau koj thiab koj tus menyuam tibsi. Thaum tseem pub mis niam,
yuav tsum noj txog 500 calories/tauj ib hnub uas ntau tshaj li thaum ua ntej koj lub cev
xeeb tub lawm (2500 calories/tauj ib hnub rau feem ntau ntawm cov pojniam), noj tshuaj
calcium pab ntxiv thiab haus dej kom txog li 8 kho tauj ib hnub.
… Khiab mis thiab daim xiab mis: Yuav tsum xaiv cov khiab mis uas zoo xis rau cov uas pub
mis niam, txhawb tau lub mis, tiamsis kom tsis txhob me me ceev heev es thiaj li tsis zawm
lub mis thiab nrobqaum. Cov ntaub pajdawb zoo tshaj cov ntaub lwm yam tsim tawm los
vim tias nws pab tau kom cua khiav tau mus los ntawm lub txiv mis. Cov tej daig menyuam
ntaub xiab lub mis los yeej pab tau tibsi nrog rau hom khaub ncaws uas pab tau kom
yoojyim pub mis niam (xws li cov tsho muaj khawm lossis rub tau kom nthuav loj zoo tshaj).
Xav Tau
Tswvyim Lossis Kev
Pab Txog Kev Pub Mis Niam ?
Thov
°
kev pab yeej TSIS UA LICAS kiag li:
koj tus kws kho mob, tus kws kho menyuam yaus, lossis tus kws kuaj mob » Tiv tauj ib tug neeg ua haujlwm txog kev pub mis niam rau menyuam »
Mus saib cov kev pab muaj ntau ntau nyob ntawm www.abbottnutrition.com/breastfeeding
Hu
©2011 Abbott Laboratories Inc.
Ib Hlis 2011
73149 Hmong – Basics