Heading 1 - Children`s Hospital of Wisconsin

Qhov tseeb ntawm kev nojqab haushuv rau koj
Kev kawm rau tus neeg mob/Tsevneeg
Kev Ntsuam Xyuas Thaum Muaj Ib Tug Raug Quab Yuam Deev
Kev quab yuam deev yog dabtsi?
Yog thaum ib tug neeg twg muaj feemcuam txog kev dajdeev nrog ib tug menyuam yaus, nws yog
kev quab yuam deev ntag. Xwsli:
•
Kov chawmos
•
Xuas qhovncauj hnia
•
Deev/nrog pw
•
Kom menyuam saib duab liabqab
• Kom menyuam saib cov laus sib deev
Nws tseemceeb heev yuavtsum paub tias feem ntau cov menyuam uas raug quab yuam deev, tus
menyuam yeej paub tus neeg uas quab yuam nws.
Vim li cas kuv tus menyuam thiaj yuavtsum tau mus kuaj?
Kev quab yuam deev, qee zaus kuj ua rau menyuam raug mob lossis muaj mob lwmyam thiab. Yog li
ntawd, nws tseemceeb heev rau koj tus menyuam kev nojqab haushuv uas yuavtsum kuaj nws lub
cev. Yog kuaj tau dabtsi, qee zaus yuav tau siv ua povthawj rau hauv tsev hais plaub thiab.
Muaj ntau zaus, kev quab yuam deev kuj kuaj tsis pom dabtsi. Qee zaus tej kev raug mob kuj nqawm
tag lawm ua rau kws khomob kuaj tsis pom dabtsi. Feem ntau, kuj kuaj tsis pom dabtsi li thiab.
Txawm li ntawd los, nws txhais tsis tau haistias tus menyuam tsis tau raug quab yuam deev. Kev kuaj
menyuam lub cev tsis yog yuav nrhiav povthawj seb tus menyuam qhia tseeb lossis tsis tseeb.
Qee tus menyuam xav haistias lawv lub cev tau piamsij los ntawm qhov nws raug quab yuam deev
lawm. Nws kuj zoo cia kws khomob ua tus qhia rau lawv kiag haistias lawv lub cev nojqab nyobzoo
thiab nyob li qub lossis yeej yuav rov qab zoo xwb.
Yua zoo li cas thaum mus kuaj?
Nws yog ib yam kev kuajmob uas tsis ua kom menyuam txajmuag. Txhua tus menyuam ib leeg zoo
lawm ib yam thiab cov neeg ua haujlwm yuav sivzog pab kom koj tus menyuam txhob ntshai.
Qee tus menyuam xav paub txhua yam seb kev mus kuaj khomob yuav zoo li cas. Lwm tus kuj xav
kom muaj lwm yam los ua kom nws txhob nco txog li. Yog koj tus menyuam xav tau, leejniam/txiv
lossis tus neeg zov nws nrog nws mus rau hauv chav kuaj mob los yeej tau.
•
Thawj yam, yog yuav nug txog keebkwm kabmob kevnkeeg.
•
•
Tom qab ntawd, yuav kuaj txhua yam saum taubhau ti nkaus rau nram kotaw.
Nws tseemceeb kawg uas kws khomob yuav saib sab nraum qhov chawmos (chaw txajmuag)
thiab qhovquav tag nrho. Yuav siv ib lub cuabyeej hu ua colposcope los tsom xyuas thiaj pom
txhua yam uas tsimnyog yuav kuaj. Lub cuabyeej colposcope yuav tsis chwv lossis ua rau koj
tus menyuam mob li.
•
Cov ntxhais uas tsis tau coj khaubncaws (lub cev tseem tsis tau hloov ua nkauj) yuav tsis raug
kuaj chawmos sab hauv. Tab txawm cov uas twb coj khaubncaws lawm los twb yuav luag tsis
raug kuaj sab hauv nrog cev. Kev kuaj yuav tsis uas tshaj qhov yuav ua rau menyuam
txajmuag.
#1680 December 2013
Children’s Hospital of Wisconsin • PO Box 1997 • Milwaukee, WI 53201-1997 • chw.org
© 2013 Children’s Hospital of Wisconsin. Txhuayam cai raug txwv lawm.
sab 1 ntawm 2
Kev Ntsuam Xyuas Thaum Muaj Ib Tug Raug Quab Yuam Deev
Yua zoo li cas thaum mus kuaj? (txuas ntxiv mus)
Thaum kuaj yuav pom tshwm rau lub TV nyob rau hauv chav kuajmob. Menyuam qee leej kuj xav
pom seb nws qhov chawmos zoo li cas nyob rau hauv lub twj saib duab thiab. Yog koj tus menyuam
tsis xav saib, yuav muab ib phau-ntawv los rau nws nyeem lossis muab tejyam dabtsi rau nws ua lub
sijhawm kuaj nws ntawd.
•
Kev kuaj feem ntau yuav tau muab kaw cia. Qhov no tsuas kaw txhawm rau kev khomob nkaus
xwb. Cov duab kaw tau yuav khaws cia ua ib feem ntawm menyuam cov ntaub ntawv khomob.
Yuav tsis muab tawm hauv menyuam cov ntaub ntawv khomob rau leej twg, tshwj yog raug
xam (court) xaj kom muab xwb.
•
Yuav tau kuaj zis seb puas muaj mob dabtsi thiab. Tus kws khomob tejzaum yuav tau muab ib
tug pas rwb los so menyuam qhov chawmos, qhovquav, thiab/lossis lub qa coj mus kuaj thiab.
Yuav muab ib tug pas rwb me me thiab zooj zooj los so kom koj tus menyuam txhob hnov mob.
•
Tejzaum yuav tau kuaj ntshav thiab. Kws khomob mam nrog koj tham txog qhov nov ua ntej
yuav tso ntshav.
Tom qab kuaj tag yuav zoo li cas?
•
Yuav ua tib zoo qhia rau koj tus menyuam haistias nws lub cev yuav tsis ua li cas lossis yog
haistias ho muaj mob dabtsi, yuav pab kho rau kom nws zoo.
•
Yog kuaj tau dabtsi yuav hais qhia rau tus menyuam niam thiab txiv lossis tus neeg zov nws.
•
Cov ntaub ntawv kuajmob no yuav khaws cia ua ib feem ntawm koj tus menyuam cov ntaub
ntawv khomob.
•
Cov ntaub ntawv khomob no yuav muab luam rau tub ceevxwm lossis tus neeg ua haujlwm
(social worker) uas muaj feemcuam rau kev taug qhov teebmeem menyuam raug quab yuam
deev no. Yog koj xav kom luam cov ntaub ntawv xav mus rau koj tus kws khomob no, qhia peb
paub.
•
Tej yam uas xa mus kuaj lossis tso ntshav kuaj yuav siv sijhawm li ib lub limtiam thiaj li tiav.
•
Tejzaum yuav tau rov qab mus kuaj ntxiv lossis xav mus kuaj lwm qhov ntxiv, yog tias
tsimnyog.
Kuv yuav tu kuv tus menyuam li cas hauv tsev tom qab kuaj tag?
•
Hais rau koj tus menyuam tias nws ua tau zoo heev! Qhia rau koj tus menyuam haistias koj
yeej yuav pab nws thiab tsis pub kom nws rau teebmeem dabtsi.
•
Tsis txhob nug koj tus menyuam ntau ntau txog tus neeg quab yuam nws ntawd, tabsis yog tias
nws tham qhia koj, yuav tau ua tib zoo mloog nws piav.
•
Hu rau Child Protection Center yog haistias koj tus menyuam mob qhov twg lossis pw tsis
tsaugzog vim qhov teebmeem nws raug quab yuam no.
NCO NTSOOV: Hu rau Child Protection Center ntawm 1(414) 277-8980 yog tias koj muaj lus
nug, txhawjxeeb lossis koj tus menyuam:
•
Chawmos los dej lossis los ntshav.
•
Chawmos lossis qhovquav mob mob.
Insurance tsis kam them tej kev kuajmob tshwjxeeb uas hais los no.
•
Daim ntawv no tsuas yog qhia kom koj paub tu koj tus menyuam xwb. Nws siv tsis tau sawvcev koj kev
khomob. Yuav tau nrog koj tus kws khomob tham txog kev kuajmob, khomob, thiab yuav mus ntsib
kws khomob li cas ntxiv.
#1680 December 2013
sab 2 ntawm 2