La Llei de Tresparencia va dexar sancionar les infracciones bien

Miércoles, 17 de febreru del 2016
La Llei de Tresparencia va dexar sancionar les
infracciones bien graves de los altos cargos
con hasta diez años d’inhabilitación
− L'anteproyectu, que sal güei a información pública, incorpora la
denuncia ciudadana sobre presuntes conductes irregulares o
incumplimientos normativos
− El Conseyu de Gobiernu aprueba'l Plan Estratéxicu de Residuos
2014-2024
− El Principáu va recurrir ante'l Tribunal Supremu'l decretu que
regula la dispensación de melecines per parte del personal
d'enfermería
− Educación va convocar anguaño la mayor ufierta d'empléu
públicu desque s'asumieron les tresferencies
L'anteproyectu de Llei del Principáu d'Asturies de Tresparencia y Bon
Gobiernu va sometese a información pública mientres los próximos 20
díes hábiles. La normativa, cola que l'Executivu asturianu cumple ún de
los sos principales compromisos en materia de rexeneración
democrática, incorpora como novedaes principales un réxime
sancionador p'altos cargos en materia de tresparencia, la Oficina de Bon
Gobiernu y Llucha contra la Corrupción y una canal ética de denuncia
ciudadana sobre presuntes conductes irregulares o incumplimientos
normativos.
El réxime sancionador prevé, nel casu d'infracción bien grave per parte
de los altos cargos, la imposición d'una multa por importe d'unu a tres
meses de sueldu, la destitución del puestu o la inhabilitación por un
periodu de cinco y diez años.
La Oficina de Bon Gobiernu y Llucha contra la Corrupción va encargase,
ente otros asuntos, de xestionar les dilixencies informatives que se
deriven de les denuncies ciudadanes recibíes al traviés de la canal ética
nueva, que va tener formatu electrónicu y al que se va acceder al traviés
del Portal de Tresparencia. Esta midida va dexar a cualquier persona,
1
garantizando la so confidencialidá, comunicar presuntes conductes
irregulares o incumplimientos normativos de los que pudiera derivase
responsabilidá alministrativa, contable o penal.
Amás, la futura llei amplía sustancialmente los conteníos que tienen que
se someter a información pública, polo qu'a partir de la so entrada a valir,
dalgunos de los nuevos datos que tendrán de ser publicaos son:
ƒ
Les axendes institucionales de los titulares d'órganos directivos
del sector públicu y tamién de los órganos d'asesoramientu y
apoyu.
ƒ
Los gastos de representación y protocolarios.
ƒ
Los contratos menores a partir de 1.500 euros (IVA escluyíu)
cuando la normativa estatal nun concreta nenguna llende.
ƒ
Los alcuerdos del Conseyu de Gobiernu.
ƒ
La execución presupuestaria con calter trimestral.
ƒ
Los saldos de les cuentes bancaries de titularidá
l'Alministración del Principáu y el sector públicu autonómicu.
ƒ
Les operaciones d'arrendamientu financieru, de préstamos, creitu
y emisiones de delda pública realizaes poles entidaes del sector
públicu.
de
La organización de l'Alministración del Principáu tamién tendrá d'afaese a
la llei, cola creación de les Unidaes de Tresparencia y d’un serviciu de
tresparencia que va ser l'encargáu del diseñu, desenvolvimientu,
coordinación, siguimientu y evaluación d'estes polítiques del Conseyu de
Gobiernu. Tamién va nacer el Conseyu de Tresparencia y Bon Gobiernu
pa velar pol cumplimientu de les obligaciones de publicidá y garantizar
l'exerciciu del derechu d'accesu a la información pública y a les
disposiciones nesta materia. El so presidente, nomáu por un periodu non
anovable de cinco años, va ser escoyíu a propuesta de la Xunta Xeneral
del Principáu por mayoría de dos tercios ente persones de prestixu
reconocíu.
En materia de Bon Gobiernu, l'anteproyectu contempla l'aprobación d'un
códigu éticu, que va más allá de la norma nacional vixente, qu'establez
namás una serie de principios xenerales y d'actuación. Asina, los altos
cargos tendrán de soscribir, antes d’incorporase al puestu, una
declaración na qu'acreiten nun cometer delitos y asumir el códigu éticu y
los principios de les lleis autonómiques y estatales. Van presentar tamién
la so declaración de la renta de primeres y a la fin del so mandatu, y nel
momentu de dexar el so puestu, la Oficina de Bon Gobiernu va ellaborar
2
un informe sobre'l so patrimoniu. Tolos ex altos cargos tendrán de
comunicar l'actividá que van desempeñar mientres los dos años
siguientes al so cese.
Esta normativa va ser de cumplimientu obligáu non yá pal Gobiernu
autonómicu, sinón tamién pa les entidaes locales y los organismos y
entes públicos dependientes de dambes alministraciones, amás de pa la
Universidá d'Uviéu; les corporaciones de derechu públicu como les
cámares de comerciu o los colexos profesionales; les sociedaes
mercantiles con mayoría de capital social públicu; les fundaciones y
entes del sector públicu; les asociaciones d'alministraciones públiques,
quitando aquelles nes que participe l'Alministración del Estáu; la Xunta
Xeneral del Principáu d'Asturies, la Sindicatura de Cuentes y el Conseyu
Consultivu.
Polo que se refier a la publicidá activa, la llei va aplicase tamién a los
partíos políticos, sindicatos y organizaciones empresariales d'ámbitu
autonómicu; a les federaciones de partíos, agrupaciones d'electores y
fundaciones que dependan d'ellos, y a les entidaes privaes que perciban
ayudes o subvenciones nuna cuantía igual o superior a 30.000 euros o
cuando pelo menos el 40 % del total de los sos ingresos algame un
mínimu de 3.000 euros.
L'anteproyectu de llei puede consultase, amás de nel Boletín Oficial del
Principáu, nel apartáu de destacaos del portal corporativu Asturias.es, nel
tablón d'anuncios de la sede electrónica y nos portales de tresparencia y
Asturies Participa.
Un documentu pa xestionar los residuos hasta 2020
El Conseyu de Gobiernu aprobó tamién el Plan Estratéxicu de Residuos
del Principáu d'Asturies (Perpa) 2014-2020. En xunetu del 2015, dos
sentencies del Tribunal Superior de Xusticia d'Asturies alvirtieron
defectos en dichu documentu. Una vegada arreglaos, el plan foi sometíu
a información pública y, güei, ratificáu pol Executivu.
En cumplimientu de les sentencies, la Dirección Xeneral de Calidá
Ambiental sacó a información pública en setiembre del 2015 la propuesta
del plan estratéxicu xunto con una memoria de los cambeos realizaos.
Nesti nuevu procesu recibiéronse 16 escritos de 19 alegantes distintos.
La estimación de delles allegaciones, sumada a la recién aprobación del
Plan Estatal Marcu de Xestión de Residuos 2016-2022, implicó un llixeru
cambéu del proyectu inicial.
El documentu aprobáu organízase en nueve programes distintos
centraos na prevención, los residuos urbanos (domésticos y
comerciales), los industriales, los llodos de depuradores, los biorresiduos
y la meyora de la xestión d'otros fluxos, asina como les acciones
3
destinaes a la sensibilización, la información y el control, y les actividaes
d'investigación, desenvolvimientu y innovación (I+D+i). De la mesma,
cada programa incluye delles llinies d'actuación, 28 en total, que se
desenvuelven en 239 midíes concretes.
Los planes de xestión de residuos recueyen tolos aspectos
d'organización rellacionaos, incluyida una descripción del repartu de
responsabilidaes ente los operadores públicos y privaos. La esistencia
d'un plan vixente ye, amás, una condición necesaria pal
desenvolvimientu d’infraestructures públiques nueves pa la xestión de
residuos de competencia municipal.
Una vegada aprobáu'l plan, y conforme a la memoria, na revisión
evaluaráse'l conxuntu d'alternatives posibles pa tratar la fracción resto y
escoyer aquella que, siendo vidable técnica y económicamente, tenga'l
menor impactu ambiental. Les opciones escoyíes van integrase nel plan
yá revisáu pa la so evaluación ambiental estratéxica.
De forma paralela, el Gobiernu d'Asturies ta realizando un notable y
siguíu esfuerzu pa promover el reciclaxe y amenorgar los residuos al
traviés d'iniciatives como'l compostaxe, la puesta en marcha de canales
de reutilización, la llucha contra l'espilfarru d'alimentos y la educación pal
consumu responsable. Coles mesmes, impúlsense les llinies de recoyida
separada y les infraestructures d’apoyu, como los puntos llimpios.
De resultes d'esti compromisu, la recoyida separada de papel/cartón,
envases llixeros y vidriu al traviés del serviciu qu'empresta'l Consorciu pa
la Xestión de Residuos d'Asturies (Coxersa) aumentó un 5,05 % nel
2015, fecha na qu'algamó una media de 45,97 quilogramos per habitante
y añu, frente a los 43,76 del 2014. Amás, el serviciu de recepción
clasificada de refugayes potencialmente tóxiques y avolumaos que'l
consorciu y los conceyos empresten al traviés de la rede de puntos
llimpios, les árees d'atroxu y el puntu llimpiu móvil, algamó l’añu pasáu
los 35.624.744 quilos, un 9,31 % más que l'exerciciu anterior. La mayor
parte d'estos residuos destínase a procesos de recuperación.
El serviciu de recoyida separada de residuos potencialmente tóxicos y
avolumaos dexa aumentar los niveles de reciclaxe de los conceyos,
amás d'evitar el so arramáu incontroláu nel mediu natural.
Acciones contra'l decretu que torga la dispensación enfermera
El Conseyu de Gobiernu alcordó güei recurrir ante'l Tribunal Supremu'l
real decretu de 23 d'ochobre del 2015 que regula la indicación, usu y
autorización de dispensación de melecines y productos sanitarios per
parte de los profesionales d'enfermería.
4
La norma establez que, nel casu de les melecines suxetes a prescripción
médica, va ser necesario qu'un facultativu determine primeramente'l
diagnósticu, la prescripción y el protocolu de práctica clínica que tendrán
de siguir los profesionales d'enfermería. Esti fechu torga na práctica
cualquier decisión enfermera rellacionada con estos fármacos cuando
non vaya acompañada d'una prescripción médica realizada de forma
oficial y con calter individual pa cada paciente.
El real decretu, qu'entró a valir el 24 d'avientu pasáu, remata un procesu
caracterizáu pola escasa participación de los colectivos y instituciones
directamente implicaes y nun reconoz el pervalible trabayu de la
enfermería al llau del paciente, un llabor que ye complementariu y
independiente del qu'exercen los facultativos.
La dispensación enfermera de melecines ye una realidá qu'apurre valor
al conxuntu de la organización, que nun xenera problema dalgunu na
redolada sanitaria y que garantiza la continuidá de los cuidaos, amás
d'entainar la toma de decisiones. Por ello, la norma nueva alteria
gravemente'l trabayu que se realiza a diariu en tolos centros sanitarios.
El Principáu considera que la norma nun considera la cualificación d'esti
colectivu y que perxudica a los usuarios del sistema sanitariu porque
xenera más trámites burocráticos.
Delles comunidaes autónomes presentaron yá recursos contra'l real
decretu, un testu que tamién refuga'l Sindicatu d'Enfermería (Satse) y el
Conseyu Xeneral de Colexos d'Enfermería.
Aprobada la ufierta d'empléu públicu nel ámbitu educativu
La Conseyería d'Educación y Cultura va convocar anguaño una
oposición con 418 places pa profesores de 30 especialidaes de
Secundaria, Formación Profesional y Música y Artes Escéniques. El
Conseyu de Gobiernu aprobó la ufierta d'empléu públicu pal 2016 nel
ámbitu docente, la mayor desque Asturies asumió les competencies
educatives nel 2000.
Tamién se van sacar dos places de promoción interna d'Inspección
Educativa, que se van sumar a les once aprobaes na ufierta del 2014, y
una plaza de Lliteratura Dramática. En total, van algamase los 421
puestos en 32 especialidaes.
La convocatoria va dexar amenorgar la tasa d'interinidá nes
especialidaes incluyíes na oposición dende'l 25,5 % actual hasta'l 11,5
%. Ye menester destacar que quince de les especialidaes incluyíes na
convocatoria nunca tuvieron oposiciones dende les tresferencies y
n'otros cuatro casos celebráronse una única vegada en 16 años.
5
El Principáu cumple asina col so compromisu d'ufiertar el mayor númberu
de puestos qu'establez la tasa de reposición estatal, afitada pa esti
exerciciu nun 100 %, lo que va dexar cubrir toles vacantes que dexaron
los docentes xubilaos el cursu pasáu nes especialidaes incluyíes na
convocatoria.
6