Ver noticia completa - Gobierno del principado de Asturias

 G OBIERNO DEL P RINCIPADO DE A STURIAS
CONSEJERÍA DE SANIDAD
NOTA DE PRENSA
(Vienres, 18.10.2013)
Sanidá señala que sometese a pruebes de detección a
partir de los 50 años ye la midida más eficaz pal
diagnósticu precoz del cáncer de mama (4 páxines)
• La evidencia científica nun avala la realización de mamografíes
sistemátiques a la población menor d'esa edá
• La tasa de supervivencia aumentó nel Principáu y asítiase en redol al
80 % a los cinco años de la detección de la enfermedá y alredor del 70
% a los diez
• Les muyeres que tengan sospecha de riesgu de cáncer familiar tienen
de comunicá-ylo al so médicu de familia
La Conseyería de Sanidá señala que la realización de pruebes de detección a partir de
los 50 años ye la midida más eficaz pal diagnósticu precoz del cáncer de mama. Esti ye
l'oxetivu del plan de detección de la enfermedá que dende fai 23 años desenvuelve'l
Serviciu de Salú del Principáu d'Asturies (Sespa) y nel que participen añalmente 63.000
muyeres.
El director xeneral de Salú Pública presentó güei los resultaos del programa, que dexa
diagnosticar añalmente 170 nuevos casos de la enfermedá, acompañáu pola xerente del
Serviciu Públicu de Salú del Principáu d'Asturies (Sespa), Celia Gómez; la presidenta
n'Asturies de l'Asociación Española Contra'l Cáncer, Margarita Fuente, y Miguel Ángel
Prieto, responsable del plan.
Bruno sorrayó qu'un plan bien estructuráu, de calter poblacional, con midición de
resultaos y indicadores, nel que se sopesen de mou afayadizu riesgos y beneficios, y con
garantíes de calidá nel diagnósticu, tratamientu y siguimientu ye la midida más eficaz
pa la detección temprana del cáncer de mama.
“La evidencia científica indícanos qu'una mamografía perbaxo de los 50 años y al
marxe d'estos programes de detección nun ye beneficiosa. Les mamografíes nunca nun
son inocues y si nun tán indicaes, como ye'l casu, pueden suponer un dañu pa la salú de
les muyeres”, esplicó'l director xeneral.
El plan quier siguir amenorgando la mortalidá por cáncer de mama con tratamientos
cada vez menos agresivos, de manera que les persones afectaes tengan una meyor calidá
1
G OBIERNO DEL P RINCIPADO DE A STURIAS
CONSEJERÍA DE SANIDAD
de vida mientres el procesu de la so enfermedá. La evidencia científica reflexa que
n'Asturies sería esperable salvar una vida por cada 380 muyeres convidaes a participar
en proyectu mientres un periodu de 20 años.
Cada añu diagnostíquense nel Principáu unos 600 casos de cáncer de mama en toles
edaes de población. La cifra foi aumentando llixeramente nes dos últimes décades,
sobre manera ente les muyeres mayores de 70 años, una y bones la edá ye'l principal
factor de riesgu pa esti tipu de tumores. Estos resultaos son meyores que los de la mayor
parte de los países de la nuesa redolada y llixeramente superiores a la media española.
Gráfico 1. Incidencia del cáncer de mama en Asturias.
800
700
600
500
400
300
200
100
0
1991 1992 1993 1994 1995 1996 1997 1998 1999 2000 2001 2002 2003 2004 2005 2006 2007 2008 2009 2010
Les muyeres que creen que carecen riesgu de cáncer familiar tienen de comunicá-ylo al
so médicu de familia pa que, énte la sospecha del facultativu d'un posible síndrome de
predisposición hereditaria a la enfermedá, la paciente sía derivada pa la so evaluación a
la unidá de cáncer familiar del Sespa.
La mortalidá por cáncer de mama menguó llixeramente nos últimos años nel Principáu
gracies fundamentalmente a les meyores nos tratamientos y a que cada añu llógrense
meyores resultaos nos programes de detección, de manera tala que les lesiones
detéctense en fases más tempranes cada vegada.
Anguaño, la supervivencia ye casi del 80 % a los cinco años y alredor del 70 % a los
diez. Constátase asina que dende l'añu 2001, nel que'l programa de detección algama
una cobertoria poblacional completa, produzse una mengua de les muertes por esta
enfermedá. “Los tratamientos son cada vez más eficaces y a min préstame enforma
poder dicir que llega un momentu en que s'acaben y ún siente que se curó”, esplicó la
xerente del Sespa, Celia Gómez.
2
G OBIERNO DEL P RINCIPADO DE A STURIAS
CONSEJERÍA DE SANIDAD
Gráficu 2. Evolución de la mortalidá del cáncer de mama n’Asturies
25
t. std. europea
20
mujeres
15
10
5
varones
0
1996
1997
1998
1999
2000
2001
2002
2003
2004
2005
2006
año
El programa de detección precoz del cáncer de mama dexa diagnosticar unos 170 casos
añales, de tal manera qu'a trés de cada mil muyeres que participen diagnostícase-yos la
enfermedá.
Ente un 30 % y un 40 % de los tumores detectaos son menores de 10 mm, un 70 % nun
presentaben ganglios afectaos y ente un 60 % y un 70 % atópense n'estadios precoces,
lo que dexa un meyor abordaxe de la enfermedá, mesmo que tratamientos menos
agresivos y con menos riesgos pa les pacientes. Tamién se consigue una evolución
meyor y tases más altes de supervivencia. Nos últimos años, la probabilidá de qu'un
tumor fuera detectáu nuna fase d'estensión más temprana ye un 27 % mayor nes
muyeres participantes nel programa que nel restu.
Gráficu 3. Evolución temporal de los tumores detectaos según tamañu
3
G OBIERNO DEL P RINCIPADO DE A STURIAS
CONSEJERÍA DE SANIDAD
4