A esti gallardón opten toles canciones con lletra n`asturianu o

NOTA DE PRENSA
El vienres 1 de marzu, a partir de les 20.30 hores, va
tener llugar la Gala d’entrega del “Premiu al Meyor
Cantar” (2 páxines)
• La Gala tien como escenariu’l teatru xixonés de Llaboral Ciudá de la
Cultura y nel so trescursu van actuar en directu los cinco grupos
finalistes: ACD; Aire; Fala Non Caduca; La Tarrancha; y Taranus
• El grupu ganador va ser el representante oficial d’Asturies nel
Festival Liet International 2013 de les llingües minoritaries europees,
certame que cuenta col apoyu del Conseyu d’Europa y que va
celebrase na isla de Córcega
El próximu vienres 1 de marzu, a partir de les 20.30 hores y nel teatru xixonés de
Llaboral Ciudá de la Cultura, va tener llugar la Gala d'entrega del “Premiu al Meyor
Cantar”, que llega yá a la so sétima edición.
A esti gallardón —convocáu por iniciativa de la Conseyería d’Educación, Cultura
y Deporte del Gobiernu del Principáu d’Asturies— podíen optar toles canciones con
lletra n’asturianu o gallego-asturianu que se comercializaron ente’l 1 de xineru y el 31
d’avientu del 2012, siempre que fueren obres musicales de creación orixinal tanto na
lletra como na música.
D’ente les canciones candidates, un xuráu d’espertos escoyó los cinco cantares
finalistes, de variaos estilos musicales y que van ser interpretos en directu’l vienres 1 de
marzu a les 20.30 nel trescursu de la Gala:
 «La güela», d’ACD [Adolfo Camilo Díaz].
 «Enzo», del grupu Aire.
 «Escoyer el camín», del grupu Fala Non Caduca.
 «Qué faer!», del grupu La Tarrancha.
 «Ensin ti», del grupu Taranus.
Na presente edición, el xuráu, responsable tanto de la selección de los finalistes
como del que resulte ganador, ta presidíu por Ana M.ª Fueyo Llaneza, directora xeneral
de Política Llingüística, y integráu por Francisco Álvarez González, lletrista y críticu
musical; Esther Fonseca García, cantante; Aurelio Argel, críticu musical; Inaciu Llope
Fernández, escritor y lletrista; y Ricardo Saavedra, músicu de grupos como Babylon
Chat o Bacotexo. Como secretaria actúa M.ª Antonia Pedregal, Xefa del Serviciu de
Política Llingüística. El nome del ganador fadráse públicu alredor de les 21.30 hores.
Tres de l’actuación de los grupos y mientres el Xuráu remata les sos
deliberaciones, el públicu va poder esfrutar cola música del grupu Asturiana Mining
Company, grupu ganador de la edición de 2012.
La entrada na Gala ye llibre hasta completar l'aforu, y el públicu asistente va
recibir un CD conmemorativu nel que se recueyen los cantares vencedores de les seis
ediciones anteriores del Premiu y los cinco finalistes de 2013.
El Premiu al Meyor Cantar ye un reconocimientu y un homenaxe al mundu de la
música asturiana en so conxuntu; y supón un apoyu especial pa la trayectoria musical
del grupu ganador que —amás de recibir la escultura «La Payarina» (creación de la
artista asturiana María Xesús Rodríguez) y de contar col apoyu del Gobiernu d’Asturies
na promoción del cantar premiáu— va representar a Asturies de manera oficial nel
Festival Internacional “Liet 2013” de les llingües minoritaries europees. Esti certame,
que cuenta col apoyu del Conseyu d’Europa, va celebrase esti añu na isla de Córcega y
ye una bona oportunidá pa llegar a la xente d’otros países, a otros públicos en definitiva.
La Gala va poder siguise en diferíu na Televisión del Principáu d’Asturies (TPA)
el mesmu vienres a les 00.00 hores.
Más información na páxina web www.premiumeyorcantar.es
…