18 d’Ochobre: XI Conciertu “Asturies Nun Escaez”

18 d’Ochobre: XI Conciertu “Asturies Nun Escaez”
Darréu :: 31/08/2014
Darréu entama’l 18 d’ochobre la 11º edición de “Asturies Nun Escaez”, eventu que ta
empobináu a l’alcordanza y reivindicación de la revolución d’Ochobre de 1934.
lahaine.org :: 1
Darréu entama’l sábadu 18 d’ochobre la undécima edición del conciertu “Asturies Nun Escaez”,
eventu musical –ún de los actos encuadraos dientro del Día de la Mocedá Revolucionario- que ta
lahaine.org :: 2
empobináu a l’alcordanza y reivindicación de la revolución d’Ochobre de 1934.
Esti añu 2014, nel que se cumple’l décimu aniversariu de Darréu y el 80º de la revolución, el
conciertu va tener llugar na Sala Sir Live d’Uviéu (Cai Eugenio Tamayo, 3), onde dende les 20:00 va
a poder esfrutase de la música de cinco formaciones:
-La Tarrancha, col so “mezigayu ska” –fusión de ritmos como ska, reggae, folk…- y lletres
n’asturianu.
-Skontra, punk-folk fechu n’Asturies, que con un perimportante bagaxe discográficu y de conciertos
nestos años, torna al Asturies Nun Escaez.
-Skama la Rede, que siguirá cola presentación del so nuevu discu “Avante”, xunto colos clásicos del
grupu de ska-punk.
-Avientu: Tres 14 años alloñaos de los escenarios, los riosanos retornen per primer vegada nesti
conciertu, onde van repasar los temes más céllebres d’esti referente del rock-folk fechu n’Asturies y
n’asturianu, coincidiendo col 20 aniversariu del ñacimientu del grupu.
-Ochobre: Esti grupu mozu de reciente creación, atopa la base de la mayoría de los sos miembros
nel conceyu y alredores onde surdió Avientu, y van contribuyir a cellebrar l’aniversariu del veteranu
grupu con versiones de los distintos trabayos musicales d’Avientu.
Esti conciertu ye parte del Día de la Mocedá Revolucionario 2014, que durante’l vienres 17 y el
sábadu 18 d’Ochobre va a cuntar con más actividaes, que Darréu dirá anunciando próximamente. De
la mesma manera, les entraes anticipaes pal XI Asturies Nun Escaez tarán tamién próximamente a la
venta nos distintos puntos, pa lo que informaremos puntualmente nes redes sociales.
PUXA L’OCHOBRE’L 34ASTURIES NUN ESCAEZ
_______________
http://www.lahaine.org/mm_ss_est_esp.php/18-drochobre-xi-conciertu-lasturies
lahaine.org :: 3