Textu completu

 NOTA DE PRENSA
(Miércoles, 21.10.2015)
El Gobiernu d’Asturies recupera l’Institutu pa
l’Atención Integral a la Infancia p’afondar na
protección de los menores y l’atención a les families (4
páxines)
• La pedagoga mierense Isabel Farpón va asumir la dirección d’esti
organismu, adscritu a la Dirección Xeneral de Servicios Sociales de
Proximidá
• El Principáu regula con un decretu la calificación de rindimientu altu
pa deportistes, entrenadores y árbitros
• Autorizada la implantación del máster en Sistemes d’Información y
Análisis Contable na Universidá d’Uviéu
El Conseyu de Gobiernu aprobó güei’l decretu que regula la estructura, el réxime
interior y el funcionamientu del Institutu Asturianu pa l’Atención Integral a la Infancia.
Esti organismu, dependiente de la Conseyería de Servicios y Derechos Sociales,
funcionó ininterrumpidamente dende 1999 hasta’l 2011, añu en que lu suprimió’l
gobiernu de Foru Asturies.
L’Executivu autonómicu recupéralu agora con novedaes, con calter d’órganu
desconcentráu y adscritu a la Dirección Xeneral de Servicios Sociales de Proximidá, pa
entainar nel desenvolvimientu de les funciones que correspuenden al Principáu en
materia de protección a los menores y atención a les families.
Esti organismu va dexar, uno, aumentar la coordinación y poner en marcha programes y
actuaciones tresversales de protección a la infancia, tanto con otros departamentos de
l’Alministración rexonal como colos conceyos. Y otro, va favorecer la reordenación de
los recursos disponibles pa dar respuesta a les necesidaes de los menores y recoyer los
cambeos introducíos pola llei estatal de Protección a la Infancia y l’Adolescencia, de 28
de xunetu, que va implicar una revisión de los procedimientos d’intervención nesta
materia p’axustalos a la norma nueva.
L’institutu va desenvolver estes funciones:
a) La coordinación, desenvolvimientu y evaluación de los programes derivaos de la
normativa d’aplicación sobre protección de menores.
b) L’asesoramientu y asistencia a la Dirección Xeneral de Servicios Sociales de
Proximidá en materia de:
1
-
-
-
-
Intervención técnica próxima y coordinada nel territoriu ante la detección
de cualquier tipu de riesgu y/o situación de maltratu infantil.
Ellaboración, desenvolvimientu y siguimientu de contino de planes
individuales de protección axustaos a la diversidá de situaciones de
convivencia que viven los y les menores.
Desenvolvimientu y siguimientu de programes y/o recursos d’atención y
sofitu especializaos pa la infancia y les sos contornes de convivencia,
amás de la so coordinación nos territorios.
Programes o proyectos comunitarios pa la prevención de l’acumulación
de situaciones d’esclusión na infancia.
Programes de fomentu del acoyimientu y sofitu a families acoyedores.
Actuaciones d’adopción inherentes a les competencies atribuyíes a
l’Alministración del Principáu.
Servicios d’acoyimientu residencial (centros de menores) y programes de
preparación pa la vida independiente de persones moces ex-tutelaes que
cumplen la mayoría d’edá.
Promoción de la participación de neños, neñes y adolescentes
L’institutu nuevu va tar integráu por dos órganos: la dirección y el conseyu rector.
Amás, va cuntar col Observatoriu de la Infancia y l’Adolescencia, como órganu
d’asesoramientu, y cola Comisión del Menor, que va sofitar nes funciones de protección
que l’Alministración tien encomendaes y que se regulen na so propia normativa.
El conseyu rector va tar presidíu pola titular de la Conseyería de Servicios y Derechos
Sociales, Pilar Varela, y compuestu por doce miembros: diez en representación de les
conseyeríes competentes en materia de Servicios Sociales, Sanidá, Educación, Empléu,
Xusticia, Muyer y Mocedá; y dos en representación de los conceyos escoyíos ente los
de menor y mayor población infantil, designaos pola Federación Asturiana de Conceyos
(FACC).
Esperiencia amplia n’educación y servicios sociales
La responsable del Institutu Asturianu pa l’Atención Integral a la Infancia va ser Ana
Isabel Farpón Castañón (Turón, 1956). Llicenciada en Pedagoxía pola Universidá
d’Uviéu con posgráu n’orientación sicopedagóxica de mocedá en riesgu d’esclusión
social, la carrera profesional de Farpón tuvo siempre vinculada a los servicios sociales,
la educación y la formación.
En materia de servicios sociales, trabayó nel centru de valoración de persones con
discapacidá y atención temprana, amás d’en centros residenciales de menores. Como
pedagoga, implicóse na supervisión técnica y ufiertó asesoramientu a la rede de
servicios sociales municipales en materia de protección de menores. Ye coautora de la
Guía pa la incorporación social, editada pola Conseyería de Vivienda y Bienestar
Social.
Tamién formó parte d’equipos multiprofesionales d’orientación educativa, nos que
realizó evaluaciones sicopedagóxiques del alumnáu con necesidaes educatives
especiales y ufiertó orientación al profesoráu y les families. Amás, impartió formación
d’adultos nel programa de cualificación básica pal empléu.
2
Hasta agora desempeñaba’l so llabor profesional nel Institutu Asturianu
d’Alministración Pública Adolfo Posada, dependiente de la Conseyería de Facienda y
Sector Públicu, como responsable del área de formación.
Decretu pa regular la calificación de rindimientu altu
El Conseyu de Gobiernu tamién dio lluz verde al decretu que regula la calificación de
rindimientu altu pa deportistes, entrenadores y árbitros. Esta distinción supón una
partida de beneficios, sobre manera económicos, a les persones que la consiguen, pa lo
que tienen que cumplir una serie de requisitos.
El decretu busca facilitar la incorporación de los profesionales asturianos a los equipos
nacionales correspondientes, lo que va favorecer meyores condiciones d’entrenamientu
y va reconocer a aquellos que sobresalgan nes sos carreres deportives. Esta calificación
va favorecer la representación d’Asturies en competiciones y pruebes nacionales y
internacionales y va valir tamién d’estímulu pal fomentu del deporte base.
Considérense deportistes, entrenadores y árbitros de rindimientu altu quien, depués de
presentar la solicitú al respective, obtengan la calificación por cumplir colos requisitos
establecíos:
•
•
•
•
Tener la condición d’asturianu nel sentíu que regula l’artículu 7 del Estatutu
d’Autonomía del Principáu.
Disponer de llicencia asturiana de deportista, entrenador o árbitru, según
correspuenda, ensin perxuiciu de la qu’espida la federación deportiva española
correspondiente, al tener los resultaos deportives alegaos y caltenela dende
entós.
Nun ser sancionáu por resolución firme por infracciones graves o pergraves en
disciplina deportiva.
Los árbitros que presenten la solicitú han tener dirixío o participao de forma
directa nel arbitraxe de, polo menos, una competición que figure nel calendariu
oficial de la federación deportiva asturiana correspondiente nos doce meses
anteriores a la presentación de la so solicitú.
Ente los beneficios derivaos de la calificación de deportista, entrenador o árbitru de
rindimientu altu, figuren estos:
•
•
•
•
•
•
•
Asistencia a competiciones oficiales y concentraciones preparatories.
Participación n’entrenamientos, concentraciones y competiciones.
Accesu a residencies.
Prioridá pa participar nos programes d’especialización y tecnificación deportiva
de les federaciones asturianes que cunten con financiación de la Dirección
Xeneral de Deporte.
Accesu a la unidá rexonal de Medicina Deportiva.
Beneficios nel ámbitu educativu.
Midíes en rellación cola so incorporación y permanencia nel mercáu llaboral
Máster nuevu de la Universidá d’Uviéu
El Conseyu de Gobiernu tamién autorizó la implantación del máster en Sistemes
d’Información y Análisis Contable de la Universidá d’Uviéu.
3
El Conseyu de Gobiernu de la Universidá d’Uviéu aprobó nuna sesión celebrada’l 10 de
febreru del 2011 la propuesta referida a estes enseñances. Depués, el 5 d’avientu de
2014, el Conseyu Social informó favorablemente sobre la iniciativa. P’acabar, el
Conseyu d’Universidaes, pente medies de la Comisión de Verificación y Acreitación de
Planes d’Estudios, na so sesión de 8 de xunetu del 2015, dictó resolución positiva del
plan d’estudios correspondiente.
4