Revocation Rules_Hmong

Cov Kev Cai Txwv Tsis Pub
Caij thiab/lossis Txo Neeg
Kawm Ntawv Cov Pib
(CSRPLSP)
Not valid
unless
Daim
raws Pib Caij
Nrab
Xyoo
signed:
Studen
t ID#:
Phone:
Daim EZ Rider Pib Caij Tsheb Npav uas muab rau cov neeg hluas kawm
ntawv pub rau kom lawv siv tau cov tsheb npav tsis hais tsawg zaus li kom mus tau
tim tsev kawm ntawv, mus koom kev ua kis las thiab kev ua si thiab kom thauj tau cov neeg
kawm ntawv mus los raws li lawv kev tim tsum. Cov pib no txawm yuav siv caij pes tsawg zaus los yeej tau,
thiab siv tau rau ob hnub phav thiab cov hnub tebchaws so tib si.
Tiam sis, daim EZ Rider Pib muaj cai raug yuv, lossis raug muab pauv mus rau daim EZ Rider Pib Siv Tau Qee
Hnub uas tsuas pub caij rau qee lub sij hawm thiab hnub xwb, yog tias tus neeg ntawd coj tej yam cwj pwm uas,
nyob tim lossis hauv cov tsev Metro Transit, uas xam tej Chaw Hloov Npav, tej tsev nkaum, tej chaw tos tsheb
npav los yog hauv cov tsheb npav, uas ua tsis zoo rau txoj kev nyob qab nyob zoo, kev puaj phais thiab kev nyob
nyab xeeb, los yog uas hla lwm tus neeg uas caij Metro Transit cov kev cai.
HOM CWJ PWM 1 - KEV TXWV DAIM PIB CAIJ TSHEB NPAV
Tej Cwj Pwm no yog muaj xws li, tab sis tsis tag rau:
• Coj cwj pwm tsis zoo (sib ntaus, ncuav pias, ntaus, lossis lwm yam kev ua heev)
• Kev nqa phom lossis siv phom
• Kev nqa lossis siv phom tua BB lossis qe hlau;
• Kev nqa mos txwv riam phom, lub looj thaiv pa nkev, pa nkev ntsim, lossis lwm yam khoom uas tawg taus;
• Kev nqa ib yam khoom tawv nrog rau kev npaj lub tswv yim tias yuav muab hem lwm tus, muab sim siv, los
muab yam khoom tawv ntawv siv kiag rau lwm tus neeg lossis ua rau kom khoom puas
• Kev txhob txwm lossis kev hem tias yuav ua phem rau Metro Transit ib tug neeg ua haujlwm lossis ib tug neeg
caij lawv cov tsheb;
• Kev nqa lossis siv cawv lossis tej yeeb tshuaj txhaum cai
HOM CWJ PWM 2 - Muab daim EZ Rider Pib pauv mus rau daim PIB SIV TAU QEE HNUB
Tej cwj pwm tsis zoo no yog muaj xws li, tab sis tsis tag rau:
• Ua rau Metro Transit tej khoom puas lossis lwm tus neeg tej khoom puas;
• Txawb khoom thaum nyob hauv tsheb npav lossis txawb tawm cov qhov rais;
• Daim cev tawm, ncav tes tawm, lossis muab ib yam khoom twg cev tawm ntawm tsheb npav cov qhov rais;
• Kev ua phem, thab, sib zes thab plaub lossis pheej ua tej yam tsis zoo;
• Kev ua tej yam tsis raug ntsej muag, hais lus phem, kev txhoj txom, hais lus nrov dhau los yog coj tej yam cwj
pwm tsis zoo;
• Kev siv lossis muag cov pib Metro Transit yam tsis raws cai
Tej teeb meem no yog tias tus neeg kawm ntawv twg ua ces yuav raug soj ntsuas los ntawm Metro Transit
cov neeg ua haujlwm thiab/lossis Madison Tub Ceev Xwm, thiab lawv mam li txiav txim tias yuav rau txim
li cas thiaj yog, xws li tab sis yuav tsis kawg rau muab txo/kho kev pub caij tsheb npav lossis txwv (cais) tsis
pub caij tsheb npav yam luv tshaj yog 7 hnub hos ntev tshaj yog 6 lub hlis.
Yog xav tauj xuj txoj ib kev txiav txim twg yuav tsum sau ntawv mus rau tim tus Metro Transit General
Manager (Thawj Nai).