Kev Sau Daim ntawv sau txog cov hauj lwm yus ua dhau los -

Kev Sau Daim ntawv sau txog cov
hauj lwm yus ua dhau los -- Ib
Tug Qauv Qhia Yooj Yim
Rau cov neeg uas txawj sau me ntsis los sis tsis tau sau daim
ntawv sau txog cov hauj lwm yus ua dhau los dua li.
COV SOB TEEM
Koj siv daim ntawv sau txog cov hauj
Daim Ntawv Rau Saum Toj: Tus Qauv thiab piv txwv
lwm yus ua dhau los thaum twg?
Cov tswv yim rau ib co daim ntawv sau
Daim Ntawv Thov Hauj Lwm: Tus Qauv thiab piv
txog cov hauj lwm yus ua dhau los uas
txwv
zoo
Xaiv cov lus qhia rau koj daim ntawv sau Daim Ntawv Teev Txog Daim Ntawv Sau Txog Cov
txog cov hauj lwm yus ua dhau los
Hauj Lwm Yus Ua Dhau Los
Ib tug qauv rau daim ntawv sau txog cov Daim ntawv ua daim ntawv sau txog cov hauj lwm
hauj lwm yus ua dhau los yuav tsum
yus ua dhau los
muaj ...
Daim ntawv sau txog cov hauj lwm yus
10 qhov tswv yim rau ib daim ntawv sau txog cov
ua dhau los 1: Tus Qauv thiab piv txwv
hauj lwm yus ua dhau los uas siv tau
Daim ntawv sau txog cov hauj lwm yus
Daim ntawv sau txog cov hauj lwm yus ua dhau los
ua dhau los 2: Tus Qauv thiab piv txwv
uas tso hauv hluav taws xob thiab America’s Talent
Bank
Daim ntawv sau txog cov hauj lwm yus ua dhau los thiab cov ntawv thov hauj lwm yog ob txoj
kev uas yuav muab tau pov thawj yam uas sau rau hauv ntawv rau cov tswv hauj lwm txog koj
cov kev tsim nyog thiab cov txuj ci. Feem ntau, cov lus qhia uas zoo li qub nyob rau tag nrho
daim ntawv sau txog cov hauj lwm yus ua dhau los thiab ib daim ntawv thov hauj lwm. Qhov uas
seb nws yuav qhia zoo li cas txawv.
Ib co tswv hauj lwm xum yuav ib daim ntawv sau txog cov hauj lwm yus ua dhau los thiab lwm
cov ntawv uas yuav tsum muaj hauv daim ntawv thov hauj lwm. Phau ntawv no yuav muab cov
lus qhia yam yooj yim txog seb yuav muab dab tsi tso rau hauv koj daim ntawv sau txog cov
hauj lwm yus ua dhau los.
Koj xav thov hauj lwm. Koj puas yuav tsum muaj ib daim ntawv sau txog cov hauj lwm yus ua
dhau los? Qhov ntawv nyob ncaj ntawm seb koj thov txoj hauj lwm dab tsi.
YUAV TSUM TAU MUAJ DAIM NTAWV SAU TXOG COV HAUJ LWM YUS UA DHAU LOS:
•
Cov hauj lwm rau neeg txawj ntse, hauj lwm siv tes ua, hauj lwm hauv chav fai thiab cov
hauj lwm tswj saib xyuas.
•
Cov hauj lwm muag khoom.
•
Cov hauj lwm teb xov tooj, khiav ntaub ntawv, thiab lwm cov hauj lwm hauv chav fai.
TEJ THAUM YUAV TSUM TAU MUAJ DAIM NTAWV SAU TXOG COV HAUJ LWM YUS UA
DHAU LOS:
•
Cov hauj lwm uas muaj txuj ci.
(Piv txwv li: Tus Neeg Ci Ncuav, Cov Neeg Ua Hauj Lwm Tom Tsev Tos Qhua, Cov Kws Kho
Hluav Taws Xob, Cov Neeg Xa Mus, Tus Txuas Hlau)
TSIS TAS MUAJ DAIM NTAWV SAU TXOG COV HAUJ LWM YUS UA DHAU LOS:
•
Cov hauj lwm uas tsis siv txuj ci, cov hauj lwm uas tsis kav ntev.
(Piv txwv li: Tus Yais Zaub Mov Tom Chaw Noj Mov, Cov Neeg Ua Khoom, Tus Muab
Tshuab Tso, Tus Neeg Ua Hauj Lwm Ntim Khoom, txuas mus)
Muaj ntau txoj kev los sib sua teem ib daim ntawv sau txog cov hauj lwm yus ua dhau los kom
zoo. Nyob ntawm txoj hauj lwm, koj yuav tsum tau xaiv tus qauv uas yuav qhia tau koj cov txuj
ci, cov kev xyaum, thiab qhov uas koj tau ua yav dhau los.
Ib daim ntawv sau txog cov hauj lwm yus ua dhau los yuav tsum nyeem tau yooj yim kom tus
tswv hauj lwm thiaj li ntsia kiag xwb los paub tias koj yog leej twg, yuav hu tau koj qhov twg,
koj ua tau hom hauj lwm zoo li cas, thaib yog vim li cas koj ho tsim nyog rau txoj hauj lwm
ntawv.
Ib daim ntawv sau txog cov hauj lwm yus ua dhau los yuav tsum luv, feem ntau ib nplooj ntawv
uas ntaus. Nws yuav tsum tsis txhob sau txhaum li. Nws yuav tsum muaj cov lus qhia uas tseeb
thiab yog uas muaj feem rau koj lub hom phiaj ntawm kev ua hauj lwm.
Ib daim ntawv sau txog cov hauj lwm yus ua dhau los uas zoo yuav qhib qhov rooj rau ib qho
kev sib tham tim ntsej tim muag.
Koj siv daim ntawv sau txog cov hauj lwm yus ua dhau los
thaum twg?
•
Teb rau ib qhov kev tshaj tawm txais neeg ua hauj lwm
•
Muab lus qhia ntxiv txog koj rau tus tswv hauj lwm ntau dua daim ntawv thov hauj lwm
muab
•
Xa mus rau ib qho chaw ua hauj lwm uas koj xa ua hauj lwm rau
•
Muab rau tus neeg nug kom nws nug cov lus zoo hauv koj daim ntawv sau txog cov hauj
lwm yus ua dhau los uas koj xav tham txog
•
Tso nrog tus tswv hauj lwm tom qab ib qho kev sib tham tim ntsej tim muag uas ua kom
nws nco qab txog koj cov txuj ci thiab cov peev xwm.
Cov tswv yim rau ib co daim ntawv sau txog cov hauj lwm
yus ua dhau los uas zoo
Koj yuav tsum muaj ob hom lus qhia los npaj koj daim ntawv sau txog cov hauj lwm yus ua dhau
los:
1. Lus qhia txog tus kheej. Ua ib daim ntawv teev txog keeb kwm thiab tej yam uas ua
yav dhau los yuav muab rau koj cov lus qhia txog tus kheej uas yuav tsum tau muaj los
npaj koj daim ntawv sau txog cov hauj lwm yus ua dhau los.
•
Yog tias koj tau ua hauj lwm los lawm, sau koj cov hauj lwm. Ntxiv mus, sau cov dej num
uas koj ua rau cov hauj lwm uas koj sau ntawv. Tam sim, xav txog cov txuj ci los sis cov
kev txawj uas siv los ua txua txoj dej num. Muab sau cia.
•
Sau tej yam uas koj nyiam ua, cov koom haum uas koj koom nrog, cov kev ua si uas koj
nyob hauv, cov kev ua si tom tsev teev ntuj thiab tom tsev kawm ntawv, thiab cov
khoom uas koj nyiam. Saib thawj yam nyob rau ntawm koj daim ntawv. Xav txog cov
txuj ci los sis cov kev txawj uas siv los ua qhov ntawv. Muab sau tag nrho cia.
•
Saib cov peev xwm (cov kev txawj) uas nyob rau ntawm koj daim ntawv qhia txog koj
cov keeb kwm thiab tej yam uas ua yav dhau los. Koj muaj cov kev txawj uas koj siv
txhua hnub. Tam sim no, xyuas seb COV HAUJ LWM twg yog cov uas yuav siv tau koj cov
kev txawj.
•
Tsis txhob txwv koj tus kheej. Qhov tseem ceeb tshaj tsis yog lub npe ntawm txoj hauj
lwm, tiam sis yog cov txuj ci thiab cov peev xwm ntawm txoj hauj lwm.
2. Cov lus qhia txog txoj hauj lwm. Muab cov lus qhia txog txoj hauj lwm uas koj thov
ntawv. Qhov no yog qhov uas kj yuav tsum tau muaj:
•
Cov dej num ntawm txoj hauj lwm (los piv koj cov txuj ci rau cov txuj ci uas yuav tsum
tau muaj los ua txoj hauj lwm). Muab koj cov dej num los ntawm daim ntawv tshaj tawm
txog txoj hauj lwm. Yog tias daim ntawv tshaj tawm txog txoj hauj lwm los sis daim
ntawv uas xav tau neeg ua hauj lwm ntawv tsis qhia dab tsi ntau, hu rau tus tswv hauj
lwm thaib hais kom lawv muab ib daim uas qhia txog cov dej num.
•
Yuav tsum tau muaj kev kawm ntawv thiab qhov uas twb ua yav dhau los lawm (ntxiv
thiab, koj yuav muab koj cov kev kawm ntawv thaib qhov uas twb ua yav dhau los lawm
los piv nrog rau qhov uas yuav tsum muaj rau txoj hauj lwm ntawv).
•
Sij hawm thiab ntu uas feem ntau ua hauj lwm.
•
Them pes tsawg (muab lawv qhov uas lawv them siab tshaj los ua ib qho uas qis tshaj!).
Xaiv cov lus qhia rau koj daim ntawv sau txog cov hauj lwm
yus ua dhau los
Txoj kev uas zoo tshaj los xaiv cov lus qhia uas uas nyob rau hauv koj daim ntawv sau txog cov
hauj lwm yus ua dhau los yog kom xav li tus tswv hauj lwm. Nug koj tus kheej, "Yog tias kuv
txais tus neeg no ua txoj hauj lwm no, cov kev xyaum thiab kev ua yav dhau los twg ylit us uas
muaj feem rau hauv?" Hais cov lus qhia kom luv, ncaj, thiab yog uas yuav raug li koj tus tswv
hauj lwm xav tau. Tsis txhob muaj tej yam lus qhia uas tsis muaj feem rau los sis tsis zoo.
Ib tug qauv rau daim ntawv sau txog cov hauj lwm yus ua
dhau los yuav tsum muaj
Cov lus qhia seb yuav hu tau li cas
Qhia rau tus tswv hauj lwm koj lub npe tag nrho, chaw nyob, chav nyob, nroog, xeev thiab xov
tooj (nrog rau zauv cheeb tsam (area code)).
Lub hom phiaj ntawm kev ua hauj lwm los sis txoj hauj lwm
Qhia rau tus tswv hauj lwm txoj hauj lwm uas koj xav tau. Ib co piv txwv zoo yog, "Ib txoj hauj
lwm teb xov tooj uas pib qib nqis", "Ib txoj hauj lwm pab neeg hauv txoj kev muag khoom", los
sis “Ib txoj hauj lwm ua khoom uas siv kuv txoj kev ua tsib xyoos yav dhau los.”
Tsis txhob siv cov lus xws li, "Ib txoj hauj lwm uas yuav nce qib", los sis "Ib txoj hauj lwm nyuab
uas nrog ib qho chaw ua hauj uas nyob ruaj khov." Nco ntsoov, hais kom yooj yim thiab hais
kom ncaj qha.
Kev Sua Lus txog Cov Kev Tsim Nyog
Qhia rau tus tswv hauj lwm txog qhov uas koj yuav muag tau uas ua 3-5 kab lus. Sau kom luv,
sua lus, muab yam muaj tseeb — tsis yog qhov xav. (Seem no tsis ua los tau)
Tej Yam Hauj Lwm Uas Ua Yav Tas Los los sis Cov Hauj Lwm Uas Ua Yav Tas Los
Qhia rau tus tswv hauj lwm txog tej yam hauj lwm uas ua yav tas los uas ua ib los sis ob qho
kev qhia — ua raws lub npe ntawm txoj hauj lwm thaib lub sij hawm, los sis los ntawm cov dej
num thiab cov txuj ci. Tom qab hauv phau ntawv no koj yuav pom ib co uas tseem ceeb thiab
cov daim ntawv sau txog cov hauj lwm yus ua dhau los uas ua piv txwv uas yuav pab tau koj
txiav txim seb qhov twg yuav yog qhov uas zoo tshaj rau koj.
Kev Kawm Ntawv
Qhia rau tus tswv hauj lwm txog cov kev xyaum hauj lwm los sis kev kawm ntawv uas muaj
feem rau txoj hauj lwm. Sau koj qhov kev xyaum tam sim no ua ntej.
Yog hais tias koj nyuam qhuav kawm ntawv tas uas tsis muaj kev ua hauj lwm yav tas los ntawj,
tej zaum koj yuav xav sau cov lus qhia nram qab no ua ntej cov hauj lwm uas ua yav tas los: lub
npe ntawm tsev kawm ntawv, daim ntawv pov thawj tau, zwj thaj kawm, cov npe ntawm cov
chav kawm uas muaj feem rau koj lub hom phiaj ntawm hauj lwm, cov nyiaj pub, tau paj xyeem
zoo, paj xyeem tau los ntawm kev kawm ntawv, thiab lwm cov kev ua si.
Yog hais tias koj tau ua hauj lwm ntev tshaj tsib xyoos, koj tsis tas yuav muab cov lus qhia ntau
txog koj qhov kev kawm. Lub npe ntawm tsev kawm ntawv, nroog, xeev, daim ntawv pov thawj
tau los sis daim ntawv kawm ib qho dab tsi tiav, los sis cov chav kawm thiab zwj thaj kawm (cov
zwj thaj tsis tas sau los tau)
Sau koj lub tsev kawm ntawv high school yog tias koj tau ib daim ntawv pov thawj kawm ntawv
siab. Tsis txhob sau koj lub tsev kawm ntawv uas thaum nyuam qhuav pib ncab txooj txw
(elementary) los sis tsev kawm ntawv qib nrab (middle school).
Kev Ua Tub Rog Yav Dhau Los
Qhia rau tus tswv hauj lwm txog seb ua hauj lwm rau ces twg, koj qib uas siab txog, xa mus
yam dab tsi, thiab hnub uas mus. Sau cov kev ua tshwj xeeb, cov dej num, kev tso mus, cov dej
num uas siv los tuav, thiab cov kev ua kom zoo nkauj uas muaj feem rau txoj hauj lwm uas koj
nrhiav ntawv. Cov kev xyaum thaum ua tub rog yuav sau tau nyob hauv qab ntawm Kev Kawm
Ntawv hauv koj daim ntawv sau txog cov hauj lwm yus ua dhau los. (Lub yis Kev Ua Tub Rog
Yav Dhau Los tsuas sau yog tias koj tau ua dhau los lawm.)
Cov Kev Txawj Tshwj Xeeb thiab Cov Peev Xwm
Qhia rau tus tswv hauj lwm lwm cov lus qhia uas koj xav tias yuav pab tau koj. (Seem no tsis
tas ua los tau.) Tej zaum koj yuav xa muab cov lus qhia txog kev pab lwm hom us, cov kev ua
hauj lwm pub dawb los sis cov kev ua si thaum uas tsis muaj dab tsi ua, kev koom hauv cov
koom haum uas txawj ntse, cov txuj ci tshwj xeeb uas koj muaj xws li ntaus ntawv, kaib lawj
ceem (computers), cov tshuab uas koj siv tau, cov yuaj tso cai los sis cov kev kawm tias uas koj
muaj. Tsis txhob sau tej yam hais txog koj tus kheej ntiag tug xws li koj muaj tsawg xyoo, poj
niam los sis txiv neej, muaj txij nkawm los sis tsis muaj, los sis muaj kev ib ce tsis meej xeeb.
Cov Neeg Uas Yuav Hu Nug Tau
Qhia rau tus tswv hauj lwm yam yooj yim tias, “Muaj thaum uas thov txog ,” los sis, “Yuav muab
cov neeg uas yuav hu nug tau thaum uas thov txog.” Tsis txhob muab cov neeg uas yuav hu nug
taut so rau ntawm koj daim ntawv sau txog cov hauj lwm yus ua dhau los. Muab ntaus rau ib
daim ntawv thiab npaj muab rau tus tswv hauj lwm yog tias nws nug txog. Koj yuav tsum muaj
li peb mus rau tsib tug neeg uas yuav hu nug tau. Lawv yuav tsum yog cov neeg uas paub koj
thiab koj txoj hauj lwm — tsis yog koj cov neeg txheeb ze. Yuav tsum tau kev tso cai los ntawm
lawv ua ntej koj siv lawv ua tus neeg yuav hu nug tau.
Daim ntawv sau txog cov hauj lwm yus ua dhau los 1: Tus
Qauv thiab piv txwv
Cov nplooj ntawv nram qab muaj cov yis laj thiab cov kev piv txwv ntawm ob daim ntawv sau
txog cov hauj lwm yus ua dhau los uas yooj yim uas siv heev tshaj.
Piv Txwv 1 sau cov hauj lwm ib qho zuj zus, pib koj txoj hauj lwm tam sim no mus ces mam li
mus rau txoj ua ntej ntawv. Muab cov lus qhia kom meej txog txhua txoj hauj lwm.
Piv Txwv 1
Daim ntawv sau txog cov hauj lwm yus ua dhau los 2: Tus
Qauv thiab piv txwv
Piv Txwv 2 sau 3-5 cov txuj ci los sis cov kev ua uas koj tau ua los uas muaj feem zoo li koj lub
hom phiaj txog hauj lwm, sau me ntsis txog seb koj tau ua dab tsi. Tsis tshua hais ntau txog seb
ua thaum twg thiab qhov twg.
Piv Txwv 2
Daim Ntawv Rau Saum Toj: Tus Qauv thiab piv txwv
Feem ntau cov tsev hauj lwm xa kom daim ntawv sau txog cov hauj lwm yus ua dhau los muaj
ib daim ntawv qib lus. Daim ntawv no yogh u ua daim ntawv rau saum toj. Ib daim ntawv rau
saum toj yuav tsum qhia rau tus tswv hauj lwm seb koj xav tau txoj hauj lwm dab tsi thaib yog
vim li cas koj ho tsim nyog rau txoj hauj lwm ntawv.
Nws yuav tsum ntau li ntawm 1/3 mus rau 2/3 hauv ib daim ntawv loj li 8-1/2" x 11" thiab yuav
tsum yog nyob rau tib daim ntawv kom loj ib yam, zoo ib yam, yog yeeb yuj ib yam li koj daim
ntawv sau txog cov hauj lwm yus ua dhau los. Nws yuav zoo tshaj yog tias siv ib lub kaib lawj
ceem (personal computer), ib lub tshuab ntaus ntawv los sau koj daim ntawv saum toj. Ib co lus
qhia hauv koj daim ntawv saum toj tej zaum yuav muaj nyob rau hauv koj daim ntawv sau txog
cov hauj lwm yus ua dhau los lawm; tiam sis tsis ua li cas yog tias koj muaj cov lus sau zoo tib
yam. Nco ntsoov xyuas kom koj daim ntawv tsis txhob sau ntawv nruam, sau tsis yog lus los sis
sau txhaum. Cia lwm tus neeg soj ntsuam ua ntej koj yuav muab xa mus.
Daim Ntawv Ua Ntej Daim Ntawv Teev Qhov Uas Tseem Ceeb
Daim Ntawv Thov Hauj Lwm: Tus Qauv thiab piv txwv
Tej lub sij hawm, ib daim ntawv sau txog cov hauj lwm yus ua dhau los uas traditional yuav tsis
yog ib qho zoo mus nug ib tug tswv hauj lwm. Nyob ntawm seb tus tswv hauj lwm nyiam li cas,
hom hauj lwm dab tsi thiab koj cov kev tsim nyog, tej zaum koj yuav xav sau ib Daim Ntawv
Thov Hauj Lwm (Letter of Application).
Ntawm no yog ib daim ntawv sau txog tus kheej uas koj sau qhia rau tus tswv hauj lwm uas qhia
seb koj xav tau txoj hauj lwm dab tsi thaib yog vim li cas koj ho tsim nyog rau txoj hauj lwm
ntawv. Nws yuav tsum ntev li ntawm 1/2 txog 2/3 ntawm ib daim ntawv loj li 8-1/2" x 11" uas
yog yeeb yuj dawb los sis ib daim ntawv uas dawb tsawm tsawv. Nws yuav tsum tsis txhob muaj
txhaum dab tsi. Kom lwm tus neeg soj ntsuam kom tsis txhob muaj dab tsi yuam kev ua ntej koj
xa mus.
Ib co uas tseem ceeb thiab ib daim ntawv ua piv txwv txog Daim Ntawv Thov Hauj Lwm uas
muaj nyob nram qab no.
Tus Qauv Ntawm Daim Ntawv Thov Hauj Lwm
Daim Ntawv Teev Txog Daim Ntawv Sau Txog Cov Hauj Lwm
Yus Ua Dhau Los
Siv ib daim ntawv loj li 8-1/2" x 11", 1-2 daim.
Xaiv cov ntawv yeeb yuj dawb daj, dawb, daj lus, tsaus los sis dub doog.
Siv ib lub kawb lawj ceem (personal computer), lub tshuab sau ntawv, los sis lub tshuab ntaus
ntawv.
Ua kom sab ntug nyob li ntawm 1" dav tom ob sab thiab hauv qab.
Xyuas seb puas muaj sau ntawv txhaum, ntaus yuam kev los sis sau lus tsis raug.
Sau cov nqe lus kom luv luv thiab hais kiag lub ntsiab xwb.
Ua kom luv; sau ib qho sua lus, tsis yog ib zaj keeb kwm txog lub neej!
Siv cov lus luv uas piv lo lus ua los qhia txog cov kev uas tau ua tau thiab cov kev tshwm sim
ntawv.
Muab cov lus qhia yam zoo thiab muaj tseeb.
Siv kev sau ntawv uas yooj yim, muaj kev txawj ntse, nyeem yooj yim.
Kom lwm tus neeg soj ntsuam dua kom nws tsis txhob muaj dab tsis yuam kev.
Txhob tso cov lus qhia xws li siab npaum li cas, hnyav npaum li cas, muaj tsawg xyoo, poj niam
los sis txiv neej, muaj txij nkawm los sis tsis tau.
Ua kom paub qhov tseem ceeb uas muab ib txoj kab tso rau hauv qab ntawm los lus los sis siv
cov ntawv loj thaum uas tsim nyog, tiam sis tsis txhob ua heev heev.
Tsis txhob sau seb tau nyiaj npaum li cas, qhov chaw ua hauj lwm qhov chaw nyob, cov neeg
uas yuav hu nug tau, teeb meem ntawm tus kheej.
Muab ib co kev piv txwv txog koj cov kev tsim nyog.
Saib koj daim ntawv sau txog cov hauj lwm yus ua dhau los zoo li ib tug tswv hauj lwm saib
thaib nug koj tus kheej tias, "Yog tias kuv yog ib tug tswv hauj lwm, kuv puas yuav sib tham
nrog tus neeg no tim ntsej tim muag?"
Cov ntawv thov hauj lwm
Yuav tsum muaj daim ntawv sau txog cov hauj lwm yus ua dhau loss rau ib co hauj lwm, thiab
tej zaum yuav tsum muaj rau lwm cov hauj lwm. Ib tug tswv hauj lwm tej zaum yuav kom koj
sau ib daim ntawv thov hauj lwm xwb es tsis tas muab ib daim ntawv sau txog cov hauj lwm yus
ua dhau los. Tej lub sij hawm, ib tug tswv hauj lwm yuav kom koj sau ib daim ntawv thov hauj
lwm nrog rau koj daim ntawv sau txog cov hauj lwm yus ua dhau los.
Thaum uas koj sau ib daim ntawv thov hauj lwm, xyuas kom koj sau kom tag nrho thiab ua raws
li cov lus qhia ua. Tsis txhob hnov qab cov lus qhia uas thov kom muaj thiab xyuas kom cov lus
qhia uas muab ntawv yog.
Daim ntawv ua daim ntawv sau txog cov hauj lwm yus ua
dhau los
Theem 1: Nyem daim ntawv no.
Theem 2: Soj ntsuam cov ua piv txwv uas muaj nyob hauv daim ntawv no.
Theem 3: Muab daim ntawv ua no dua tawm thiab muab sau.
Theem 4: Sau koj daim ntawv sau txog cov hauj lwm yus ua dhau los uas siv cov lus hauv koj
daim ntawv ua.
Theem 5: Xyuas kom txhob sau yuam kev. Kom lwm tus neeg soj ntsuam thiab.
Theem 6: Siv ib lub tshuab ntaus ntawv los ntaus koj daim ntawv.
Theem 7: Koj npaj tau lawm! Tam sim no SIV KOJ DAIM NTAWV SAU TXOG COV HAUJ LWM KOJ
UA DHAU LOS!
Npe ______________________________________________
Chaw nyob ________________________________________
Nroog/Xeev/Zauv Cheeb Tsam ______________________________________________
Xov Tooj (nrog Zauv Cim Ib Ncig (Area Code))
______________________________________________
LUB HOM PHIAJ NTAWM TXOJ HAUJ LWM (tsis sau los tau)
______________________________________________
KEV SUA LUS TXOG COV KEV TSIM NYOG
______________________________________________
______________________________________________
______________________________________________
COV KEV UA HAUJ LWM YAV DHAU LOS: Sau txoj hauj lwm tam sim no ua ntej.
1. Lub Npe Ntawm Txoj Hauj Lwm:
______________________________________________
Cov Dej Num / Tej Yam Uas Ua Tau:
______________________________________________
______________________________________________
______________________________________________
Qhov Chaw Ua Hauj Lwm Lub Npe: ______________________________________________
Nroog, Xeev: ______________________________________________
Zwj Thaj Ua Hauj Lwm (xyoo rau xyoo):
______________________________________________
2. Lub Npe Ntawm Txoj Hauj Lwm:
______________________________________________
Cov Dej Num / Tej Yam Uas Ua Tau:
______________________________________________
______________________________________________
______________________________________________
Qhov Chaw Ua Hauj Lwm Lub Npe: ______________________________________________
Nroog, Xeev: ______________________________________________
Zwj Thaj Ua Hauj Lwm (xyoo rau xyoo):
______________________________________________
3. Lub Npe Ntawm Txoj Hauj Lwm:
______________________________________________
Cov Dej Num / Tej Yam Uas Ua Tau:
______________________________________________
______________________________________________
______________________________________________
Qhov Chaw Ua Hauj Lwm Lub Npe: ______________________________________________
Nroog, Xeev: ______________________________________________
Zwj Thaj Ua Hauj Lwm (xyoo rau xyoo):
______________________________________________
COV KEV TXAWJ TSHWJ XEEB THIAB COV PEEV XWM:
______________________________________________
______________________________________________
______________________________________________
KEV KAWM NTAWV:
Tsev Kawm Ntawv thiab/los sis Lub Tsev Kawm Ntawv Qib Siab:
______________________________________________
Nroog, Xeev: ______________________________________________
Zwj Thaj Kawm: ______________________________________________
Daim Ntawv Pov Thawj / Daim Ntawv Kawm Tiav Ib Qho Dab Tsi los sis cov chav kawm:
______________________________________________
High School: ______________________________________________
Nroog, Xeev: ______________________________________________
Zwj Thaj Kawm: ______________________________________________
Div Plaus Mas los sis cov chav kawm: ______________________________________________
KEV UA TUB ROG YAV DHAU LOS: (qhov no tsis sau los tau thiab yog tias tsis siv rau lwm
qhov hauv daim ntawv sau txog cov hauj lwm yus ua dhau los no)
Ua Hauj Lwm Ces Twg: ______________________________________________
Qhov Tau Siab Tshaj: ______________________________________________
Xa Mus Yam Dab Tsi: ______________________________________________
Xyoo Cais Lawm: ______________________________________________
Cov Dej Num: ______________________________________________
LWM COV KEV UA HAUJ LWM YAV DHAU LOS: Sau lub npe ntawm txoj hauj lwm uas koj xav
qhia tiam sis tsis xav hais ntau ntau txog, piv txwv li, cov hauj lwm uas ua luv luv, cov hauj lwm
uas tsis yog ua tas hnub, cov hauj lwm pub dawb, txuas mus.
______________________________________________
______________________________________________
______________________________________________
10 qhov tswv yim rau ib daim ntawv sau txog cov hauj lwm
yus ua dhau los uas siv tau
1. Yog tias tau, siv ib lub kaib lawj ceem (computer) los npaj koj daim ntawv sau txog cov
hauj lwm yus ua dhau los. Muaj cov kav pab hauv kaib lawj ceem (computer) uas yuav
ua tau ib daim ntawv sau txog cov hauj lwm yus ua dhau los uas zoo li ib tug neeg txawj.
Koj lub Wisconsin Qhov Chaw Nrhiav Hauj Lwm, tom tsev kawm ntawv, los sis ib qho
chaw luam ntawv yuav pab tau.
2. Tsis txhob sau cov lus txog tus kheej uas tsis muaj feem rau (muaj tsawg xyoo, hnyav
pes tawg, siab pes tsawg, muaj txij nkawm, txuas mus).
3. Tsis txhob sau cov nyiaj xyoo los sis nyiaj raws teev.
4. Cov tag nrho cov yis laj tso rau hauv nruab nrab. Tsis txhob sau ntawv uas cim cov
ntawv kom luv.
5. Ua yam zoo. Hais txog tej yam uas ua tau.
6. Siv cov lus ua. Yog xav paub ntxiv, nyeem phau ntawv, “Cov Lus Yog Uas Yuav Siv Rau
Hauv Koj Txoj Kev Nrhiav Hauj Lwm" (DETJ-9463-P).
7. Hais kom meej. Siv cov sob lus kom meej. Ua kom luv (ib daig xwb mas zoo dua).
8. Xyuas kom koj daim ntawv sau txog cov hauj lwm yus ua dhau los “zoo saib” (du lug
thiab nyeem tau).
9. Soj ntsuam daim tseem kom zoo zoo. Kom lwm tus neeg pab soj ntsuam daim tseem
kom zoo zoo.
10. Soj ntsuam cov uas luam kom pom meej, txhob muaj tej qho plooj los sis kos rau
Daim ntawv sau txog cov hauj lwm yus ua dhau los uas tso
hauv hluav
Thaum uas au cov lus qhia rau koj daim ntawv sau txog cov hauj lwm yus ua dhau los meej
lawm, yuav muab nws tso tau rau hauv ib qhov uas kom daim ntawv sau txog cov hauj lwm yus
ua dhau los uas ib qho uas xa hauv hluav taws xob.
Cov daim ntawv sau txog cov hauj lwm yus ua dhau loss uas xa hauv hluav taws xob yog ib qho
uas ceev cov daim ntawv sau txog cov hauj lwm yus ua dhau loss los sis lwm cov nqe lus uas
tsim nyog los ntawm cov neeg nrhiav hauj lwm. Cov tswv hauj lwm nrhiav hauv hom no los xaiv
cov daim ntawv sau txog cov hauj lwm yus ua dhau loss uas yuav tau soj ntsuam ntxiv.
Hauv Wisconsin, koj muab koj daim ntawv sau txog cov hauj lwm yus ua dhau los tso tau rau
ntawm xeev Wisconsin.gov, ib qho kev pab uas muaj los hauv koj lub xeev Wisconsin Qhov
Chaw Nrhiav Hauj Lwm uas nyob ze ntawm koj los sis cov kaib lawj ceem (computer) uas nkag
tau mus hauv Internet.
Ua ntej, mus xyuas http://www.wisconsin.gov
Nias rau “Qhov Txuas Mus Saib” rau “Hauj Lwm Hauv Wisconsin," thiab xaiv qhov “Daim ntawv
sau txog cov hauj lwm yus ua dhau los” es yuav pib koj qhov NKAG MUS.