yich dan bse l postl san pablo ke filemón

PHM Filemón
YICH DAN BSEL POSTL SAN PABLO KE FILEMÓN
1
1
Pablon llwape lliox bennen nzii Filemón
1
Nada Pablo yoa rill ya ni, dan llyixjwera xtill Jesucriston.
Timoteon benn lwelljllo na ren nada llzojto rwe, llwapto rwe
lliox lláketo rwe dan nakllo txhen llonllo xhen Dios na. 2 Na lekze
llwapto lliox benn ka lldop ll-llay llonlirall Jesucriston rillo na. Na
leska rwe Apia, nako ka benn zanto, na rwe Arquipo, llono neto
txhen llonllo xchin Diosen, leska llwapto rwe lliox. 3 Llnnabto rao
Xallo Diosen, na rao Xanllo Jesucristo gakrenchgue re, na wzoa ake
yichjralldaoren so kwezre nbaraz.
1
1
1
Filemón na nxenralle Jesucriston na nlliere benn lwellje
4
Na rwe Filemón, yoy ras kate lljadinralla rwe chak llalwilla
Diosen, lloaa yel llioxken kee kan ba llono na. 5 Le ba benra dillen
kan nxenrallo Xanllo Jesucriston, na kan nlliero benn lwelljllo ka
benn ka ba nxenrall Jesucriston. 6 Na llnnaba gakrén Diosen benn
ka ba llonlirall Jesucriston, dan berén akoe dill kan llono rwe
llonliralloe. Llnnaba gakrene leake nench nnez akre, yeolol da wen
na llon Diosen lo yichjralldao llio nxenrall Lee. 7 Benn biche,
llawera na llakchochralla bnnezra nlliero benn lwelljo ka
llonlirall Jesucriston, le llakrén akoe nench nnit ake nbaraz.
1
1
1
1
Pablon bnnabe yezixhen Filemón na ke Onésimo
8
Ke len na dan naka postl ke Criston, napa yel llnebia nench na
llepa rwe bin llayal gono. 9 Zan nakllen wen na gatyoera rwe, ni ke
dan nlliero Criston, le nada Pablo ba naka benn gor, na lekze ka
yoa rill ya ni, dan llyixjwera xtill Jesucristo na. 10 Na llnnaba okré
rao rwe, ni ke Onésimo ni, bennen ba nona ka xhinna. Le chak yoa
lo rill ya nin, broe bsedre nench gonliralle Jesucriston.
11
Kana bi goke benn wen llin wen koo, zan nna ba nake benn
wen llin wen koo, na lekze ka kia nada. 12 Na ba llasele rao da
yobre, benchgare kan llonkzro nada. 13 Zeralla kwis yegannrene
nada nench gakrene nada, gone dan llayal gono chak yoa lo rill ya
ni, dan llyixjwera xtill Jesucristo na. 14 Zan bi llenra bi da gona to
wrazza, le naken koo rwe nneo akre gona, nench do rallo gono cha
bi da wen gono, kere no zo wchiere rwen. 15 Dios nan bee latj bazaa
Onésimon rillon choll, nench yezore txhen ke chnare. 16 Na nna bill
gonroe ka llonro kon to benn wen llin koo, le nna ba nake ka bicho
dan nake llio txhen llonlirall-llo Xanllo Jesucriston. Nada nlliere,
1
1
1
1
1
1
1
1
1
Zapoteco de Yalálag ©La Liga Bíblica 2000
2
Filemón 1
na rwe llayal-ll llieroe, kere kan nlliero noteze bennach, zan kon
kan nlliero benn lwelljo llonlirall Xanllo na.
17
Nallen cha llakro nada ka to bicho, ni ke dan nxenrall-llo
Jesucriston, bazenianawe kon kan llonkzro nada. 18 Na cha bi da
xhinnj benre rwe o cha bi llbaye koo, nada wayixhjan. 19 Kwinkza
nada Pablo llzoja da ni, nada wayixhja cha bi da llbaye. Na bitbi
nia dan llbayo rwe kia, ke dan ba de yel nban koo ke chnare.
20
Benn biche, dan nxenrall-llo Jesucriston, llenra gono dan
llnnaba ni, ka to okré kia. Benchga ka soa nbaraz, le nakllo txhen ren
Cristo na.
21
Zoa beza wzenayo kia, na gonllo ye rat ker ka dan nia rwe ni,
ke len na llzoja rwe. 22 Na ye to da llnnaba, llenra yedsoa rillon kat
yeda gan zoren. Le ba beza yob yedwia re, kan llnnabre rao Diosen
katen llalwillre na.
1
1
1
1
1
1
Benn ka llaa ren Pablon llwap ake Filemón na lliox
23
Epafras yorene nada txhen rill ya ni, dan llyixjwere xtill Xanllo
Jesucriston, llwape rwe lliox. 24 Na leska benn ka llakrén nada rao
xchin Diosen, benn ka nzii Marcos, na Aristarco, na Demas, na
Lucas, llwap ake rwe lliox.
25
Xanllo Jesucriston gakrenchgue re. Kan gakchga.
1
1
1
Zapoteco de Yalálag ©La Liga Bíblica 2000