Tepnan di prevenshon pa e dianan di fiesta plasentero, sano i sigur Gosa di bo adornonan di Pasku, pero prevení kandela Perkurá pa e adornonan di fiesta no ta forma peliger di kandela. Skohe palunan di Pasku artifisial i no pa un pino natural. Kumpra dekorashonnan di fiesta di material sigur, ku no ta pega kandela lihé. Perkurá pa e adornonan di Pasku no bini den kontakto ku e iluminashon. Perkurá pa e adornonan di Pasku no bini den kontakto ku aparatonan ku por bira kayente. Usa waya di heru di un mínimo di 0,5 mm diki pa kologá adorno di Pasku fuertemente. Gosa di bo iluminashon di fiesta, pero prevení kandela Perkurá pa e iluminashon di fiesta no ta forma peliger di kandela. Kontrolá for di den tienda si bo iluminashon di Pasku no ta dañá. Pone bela di was semper den un pòchi sólido i preferiblemente riba un base plat. Usa belanan artifisial i kumpra e ora ei belanan-LED, ku ta dura 50 be mas tantu. Gosa di bo vürwèrk, pero evitá aksidente Sende vürwèrk ku Plagatox , un sigaria òf lusafè ekstra largu. NO usa laiter òf lusafè kòrtiku ora bo ta sende vürwèrk. NO hasi wega ku vürwèrk, ma tir´é leu òf pon´é un banda mesora unabes e ta sendé. Paga mesora e pidasitunan na kandela di e pagaranan ku awa òf santu. Nunka no hinka vürwèrk lòs den saku di bachi òf karson. Nunka no sende vürwèrk usá òf dañá i evitá asina ku e ta bula den bo man. Gosa di bo vürwèrk, pero bisti paña adekuá i e medionan di protekshon Bisti preferiblemente semper un brel ora ta sende òf mira vürwèrk. Bisti ora ta sende vürwèrk paña fuerte ku por wanta algu di daño òf un chispa. Kontrolá si bo paña no ta trahá di material sintétiko ku ta pega kandela rápidamente. NUNKA no bisti paña di nailon ora bo ta sende vürwèrk òf ora bo ta den besindario di vürwèrk. No bisti paña ku kapushon, pa asina aksidentalmente vürwèrk no por kai aden. Gosa di bo dianan di fiesta, pero prevení kiebro den bo kas Perkurá pa bo kas ta parse habitabel, tambe ora bo ta selebrá e dianan di fiesta pafó di kas. Laga bo lusnan sende ku suichnan di tempu, ma ku tambe ta paga debesenkuando pa asina parse ku semper tin hende den bo kas. Pone bo bisiñanan na altura di bo ousensia durante e dianan di fiesta i laga e adrès di bo hospedage atras, pa asina bo ta alkansabel. Pidi bo bisiñanan pa tira bista riba bo kas i pa nan informábo di kosnan sospechoso. Sera tur porta i bentanan bon i no laga e yabinan den slòt. Pone artíkulonan di balor semper for di bista i warda nan preferiblemente den un kaha fuerte. Gosa di bo dianan di fiesta i protegé bo mes mas mihó posibel kontra Chikungunya Perkurá pa e sanguranan no keda atraé na bo kas i hardin pa medio di awa ketu den kontenedor, èmber i baki di mata. Kontrolá tambe bo het di dak si awa ta keda para eiden. Usa repelente kontra sangura ku tin e ingredientenan deet, picaridin i IR3535 pa berdaderamente kore ku e sanguranan. Usa zeta ku sitrun-eucalyptus i e produktonan ku para-menthane-diol pa tene e sanguranan na un distansia. Drumi bou di moskitero (nèt kontra sangura ku ta kologá riba bo kama) pa evitá pikamentu di sangura. Bisti durante e oranan mas pisá di e sanguranan (durante e periodo entre baha i salida di solo) paña ku manga largu i karson largu pa prevení pikamentu di sangura. Mira pa mas informashon, infographics transparente i e tepnan pa protegébo kontra Chikungunya e siguiente websites: 1. http://wwwnc.cdc.gov/travel/files/prevent-bug-bites-infographic.pdf 2. http://www.cdc.gov/chikungunya/pdfs/control_mosquitoes_chikv_denv_zika.pdf 3. http://www.cdc.gov/chikungunya/pdfs/factsheet_chikungunya-what-you-need-to-know.pdf