No tin señalnan di recuperacion ainda Resumen di e relato mensual

C ENTRALE B ANK
VAN
A RUBA
No tin señalnan di recuperacion ainda Resumen di e relato mensual pa April 2009 Comunicado di prensa* Mientras cu na Merca tin algun señal cu e caida den e economia a cuminsa disminui, na Aruba esaki no ta e caso ainda. Na April 2009, e cantidad di placa den circulacion a subi cu solamente Afl. 1.3 miyon te na Afl. 3,029.4 miyon. Esaki ta e resultado di un fluho neto di fondo for di exterior di Afl. 17.6 miyon, cual pa gran parti a wordo mitiga pa un contraccion di Afl. 16.3 miyon den e activo domestico neto. Consecuentemente, e reserva di divisa (excluyendo diferencianan den revaluacion di oro y reservanan internacional) a crece te na Afl. 1,452.8 miyon na final di April 2009, cual ta Afl. 594.8 miyon of 69.3 porciento mas cu e suma registra den e luna corespondiente di 2008. E caida den e activo domestico neto a ser causa mas tanto pa un bahada di Afl. 12.8 miyon (4.7 porciento) den credito neto di e sector bancario na e sector publico, principalmente door di un subida den e depositonan bancario di gobierno. Credito bancario na e sector priva, cual ta bin ta bahando desde December 2008, a subi cu Afl. 5.2 miyon (0.2 porciento), door di crecemento den prestamonan na empresanan y hipoteca pa construccion di cas di, respectivamente, Afl. 3.2 miyon (0.3 porciento) y Afl. 1.3 miyon (0.2 porciento). Credito na consumidornan y transaccionnan no relata na credito a mengua cu, respectivamente, Afl. 1.8 miyon (0.3 porciento) y Afl. 8.7 miyon (1.6 porciento). E bahada den e actividadnan economico a persisti den April 2009, manera ilustra pa un bahada di 10.2 porciento den e entrada real di impuesto riba benta di negoshi (BBO), cual ta un indicador di produccion di nos isla. Durante e luna aki, e cantidad di turistanan cu a permanece ariba nos isla y e anochinan di nan permanencia a subi cu, respectivamente, 4.2 porciento y 6.3 porciento despues di siete luna consecutivo di un prestacion debil. E subida aki por wordo atribui na e celebracion di Pasco Grandi den e luna aki, cual tabata na Maart den 2008. Si midi e turismo di Maart y April hunto, pa asina elimina e efecto di e celebracion di Pasco Grandi, e cantidad di turistanan cu a permanece ariba nos isla y e anochinan di nan permanencia a baha cu, respectivamente, 5.2 porciento y 2.9 porciento, compara cu e periodo corespondiente di 2008. Notabel ta cu e anochinan cu e turistanan a permanence riba nos isla ta baha cu mas o menos mita compara cu e caida di e cantidad di turista. Esaki por ta e resultado di e resistencia di e sector di timeshare, cual a bin ta duna relativamente *
E original na Ingles ta prevalese. J.E. Irausquin Boulevard 8 P.O. Box 18 Oranjestad Aruba Tel. nr.: (297) 525‐2100 Fax nr.: (297) 525‐2101 E‐mail: [email protected] Website: www.cbaruba.org bon resultado y unda cu e bishitantenan ta keda pa mas largo**. Datonan di April 2009 ricibi for di Cruise Tourism Authority ta indica cu e tipo di turista aki a sigui presta bon, door cu e cantidad di turistanan crucero y barconan cu a bishita Aruba a subi cu, respectivamente, 9.5 porciento y 6.5 porciento. E indice di prijs di consumo (CPI) pa April 2009 ta mustra un deflacion, pa di cinco luna consecutivo, di 3.2 poricento compara cu un inflacion di 10.1 porciento na April 2008. E caida den prijs na April a wordo ocaciona na prome lugar door di e tarifanan abou di awa y coriente, y tambe prijs di gasolin cual ta mas abou (aunke cu tin subida den e prijsnan di energia, cualnan te ainda ta bou di nan nivel di prijs na 2008). E promedio anual di e tasa di inflacion a cai cu 2.8 punto di porcentahe te na 4.6 porciento. E diferencia cu e tasa di inflacion di Merca, e partner comercial principal di Aruba, a mengua te na 2.2 punto di porcentahe na April 2009, compara cu 4.0 punto di porcentahe den e luna corespondiente di un aña anterior. Ora cu exclui e componentenan relata na energia (awa, coriente y gasolin), e promedio anual di e tasa di inflacion a mustra un caida di 0.2 punto di porcentahe te na 4.2 porciento na April 2009, compara cu e periodo corespondiente un aña anterior. Banco Central di Aruba 25 Juni 2009 Pa mas informacion, bishita nos website (www.cbaruba.org) of tuma contacto cu e Departamento di Investigacion di Banco Central di Aruba na, tel. +297 5252100. **
Datonan prelimanario di e 2008 Tourist Profile Survey di Oficina Central di Estadistica, ta indica cu e averahe di duracion di estadia den hotel tabata 6.7 anochi (2007: 6.6 anochi), compara cu un average di 8.5 anochi (2007: 8.3 anochi) pa bishitante cu a permanece na un propiedad di timeshare. 2