delegashon di kòrsou i boneiru a sera konosí ku instituto

26
Djasabra 23 Òktober 2010
DELEGASHON DI KÒRSOU I BONEIRU A SERA KONOSÍ
KU INSTITUTO UNIVERSITARIO NA ECUADOR
WILLEMSTAD.- Resientemente un delegashon di
Kòrsou i Boneiru a bai sera konosí mas di aserka ku
e Instituto Universitario “Benjamin Rosales Pareja”
(BRP) na Ecuador. E biahe tabata relashoná ku e beka
ku Venequip Curaçao ke otorgá di forma anual na por lo
ménos 4 studiante di Kòrsou.
E miembronan di e delegashon tabata konsistí di:
sra. Marianne Grutters di Beroepsonderwijs Bonaire; di
Gobièrnu di Kòrsou, Parlamentario sra. Monique Felida;
Direktor di MTS Curaçao,
sr. Ludwig Alberto;
gerente di Venequip Curaçao, sr.
Mickael Besse i
periodista di EXTRA, sr. Ruseño Sambo.
En bista ku ta trata di un estudio den eksterior tabata
kompletamente na su lugá pa promé haña un bista di
aserka di e maneho, liña di estudio i alabes kombersá
ku tantu e direktor komo e studiantenan. E kantidat di
studiante ku e Instituto ta tuma pa kada aña akadémiko
ta 20. Di e forma aki por konsentrá, dediká full atenshon
i garantisá ku tur e studiantenan ta avansá den e
materianan.
Un di e promé kosnan ku a impreshoná e delegashon
tabata e rèspèt i disiplina di e studiante, ku por sierto
pa BRP ta mesun importante ku saka bon puntuashon
durante di e estudio.
residensia nechi kuida i mantené dor di e studiantenan
mes.
d.r.p.d:Human resourse manager di Venequip S.A,sra. Sandra Ramos
Direktor di MTS Curacao,sr. Ludwig Alberto; Parlamentario sra. Monique Felida;
sra. Marianne Grutters di Beroepsonderwijs Bonaire; gerente di Venequip
Curaçao;sr.Mickael Besse.
E delegashon a hasi un
rekorido den e instalashonnan
di e instituto BRP i a haña un
splikashon amplio i detayá
serka direktor di e instituto sr.
Emilio Parra. Un aspekto ku a
hala basta atenshon durante di
e rekorido tabata e kondishon
formidabel i limpi di e sentronan
di trabou. Anto mas ainda kon
tur e studiantenan a lanta para
pa duna rèspèt na e delegashon
na momento ku a drenta i
interumpí nan lès. Ta detayenan
ku ta bisa hopi di e kalidat di
estudio i norma i balor ku e BRP
ta implantá den e studiantenan.
Seguidamente e direktor sr.
Parra a kontestá vários pregunta
relashoná ku e kuríkulo di
estudio, reglanan tantu di e
skol komo e residensia kaminda
e studiantenan ta hospedá,
seguridat etc...
Segun e direktor un di e
punto prinsipal ku ke laga e
hóbennan komprondé miéntras
nan ta na e skol ta ku nan t’ei
ku un propósito i ku nan ta
representá nan mes, nan famia
i pais. anto e oportunidat di por
studia kompletamente grátis,
un estudio ku ta kosta alrededor
di 30 mil florin, ta algu di balorá.
Ademas e porta ku ta habri pa
traha na un kompanianan manera
entre otro Venequip ta algu
formidabel, e direktor a splika.
Durante di e rekorido na
e instituto por a tende i hasi
pregunta na eks alumnonan di
BRP.
Un di e puntonan ku a wòrdu
menshoná tabata e transformashon
ku a tuma lugá den nan bida
no solamente atraves di e skol,
pero tambe dor e kombibensia
den e residensia universitario.
Mayoria di nan, promé ta nan
mama tabata hasi tur kos pa nan,
pero den e residensia nan a siña
karga responsabilidat. Despues di
a risibí sufisiente informashon e
delegashon a bai hasi un rekorido
den e residensia, ku por sierto
ta bon kuidá i mantené dor di e
studiantenan mes. E residensia ta
kontené tur loke ta nesesario pa
un bida konfortabel durante di e
periodo di estudio.
Finalmente mester bisa ku e
delegashon tabata satisfecho ku
tur loke nan por a mira i tende.
Sigui lesa pag.27