OS ESTILOS DE VIDA SAUDABLES O estilo de vida é o conxunto de actitudes e comportamentos que as persoas adoptan e desenvolven individual ou colectivamente para satisfacer as súas necesidades como seres humanos e lograr o seu desenvolvemento persoal. Levar un estilo de vida pouco saudable (vida sedentaria, dieta pouco equilibrada, consumo de tabaco, alcol ou drogas…) pode ser moi prexudicial para a saúde mentres que un estilo de vida saudable pode ser moi beneficioso. O estilo de vida saudable non só ten un impacto positivo sobre a saúde física, tamén é importante para a saúde mental. O goce axeitado do tempo libre, actividades de socialización, manter unha alta autoestima, etc. é importante para o noso benestar. TEMA 1: Actividade física como hábito de vida saudable. A ACTIVIDADE FÍSICA A práctica regular de actividade física non só mellora a nosa saúde física senón que é unha forma ideal de desfrutar do noso tempo libre, socializar e manter unha alta autoestima. Deste xeito melloraremos a nosa condición física e mental. Por actividade física entendemos "calquera movemento corporal que redunde nun gasto enerxético (queimar calorías)". A actividade física inclúe, ademais das actividades diarias (subir escaleiras, camiñar cara o instituto...), o exercicio físico e os deportes (aínda que a veces os usamos como sinónimos): Exercicio físico : é unha actividade física estruturada, repetitiva e planificada que se realiza cun obxectivo relacionado coa mellora ou mantemento da condición física (sair a correr, a andar en bici...). Deporte: é unha actividade física regulada dirixida a acadar resultados nunha competición xeral (pertencer a un equipo de fútbol, natación, atletismo…). En canto á actividade física o estilo de vida pode ser activo pero tamén pode ser: https://www.youtube.com/watch?v=6h6j_Wrh1og https://encuestas.msssi.gob.es/limesurvey/index.p hp/786235?lang=es Con esta enquisa podedes saber de forma sinxela se cumpres as recomendacións de actividade física para manter un bo estado de saúde (é totalmente anónimo). ACTIVIDADES: 1.Qué diferenzas existen entre a actividade física e o deporte? 2.Que é o sedentarismo ou estilo de vida sedentario? 3.É o mesmo o sedentarismo e a inactividade física? Xustifica a túa resposta cun exemplo. 4.Cres que a sociedade actual é sedentaria? Xustifica a túa resposta. 5.Enumera medidas coas que penses que podemos loitar contra o sedentarismo de forma sinxela. A CONDICIÓN FÍSICA A condición física dunha persoa é a capacidade de facer esforzo físico. Esta capacidade depende de: - A forza do corazón e os pulmóns (resistencia cardiorrespiratoria) A forza dos músculos (forza e resistencia muscular) A flexibilidade das articulacións. A coordinación. Manter unha boa condición física é sinónimo de boa saúde dende pequenos. Ademais hai outros compoñentes da condición física que están máis relacionados co rendemento deportivo que coa saúde a potencia e a velocidade, entre outros. TIPOS DE ACTIVIDADE FÍSICA QUE PODEMOS REALIZAR A práctica de actividade física beneficiosa para a nosa saúde inclúe a realización de diversos tipos de exercicios, sempre en función da nosa condición física e idade, polo que non só debemos ter en conta o tipo de exercicio senón a intensidade Intensidade do exercicio físico ● ● ● Leve: É unha actividade que nos permite falar ou cantar sen esforzo mentres a facemos, como camiñar a ritmo lento.. Moderada: É unha actividade que aumenta a sensación de calor e aparece unha lixeira sudoración. A frecuencia cardíaca acelera e a respiración está máis axitada, pero podes falar sen sentir falta de aire. Por exemplo: camiñar rapidamente ou andar en bicicleta. Vigorosa: É esa actividade onde a sensación de calor e sudoración é máis forte. A frecuencia cardíaca é máis alta e é máis difícil respirar, o que dificulta a conversación mentres se practica. Por exemplo, correr ou andar en bicicleta pedaleando rapidamente. BENEFICIOS DA ACTIVIDADE FÍSICA Vídeo resumo: https://www.youtube.com/watch?v=GM4FsH13Qwo TRABALLO TEMA 1 Realiza un rexistro semanal da túa actividade física (como no exemplo da taboa da seguinte diapositiva) e contesta ás seguintes preguntas: 1. Chegas a os 60 minutos de actividade física diaria que se aconsella? 2.- Fíxate no cadro que aparece ao final da presentación. Segundo a túa actividade en que nivel te atoparías (1,2,3,4 ou 5)? Apuntao no apartado “Conclusión” da taboa xunto cos beneficios para a saúde que aporta o teu nivel de actividade física. 3.- Reflexiona: poderías cambiar algún destes hábitos para ser máis activo? Cal ou cales? 4.- Que opcións hai na túa localidade para realizar actividade física. Indaga na rede. 5. Elabora da forma máis concreta posible un plan para o incremento da actividade física diaria, reducindo os tempos de inactividade e os desprazamentos a motor (supoñendo que non estamos confinados).
