2014/2015 – 002 Topico: normanan mas esct

Na e alumnonan di Colegio Arubano
y nan mayornan
Oranjestad, 17 di augustus 2014
TR: 2014/2015 – 002
Topico: normanan mas esctricto pa cu ausencia
Apreciable mayor- y alumnonan,
Na prome luga nos ta desea bo yiu hopi exito pa cu e aña escolar nobo.
Lamentablemente hopi alumno ta keda ausente di scol, apesar di ‘leerplicht’ y tur e palabracionan y
medidanan tuma di parti di scol pa asina baha e cantidad di ausencia. Ausencia ta perhudica e
prestacion escolar di e alumno. Den cuadro di mehoracion di calidad di enseñansa na nos scol, nos
kier inculca mas disciplina den den e alumno pa loke ta trata e asistencia y participacion na e proceso
di enseñansa. Keda sin asisti na les sin motibonan valido ta inaceptable.
Manera ya indica por escrito dia 7 di juli(TR:2014/2015-001), e normanan pa cu ausencia lo bira mas
estricto (‘lik op stuk’ beleid) y mi ta informa awo kico esaki ta encera. E normanan ahusta pa cu
ausencia ta aplicabel di biaha y nobo ta cu scol mes ta atende directamente ora cu un alumno no ta
presente den les. Pa esaki nos mester di bo cooperacion como mayor, pa asina e por ta mas dificil pa
e alumnonan cu tin idea pa keda ausente (spijbel). E mayornan ta haya un yamada di biaha ora e yiu
ta ausente. Esaki ta sosode despues di 9 or di mainta, segun e palabracionnan existente. Nos sistema
di comunicacion digital ta mehora di tal manera cu nos por wak na ki momento cu ta si e alumno ta
ausente. Ta traspasa e informacion aki tur dia pa buro di leerplicht. Inspeccion tambe ta haya e
informacion aki. Pa tur otro palabracion pa loke ta trata con mayor ta anda cu ausencia di e yiu ta
keda vigente. Wak e Schoolgids pa esakinan.
Scol ta tuma medidanan necesario contra e alumno den caso di ausencia no autorisa.
Mi ta spera di a informa Bo suficientemente.
Atentamente,
J.S. Tromp, rector
cc. Inspectie van Onderwijs
Bureau Leerplicht