Dialoog Papiamentu 2016413 Les 2 pa 3-9 yüli - Joycita

Les 2 pa 3-9 yüli
Dialoog Papiamentu 2016413
REKUPERA DOMINIO
LESA: Genesis 1:26-28; Salmo 8:3-8; Genesis 2:15; Romanonan 8:20-22; Eksodo 20:1-17;
Romanonan 1:25; 2 Tesalonisensenan 3:10.
TEKSTO PRINSIPAL: "E ora ei Dios a bisa: 'Laga Nos traha hende segun Nos imagen, konforme
Nos semehansa; i laga nan goberná riba e piskanan di laman i riba e parhanan di shelu i riba e
bestianan di kria i riba henter e tera, i riba tur bestia ku ta lastra riba tera'" (Genesis 1:26).
Dor di pika nos prome mayornan a perde mas ku solamente nan imagen original di Dios. "No ta hende
solamente pero e tera tambe, dor di pika, a bini bou di kontrol di e malbado, i mester keda restoura
dor di e plan di salbashon. Na su kreashon Adam a risibi gobernashon di e tera. Sinembargo, ora el a
sede pa tentashon, el a pone su mes bou di poder di Satanas i e dominio ku el a risibi a wòrdu pasa pa
esun ku a konkista. Di e forma aki Satanas a bira e 'dios di e mundu aki'. El a podera di e dominio ku
originalmente a wòrdu duna na Adam. Sinembargo, dor di ofrese Su Mes, pa paga e kastigu di pika,
Kristu a bin libra, no hende so, pero pa rekupera tambe e dominio ku hende a perde. Tur loke a
perde dor di e prome Adam, lo keda restoura dor di e segundo Adam." –Ellen G. White, Signs of the
Times, November 4, 1908.
Despues di kai den pika hende a perde masha hopi, sin duda, inkluyendo e 'dominio' ku
originalmente a wòrdu duna na nos. Kua e tabata? Ounke e idea di dominio òf supremasia ta duna
algun nifikashon adishonal awendia, esaki no tabata e kaso den hofi di Eden. Kiko e tabata nifika ora
ku hende a risibi e prome dominio riba tera? Kiko iglesia por hasi pa yuda hende risibi algu bek for di
loke a perde despues di e perdida tragiko di nos prome mayornan den e hòfi di Eden?
Studia e les aki prome ku sabat 9 yuli.
Djadumingu, 3 yuli
KREA PA GOBERNA
Un poko tempu pasa un hende a skirbi esaki di un amiga, ku tabata un ateista konvensi. Tin biaha e
tabata lanta meimei anochi, preokupa ku kantidat di preguntanan profundo manera: 'E mundu aki ta
realmente resultado di un Big Bang kosmiko kasual? Kon bin no tin un diseno di nos, niun meta
grandi pa nos eksistensia i di e universo en general? Ta posibel ku henter bida—inkluyendo esun di
mi, esun di mi kasa i dos yunan—ta totalmente inrelevante i sin nifikashon? Mi bida no tin nifikashon i
meta?'
Despues di e kaida hende a perde masha hopi kos. Manera relato di e kaida ta lagá mira, nos no a
aleha solamente for di Dios, pero tambe for di otro hende. Asta nos relashon pa ku e tera a kambia. I
meskos ku e preguntanan ku e señora a hasi ta lagá nos mira, nos tambe ta lucha ku nos identidat i
ku e meta pa nos bida. Pa algun hende e problemanan aki ta bira mas grave dor di e idea ku nos
eksistensia ta solamente konsekuensia di algun proseso kasual, sin perspektiva òf meta integrá dor di
un Dios kreador.
Lesa Genesis 1:26-28; Salmo 8:3-8; Isaias 43:6, 7. Kiko e tekstonan aki ta siña di e meta pa
krea humanidat? Kiko ta nifika 'krea pa Mi gloria'? Isaias 43:7. Ki relashon 'Mi [Dios] Su gloria
tin di hasi ku dominio?
Manera nos por mira for di e versikulonan di Genesis, no importa ki otro rason Dios tabatin pa krea
Adam i Eva, nan a wòrdu krea pa goberá tambe riba tera (Genesis 1:26-28). E prome pareha mester
tabata un refleho di Dios Su gloria i karakter, un kanal pa medio di kua e kreashon terenal ta wordu
mantene, kuida i domino (Revelashon 1:5, 6).
Ken sabi kon e gloria di Dios lo a keda revelá dor di nan i nan dominio riba tera, si e no a wòrdu
destrui dor di eksistensia di piká.
Dor di kere den Hesus i dor di entrega nos bida ku konfiansa i obediensia na djE, nos por bisa
huntu ku David: 'Señor lo kumpli ku Su propósitonan den mi' (Salmo 138:8). Sabiendo ku Dios tin
un propósito pa nos tur su bida, ta duná nos konfiansa propio i alegria.
Si un hende mester puntra bo kua ta e meta di bo bida komo kristian, kiko lo bo kontest'e i pakiko?
Djaluna, 4 yuli
E PRIVILEGIO DI SUPREMASIA
Kua ta e `supremasia' ku hende lo bai hasi uso di dje manera ta deskribi den Genesis 1:26-28?
E palabra bibliko supremasia ta bini for di e verbo Hebreo radah. E palabra aki ta indiká e derecho
i responsabilidat di reina. E ta ensere den e konteksto aki un Orden segun rango di poder i
outoridat, kaminda humanidat ta pone riba restu di mundu natural. E verbo radah, manera ta us'e
den restu di Testament Bieu, no ta stipulá kon e supremasia aki mester wordu eherse, pa bon Of
pa malu. Den un kreashon sin piká e intenshon lo mester tabata pa bon.
Di mes un forma, e palabra `somete e tera' den Genesis 1:28 ta pone den forma positivo. E verbo
'somete' di e Hebreo kavash ta deskribi un relashon ku sierto ordu di rango kaminda hende ta riba
tera, i e tin poder i kontrol riba dje. Den otro luganan di Testament Bieu e verbo kavash ta mas
fuerte ainda ku radah. E palabra kavash ta den e kasonan aki un indikashon di e akshon real di
somete, sea ora un hende forsa un otro persona den un puesto supordina (Numbernan 32:22, 29;
Jeremias 34:11, 16; Ester 7:8; Nehemias 5:5). Den hopi di e kasonan aki tin indikashon kla di
maluso di poder i Dios ta ekspresa Su disgustu pa esaki. Ora usa e teksto aki sinembargo den
konteksto di e relato di kreashon, e ora ei e ta lige ku un pareha inpekabel, krea na imagen di
Dios, pa goberná e tera. Pa e motibu ei no por mira e gobernashon di tera komo un forma di
eksplotashon, pero simplemente komo un bon servisio na kreashon di e Kreador.
Nos ta deskubri un dimenshon ekstra di e konsepto aki di soberania den Genesis 2:15, kaminda
Dios ta pone Adam den e hardin pa e kultiv'e (abad – pa traha, pa sirbi, pa plug) i pa atende i
kuida (shamarproteha, vigilá kuidadosamente, opserva, mantene). Ku esaki den pensamentu nos
ta deskubri ku dominio akinan ta referi na ser envolvi i ser un mayordomo atento ku ta kuida
propiedat di su shon ku amor. Den nan relashon ku Dios nos prome mayornan tabatin tur medio i
outoridat ku nan tabatin mester pa hasi nan trabou di mayordomo, ku tabata un refleho di Dios Su
amor divino relashona ku Su kreashon.
Ounke e palabra dominio tin nifikashonnan adishonal, hopi biaha negativo den nos sosiedat di
awendia, e no tabata asina ora ku el a wordu usa pa prome bes den Beibel.
Kua ta algun prinsipionan ku nos por relashona ku uso di e palabranan Hebreo deskribi mas ariba,
pa e tempu prome ku e kaida den piká, i kon nos por apliká e prinsipionan aki na e forma kon nos
ta komporta nos mes ku loke nos mes tin dominio riba dje awe?
Djamars, 5 yüli
LIMITASHONNAN
Historia Bibliko ta laga nos mira ku dominio mester tin limitashonnan. (E palabra `dominio' por
enserá tambe 'mayordomia'). Dios a bisa Adam por ehempel ku e palu di konosementu di bon i
malu tabata tereno prohibi (mira Genesis 2:15-17). E prome piká tabata tambe den konteksto di
mayordomia. Adam i Eva a traspasa e limitenan ku Dios a pone relashona ku nan gobernashon.
Te ainda kreashon ta sufri ku violashon di e limitenan aki (mira Romanonan 8:20-22).
13
Lesa Eksodo 20:1-17. Ki limitenan tin pa nos den Dios Su lei? Kiko lei ta konta nos di e
limitashonnan di dominio humano?
Dor di henter historia humano tabatin hendenan ku a goberna bou di dominio di Satanas. Wak por
ehempel e relatonan di Faraon den Eksodo 1-14 i Herodes den Mateo 2. Tambe den Revelashon
13 nos ta bin topa maluso di poder den tempu di fin. Maluso di poder ta parse loke Satanas a hasi.
El a tuma pa su mes kosnan ku no tabata di dje.
Na e otro banda tin hende tambe ku ta nenga tuma responsabilidat den sierto aria (Mira Mateo
25:14-30; Lukas 19:12-27).
Ounke piká a pone ku hende a bin perde e midi di kontrol ku nan a risibi na kreashon, tin
sufisiente dominio den e limitenan aktual di nos responsabilidat. Por ehempel, e dominio propio ku
Kristu a hasi posibel den nos mes bida personal (wak 1 Korintionan 9:25-27; Galationan 5:22, 23),
meskos ku kuido di e tera i tur ser ku ta biba riba dje i e responsabilidat pa tur loke Dios a duna
nos (mira Santiago 1:17; Mateo 25:14-30). Komo Kristian nos mester por premira kua ta nos
limitenan i lucha pa den e limitenan ei nos keda bon mayordomo.
Kua ta algun limite espesifiko ku nos mester respeta en relashon ku otronan, manera famia,
amigunan i koleganan? Ki prinsipionan ta laga nos mira kua e limitenan ei ta? (wak, por ehempel,
Mateo 7:1, 12).
Djarason, 6 yüli
PREOKUPA PA E TERA
"E ora ei Señor Dios a kohe e hòmber i a pon'e den e hofi di Eden pa kultiv'e i kuid'e" (Genesis
2:15). Ki prinsipionan nos ta topá ku e teksto aki, ku por yuda nos ta bon mayordomonan?
Den Genesis 1 i 2 Dios a pasa e gobernashon di tera pa Adam i Eva. Asina nan tabatin dominio
riba bida di bestia i mata. Despues di Genesis 3, sinembargo, parse ku henter naturalesa ta bini di
mes un forma den rebelion kontra nan, manera nan tabata kontra Dios. E ora ei hende a mira kon
impotente nan tabata dilanti e elementunan di naturalesa, manera tempestat, i mundu di
agrikultura i animal.
'Adam tabata para komo rei meimei di e sernan di ordu menor. Tanten ku el a keda leal na Dios,
henter naturalesa tabata rekonose su dominio; pero ora ku el a rebeldiá, a bini un fin na e dominio
aki. E spiritu di rebeldia, ku e mes a bin kuné, a plama riba henter e mundu animal. Asina no ta
solamente bida di ser humano tabata konta e les tristu di e konosementu di bon i malu, pero
naturalesa di e bestianan tambe, di e palunan di mondi, di e yerba di sabana, i asta di e airu ku
nan tabata hala aden" – Ellen G. White, Karaktervorming, p. 26.
Parse ku awendia e desasternan natural ta bira mas i mas hopi pa motibu di un sistema ekologiko
perturbá. Nos ta usa teknologia i industria pa protege nos mes. Sinembargo, mes un teknologia
aki por hasi daño na nos planeta tambe. Ekologia ta un asuntu moral, etiko i teológiko, ora ku
eksplotashon di e tera hiba na gran privashon pa otronan.
"Atventistanan di Shete Dia tin dilanti nan un estilo di bidá mas simpel, mes saludabel kaminda
hende no ta entrega nan mes na konsumo ekstrabagante, na materialismo i produkshon
innesesario di desperdisio. Nos ta yama pa tin respet pa kreashon, dominio den uso di materia
prima di tera, pa rebalora nos nesesidatnan i rekonfirma dignidat di bida krea". –Den 'Deklarashon
Ofishal di Iglesia Atventista di Shete Dia tokante Medio Ambiente', 1995.
Kon nos ta haña nos balansa korekto relashona ku e tera? Kon nos por ta bon mayordomo di e
lugá di biba ku a duna nos, mientras ku nos a la bes ta evitá e peliger di bai adorá tera i medio
ambiente? Ki spiertamentu Romanonan 1:25 tin pa nos?
14
Djaweps, 7 yüli
RESTOURA `DOMINIO'
Hende a pèrdè hopi dor di kai den piká, inkluyendo e dominio ku nos prome mayornan tabatin
privilegio di tin den hòfi di Eden. Kristu a bini pa debolbe nos loke nos a perde. Dor di loke Kristu a
hasi pa nos, nos tambe a wòrdu yamá dor di Dios pa rek man pa otronan, yuda nan hana bek loke
Kristu a debolbe nos. Ounke e proseso aki lo ta kompletu na binida di Hesus, nos por hasi hopi pa
yuda esnan ku ta den nesesidat. Dios ta yama nos awe pa kuminsá ku e restourashon i ayudo na
otronan.
Kon e siguiente tekstonan ta yuda hende rekobra parti di `dominio' ku a pèrdè pa motibu di
piká?
Deuteronomio 15:7-12
Lukas 14:12-14
1 Pedro 3:15
Santiago 1:27
Isaias 58:7
2 Tesalonisensenan 3:10
Komo iglesia tin hopi ku nos por i mester hasi pa yuda hende. Tin biaha e ta asina simpel manera
ofrese kuminda, papa òf lugá di keda. Ounke yudansa sosial ta bon, apart di esei nos tin ku ofrese
tambe algu otro pa restoura bida di e hendenan. Ounke nos mester ta semper kla pa duna un
rason pa e speransa ku ta biba den nos, nos mester supli tambe, kaminda ta posibel den nan
nesesidatnan, i mustra nan na un miho forma di biba.
Ounke kada situashon ta diferente, i e nesesidatnan ta diferensia for di otro, nos ta wòrdu yama
dor di Dios pa ta un lus i fuente di kurashon i speransa den e parti mundu kaminda nos ta. Esaki
ta un parti esensial di loke ta nifika pa ta testigu den mundu, di e Tata di amor i salbashon ku nos
ta sirbi. Nos mester hasi tur loke nos por pa, den forsa di Señor, ta un toren di lus i speransa pa
esnan ku ta den nesesidat. Komo Kristian nos no por hasi menos. Mientras ku nos ta kumpli ku e
ròl aki di sirbido nos ta yuda nan siña algu di Dios. Dor di supli nan nesesidatnan, nos ta
preparando kaminda pa Spiritu Santu toka nan kurason. Ta esaki Hesus tabata hasi, i a yama nos
pa nos tambe hasi.
Djabierne, 8 yüli
PA MAS ESTUDIO:
Ta hopi difisil, pa den nos perspektiva aktual imaginá nos mes kiko nos a perde dor di e kaida. E
mundu aki ta e uniko kos ku nos konose—i si no tabata pa e Palabra di Dios, i e manera kon e ta
duna nos un bista di nos origen i komienso di piká, morto i maldat —nos lo a haña e kosnan aki
komo komun, algu gewon, i simplemente konsidera nan komo parti di bida. Relato di e kaida den
pikà ta revelá sinembargo na nos, ku e kondishon aktual di mundu no ta manera e mester tabata.
E buki di Beibel Genesis, ta bisa ku Adam i Eva lo goberna riba mundu. Mesora despues ku nan a
peka, nan relashon a kambia diripiente pa ku e mundu, pasobra tantu nan i e mundu a kambia.
E dominio ku nan a risibi a bai perdé diripiente, ku enorme konsekuensianan. "E sumpina i e
bringamosa (Genesis 3:17, 18), konsekuensia di e diluvio (Genesis 7:12), e desierto i mondi,
kehamentu di kreashon pa wòrdu librá (Romanonan 8:19-22) ta djis algun imagennan di palabra
ku Beibel ta usa pa deskribi efekto di piká riba mundu".—Handbook of Seventh-day Adventist
Theology (Hagerstown, Md.: Review and Herald Publ. Assn.), vol. 12, p. 254. Ki agradesido nos
mester ta ku pa e plan di salbashon, pasobra Dios ta bai rekobre tur loke a perde, i ta ofrese nos e
speransa di un futuro mas mihó ku pasado òf presente.
15
1.
Ounke e konteksto di e siguiente tekstonan (Eksodo 23:10-12; Deuteronomio 11:11,
12; 20:19, 20) no ta tratando tema di ekologia, manera nos ta kompronde esaki awendia,
tòg nos por saka algun prinsipionan for di nan. Ki prinsipio nos ta haña den nan, i kon nan
por yuda hasi nos miho mayordomo? Ki ora nos sabi ku nos a hasi di mas, i a desvia for di
mayordomo pa bai bira adorado di naturalesa? Naturalesa ta nos amigu òf enemigu?
2.
Diskuti e ultimo pregunta di les di djadumingu tokante nifikashon i meta di bida
humano. Ki kontesta lo bo duna un hende ku hasi bo e pregunta ei? Ki diferensia mester tin
entre nos kontesta i kontesta di esnan ku no ta kere den Dios òf salbashon?
3.
Kon nos por reklarne e palabra dominio bek den un forma ku nifikashon original di e
palabra aki ta wòrdu restoura? Òf den otro palabra, kon dominio (gobernashon) tabata algu
bon den prinsipio? Kon por us'e awendia tambe pa bon?
Sabat 9 yüli, lès pa hoben
Titulo
Finalmente un solushon bèrdadero
Pregunta inisial
Bo a wak e video? Kiko bo ta pensa di dje? Kiko bo a siña di dje? Komparti ku e grupo.
1
Lesa huntu Romanonan 8:18-23
Pregunta
Bo ta mira señalnan di embehesimentu serka bo mes? Si ta si, kua?
Inspirashon
'E kreashon lo wòrdu fibrá.' Romanonan 8:21
Trata e teksto

Djadumingu: versikulo 18-20. Kiko nan lo ke men akinan? Ken ta e 'kreashon' ei?
Kon e kreashon por `spera'? Dikon a kreashon lo ke no ken ta Dios Su yunan? Kon e ta
yuda ora bo mira e kreashon simbolikamente, manera un persona? Splika.

Djaluna: versikulo 21. Di kiko e kreashon ta wòrdu libre? Kiko esei tin di hasi ku e
kreyentenan?

Djamars: versikulo 22-23. Dikon nos a risibi e Spiritu? Kon e Spiritu por ta un
avanse? Un avanse riba kiko?
Aplikashon

Djarason. Kiko ta bo espektativanan pa futuro? Ki rason pa speransa bo ta haña den
e parti di teksto aki? Splika. Dikon speransa ta asina importante pa bo? Kiko ta pasá ora bo
no tin speransa mas?

Djaweps. Kiko e palabranan i 'spera' (versikulo 19 I 21 ) ta nifika? Kiko bo ta pensa
Pablo ke men ku librá i 'spera'? Librá di kiko? Spera kiko? Diskuti e punto aki ku otro. Di ki
kosnan abo lo ke wòrdu librá? Kon bo ta bai trata esaki?
Djabierne. Ku kua kosnan abo ta lucha? Kiko a yudabo den esaki? Bo por siña algu
for di un lucha? Splika dikon.

Sabat. Kiko ta e diferensia entre e speransa ku kreyentenan tin i ilushon? Kon bo
speransa den Kristu a yudabo e siman aki? Kon sigur òf insigur e speransa di Kristu ta pa
abo? Dikon e speransa ei ta asina sigur òf insigur?

Tarea
Paga ekstra tinu e siman aki si bo ta kontra un historia di liberashon. Ku kiko esaki a yudabo?
16