Y esun ku ta kosechá ta risibí pago, i ta rekohé fruta pa bida etèrno

Les 5 pa Juli 30, 2016
“Hesus a pasa den
henter Galilea,
siñando den nan
snoanan,
predikando e
evangelio di e
reino, i kurando
tur sorto di
enfermedat i tur
sorto di malesa
entre e pueblo”
(Mateo 4:23)
“E Spiritu di Señor ta riba Mi, pasombra El a ungíMi pa prediká e evangelio na e
pobernan; El a mandaMi pa kura hende di kurason kibrá, pa proklamá libertat na e
prezunan i restorashon di bista na e siegunan, pa duna libertat na esnan ku ta
oprimí; pa proklamá e aña agradabel di Señor.” (Lukas 4:18-19)
Hesus klaramente a
deskribí e manera ku E
lo kumpli ku Su mishon
dor di lesa Isaias 61:12 na e snoa na Nazarèt.
Hesus a hasi mas ku muri pa nos. El a mustra
tambe e Tata Su amor ku Su aktonan. Su mishon
tabata tambe pa siña, pa kura i pa ministrá na
fabor di esnan den nesesidat.
Deliberadamente El a laga e último frase den Isaias
afó (“ i e dia di vengansa di nos Dios ”). Hesus no a
bini pa tuma vengansa riba e Romanonan manera
e pueblo a spera. E parti ei di Su mishon a wòrdu
retené te na Su Segundo Binida.
“ Lo bo no tuma vengansa, ni tene ningun
renkor kontra di e yiunan di bo pueblo,
pero lo bo stima bo próhimo manera bo
mes: Ami ta Señor.”
(Levitiko 19:18)
Hesus a deklará diferente bia ku stimando
Dios i nos próhimo ta e fundeshi di e Lei. E
mester ta nos motibu den tur akto den nos
bida (Mateo 22:36-40).
Ken ta mi próhimo? Hesus a konta e historia di
un hòmber malamente heridá i tres posibel
“próhimonan” pa splika esaki (Lukas 10:2937).
Nos ta siña for di e historia ei ku nos mester ta
e próhimo di kualkier hende ku ta den
nesesidat si nos por yud’é pa aliviá e nesesidat
of doló ei. Nos semper mester ta dispuesto pa
hasi esei, asta si esei ta involví un sakrifisio òf
un inkomodidat for di nos mes.
“ Boso ta e salu di e tera; pero si e salu pèrdè
su smak, kon e lo wòrdu hasí salu atrobe? E ora
ei e no ta sirbi pa nada mas, sino pa wòrdu tirá
afó i wòrdu trapá pa hende.” (Mateo 5:13)
E mishon di Dios Su yiunan hòmber i yiunan muhé ta
pa ta “e salu di e tera.” E salu ta útil solamente ora e
wòrdu mesklá ku otro kuminda. E por sea preserv’é
kontra di deskomposishon òf oumentá su sabor.
Salu ta efektivo mientras e ta mantene su identidat
speshal; esei ta, su abilidat pa trese un mihó sabor. Si
Kristiannan no trese un mihó sabor na e hendenan
rònt di nan ( esei ta, stimando nan próhimonan), nan
no tin nada bon pa kontribuí (Deuteronomio 12:30).
Nos mester bira envolví den nos komunidat pa
mehor’é. Nos ta wòrdu yamá pa ta agentenan
transformador ku lo trese kambionan positivo den
otro hende su bida. Di e manera ei nos lo ta dunando
nan tambe e kos di mas importante den bida;
salbashon den Hesus.
“Y esun ku ta kosechá ta risibí pago, i ta rekohé
fruta pa bida etèrno, ku tantu esun ku ta sembra
komo esun ku ta kosechá lo por regosihá huntu.”
(Juan 4:36)
Hesus a kompará e Iglesia su mishon ku e
proseso di kunuku. Kual ta e fasenan di e
proseso ei?
Preparando e tereno. Nos mester analisá e komunidat kaminda nos
kier prediká e Evangelio. Nos mester pensa riba kon nos por kita e
“piedranan” i “sumpiñanan” ku lo por stroba e kosecha (Mateo 13:3-8).
Sembrando e simia. Kuidando pa e nesesidatnan di e komunidat.
Predikando e evangelio den seminarionan, dunando klasnan di
estudio di Beibel i kuminsando ku gruponan chikitu.
Sorú pa e terenonan sembrá. Resando pa e Spiritu Santu i
perseverando den e aktividatnan mishonero.
Kosechando e kosecha. Kampañanan evangelístiko òf otro
aktividatnan pa move e hendenan pa tuma e desishon di aseptá
Kristu.
“‘ Unu ta planta(sembra), i e otro ta kosechá.’ [Juan 4:37.] E
Salbador a papia e palabranan aki den antisipashon di e
ordinashon i e mandamentu di Su disipelnan . Dor di Judea,
Kristu tabata sembra e simianan di bèrdat. Klaramente i
distintamente El a delineá e plan di salbashon; pasombra e bèrdat
nunka a pèrdè forsa riba Su lipnan. E trabou terenal di e gran
Maestro tabata pa sera pronto. E disipelnan mester a sigi despues,
kosechando kaminda El a planta(sembra), asina ku tantu e
Sembradó i e kosechadónan lo por regosihá huntu.”
E.G.W. (Gospel Workers, pg. 409)
“ No provee ni oro ni plata ni koper den boso fahanan di plaka, ni
saku pa biaha kuné, ni dos túnika, ni sandalia, ni garoti; pasombra un
trahadó ta digno di su kuminda.” (Mateo 10:9-10)
Kon e apòstelnan por a prediká e Evangelio
tempu kompleto si nan no por a sostené nan
mes? Hesus a spera ku esnan ku a aseptá e
Evangelio pa sostene nan materialmente. Y
esaki aktualmente a sosodé asina ei.
Nos por ekstendé na nos komunidat dor di
sigi e siñansanan di Hesus i kon El a biba den
e tera aki.
Un di e mihó maneranan pa planta un iglesia
ta pa planta un ministerio ku ta kuida pa e
nesesidatnan di e komunidat promé. Una
bes(ora ku) e ministerio ei ta funkshoná, e
ora ei kuminsá ku e iglesia.
Tuma un interes den e nesesidatnan di bo
komunidat i kuminsá un proyekto pa kuida
pa e nesesidatnan ei.
“ Nos tur mester bira testigunan pa Hesus.
Poder soshal, santifiká dor di e grasia di
Kristu, mester wòrdu mehorá den ganando
almanan na e Salbador. Laga e mundu mira ku
nos no ta egoïstamente apsorbé den nos propio
interesnan, pero ku nos ta desea pa otronan
kompartí nos bendishonnan i privilegionan.
Laga nan mira ku nos religion no ta hasi nos
antipátiko òf eksigente. Laga tur ku ta profesá
di a enkontrá Kristu, ministrá manera El a
hasi pa e benefisio di hende.”
E.G.W. (The Desire of Ages, cp. 15, pg. 152)