Kompa ber ta traha djem di apel

Compa Beer ta gusta cana keiro den cunucu.
Ora e sinti su mes cansa, e ta sinta sosega.
Un dia, ora e tawata sosega, un cos duro a cay riba su cabes.
Compa beer a sinti e sla riba su cabes y el a wak rond pa mira kico a dal e.
Tawata un apel. El a acay sinta bou di un palo di fruta carga cu apel hecho,
cora y yen yen di juice.
“Mi gusta apel,” Compa Beer ta pensa.
Mi a bay sacudi e palo a un par mas cay.
Asina el a sacudi e palo, te ora delaster un apel a cay abou na suela.
Ata compa Beer ta caba di come un di e apelnan, cu e ta mira coma
Conenchi ta cana yega cu un polis. E di: “ Ta mi fruta.”
“E apelnan aki ta crece na coma Conenchi su palo,” e polis a agrega.
“Ta duel mi masha cu mi a come un,” compa Beer ta lamenta.
“MI no tawata sa cu nan tin doño.”
“Como cu bo a sacudi e palo, laga tur apel cay, mi mester traha djem cu
nan lihe. Prome cu nan cuminsa putri abou na suela,” coma Conenchi ta
bisa.
Como Conenchi ta carga algun apel y e polis tambe ta carga algun di e
apelnan. Pero pober compa Beer ta carga mas hopi cu nan dos.
Ta un trabou pisa.
Ora nan a yega na e cas caminda coma Conenchi ta biba, compa Beer ta
yuda casca e apelnan.
Despues nan ta corta nan y pone nan den un wea masha grandi.
Nan ta pone awa cu sucu, un tiki juice di lamunchi anto un poco ehember.
Coma Conenchi ta pone e wea na candela y Compa Beer ta draai e cu un
cuchara di palo masha grandi.
Ora cu nan ta caba di herbe e djem, nan ta bash’e den un wea grandi
grandi anto nan ta lag’e fria.
“Esaki ta e wea di djem mas grandi cu mi a yega di mira,” compa Beer
ta bisa. “lo dura masha hopi aña mes prome cu caba di come tur e
djam aki.”
“Mi no ta hopi rico,” coma Conenchi a bisa.
“Mi ta bay bende algun pa mi por gana un poco placa.”
“Ami por bende,” compa Beer ta ofrece.
Y el a hisa e wea riba su lomba y cuminsa cana den direccion di stad.
Tur hende ta gusta e djem. Tur conenchi
ta core sali for di nan cas cu beker, scalchi
y conchi.
Compa Beer ta yena nan tur.
Coma Conenchi su wea ta bira bashi
masha lihe.
Compa beer ta hiba e wea di djem bashi bek pa coma Conenchi.
“Tur hende ta gusta e djem.”
“Pero… unda e placa ta?” coma Conenchi ta puntra.
Pober compa Beer ta baha su cabes.
“Mi a lubida limpi limpi di tuma placa for di nan. Nan tawata asina
contento…”
Coma Conenchi ta masha rabia, pasobra ela traha tur e djem y ningun
hende no a pag’e ni un debchi.
Pober compa Beer ta sintie hopi fastioso.
El ta cana bay su so asina y el a leun su cabes contra un palo, mientras
lagrima tawata core for di su wowo.
Diripiente compa Beer ta tende un zonido, manera mas cu cu cien pia ta
cana den yerba. El a bira wak y pa su sorpresa el a mira tur e
conenchinan cu a hay djem for di dje. Den nan man nan tin yen di apel.
Epolis ta core nan dilanti y ta bisa:
“E djem tawata asina bon, cu nos kier pa abo y coma Conenchi traha un
tiki mas pa nos.
Esaki ta nos apelnan pero nos kier paga pa e djem.”
Henter dia coma Conenchi cu compa Beer ta traha djem di apel,
mientras cu e conenchinan ta para wak.
Despues di un rato tur cos a hole djem di apel, tur cos ta pega pega y
tur cos ta parce djem di apel.
E biaha aki coma Conenchi ta basha tur cos den pochi di djem
y e mes ta bende nan.
E djem ta masha dushi mes y coma Conenchi a gana hopi cen.
Compa Beer ta contento di mira su nomber riba e etiketnan
y coma Conenchi a dun’e shete pochi di djem pa su so come.