Competencia Internacional di Skirbimento di Carta 2012

Competencia Internacional di Skirbimento di Carta 2012
BO TIN UN VOZ... EXPRESA BO MES!
Desde 1971 Union Universal di Post, e agencia di Estados Unidos pa agencianan di post, a tene un competencia
internacional di skirbi carta pa hubentud.
E competencia ta intendi pa desaroya e capacidadnan di hubentud pa composita y e arte pa expresa nan pensamento
mas cla, pa stimula nan placer pa skirbi carta y pa haci nan mas conciente di e rol importante cu post ta hunga den
comunicacion global.
Desde 1971 miyones di hoben rond mundo a participa den e competencia, practicando e arte valioso di skirbi carta dor
di pone nan pensamento riba cierto topico y cuestion cu ta regarda mundo riba papel.
Aunke cu nos ta biba den un era digital, pa sinja expresa bo mes riba papel ta un don cu tur hoben mester stimula pa
crecimento personal y pa prepara nan mes pa futuro.
Pues, participa den e competencia exitante aki. Si bo carta gana riba nivel nacional e por wordo selecta como e carta
mas mihor di anja riba nivel internacional y bo por gana premio fantastico.
“mi ta convenci cu e pensamento y balornan tras di existencia di e competencia awendia ta mescos ainda. Escritornan
hoben ta usa nan creatividad pa na cierto momento y den un competencia specifico describi nan comprension di
mundo.” Sergio Roberto Fuchs da Silva, 1972 ganador di medaya di oro y ganador di e promer competencia di skirbi
carta pa hoben di UPU.
“loke ta hacimi empasiona pa mi trabao ta e mesun motibo cu mi ta gusta skirbi. Esey ta pa crea algo nobo, y no pa
gana plaka. Ora nos ta añadi tur e detayenan na un storia nos ta crea un bida. Bo ta pone palabra biba.” Amir
Mechria (Tunesia), 1991 ganador di medaya di oro.
REGLANAN DI COMPETENCIA
Participacion
 Solamente mucha entre 10 y 15 anja por participa den e competencia cu promer ta wordo organisa riba nivel
nacional na e estadonan miembro di UPU.
 UPU no ta accepta composicion cu ta wordo manda directamente pa skol of individuo. E composicionnan
mester wordo manda promer pa e organo orginisatorio nacional (Post Aruba N.V.).
 E cartanan di e ganadornan local ta participa pa e premionan mayor riba nivel internacional.
 E partcicipante mester yena e formulario di inscripcion (formulario disponibel na website:
www.postaruba.com of na nos kantoor principal na Oranjestad na Klantenservice)
PRESENTACION Y CONTENIDO
 E cartanan manda mester a wordo skirbi recientemente y no mag di a wordo publica anteriormente.
 E composicionnan mester ta den forma di un carta y mester contene e elementonan di un carta.
 Cartanan manda mester tene nan mes strictamente na e tema y den e idioma original no mag ta mas largo cu
800 palabra.
SELECCION DI HURADO Y ANUNCIO DI E RESULTADO
1. UPU ta anuncia e tema di anja
2. E pais miembro (Auba) ta organisa e competencia local
3. E pais ta selecta e carta mas mihor y ta manda esaki pa UPU na Suecia
4. Hurado internacional ta evalua e cartanan y ta selecta 3 ganador
5. Ganadornan y paisnan miembro ta wordo notifica di e resultado
Competencia Internacional di Skirbimento di Carta 2012
TEMA
E tema ta relata na e decada internacional di e accion “Awa pa Bida” 2005-2015 y e tema ta: “Skirbi un carta unda bo
ta splica pakico awa ta valioso”.
Awa ta sirbi diferente proposito y e ta hopi importante cu nos ta preserva e fuente natural aki. Acceso na awa ta hopi
importante pa salud y bienestar di hende y preservacion di naturaleza. Estados Unidos recientemente a anuncia cu
mundo a logra alcanza e meta di desaroyo di Milenio, esta cu a corta na mitar e parti di populacion cu no tin acceso
directo na awa potabel. Ochenta y nuebe porciento di e populacion di mundo, esta 6,1 biyon di hende awor tin acceso
na fuentenan mihor di awa potabel. Pero esey kiermen cu 11% ainda no.
MESTER DI INSPIRACION?
www.upu.int/en/the-upu/world-post-day
‘’e competencia a dunami hopi confianza den mi mes y a mustrami cu bo por alcanza tur cos si bo kier.” Kristina
Wollner (Alemania) 2000 ganador di medaya di oro
“[Pa gana e competencia] tabata e tempo mas great di mi bida. E la ponemo kere cu tur cos ta posibel.” Faisal
Muneeb (Pakistan) 1982 ganador di medaya di oro
CON BO TA SKIRBI UN CARTA BON?
Un carta bon skirbi ta contene e siguiente elementonan:
 Encabesamento
(adres completo di e autor y e fecha di e carta)
 Saludo
(Querido, estimada, etc.)
 Texto
 Conclusion
 Posdata (opcional)
 Firma
BO KIER PARTICIPA?
Manda bo carta pa:
Post Aruba, Irausquinplein 9, Oranjestad
Servicio di cliente of via a-mail na: [email protected]
Atencion: Jennifer Kock
Hunto cu bo composicion bo mester manda e formulario di inscripcion yena completo. Pa mas informacion tocante e
competencia internacional aki pa skirbi carta pa hubentud bo por haya riba e siguiente website www.postaruba.com of
yamando na nos Klantenservice na number 5287637.
PREMIONAN
E top tres ganadornan internacional ta haya un medaya bunita (oro, plata of brons) marca pa e Agencia Internacional
UPU, como tambe un certificado y mas premio.
Pero esey no ta tur! E ganador di oro 2013 ta wordo otorga su premio na e oficina principal di UPU na Bern, Suecia (of
un otro localidad). Transportacion y estadia ta wordo paga pa e ganador y un adulto cu ta acompanje.
E Competencia di Skirbimento lo bai cuminsa 9 di oktober, Dia Internacional di Post, e dia cu UPU a wordo funda. E
premionan local na Aruba lo wordo otorga dia 14 di december 2012.
Pa informacion general di a competencia internacional por bishita: www.upu.int/en/the-upu/world-post-day
Premionan local
1e premio: Tickets di ida y vuelta pa Miami cu American Airlines
2e premio: Lenovo laptop di Antraco Aruba Group
3e premio: Weekendstay na Holiday Inn SunSpree Resort