De Beukelaar

De Beukelaar
Na kuminsamentu di aña 2013 Laurens lo habri un lugá nobo (De Beukelaar) na RotterdamZuid. Den ‘De Beukelaar’ un grupo di grandinan ku ta sufri di demensia lo por biba banda
di otro i haña kuido nesesario. E kos mas partikular di ‘De Beukelaar’ ta ku personanan di
deferente kultura i orígen por biba i sinti nan mes na kas. Habitantenan di ‘De Beukelaar’
por bishitá otro i esei ta konta tambe pa bisiñanan di den bario. Bisiñanan por bishita e
habitantenan di ‘De Beukelaar’ den un sala di enkuentro kaminda tin un esfera ameno, un
patio i tambe tin espasio pa hasi orashon.
‘De Beukelaar’ ta brinda tur klase di oportunidat pa aktividat den grupo kaminda por skucha
musika i kome kumindanan afro karibense i tambe relaha den kompania di famia, amigu i
otro habitantenan di e sentro.
Grupo Afro-Karibense ‘Sentebibu’
Grandinan di desendensia Afro-Karibense lo biba huntu den un grupo, kaminda e ambiente
ta ameno i tin un aparensha i tambe esfera Afro-Karibense. Den ‘De Beukelaar’ tambe lo
biba un grupo di Turko, un grupo di Marokano, un grupo di Hindu-Surnameo i naturalmente
tambe un grupo Ulandes Oropeo.
Kada grandi lo biba den su mes apartamentu ku ta konsistí di un sala, un kamber, un baño
ku tualèt, i tin posibilidat pa sintonisá diferente programanan di televishon i radio. Tin
posibilidat pa tuma parti na aktividatnan bou di guia di profeshonal i boluntarionan.
Kuido dor di famia i kuido profeshonal
Trahadónan di ‘De Beukelaar’ tei pa duna grandinan servisio i kuido. Algun trahadó asta
ta komprondé i papia e idioma materno di e grandinan. Ta asina tambe ku trahadónan
konosé tradishonnan i kultura Afro-Karibense. Ku apoyo di e profeshonalnan famia por
duna nan grandinan kuido si nan ta haña esei nesesario.
Vivienda multi kultural
‘De Beukelaar’ ta situa den un bario multi kultural ’Hillesluis’. Den serkania di ‘De Beukelaar’
tin diferente parada di transporte publiko. Tin tambe supermerkado, diferente tienda, pakus
i tambe un moskee.
Vivienda pa pareha di e grandinan ku ta biba den ’De Beukelaar’
Laurens tin e posibilidat pa yuda pareha di grandinan (via Woonstad), ku bai biba den
‘De Beukelaar’, pa por hür un kas adekúa den serkania di ‘De Beukelaar’ den un edifisio di
‘Woonstad’.
Asina e grandi ku ta sufri di demensia i su pareha por biba serka di otro.
Imaginá bo e siguiente historia ku ta trata eksperensha di Xiomara i su mama:
“Kòmbersashon ku mi mama tabata bira dia pa dia mas difísil. Mi mama tabata hopi bruá
I tabata lubidá hopi. Den famia nos no tabata kapas pa kuid’é mas. Huntu nos a disidí
pa muda mama pa ‘De Beukelaar’. E desishon tabata difísil i emoshonal, pero awor aki
nos ta hañ’e e desishon di mas mihó i nos ta satisfecho kuné. Nos por bishit’e tur dia
den ‘De Beukelaar’, nos famia i profeshonalnan ta kuida nos mama. Mi mama su kamber
ta mueblá manera el a kustumbrá ántes na kas. Den e sala komun tin un esfera ameno
i un ambiente Antiano. Nos komo famia ta sinti nos na kas den ‘De Beukelaar’ i mas
importante ta ku nos mama ta sinti su mes na kas. Den ‘De Beukelaar’ nan ta komprondé
nos mama su kustumbernan i asta tin algun ta papia Papiamentu. Nos ta hala un bon
funchi, baila i kanta riba tononan di nos músika. Pa nos komo famia ta un alivio ku
profeshonalnan semper tei pa duna nos mama kuido i guia profeshonal. Ta netamente
e kuido i guia ku nos mama tin mester di dje i lokual nos no por a ofres’é.”
Laurens De Beukelaar
West-Varkenoordseweg 97+99, Rotterdam
Tijdelijk postadres: Maashaven Oostzijde 151, 3072 HS Rotterdam
meer dan zorg
Innlegvel bij de Beukelaar | Versie 1.0 | november 2012 | LaCo-0405 | Concernafdeling Marketing & Communicatie
Sera Konosí
Den un kòmbersashon personal nos por deliberá kua ta e mihó opshon pa bo den
De Beukelaar. Por tuma kontakto libremente ku nos persona di kontakto ku ta sra.
Mary Besjes via tel: 010-496 56 56 òf ku sra. Bea Sitaram na tel: 06-19968695.