Hmong Lactose Intolerance 12/2012 TUS MOB TSIS HAUM MIS
Anuncio
TUS MOB TSIS HAUM MIS NYUJ (LACTOSE INTOLERANCE) Tus mob tsis haum mis nyuj (Lactose intolerance) yog qhov tsis muaj rab peev xwm zom kom tau cov piam thaj, cov piam thaj uas muaj ntau nyob hauv cov mis nyuj thiab cov khoom muab mis nyuaj ua tawm los. Dab tsi ua kom muaj tus mob tsis haum mis nyuj? Tus mob tsis haum mis nyuj yog muaj los ntawm qhov muaj tsis txaus cov enzyme lactase. Lactase muab cov piam thaj hauv cov mis tsoo kom me kom muab nqus tau ntxaum mus rau hauv cov ntshav khiav. Thaum tsis muaj cov lactase txaus los mus zom cov lactose muab los siv, qhov tau los kuj tsis muaj teeb meem loj li cas, tab sis cov tsos mob ntawm tus mob tsis haum mis nyuj kuj ua rau meem txom tsawv thiab. Cov cim thiab cov tsos mob ntawm tus mob tsis haum mis nyuj zoo li cas? Cov tsos mob kheev pom tshwm yog mob me ntsis mus rau mob hnyav uas muaj xws li xeev siab, mob plab ntswj, lub plab su tuaj, plab muaj cua, thiab raws plab. Cov tsos mob yuav pib li ntawm 30 feeb mus rau 3 xuaj moos tom qab noj tau los yog haus tau cov khoom muaj lactose. Qhov hnyav ntawm cov tsos mob yuav zoo li cas ntawd yog nyob ntawm ntau yam, nrog rau qhov tus neeg yuav ntev tau cov lactose tau ntau npaum cas thiab tus neeg lub hnub nyoog, haiv neeg, thiab kev zom zaub mov. Yuav nrhiav tau tias yog tus mob tsis haum mis nyuj li cas? Ib qhov kev kuaj kheev ua los mus uas siv los mus ntsuas qhov kev nqus ntawm lactose hauv kev zom zaub mov yog qhov kuaj ua pa. Qhov kuaj no yuav ntsuas cov pa seb nyob theem twg uas muab hu ua hydrogen hauv koj cov pa. Hydrogen yog tsim tau los ntawm cov kab mob hauv txoj hnyuv loj rau qhov zom tsis tau cov piam thaj ntawm lactose. Hydrogen mus raws cov ntshav khiav mus rau ntawm cov ntsws, uas yog qhov chaw muab tso (ua pa) tawm. Yog muaj cov hydrogen siab heev hauv koj cov pa txhais tau tias cov lactose zom tsis tau zoo tsim nyog. Cov Kev Kho thiab Kev Tiv Thaiv tus mob tsis haum mis nyuj yog ib qho kho tau yooj yim. Yuav ua tsis tau kom cov lactase enzyme uas lub cev tsim tau kom ntau tuaj, tab sis yuav tswj tau cov tsos mob los ntawm kev caiv khoom noj khoom haus. Cov me nyuam thiab cov muaj hnub nyoog ntau leej tsis tas yuav kom zam dhau tus mob tsis haum mis nyuj kom txhob muaj kiag li, tab sis nyias yuav txawv nyias rau ntawm qhov lawv tus kheej tswj tau tus mob ntau npaum cas. Kom txo tau cov tsos mob ntawm tus mob tsis haum mis nyuj: • Xaiv haus soy milk (kua taum daj), rice milk (kua mov) los yog sim cov almond milk (kua taum ntsuab) • Xaiv soy yogurt, coconut yogurt los yog rice yogurt • Xaiv cov khoom muab mis nyuj ua muaj lactose qis xws li aged cheese, cream cheese los yog sherbet • Xaiv cov khoom muab mis nyuj ua xws li Lactaid® milk, Lactaid® ice cream, Lactaid® cottage cheese, Lactaid® los yog milk • Siv cov ntsia tshuaj muaj lactose xws li cov Lactaid® los yog Dairy Ease® nrog cov khoom muab mis nyuj ua. * Kom nco paub txog cov chaw zais los yog muab los ntxiv rau ntawm cov lactose hauv cov mis qhuav ua lub, cov mis tsis roag ua hmoov qhuav, whey, curds, thiab hauv cov khom muab mis nyuj ua tawm los. * Txwv koj kev noj cov khoom muab mis nyuj ua kom tsawg; tab cov neeg muaj tus mob tsis haum mis nyuj kuj nyob tau yog noj los yog haus cov khoom muab mis nyuj ua me ntsis xwb. Hmong Lactose Intolerance 12/2012 Lactose muaj nyob hauv cov khoom muab mis nyuj ua: • Milk 9-14g • Evaporated Milk >24g • Sweetened Condensed Milk >31g • Acidophilus Skim Milk 11g • Yogurt (1cup) 4-17g • Cottage Cheese 0.7-4g • Mozzarella or Cheddar Cheese <1g • Cream Cheese <1 g • Butter (1 pat) 1<g • Ice Cream 6g • Sherbet 2g Yam pab rau pob txha kom khov (Calcium) Nws yog ib qho tseem ceeb los mus noj tej khoom uas muaj calcium thiab vitamin D kom txaus. Cov khoom muab mis nyuj ua yog ib qhov chaw muaj calcium. Tham nrog koj tus kws kho mob seb yuav ua li cas thiaj tau cov calcium kom txaus rau lub cev yog koj txwv tsis noj cov khoom muab mis nyuj ua kom tsawg. Cov khoom noj uas tsis yog khoom muab mis nyuj ua uas muaj calcium nyob hauv muaj xws li: • Cov dej qab zib muaj calcium xws li orange juice, soy milk thiab rice milk • Ntses muaj pob txha noj tau xws li ntses salmon ntim hauv kaus poom • Alfalfa los yog soy sprouts • Taum paj muab noob taum soybeans, pinto beans, thiab navy beans ua • Zaub ntsuab xws li broccoli, kale, bok choy (zaub Suav) thiab turnip greens • Almonds • Sesame seeds • Molasses Thaum Twg Yuav Tau Mus Nrhiav Tswv Yim Pab Kho Tus Mob Yog koj muaj cov cim los yog cov tsos mob tsis haum mis nyuj, tham nrog koj tus kws kho mob. Txhob nrhiav kom paub tus mob koj tus kheej. Koj cov tsos mob ntawd tej zaum kuj yog ib qho qhia txog lwm yam mob. Koj tus kws kho mob yuav pab txiav txim yog koj muaj tus mob tsis haum mis nyuj los yog mob lwm yam. Cov Chaw Mus Nrhiav Kom Paub Ntxiv: American Gastroenterological Association www.gastro.org American Dietetic Association (Pab Pawg Tshwj Zaub Mov Noj Muaj Txiaj Ntsig Mekas) http://www.eatright.org Lactaid® www.lactaid.com 05/21/2012 Hmong Lactose Intolerance 12/2012
