comune di piscinas - Sa Bertula Antiga

COMUNU DE PISICNAS
SERVÌTZIU DE IGENI URBANA
AVISU A SA POPOLATZIONI
In custu paperi doi funt informatzionis asuba de is modalidaris e su calendàriu de s’arrigota
diferentziara de s’ariga (aliga) e serbit po informai e incorai sa popolatzioni aici chi bessat beni
fata. A cumenciai (cumentzai) de su 01/06/2009 su servìtziu de igeni pùblica in custu comunu est
stètiu intregau a sa dita Onofaro Antonino de Naso (ME) cun unu cuntratu chi at a durai 5 annus.
Funt stètias fatas unas cantu modificas rispetu a comenti si fet prima:
1) S’ariga s’at a depi poni in foras de is domus aintru is 7 de mengianu. Est necessàriu fai aici
po tenni sa bidda sentze de ariga, massimamenti in s’istari, aici chi non si creint problemas
igenìcus-sanitarius. Custa aministratzioni at a comunicai a lestu si nci ant a essi
cambiamentus.
2) Is imballagius de pràstica ant a essi pigaus su cenàbara e non prus su mèrcuis.
3) Is cuntenidoris de tetrapack, in bia sperimentali, ant a essi arritiraus impai (impari) cun su
paperi e su cartoni e non prus cun s’ariga indiferentziara.
In prus cun custu folliu Is citadinus de Piscinas funt invitaus a cicai de arridusi su cantidari de ariga
chi fait donniunu e fai beni s’arrigota diferentziara, poita fendi diaci:
1) s’at a pori mandai prus pagu ariga a su smaltimentu, otenendi aici beneficius ambientalis;
2) Cumbati is costus po su smaltimentu chi funt crescendi sempri;
3) Arrigoli ariga diferentziara de bona cualidari, aici chi siat garantiu su recùperu de su
materiali diferentziau;
Po chi custa initziativa bèssat beni fata est necessaria sa collaboratzioni de totus.
Arregordaus a totus ca s’arrigota diferentziara de s’ariga est obligatoria po sa lei e is erroris fatus
apostaramenti ant a essi santzionaus sigundu su regulamentu comunali de igeni urbana.
Pisicnas, maju 2009
BONA ARRIGOTA A TOTUS!
SU SÌNDIGU
CALENDÀRIU DE S’ARRIGOTA
LUNIS: ùmiru (ùmidu)
MARTIS: sicu indiferentziau – paperi e cartoni
MERCULIS: ùmiru
GIÒBIA: imbirdu -allumìniu
CENABARA: sicu indiferentziau - pràstica
SÀBURU: ùmiru
UMIRU ORGÀNICU
ITA SI PORIT (podit):
Scartus de coxina e su chi abàrrat de cosa de papai; arrestus de fruta e birdura; pani tostau; fundus
de cafei e filtrus de tè, frois (froris) segaus e matas de domus; muncaroreddus de paperi; alimentus
scadius e croxus de ous; letieras de animalis de domu
ITA NON SI PORIT:
Panicius po is pipieddus piticus e po is fèminas; stracius mancai siant infustus e totus cusssas cosas
chi non siant biodegradabilis
Ponei su strexu donau apostaramenti de su comunu cun is sachitus de tipu master–Bi, lunis –
mercuis – saburu aintru de is 7 de mengianu.
PAPERI E CARTONI
ITA SI PORIT:
Follius e fotocopias, cuadernus e giornalis, bustas de paperi, paperàmini, imballagius e cunfetzionis
de cartoni. Su cuntennidori Tetra Pack, depit essi sboirau e strecau, e postu impai (impari) a su
paperi.
ITA NON SI PORIT
Paperis o copertinas (cobertinas) plastificaras; paperi oleau, carta craboni etc
Ponei su materiali beni pinnigau e strecau po arridusi su volumu, su martis aintru de is 07.00
de mengianu.
IMBIRDU E BOTUS
ITA SI PORIT:
Vasus, tassas e fialas de imbirdu, botus, scatuletas po cosa de papai; carta stanniola e vaschettas de
allumìniu.
ITA NON SI PORIT:
Sprigus e lastras de imbirdu, cosas fatas de ceràmica
Sciacuei s’imbirdu e is latinas prima de ddas poni in foras. Ponei custu tipu de alliga in
idoneus, su giobia aintru de is 7.00 de a mangianu.
IMBALAGIUS DE PRASTICA
ITA SI PORIT:
Butiglias po cosa de bufai, ampuddas e ampudditas po s’igeni personali e po allichirì (allichiriri)
(shampu, saboni, detersivus)
ITA NON SI PORIT:
Giocatulus, pratus, tassas, frochitas,culleras e gorteddus de pràstica, bustas de cellophane;
cunfetzionis po alimentus (yougort e cosas aici).
Strechei sa pràstica prima de poni in is contenidoris adatus, su cenabàra aintru de is 7.00 de a
mengianu
ARIGA NON DIFERENTZIARA (SICU)
ITA SI PORIT:
Gomma e polistirolu, stracius brutus, carta carbone, paperi oleara e prastificara; cositteddas de linna
intinta, panicius po is pipieddus piticus e po is fèminas; sachittus po sa màchina suspidora;
lampadinas e arrogalla de ceràmica, etc
ITA NON SI PORIT:
Totus is cosas chi fait a ddas reciclai e totus is arrefurus perigulosus
Ponei s’ariga in bustas adatas su martis e su cenabara eintru is 7.00 de mengianu.
MESSADURAS DE ERBA E SCOMADURA DE MATAS
ITA SO PORIT:
Messadura de erbas e frois segaus, matas, arrampus e scomaduras de matas, arrestus vegetalis de
s’ortu.
ITA NON SI PORIT:
Nylon e cellophane; vasus de pràstica e o de terra po is matas, metallus, perdas terra etc
Ponei s’ariga in is dis de lunis, mercuis e saburu aintru is 7 de mengianu.
INGOMBRANTIS E BENIS DUREVOLIS:
ITA SI PORIT
Mantalafus e brandinas; mobilis poltronas e divanus; frigoriferus e cungeladoris; televisionis e
computer; machinas po sciacuai s’arroba e is pratus, cunditzionadoris de aria etc.
Custus materialis ant a essi arritiraus s’ùrtimu lunis de donnia mesi telefonendi a su nùmeru
3293147386
ITA NON SI PORIT
Arregiolas, perdas e terra; bandoni tòssicus.
MEXINAS SCADIAS
Fialas po inietzionis, disinfetantis, sciropus, pastillias, pumaras (sentze sa cunfetzioni de paperi)
PILAS E BATERIAS
Pilas stilo, pilas a butoni (po lampadinas, radio, orollogius) etc
PRODOTUS ETICHETAUS “I” OPURU “F”
Contenidoris de cosas po sa domu (acetoni, cosas po ndi tirai is marcias); cuntenidoris po su “fai da
te” (stucus, màstici, solventis, àcidus, e cosas aici)
Po custus ùrtimas arratzas de arrefurus in su terrìtòriu comunali funt stètius postus is
cuntennidoris in 4 logus diferentis.