O PARQUE ETNOGRÁFICO DO RÍO ARNOIA O Parque Etnográfico

O Parque Etnográfico
O PARQUE ETNOGRÁFICO DO RÍO ARNOIA
O Parque Etnográfico está integrado por tres
elementos: o Muíño do Burato, o Museo do Tecido
“O Fiadeiro” e o Museo do Coiro “Fábrica de
Curtidos Familia Nogueiras”. Todos eles son
mostras representativas do que nun tempo significou
o modo de vida e a economía desta zona, claramente
ligada ó río Arnoia.
Parque Etnográfico do Río Arnoia nace co obxectivo
de recuperar e integrar, na vida da vila de Allariz,
elementos do patrimonio etnográfico que aínda
subsisten sobre o territorio, pertencentes ás
actividades económico-culturais xeradas ó redor do río, principalmente o
curtido de peles e a transformación de gran de cereal, que forman parte dun
pasado relativamente próximo.
Muíño do Burato
O Muíño do Burato é unha mostra
representativa
dos
numerosos
muíños
hidráulicos que se poden atopar ó longo do río
Arnoia.
É un muíño de turbina (mecanismo posterior ó
rodicio tradicional) con dúas rodas, que
incorpora nunha delas o funcionamento con
motor
eléctrico.
Dende a súa rehabilitación o seu muiñeiro mostra ós visitantes a tradicional
moenda de gran de cereal.
Museo do Tecido “O Fiadeiro”
Allariz, como importante zona de producción de
liño e elaboración de tecidos durante o século
pasado, conta co Museo do Tecido “O
Fiadeiro”.
Acolle unha representación dos aparellos
empregados no cultivo e transformación do
liño, como un ripo, mazo, espadeleiro, restrelo,
fusos ou rocas, un antigo tear aínda en uso e
diversas pezas antigas tecidas a man como colchas, picotes, sabas ou roupa
interior.
Ademais conta cun pequeno obradoiro onde unha artesá mostra a elaboración
de traballos tecidos artesanalmente.
Concello de Allariz
+ + +
www.allariz.com
O Parque Etnográfico
Museo do Coiro “Fábrica de Curtidos Familia Nogueiras”
Este Museo ocupa unha parte importante dun
emblemático edificio recentemente recuperado,
situado á beira do río Arnoia: a Fábrica de
Curtidos da familia Nogueiras.
Na zona adicada a Museo, onde se localizan
os pilos da curtición, recóllense as ferramentas
empregadas neste oficio o que permite
comprender, xunto coas explicacións que se ofrecen nos paneis, todo o
proceso de curtición.
O piso superior alberga un obradoiro onde un artesán traballa o coiro e un
espacio adicado a aula, onde teñen lugar os cursos de artesanía que se teñen
levado a cabo polo museo.
Concello de Allariz
+ + +
www.allariz.com