Urarina Nuevo Testamento -1 Tesalonicenses

Tesalonecau nenacaauru rai
Faborohacha letoai leinjiin
Tesalonecau nenacaauru rai
laenaauruha Faboroorune
1
1ॸCanuna Faboro neeun. Inara raina
Siribano, Timoteeo, naaonjoain
͑ɗËȍ͑ӕ͑ľ͑́ľ͑ɗ͑́ľҡΎфɗËȍ‫ڏ‬
nuhin. Saain nii Tesalonecau
nenacaauru Cana Coaunera rai ita
taojiaera neeichene raina caa laenaain
letoacaanu. Saain nii Cana Inaca Cana
Coaunera, Cana Curuaanaa Jesocurisito,
naaonjoain coitucuhin neeichene raina
caa letoaacaanu. Inara belain, inara
coroatajaneeine Cana Inaca Cana
Coaunera, Cana Curuaanaa Jesocurisito
naaonjoainte raotojoeein neeiche.
2ॸCana Coaunera bajaacaanune
naineeina, “Nariha,” naain coroaejeein,
ɗ͑ффɗ¡ʮË͑ӕɗ͑фËΎфΎҡʮ͑ľ‫ڏ‬
jeein sacuha Cana Coaunerane coina.
3ॸNitohaneeina inara coaucuhin
nihacaanu, Cana Inaca Cana Coaunera
bajaacaanune naineeinna rauhijiriin
inara coroatajanerichaain Cana
Coaunera Calaohi Jesocurisitone
esenetaain, caohachaain laraajiin
necairichanaa abaantaain amihaneein
leeochaauru belaain neeichene jaun.
4ॸCoichana aina cutaainte inara belai
Cana Coaunera. Aihana jaunna, janijiin
Cana Coaunera ranojoineein neeichene
coitucuhacaanu.
5ॸCoatiha
joaenreen erenaa rijijieein
nihei caa cacha relaacaanune jaan Cana
Coaunera Ere. Mijiaainetiinte cacha
suujua que tacae, nitohaneein tiha Cana
Coaunera Suujuene jaun. Nitohanihana
jaunna esinae rauhijiriin Cana Coaunera
Ere neein nihane coitucuhacaanulu.
Inarate canacaanu ichao coitucuhiche,
inara aina nihacaanune bana inara nota
que canacaanu coaraquicheluna jaun.
Nenacaen inara caohachanu que tejian
canacaanu coaraquichelu inara nota
que, jerichanejeein caohachaain
ichaohichene coina.
6ॸNii jaunte jerichanejeein canacaanu
ichao rijijieein, Cana Curuaanaa
Jesocurisito naaonjoain rijijieein inara
netonai inara ichao que ichaohiche.
ͮɗҡΎȍ͑ľľɗ͑ËΎȍËȍɗËȍɗ͑ɗËȍΎȍɗ‫ڏ‬
chene corenihate inara rerohecaain,
inara cairichaerihure niqui, nete inara
coroatajaneein naaonjoaan Cana
Coaunera Suujuene jaun, raotojoeein
rachoojoeein Cana Coaunera Ere
aonaain tonoraaiche atiin.
7ॸͮɗҡΎȍ͑ľľɗ͑ҡɗɗ͑́фʮɗɗ͑͑ľËɗфɗ‫ڏ‬
chanaa abaantaain raotojoeein
neeichene jaunte, inara coitucuuruhana
jaun, jerichanejeein inara rijijieein
ichaonaa caohacha que ichaonaa
coaaucure saain Masedonia, Acaiha,
naaonjoaihunri nenacaauru Cana
442
El Nuevo Testamento en Urarina del Perú, 2da ed. ©2008, La Liga Bíblica
ҽľѸ́Ύ͑ľËӕͮľ͑ËӕфӕѠɗ̞ľɗ͑ʮɗɗ͑ॷ1ٍॷ2
443
Coaunera coitucuurera. 8ॸNitohaneeinte
Masedonia batane, Acaiha batane,
itolere sacutaain Cana Curuaanaa Ere
coitucuerateeichene jaun, esinae
rauhijiriin Cana Coaunera esenetaain
rauhijiriin nere tonoraain neeichene
coitucuure itolere neein. Nitohaneein
ɗҡΎ́ľфľ͑ľľɗ͑фΎҡΎʮΎľľɗ͑ɗ͑фËΎɗҡӕËӕӕ‫ڏ‬
ruhana jaunna, inae cha que erenaa
nainenihacaanu canacaanu inae.
9ॸNii jaunte inae acaauru rai cha que
irihacaanune latecurene, jauriaa nejeein
inara rene turuha uhacaanune jana,
canacaanu belaain, canacaanu raain,
canacaanuhacha beebejei Cana Coaunera
Ere esenetaain tonoraain, nii enuha caje
cacha chanohineein nenaa inara coaunera
niha inaraacha tei jianeein raatiriin, esinae
rauhijiriin nii ichaohin nenaa Cana
Coaunera Esine Ere esenetaain tonoraain,
nii beebejeeiche leeochaauru raine
coitucuuruha itolere neeina jaun.
10ॸChaen techu enacoauneein dede
caje turuha uha nii Cana Coaunera
Calaohi, nii oo caje Cana Coaunera
ichatenohin Jesosone cohajeeichene
beebejeeure. Nii Cana Coaunera Calaohi
Jesosote cana casetecaeratihane rai niha
Cana Coaunerane jana jianacoon cana
mitaeraneein ne.
Tesalonecau namihaneeo ichaa Faborone
2
1-2ॸNii
coitucuhichene tocohaneeinte
jauriaa nejeein Filipoo turuhacaanune
jana, canacaanu batohin, canacaanu
necoejechanuhin, Ë͑Ë͑ӕнӕľʮΎ́ľËΎΎ‫ڏ‬
ruha natiinte, inae enene esinae rauhijiriin
aitocoanune coitucuure. ͮɗɗËΎɗҡӕËӕȍɗ‫ڏ‬
chene tocoaneeinte canacaanu aina
͑ľʮľфҡľľӕфӕȍ͑ɗɗҽľѸ́Ύ͑ľËËΎËΎɗËȍ‫ڏ‬
curune jana, canacaanu coroatajane Cana
Coaunera, acaauru que casilanaala
laraajiin inara rai nere bihacaanune coina.
3ॸNitohaneeina joaenreein caje rocohin
inara relaenihacaanu. Nitohaneein
rauhijiriin aitocoaanu natiinte
canacaanu ataibinaene beein,
͑Ύ͑ʮΎӕ͑фľË͑Ë͑ӕ¡ľ́ɗȍľɗ‫ڏ‬
churu, chaelai chunei coritana coacuhin
joaenreein canacaanu ereniriaala que
aitona rijitiin.
4ॸCanacaanu suujua coarajihana
jaunte, canacaanu letoae Cana
Coaunera, jianacoon cana mitaain, Cana
Rai Ichaonaa Tera Nere bihacaanune
coina. Coatiha canacaanu belaain niha
cachane jerena caaun cacha relaain
nihaacaanu. Canacaanu belaiha Cana
Coaunerane jerena caaunna jerihane
tocohaneein cacha relaain nihacaanu.
5ॸNii coitucuhichene tocohaneein,
coatiha canacaanu coretequichene coina
inara belaihaacaanu. Esinae Cana
Coaunerate coaraje.
6ॸCanacaanu cocoainaain canacaanu
letoaain niha Cana Coaunera Calaohi
Jesocurisitona jaunte niqui neere
canacaanu rai rauhi. Nena “Naaonjoain
canacaanu que suujua acateein neeine
cachara,” naain erenihacaanu inara rai
nihanatiin. 7ॸNechu jataen joaenreein
cacha rijijieein turuhin, canacaanu
nerotohin inara belaain inara jana
amuhemuhecaanulu. Charijieein teeinti
bereecuru belaain fojiae neba. Nii
rijijieeina inara belaain inara
relaacaanu. 8ॸCoatiha Cana Coaunera
Ereeicha que inara relaacaanuneeicha
coina turuhin inara aina nihaacaanulu.
Inara netonai canacaanu ichao coaraain
jerichanejeein canacaanu rijijieein
ɗËȍΎȍɗËȍľ͑ľËΎɗ͑͑ɗҡΎ́ľфľ͑ľËɗфɗ‫ڏ‬
chanaa abaantaain turuhin nihacaanulu,
canacaanu coichana aina cutaain inara
belaain nihacaanune jaun.
9ॸJauriaana janotiinnetojoeein,
́фʮɗɗ̲͑ɗ͑ʮľľɗ̲͑ɗȍ͑ľфľҡΎË‫ڏ‬
nulune coaauquiche chachu natiin.
Nitohaneeina canacaanu raajenihane
amihaneein, coreniha canacaanuhacha
El Nuevo Testamento en Urarina del Perú, 2da ed. ©2008, La Liga Bíblica
ҽľѸ́Ύ͑ľËӕͮľ͑ËӕфӕѠɗ̞ľɗ͑ʮɗɗ͑ॷ2ٍॷ3
latei coreteein, Cana Coaunera Ere
beebejeein ichaorejetocoaaunlu, nabana
inara cairichaacaanune, chaelai que
latejihojoiriin neeichene coataa.
10ॸ“Baaso chaainjene nihacaanu,”
naain iriha cacha natiin, chatohaneein
baaso chaain nihaacaanu. Inara, Cana
Coaunera, naaonjoain neeichenete
rauhijiriin canacaanu suujua coaraain,
Cana Coaunera coitucuera neeichene
нӕľË͑Ë͑ӕѸӕӕʮӕËҡľľɗ͑͑ɗȍË‫ڏ‬
nune coarajerejetocoichelu. Nii jaunte
nene nihei chaelai que ujuaiteein
canacaanu coulurujiha chuneine jaannu.
11ॸNii choae tacaainachu calaohi
suujua nunaain lararajiaa inacane
rijijieein inara suujua nunaain
lararajiaain nihacaanune coitucuhiche.
12ॸNitohanihana jaun, coujuriu Cana
Coaunera coitucuera neein nenaa
tocohaneein rauhijiriin ichaooche, nii
ʮӕфɗɗ͑ффɗɗҡΎËΎ͑ӕ́ӕ͑ľҡΎËΎȍ‫ڏ‬
neein raotojoeein rachoojoeein aina
neeichene coina inara cotijiaain nihalu
Cana Coaunerana jaun.
13ॸCoatiha joaenreein cacha ere
aonajenaa rijijieein Cana Coaunera Ere
aonajiheeichelu inara rai bihacaanune
jana. Nii jaunna Cana Coaunera
bajaacaanune, “Nariha,” naain
bajaacaanu. Nii caje coaauneeinte
esinae rauhijiriin caohachaain inara
ichao coreein ichaohichene coaarateein
neeiche. Nitohanihane cajete esinae
rauhijiriin Cana Coaunera Ere nihane
que necoaarate.
14ॸCana Coaunera Calaohi Jesocurisito
ere tonoraaichene corenihate inara aina
nejerateeurelu inara araaichuru. Nii
rijijieein techu nii Jodeau nenaa Cana
Coaunera Calaohi Jesocurisito ere
tonoraaurera aina nejerateeurelu
acaauru araaichuru Jorioocuru. 15ॸNii
Jorioocurute acaauru rai Cana Coaunera
ere beera inoaensi sohin jaaoruhane
444
rijijieein Cana Curuaanaa Jesoso sohin
jaaorera ne. Nitohaneeuruhana jaunte
acaauru aina nihacaanune bana
canacaanu sitaaurelu. ͮɗȍľɗ͑Ѹɗʮɗľľɗ‫ڏ‬
niji Cana Coaunera jerenohin ichana
coaaucuruhi, nechu satiin cacha aina
obaejeriin ichaaoruha neechate laen
jerecure. 16ॸNii jaunte jianacoon mituhin
neeuruha Jorioniheichurune coina,
Jorioniheichuru rai Cana Coaunera Ere
benaa jerichaanune, caohateeure.
Nitohaneeuruhana jaunte jataen
mululuhin osaquiin neeure. Nii jaunte
tabiicha acaauru abaantana nainene
Cana Coaunera. Nii jaunte inae cuu
tihane, nii core coaraa cuurureein
acaauru notaanaa.
Coaiteen Tesalonecau turuha
cunaa jeriha Faboro ne
17ॸInara
caje amuhacaanune caje
coaauneeina, inara coacuhin nihacaanu.
Carajaain ita coaarinihacache natiine
ʮľфɗËȍ͑ľʮľľɗ͑ɗ͑фËΎËӕȍɗ͑͑ɗȍË‫ڏ‬
nune jaun, inara coaraa uhene
rijitojoihacaanu.
18ॸInara coaraa unaa jerichaanune
͑ɗ͑ľľɗ͑ҡľË͑Ë͑ӕËҡľͅΎËΎ͑‫ڏ‬
jaera. Canuna Faboro neein caraaje
nihane inara coaraa unaa jereeun araai
saain.
19ॸInae coaiteen cau turuha Cana
Coaunera Calaohi Jesocurisitone
banana, raotojoeein rachoojoeein
nereeunni, cacoreniha coitucuhin rai
cacha neeichene jaun. 20ॸNii jaunna
ľѸɗ͑ľфӕȍɗʮɗфɗɗ͑фΎҡΎʮΎľľɗ͑фËȍΎΎ‫ڏ‬
joeein nihacaanu.
1ॸJataenna inara coaraa unaa
jeretohacaanu niqui, ͑ľ͑͑ɗ͑ľ͑ľ‫ڏ‬
richaanuhin. Nii jaunna cau Atenau
nerichaanuhin. 2ॸAcaihanejein cana
nejera Timoteeochana letoarichaanuhin
inara coaraa uhane coina. Acate Cana
Coaunera letononeein canacaanu
3
El Nuevo Testamento en Urarina del Perú, 2da ed. ©2008, La Liga Bíblica
ҽľѸ́Ύ͑ľËӕͮľ͑ËӕфӕѠɗ̞ľɗ͑ʮɗɗ͑ॷ3ٍॷ4
445
coroatajane, Cana Coaunera Ere benaa
que. Nii jaunte inara coaraa ureein,
inara suujua lararajiaain nihane, nii
aina nelararajiaain, inara suujua
nunaain neeichene coina, 3ॸnabana
chatohaneein nejelau suujua cuaain
niha chuneine coataa. Inarate
raotojoeein niriinanai coitucuhiche.
Saain nitohaneein necairichanaa
coaraain nihacache nete ne. 4ॸNii inara
aina nihacaanune bana, inara rai
aitocoaanulune tocohaneeinte nelu cana
suujua reroecaeraauru. Nitohaneeinte
situelu, nii coitucuhichene tocohaneein.
5ॸNitohaniha jaunna inara
coaarateeunlu. “Esinaete chuhisi
rauhijiriin Cana Coaunera Calaohi
Jesocurisito ere esenetaain tonoraain
neeure,ٚ͑ɗ͑͑ɗҡΎȍ͑ľľɗ͑ËΎɗҡӕËӕȍ‫ڏ‬
nune jerena caaunna inara
coaarateeunlu. “Baaso que sarunajaain
niha Moconajaerane, baaso chaain
neeuruhane inacojoeein inachujian
acaauru rai Cana Coaunera Ere benaa
que amihanihacaanulu,” naanune
jaunne, inara coaarateeunlu,
nitohaneein coitucuhanune coina.
6ॸNii jaunna nitohaneein esinae
rauhijiriin Cana Coaunera Ere esentaain,
tonoraain ita belaain, raotojoeein
neeichene coitucuun, inara caje turuhin
biha Timoteeo canacaanu raina jaun.
Chaen techu canacaanu belaain
canacaanu coacuhin, canacaanu coaana
jeretohichene be. ʊ͑фËΎ͑ʮľфľҡΎȍ‫ڏ‬
caanune rijitojoeein canacaanu coaana
jeretohichene be canacaanu rai.
7ॸNii jaunna necairichaacaanu natiin,
raotojoeein nii que nelararajiaain atiin
rachoojoeein nihacaanu. 8ॸNitohaneein
rauhijiriin Cana Curuaanaa ere
tonoraain neeichene jaunna, cha que
tonajelanaala nihacaanu. 9ॸNii jaunna
inara coreniha, “Nariha jataen,”
naacaanu, Cana Coaunera notaracae.
10ॸNii
jaunna janotiin netojoeein Cana
Coaunera bajaain nihacaanu, canacaanu
coroatajanihane inara rene turuhin
inara rai beebejihacaanune, jataain jelai
amuritoheriin esenetaain queecha
jaaequiin neeichene coina.
11ॸkɗȍ͑ʮӕ͑͑Ë͑Ë͑ӕËΎфΎҡʮ‫ڏ‬
niha Cana Inaca Cana Coaunera, Cana
Curuaanaa Jesocurisito naaonjoaine
jerichaanu inara coaraa uhacaanune
coina. 12ॸInara coroatajaneeine Cana
Curuaanaate jelai amuritoheriin
esenetaain, tonoraain neein ita belaain,
cachaauru belaain, naaonjoaain neeiche
inara belaichaaunne rijitojoeein.
13ॸAihute nitohaneein rauhijiriin inara
suujua coaraain ichaohichene jana inara
eruhine Cana Coaunera Calaohi
Jesocurisito, raineein nenacaauru aina
turuha uhane bana.
Nitohaneein ichaoha cachane
jeriha Cana Coaunerane
4
1ॸCana
Curuaanaa Jesocurisito
coitucuera neeichene jaunna, atiin
inara rai aitorichaanuhin, nii jauriaa
inara relaacaanune rijijieein ichaohin
neeichene coina. Nenacaenjian jelai
choae jauhecotojoeriin neeichene
coinana aitocoaanu, nitohaneein jeriha
Cana Coaunerana jaun.
2ॸInarate nere coitucuhiche, canacaanu
que inara relaeratiha Cana Curuaanaa
Jesocurisitona jaun. 3ॸAcaiha nejein nere
tonoraaiche neechate jere Cana
Coaunera. Nabana ita raelanaala ene
aina ichaojeraquiin niha chuneine
coataa. 4ॸAcaiha nejein sinijiera
ainaacha ita jereein jiniiquiin suujua
coarain niha cacha nete caohachae.
5ॸCaohachaai, æ͑æΎӕ͑ľфËΎɗҡӕËӕӕ‫ڏ‬
ruhi rijijieein inara suujua coarihei
amuneein neeichene. 6ॸCoa nejesinajeein
ita coritaain ita shaquiin nihache.
Nitohaneein neinihanete banejelanaala
El Nuevo Testamento en Urarina del Perú, 2da ed. ©2008, La Liga Bíblica
ҽľѸ́Ύ͑ľËӕͮľ͑ËӕфӕѠɗ̞ľɗ͑ʮɗɗ͑ॷ4ٍॷ5
choae osa nalutiareein Cana Curuaanaa,
nii core coaraain nihane coina, nii inara
rai aitiin inara relaain bihacaanulune
tocohaneein. 7ॸCoatiha canaacha jerei
ichaechajeein ichaonaa coina cana
cotijiaain, cana raain niheilu Cana
Coaunera. Rauhijiriin cana suujua
coaraain ichaohacachene coinate cana
raain nelu Cana Coaunera. 8ॸCha teeinti,
caa inara relaacaanune jaan batoe.
Nihei canacaanu batoha aitorinaain.
Nechu nii rai Suujue que cana suujua
lararajiaera Cana Coaunera batohate
aitoreein.
9ॸJiniiquiin raotojoeein ita belaijieein
saain itolere cacha belaain neeichene
coina, inara relaa Cana Coaunerana
jaunna, inae nii que inara relanaa
nainenihacaanu. 10ॸNitohaniha jaunte,
saain Masedonia nenacaauru Cana
Coaunera coitucuurera belaain neeiche.
Nii jaunna jelai choae jauhecotojoeriin
inara suujua coaraain inara amute
cacha belaain neeichene jereeun.
11ॸInara letoacaanune tocohaneein
raotojoeein ichaohin, nihei casaje que
erenaa coacuelanaala inara
amihaneeocha ichacuche. 12ॸAihute
ɗ͑фнӕľѸӕӕʮӕËҡľľɗ͑͑Ύ͑ʮΎ͑‫ڏ‬
ruhine Cana Coaunera coitucuuruhi.
Coaiteen turuha uha Cana Curuaanaane
13ॸ“Naaonjoaainte
neeure Cana
Coaunera Calaohi Jesocurisito
esenetaain onacaauru,” naain inara
netonai coitucuhichenena jerichaanu.
Nabana cha coitucueneeichene ohin
naaonjoan chuneine, nabana Cana
Coaunera coitucuuruhi cachaauru
rijijieein jataen tabai inaderanaa que
inaderaain neeichene coataa.
14ॸCharijieein teeinti, ohin ichanae
Cana Coaunera Calaohi Jesoso, nii
rijijieein techu aina ichanaa cuurureein
esenetaain onacaauru.
446
15ॸNii jaunna inara rai aitocoaanu,
cacha relaa Cana Curuaanaane
rijitojoeein. Cha teeinti, coaiteen turuha
uha Cana Curuaanaa nereen tiaain
ichoae, nii ichoaichaniha onacaauru
ajiniha Cana Curuaanaa aina niha
curinaain. 16ॸLetonocuru- anjeraauru
Ëӕфӕ͑нӕľ¡ľфҡɗȍæ͑æΎӕ͑ľф‫ڏ‬
nete inae toniha Cana Coaunera rai
jaihane jana, dede caje fauha uha nii
Cana Curuaanaane, ichanaa cuurureein
esenetaain onacaauru. 17ॸNii baihate
acaauru aina jiniiquiin nihacachene
coina, dede sacari jana Cana Curuaanaa
aina ita ruhin curichaacheein jiniiquiin.
Nitohanihanete Cana Curuaanaa aina
͑ɗȍËӕфɗËȍËȍľľɗ͑Ëȍ¡͑ѸҡΎ͑Ύľ‫ڏ‬
lanaala. 18ॸAihana jaun caa erenaa que
ita suujua lararajiaain neeuche
raotojoeein.
1ॸ“Naaonjoain banate turuha ureein
Cana Curuaanaara,” naain
coitucuhi chunei, nii coitucuhichene
tocohaneein. 2ॸNii coitucuhichene
tocohaneeinte cha coatajeniha chuneine
jana turuha ureein. Charijieein teeinti
janotiin turue asijiauto. Nii rijijieeinte
turuha ureein. 3ॸNitohanerichaine
banate, ٘ˇҡɗ͑фΎҡΎʮΎľľɗ͑ҡľɗËȍΎȍ‫ڏ‬
cache. Coatiha nihei cana que
nejerateein chatohaneein cana ichao
itajeranu,” naain ereein neeurureein
Cana Coaunera coitucuuruhi cachaauru.
Nii lacuritiinte caseteco coaraa
cuurureein luhecotariin, acaauru
casetecaa Cana Coaunera ne. Nihei
Ëȍӕ͑ɗʮɗȍӕ͑Ëӕȍɗ͑͑ɗËȍΎҡľ͑͑ɗ͑ľËӕфӕ‫ڏ‬
rinaain. Charijieein teeinti, canaanai
siriha enene, inae saa rai batenene, rai
cunaane, cuna caje nichotenaa nainene.
Nii rijijieein techu luhecotariin cau
turuha Cana Curuaanaane acaauru
casetecaane nii cuna aonacurureein.
4ॸˇ͑ɗ͑ф́ľ͑͑ľѸΎΎ͑ľ͑ËΎфɗȍľľɗ‫ڏ‬
cheein, cohajeeichene jana
5
El Nuevo Testamento en Urarina del Perú, 2da ed. ©2008, La Liga Bíblica
ҽľѸ́Ύ͑ľËӕͮľ͑ËӕфӕѠɗ̞ľɗ͑ʮɗɗ͑ॷ5
447
tururichaaina jaun. 5ॸCana Curuaanaa
jerenohin coitucuhin tonoraaichene
jaunte, jiichoo conaera- cono
cachaneein neeiche. Coatiha Cana
Curuaanaa ere tonoraauruhi rijijieein
nocohenaana nenaa cacha neein
nihaacache. 6-7ॸNii jaun nainihei
ninauhene neein ajenacaauru rijijieein
nihacachene. Itolere bana cana suujua
coaraain nihacache nete caohachae.
8ॸCharijieein teeinti, nalarijia que coata
teeure soondarooru, acaauru jaberoco
acateraanu que, nabana chatohaneein
tenajaera nihane, acaauru que temuhin
nihane coataa. Nii rijijieein techu inara
netonai, cana acateraanu que Cana
Curuaanaa esenetaain, tonoraain, ita
belaain, cacha belaain, naaonjoain
nihacachenete cana acatera niha
nereein nii canaacha esenetai. ͮɗҡΎȍ‫ڏ‬
niha cachenete cana rohan nichuutaain
Ë͑ËΎфɗҡ͑͑ɗ͑ľ͑ľфľľɗ͑ͅΎËΎ͑‫ڏ‬
jaera. Charijieein teeinti, coata caje
ichanohin asiho lauriae soondaro,
nabana chatohaneein couturi tiha aina
nejerateine coataa. Nii rijijieein techu,
chatohaneein cana suujua tenaa
nainenereein Moconajaera, batoelanaala
esinae rauhijiriin jianacoo cana mitaa
Cana Mitaerane esenetaacachene.
9ॸCoatiha caseteco coaraain nihacachene
coina, cana raain nihei Cana Coaunera.
Rai Calaohi Jesocurisito coreniha
jianacoo mituhin nihacachene coinate
cana raain ne Cana Coaunera. 10ॸϘȍË‫ڏ‬
chene nihanatiin aina nihacachene
coinate cana coreniha ohe Cana
Coaunera Calaohi Jesocurisito. 11ॸNii
jaun nii aaichene rijijieein jiniiquiin ita
suujua lararajiaain laraajiin neeuche.
Satono nejeein Cana Coaunera
coitucuurera suujuatiha Faborone
12ॸAonacuchena
inara rai irihacaanu.
Nii inara beraihurera que inara suujua
acateein, nere tonoraain neeuche, Cana
Coaunera coitucuurera beraichaneein
neeuruhana jaun. 13ॸNii jaun acaauru
que inara suujua acateein belainajaain,
leeochaauru aina jiniiquiin raotojoeein
neeuche.
14ॸAmihanenaa jeriheichuru cotaicha
rijitiin suujuateein letoaauche. Chaen
chu nererojoecaain nenacaauru belaain
suujuateeuchete, suujua tocharaain
suujua nunaain neeuruhine. Chaen chu
nacanacaenaauru coroatajanecuche.
Raotojoeein satiin acaauru suujuateein,
acaauru suujua lararajiaain neeuche.
15ॸCoaracuche, jiaonriha inara rai
baaso chara nihane coa nacatiha tacaain
cainaain nihache. Ita belaain, saain
itolere cacha, æ͑æΎӕ͑ľфËΎɗҡӕËӕӕ‫ڏ‬
ruhi nihanatiin belaain neeuche.
16ॸRaotojoeein rachoojoeeriin neeuche
inetono janonaa bana. 17ॸCana Coaunera
bajaebajajeein neeuche inetono janonaa
bana. 18ॸChatohaneein inara tera nihane
nihanatiin coroaaecuche, nitohaneein
coujuriu Cana Coaunera Calaohi
Jesocurisito esenetaera neein nenaa
tocohaneein neeichene jeriha Cana
Coaunerana jaun.
19ॸInara suujuatenaa jeriha Cana
Coaunera Suujuene, aonaain
tonoracuche.
20ॸCana Coaunera Ere biha Cana
Coaunera letonone, nijiaonriha batohin
neeichene. 21ॸEsinae rauhijiriin suujua
coaraain inara relaacaanune rijitojoeein
inara relaauruhane esenetaain
tonoraauche. 22ॸItolere baaso jianeein
neeuche.
23ॸAcaiha nejein nere esenetaain
tonoraera neein neeichene coina inara
suujua coreeine atiin cana rai raoti
ichaonaa tera Cana Coaunera. Aihute
neculocohin neeine inara jaberoco,
inara suujue aina coaiteen turuha Cana
Curuaanaa Jesocurisito nereein tiaain.
El Nuevo Testamento en Urarina del Perú, 2da ed. ©2008, La Liga Bíblica
ҽľѸ́Ύ͑ľËӕͮľ͑ËӕфӕѠɗ̞ľɗ͑ʮɗɗ͑ॷ5
24ॸNitohaneeinte ichareein nii Inara
Cotiharalu, nitohaneein nihana jaun.
Laenaane satononiha acaauru
coroajeein acaauru coaaucane biha
Faborone
25ॸCana Coaunera bajaauche
canacaanu rai atiin.
26 ॸ“Inara coaaucuruha jera
Faborooru,” naauche satiin cana
448
͑ľʮľфӕфӕæ͑æΎӕ͑ľфËΎɗҡӕËӕӕ‫ڏ‬
rera rai.
27ॸAihana jaun acaauru rai caa
canuhacha laenai ereretaauche, Cana
Curuaanaa letoaeratenojohin neein
nihana jaun.
28ॸInara coroatajaneeine Cana
Curuaanaa Jesocurisitote raotojoeein
neeiche.
Nitohaneein neeine.
El Nuevo Testamento en Urarina del Perú, 2da ed. ©2008, La Liga Bíblica