El símbolu d`Asturies cumple 1.100 años

El símbolu d’Asturies cumple 1.100
años
§
Xaviel Vilareyo y Villamil
Llicenciáu en Derechu pola Universidá d’Uviéu
Aconceyamientu de Xuristes pol Asturianu
Uviéu 2008
Copyleft – Dellos derechos reservaos
Del testu: Xaviel Vilareyo y Villamil. 2008
D’esta edición: Aconceyamientu de Xuristes pol Asturianu, 2008
Esta obra acuéyense a una llicencia de Creative Commons
Esti material puede espardese y copiase respetando la cita la fonte orixinal y l’autoría. Nun se va poder sacar
beneficiu comercial dalu d’elli y les posibles obres derivaes que se fagan, habrán tar baxo los mismos términos
de llicencia que’l trabayu orixinal
:: axa ::
Aconceyamientu de Xuristes pol Asturianu
www.xuristes.as
3
Nesti añu de 2008 celebramos el 1100 aniversariu del cubrimientu con oru y piedres
valioses de la Cruz de la Victoria de Pelayu, que según la tradición lexendaria la llevaben
tolos reis asturianos nes batalles, yá que con esi signu d’amuletu protector venceríen a
tolos enemigos del Reinu d’Asturies. Nel añu 908 el rei Alfosu III el Grande dona esta
cruz a la ilesia d’Uviéu coles lletres alfa y omicra, siendo dende estós símbolu del estáu
asturianu y símbolu de l’asturianidá, por tar representada en mariello y azul na bandera
d’Asturies. La cruz de carbayu asturianu, diz la lleenda que la llevó el mesmu Pelayu na
batalla Cuadonga, siendo esta cruz símbolu tamién de la continuidá dinástica de los reis
astures. La lleenda de la batalla de Cuadonga tien relación cola batalla de Constantinu
con Maxenciu na ponte de Milviu, aparecióse-y al primeru la Cruz nel cielu azul coles
palabres con esti signu vencerás. Alfonsu III el Grande arriqueció la cruz de Pelayu y
tresformóla na xoya más fermosa y bayurosa. Fízose nel castiellu de Gauzón, nel Peñón
de Raíces, en Castrillón. El rei cubrióla d’oru y piedres valioses y, enantes de llevala
n’Uviéu, permaneció na Ilesia la Santa Cruz de Cangues d’Onís, edificada baxo la so
advocación. Donóla, xunto cola reina Ximena, a la Ilesia Catedral de San Salvador en
908.
El símbolu d’Asturies cumple 1.200 años
Xaviel Vilareyo y Villamil. Uviéu, 2008
:: axa ::
Aconceyamientu de Xuristes pol Asturianu
www.xuristes.as
4
La Cruz de la Victoria d’Asturies ye la que se supón que llevó Pelayu. Tá adornada y
compuesta por amatistes, rubís, esmeraldes y zafiros, nun total de noventa y seis
piedres precioses engastaes nel anversu. El reversu ye más cenciellu, conteniendo la
inscripción. Ente la cruz de Pelayu y la d’Alfonsu III hai diferencies, pero tamién
munches coincidencies. Dízse que la de Pelayu yera de carbayu, y comprobóse que la de
la Vitoria ye de carbayu asturianu. La de la Victoria foi una cruz guerrera, como’l so
propiu nome indica, indisoluble de la tradición pelayana, testigu la naciencia’l Reinu de
los Ástures.
La cruz nun tien sólo un valor relixosu nin se trata d’un simple amuletu, ye un ellaboráu
símbolu ideolóxico-políticu del Reinu d’Asturies y de la monarquía asturiana. Nun ye
estraño que la cruz, apaeza vinculada a les obres patrocinaes pola monarquía Per otru
llau, n’Asturies hubo dos conceptos de la cruz: la llatina, de brazos verticales más llargos
que los horizontales, como la de la Victoria; y la de tipu griegu, como la d’Alfonsu II o de
los Ánxeles.
N’Asturies la devoción pola cruz, como símbolu relixosu y nacional foi obsesiva. Alfonsu
III tenía-y especial apegu, ya que la punxo en toles sos obres, pero esa cruz nun ye
esactamente la que güei llamamos de la Victoria, sinón la usada por Pelayu en
Cuadonga, que toos llamaron de Pelayu per sieglos. Esti signu adóptase polos reis
asturianos pa convertise nel emblema del Estáu, del Reinu y de la Monarquía. Hai
exemplos d’esta devoción yá dende los primeros momentos de formación del reinu astur.
Un exemplu sedría la inscrición del añu 737 conservada na ilesia que’l rei Favila, fíu y
sucesor de Pelayu, consagró en Cangues d’Onís a la Santa Cruz. Non obstante, sedrá con
Alfonsu II cuando la cruz parez que se convierte yá en símbolu del Reinu de los Ástures.
Nel 2008 celebramos tamién los 1200 años de la donación de la Cruz de los Ánxeles a la
Ilesia d’Uviéu.
El símbolu d’Asturies cumple 1.200 años
Xaviel Vilareyo y Villamil. Uviéu, 2008
:: axa ::
Aconceyamientu de Xuristes pol Asturianu
www.xuristes.as
5
Alfonsu III foi fíu d’Ordoñu I, reinó ente los años 866 y 910. Foi un home cultu y un
guerreru notable, dando un gran impulsu al Reinu d’Asturies, ampliando les sos fronteres
en toes direcciones. Superó una guerra col conde gallegu Froila, tres lo que sometió a los
vascones que se sublevaron; una vez sometíos, tomó al so xefe, Eylo, y llevólu
encadenáu pa Uviéu. Años depués afrontó una rebelión encabezada polos sos hermanos,
que, capitaneaos por Fruela, intentaron finar cola so vida. Casó cola princesa navarra
Ximena, afianzando asina les relaciones entre Navarra y Asturies. Llevó a cabu un
avance conquistador y repoblador nel norte de Portugal. Los años 883- 884 señalen un
momentu clave na evolución del Reinu d’Asturies, cuando surde la idea política del
supuestu orixe godu de Pelayu (güei créese que yera orixinariu de La Llébana) y, polo
tanto, tratábase d’una guerra non de conquista sinón de reconquista, ya que les tierres
al sur del Dueru nunca pertenecieron a los Ástures. Ye dicir, nun se trataba de
conquistar a un enemigu, sinón de tratar de lexitimar una guerra de agresión y
conquista contra los musulmanes pa retomar lo que supuestamente-yos pertenecía a los
monarques asturianos: tola península hespañola.
Con Alfonsu III el Grande el Reinu d’Asturies algamó la so máxima estensión territorial,
depués de la incorporación de tol valle del Dueru. Les fronteres asturianes algamaron el
Mondegu pel oeste y siguieron pel Dueru hasta l’Arlanza y les tierres de La Rioxa.
Enllenó Bardulia con castiellos defensivos, tierra que por elló llamaráse depués Castiella
y les avanzaes fronterizes sofitáronse en Coimbra, Zamora y Toru. Uviéu sedrá con esti
monarca l’escenariu principal y centru del renacimientu cultural asturianu.
El símbolu d’Asturies cumple 1.200 años
Xaviel Vilareyo y Villamil. Uviéu, 2008