El Nuevo Testamento en Kekchi de Guatemala [kek
Anuncio
Li Xbe̱n Hu li Quixtzꞌi ̱ba li San Pablo reheb laj Tesalónica Tesalónica, aꞌan lix nimal ru tenamit aran Macedonia. Laj Pablo quixchꞌolob lix ya̱lal aran ut cuanqueb li queꞌpa̱ban chiru. Cuanqueb laj judío queꞌpoꞌ nak laj Pablo quixye reheb li ma̱cuaꞌeb aj judío nak naru teꞌcolekꞌ saꞌ xcꞌabaꞌ li Jesucristo. Xban aꞌan laj Pablo qui-el saꞌ li naꞌajej aꞌan. Mokon laj Timoteo quixye re laj Pablo chanru cuanqueb laj pa̱banel. Quixye re nak sa saꞌ xchꞌo̱leb abanan yo̱queb chi cꞌoxlac chirixeb laj pa̱banel li queꞌcam. Xban aꞌan laj Pablo quixtzꞌi ̱ba li hu aꞌin chixyebal reheb nak li Jesucristo quicuacli cuiꞌchic chi yoꞌyo saꞌ xya̱nkeb li camenak. Ut quixye reheb nak eb laj pa̱banel teꞌcuacli ̱k ajcuiꞌ chi yoꞌyo saꞌ xya̱nkeb li camenak. Quixchꞌolob xya̱lal chiruheb chirix lix caꞌ cꞌulunic li Jesucristo. Aꞌan aꞌin li tzꞌi ̱banbil saꞌ li hu aꞌin: Xticlajic li hu. 1:1 Laj Pablo naxbantioxi chiru li Dios nak cha̱bil queꞌxba̱nu laj pa̱banel nak cuan riqꞌuineb aran Tesalónica. 1:2–3:13 Naxye reheb chanru teꞌxba̱nu re nak teꞌcua̱nk saꞌ ti ̱quilal. 4:1‑12 Naxchꞌolob xya̱lal lix caꞌ cꞌulunic li Jesucristo. 4:13–5:11 Naxrak li hu. 5:12‑28 1 1 La̱in Xqꞌuebal xsahil xchꞌo̱leb laj Pablo. Cuochben laj Silvano ut laj Timoteo. Yo̱co chi tzꞌi ̱bac e̱riqꞌuin la̱ex laj pa̱banel li cuanquex aran Tesalónica. La̱ex rehex chic li Yucuaꞌbej Dios ut li Ka̱cuaꞌ Jesucristo. Aꞌ taxak li usilal ut li tuktu̱quilal chicua̱nk e̱riqꞌuin, li naxqꞌue li Dios li kaYucuaꞌ ut li Ka̱cuaꞌ Jesucristo. 2 Junelic Tzꞌakal re ru lix pa̱ba̱leb laj Tesalónica nocotioxin chiru li Dios nak nocotijoc che̱rix che̱junilex la̱ex. nocotijoc chiru li Dios, junelic cuan saꞌ kachꞌo̱l chanru le̱ cha̱bilal xban le̱ pa̱ba̱l. Cuan saꞌ kachꞌo̱l le̱ cha̱bil cꞌanjel xban nak nequexrahoc 3 Nak 407 El Nuevo Testamento en Kekchi de Guatemala; © 2014, Wycliffe Bible Translators, Inc. 1 TESALONICENSES 1, 2 408 ut cuan ajcuiꞌ saꞌ kachꞌo̱l nak kꞌaxal cau e̱chꞌo̱l chixyoꞌoninquil li Ka̱cuaꞌ Jesucristo. 4 Ex inherma̱n, raro̱quex xban li Dios ut nakanau nak sicꞌbil e̱ru xban. 5 Nakanau aꞌan xban nak ma̱cuaꞌ caꞌaj cuiꞌ riqꞌuin a̱tin quicuulac li resil li evangelio e̱riqꞌuin. Riqꞌuin aj ban cuiꞌ lix cuanquil li Santil Musikꞌej ut xenau nak tzꞌakal ya̱l li xkachꞌolob che̱ru. Ac xeqꞌue retal chanru li kanaꞌleb nak xocuan saꞌ e̱ya̱nk che̱tenkꞌanquil. 6 Xetzol e̱rib kiqꞌuin ut riqꞌuin li Ka̱cuaꞌ Jesucristo. Usta nabal li raylal xecꞌul, abanan xerabi li resilal riqꞌuin li sahil chꞌo̱lejil li quiqꞌueheꞌ e̱re xban li Santil Musikꞌej. 7 Joꞌcan nak la̱ex chic aj cꞌamol be chiruheb chixjunileb laj pa̱banel li cuanqueb saꞌ li naꞌajej Macedonia ut Acaya. 8 Anakcuan e̱ban la̱ex nak yalak bar qui-abi ̱c resil ra̱tin li Dios. Ma̱cuaꞌ caꞌaj cuiꞌ Macedonia ut Acaya. Qui-abi ̱c ban ajcuiꞌ saꞌ chixjunil li naꞌajej. Yalak bar qui-abi ̱c resil nak la̱ex xepa̱b li Dios. Joꞌcan nak la̱o incꞌaꞌ chic tento nak takaye resil le̱ pa̱ba̱l. 9 Yalak bar yo̱queb chixserakꞌinquil chanru nak coe̱cꞌul nak cocuulac e̱riqꞌuin ut yo̱queb chixserakꞌinquil chanru nak quecanab xlokꞌoninquil li yi ̱banbil dios ut quepa̱b ut nequexcꞌanjelac chic chiru li tzꞌakal Dios, li yoꞌyo. 10 Ut yo̱queb ajcuiꞌ xserakꞌinquil chanru nak yo̱quex chiroybeninquil nak ta̱cha̱lk chak toj saꞌ choxa li Jesucristo li Ralal li Dios, li quicuaclesi ̱c cuiꞌchic chi yoꞌyo saꞌ xya̱nkeb li camenak xban li Dios ut aꞌan li ta̱colok ke chiru li rakba a̱tin li ta̱cha̱lk saꞌ kabe̱n. 2 Lix cꞌanjel laj Pablo aran Tesalónica 1 Ex inherma̱n, la̱ex ac nequenau nak moco xcana ta chi ma̱cꞌaꞌ rajbal nak xocuulac e̱riqꞌuin. 2 Usta ac xkacꞌul li rahobtesi ̱c ut usta ac xohobeꞌ aran Filipos, abanan li Dios xqꞌuehoc xcacuil kachꞌo̱l chixyebal resil li colba-ib e̱re la̱ex. Incꞌaꞌ xoxucuac usta cuanqueb li kꞌaxal xicꞌ nequeꞌiloc ke. 3 Moco yo̱co ta chixbalakꞌinquil kib. Tzꞌakal ya̱l ban li yo̱co xyebal e̱re. Moco cuan ta junak kacꞌaꞌux incꞌaꞌ us saꞌ e̱be̱n, chi moco yo̱co ta che̱balakꞌinquil. 4 Nakachꞌolob ban xya̱lal joꞌ naraj li Dios xban nak aꞌan cꞌojcꞌo xchꞌo̱l saꞌ kabe̱n ut aꞌan quixakaban ke re xyebal resil li evangelio. Incꞌaꞌ nakaba̱nu joꞌ nequeꞌcuulac chiru li cristian. Nakaba̱nu ban joꞌ nacuulac chiru li Dios li nanaꞌoc re chanru li kacꞌaꞌux. 5 La̱ex nequenau nak ma̱ jun cua xoa̱tinac e̱riqꞌuin yal re e̱kꞌunbesinquil. Li Dios naxnau nak la̱o incꞌaꞌ xoa̱tinac e̱riqꞌuin yal xban nak cuan li cꞌaꞌru nakaj. 6 Chi moco xkasicꞌ ta kalokꞌal riqꞌuineb li cristian, chi moco e̱riqꞌuin chi moco riqꞌuineb jalan, usta xru raj xkaye e̱re nak te̱qꞌue kalokꞌal xban nak la̱o x-apóstol li Jesucristo. 7 Saꞌ tu̱ lanil ban xocuan saꞌ e̱ya̱nk joꞌ junak naꞌbej naxqꞌuiresiheb saꞌ tu̱ lanil lix cocꞌal. 8 Kꞌaxal nequexkara. Ma̱cuaꞌ raj caꞌaj cuiꞌ xyebal resil li colba-ib li naxqꞌue li Dios li xkaba̱nu. Xru aj raj cuiꞌ xkakꞌaxtesi li kayuꞌam saꞌ e̱cꞌabaꞌ la̱ex xban nak kꞌaxal nequexkara. 9 La̱ex herma̱n, ac nequenau chanru nak xocꞌanjelac chi kꞌek chi cutan re nak incꞌaꞌ texkachꞌiꞌchꞌiꞌi riqꞌuin li cꞌaꞌru ke ut re nak xru xkaye e̱re resil li El Nuevo Testamento en Kekchi de Guatemala; © 2014, Wycliffe Bible Translators, Inc. 409 1 TESALONICENSES 2, 3 colba-ib li naxqꞌue li Dios. 10 La̱ex nequenau chi tzꞌakal, ut naxnau ajcuiꞌ li Dios, chanru nak cocuan saꞌ santilal ut saꞌ ti ̱quilal saꞌ e̱ya̱nk. Ma̱cꞌaꞌ cꞌaꞌru cokꞌuseꞌ cuiꞌ nak cocuan saꞌ e̱ya̱nk la̱ex aj pa̱banel. 11 Joꞌ naxba̱nu junak li yucuaꞌbej riqꞌuineb li ralal xcꞌajol, joꞌcan ajcuiꞌ xkaba̱nu la̱o e̱riqꞌuin nak xkaqꞌue e̱naꞌleb che̱junju̱ nkalex. 12 Xkaqꞌue xcacuilal e̱chꞌo̱l ut xkatzꞌa̱ma ajcuiꞌ che̱ru nak texcua̱nk saꞌ xya̱lal joꞌ xcꞌulubeb li ralal xcꞌajol li Dios li quisicꞌoc e̱ru re nak textzꞌako̱nk ajcuiꞌ la̱ex riqꞌuin lix nimajcual cuanquilal ut lix lokꞌal. 13 Junelic nakabantioxi chiru li Dios nak quepa̱b li ra̱tin li Dios li xkachꞌolob che̱ru. Moco ra̱tin cui ̱nk ta quepa̱b. Ra̱tin li Dios ban quepa̱b. Ut ya̱l ajcuiꞌ nak aꞌan ra̱tin li Dios. Ut aꞌan li yo̱ chi jaloc re le̱ yuꞌam la̱ex aj pa̱banel. 14 Ut la̱ex herma̱n xecꞌul ajcuiꞌ li raylal joꞌ queꞌxcꞌul li ralal xcꞌajol li Dios li nequeꞌpa̱ban saꞌ xcꞌabaꞌ li Jesucristo li cuanqueb Judea. Xexrahobtesi ̱c xban le̱ rech tenamitil joꞌ queꞌxcꞌul eb aꞌan xbaneb laj judío, li rech tenamitil. 15 Eb laj judío queꞌxcamsi li Ka̱cuaꞌ Jesucristo ut queꞌxcamsi ajcuiꞌ eb li profeta ut coeꞌxyo̱lesi la̱o. Incꞌaꞌ nequeꞌxba̱nu li nacuulac chiru li Dios ut kꞌaxal xicꞌ nequeꞌril li ras ri ̱tzꞌineb. 16 Xicꞌ nequeꞌrecꞌa nak nakachꞌolob xya̱lal chiruheb li ma̱cuaꞌeb aj judío re nak teꞌcolekꞌ. Ut riqꞌuin li ma̱usilal nequeꞌxba̱nu rajlal, kꞌaxal cuiꞌchic nanumta lix ma̱queb. Abanan yal jun nak quichal xjoskꞌil li Dios saꞌ xbe̱neb. 17 Ex Laj Pablo ta̱raj cuiꞌchic xic chirilbaleb laj pa̱banel li cuanqueb Tesalónica herma̱n, usta ma̱ aniho saꞌ e̱ya̱nk, abanan junelic nequexkacꞌoxla. Tojeꞌ ajcuiꞌ xo-el e̱riqꞌuin nak ac takaj cuiꞌchic rilbal e̱ru. 18 Xkaj raj xic e̱riqꞌuin. La̱in laj Pablo. Cuib oxib sut xinyal xic che̱rilbal. Abanan laj tza quiramoc chiku. Joꞌcan nak incꞌaꞌ co̱o. 19 ¿Cꞌaꞌru nakoybeni ut cꞌaꞌru lix saylal li kachꞌo̱l? ¿Ut cꞌaꞌru li tokꞌajca̱mu̱ k cuiꞌ nak tol-e̱lk cuiꞌchic li Ka̱cuaꞌ Jesucristo? ¿Ma incꞌaꞌ ta biꞌ saꞌ e̱cꞌabaꞌ la̱ex takacꞌul li kakꞌajca̱munquil? 20 La̱ex li kalokꞌal ut lix saylal li kachꞌo̱l. 1 Xban aꞌan nak kꞌaxal takaj raj rabinquil e̱resil. Incꞌaꞌ chic xkacuy roybeninquil. Joꞌcan nak la̱o xocana arin Atenas kajunes. 2 Ut xkatakla li hermano Timoteo e̱riqꞌuin. Aꞌan laj cꞌanjel chiru li Dios chixyebal resil li colba-ib saꞌ xcꞌabaꞌ li Cristo. Laj Timoteo tixqꞌue xcacuilal e̱chꞌo̱l saꞌ le̱ pa̱ba̱l ut tixqꞌue ajcuiꞌ e̱naꞌleb. 3 Incꞌaꞌ nakaj nak ta̱chꞌina̱k e̱chꞌo̱l xban li raylal aꞌin. La̱ex nequenau nak takacꞌul li raylal. 4 Nak toj cuanco chak saꞌ e̱ya̱n k xkaye resil e̱re nak takacꞌul li raylal la̱o aj pa̱banel. Ac nequenau la̱ex nak joꞌcan quicꞌulman. 5 Joꞌcan nak xintakla laj Timoteo e̱riqꞌuin xban nak incꞌaꞌ chic xincuy roybeninquil resil chanru cuanquex saꞌ le̱ pa̱ba̱l. Ma̱re anchal xex-a̱le̱c xban laj tza ut li kacꞌanjel ma̱re chicana̱k chi ma̱cꞌaꞌ rajbal. 6 Tojeꞌ xsukꞌi chak laj Timoteo e̱riqꞌuin ut aꞌan xcꞌam chak jun cha̱bil esilal che̱rix chanru nak cau e̱chꞌo̱l saꞌ le̱ 3 El Nuevo Testamento en Kekchi de Guatemala; © 2014, Wycliffe Bible Translators, Inc. 1 TESALONICENSES 3, 4 410 pa̱ba̱l ut chanru nak nequexrahoc. Ut xye ajcuiꞌ ke nak rajlal nocoe̱cꞌoxla joꞌ ajcuiꞌ nak nequexkacꞌoxla la̱o. La̱ex nequeraj rilbal ku ut joꞌcan ajcuiꞌ la̱o nakaj rilbal e̱ru la̱ex. 7 Riqꞌuin aꞌin, ex herma̱n, saꞌ chixjunil li raylal li yo̱co chixcꞌulbal, nacꞌojla kachꞌo̱l chirabinquil nak cau e̱chꞌo̱l saꞌ le̱ pa̱ba̱l. 8 Ut anakcuan naru chic tocua̱n k chi sa saꞌ kachꞌo̱l xban nak nakanau nak cau e̱chꞌo̱l saꞌ e̱pa̱ba̱l saꞌ xcꞌabaꞌ li Jesucristo. 9 Incꞌaꞌ nakatau chanru nak takabantioxi chiru li Dios riqꞌuin lix sahil li kachꞌo̱l nequeqꞌue ke saꞌ xcꞌabaꞌ le̱ pa̱ba̱l. Li Dios naxnau nak cꞌajoꞌ xsahil li kachꞌo̱l e̱ban la̱ex. 10 Chi kꞌek chi cutan nakatzꞌa̱ma chiru li Dios nak takil cuiꞌchic e̱r u re nak takaqꞌue xcacuilal e̱chꞌo̱l saꞌ le̱ pa̱ba̱l. 11 Aꞌ taxak li Dios li kaYucuaꞌ ut aꞌ taxak li Ka̱cuaꞌ Jesucristo chitenkꞌa̱nk ke re nak ta̱ru̱ k toxic cuiꞌchic e̱riqꞌuin. 12 Aꞌ taxak li Ka̱cuaꞌ chitenkꞌa̱nk e̱re re nak te̱ra e̱rib che̱ribil e̱rib ut chi anchal e̱chꞌo̱l cherahak taxak le̱ ras e̱ri ̱tzꞌin joꞌ nak nequexkara la̱ex. 13 Aꞌ taxak li Dios li kaYucuaꞌ chiqꞌuehok xcacuil e̱chꞌo̱l. Tzꞌakalak taxak re ru le̱ pa̱ba̱l. Ma̱cꞌaꞌak taxak e̱ma̱c chiru li Dios nak ta̱cha̱lk li Jesucristo rochbeneb li ac colbileb. 4 Li Dios naraj nak tzꞌakalak re ru li kayuꞌam 1 Ut anakcuan ex inherma̱n, cuan cuiꞌchic cꞌaꞌru nacuaj xtzꞌa̱manquil che̱ru saꞌ xcꞌabaꞌ li Ka̱cuaꞌ Jesucristo. Aꞌan aꞌin: nak chexcua̱nk taxak saꞌ ti ̱quilal joꞌ naraj li Dios ut rajlal yo̱kex chixba̱nunquil chi joꞌcan joꞌ xkacꞌut che̱ru la̱o. Ac yo̱quex chixba̱nunquil, abanan kꞌaxal cuiꞌchic te̱ba̱nu. 2 La̱ex ac nequenau le̱ taklanquil qꞌuebil kaban saꞌ xcꞌabaꞌ li Ka̱cuaꞌ Jesucristo. 3 Li Dios naraj nak texcua̱nk saꞌ santilal. Mexcoꞌbe̱tac mexyumbe̱tac. 4 Eb laj pa̱banel tento nak teꞌsumla̱k saꞌ xya̱lal ut cheꞌxnauhak cua̱nc saꞌ ti ̱quilal chi ribileb rib ut teꞌxqꞌue xlokꞌal chi ribileb rib. 5 Eb li incꞌaꞌ nequeꞌxnau ru li Dios, nequeꞌxba̱nu li yibru naꞌleb li nequeꞌxrahi ru xba̱nunquil. Me̱ba̱nu joꞌ nequeꞌxba̱nu eb aꞌan. 6 Ma̱ ani tixmux rib riqꞌuin xmakꞌbal rixakil junak cui ̱nk ut ma̱ ani tixmux rib riqꞌuin xmakꞌbal xbe̱lom junak ixk. Incꞌaꞌ teꞌxba̱nu chi joꞌcan xban nak li Ka̱cuaꞌ Jesucristo ta̱rakok a̱tin saꞌ xbe̱n chixjunileb li nequeꞌba̱nun re li naꞌleb aꞌan, joꞌ ac yebil e̱re kaban. 7 Li Dios incꞌaꞌ quixsicꞌ ku re nak yo̱ko chixba̱nunquil li ma̱usilal. Quixsicꞌ ban ku re nak tocua̱nk saꞌ santilal. 8 Joꞌcan nak li ani natzꞌekta̱nan re li tijleb aꞌin, ma̱cuaꞌ cui ̱nk li naxtzꞌekta̱na. Aꞌ ban li Dios li naqꞌuehoc ke li Santil Musikꞌej, aꞌan li naxtzꞌekta̱na. 9 Incꞌaꞌ tento nak tintzꞌi ̱bak e̱riqꞌuin chirix chanru nak te̱ra e̱rib che̱ribil e̱rib xban nak ac cꞌutbil ajcuiꞌ che̱ru xban li Dios nak tento te̱ra e̱rib che̱ribil e̱rib. 10 Us yo̱quex nak nequeraheb chixjunileb li cuanqueb Macedonia. Abanan nintzꞌa̱ma che̱ru, ex herma̱n, nak kꞌaxal cuiꞌchic cheba̱nu chi joꞌcan. 11 Cheqꞌuehak e̱chꞌo̱l chi cua̱nc saꞌ xya̱lal. Me̱chꞌiꞌchꞌiꞌi li ani cuan cꞌaꞌru re. Chexcꞌanjelak re nak ta̱cua̱nk cꞌaꞌru e̱re re xnumsinquil li cutan junju̱ nk joꞌ xexkatakla cuiꞌ. 12 Cui te̱ba̱nu El Nuevo Testamento en Kekchi de Guatemala; © 2014, Wycliffe Bible Translators, Inc. 411 1 TESALONICENSES 4, 5 chi joꞌcan, oxlokꞌ tex-ilekꞌ xbaneb li ma̱cuaꞌeb aj pa̱banel, ut incꞌaꞌ yo̱kex chixchꞌiꞌchꞌiꞌinquil jalan re li cꞌaꞌru te̱raj. Li Ka̱cuaꞌ Jesucristo ta̱cha̱lk cuiꞌchic 13 Nakaj ut ex herma̱n nak te̱tau xya̱lal chirixeb li ac xeꞌcam re nak incꞌaꞌ ta̱rahokꞌ e̱chꞌo̱l joꞌ nequeꞌxba̱nu li jun chꞌol chic li ma̱cꞌaꞌ nequeꞌroybeni. 14 La̱o nakapa̱b nak li Jesús quicam ut quicuacli cuiꞌchic chi yoꞌyo. Ut nakapa̱b ajcuiꞌ nak li joꞌ qꞌuialeb queꞌpa̱ban re li Cristo, li Dios tixcuaclesiheb cuiꞌchic chi yoꞌyo saꞌ xya̱nkeb li camenak ut tixcꞌameb chak rochben nak ta̱cha̱lk cuiꞌchic li Jesucristo. 15 Aꞌin ra̱tin li Ka̱cuaꞌ Jesucristo nakaye e̱re, nak cui la̱o toj yoꞌyo̱ko saꞌ lix cꞌulunic li Ka̱cuaꞌ Jesucristo, ma̱cuaꞌ la̱o li tocꞌamekꞌ xbe̱n cua. Aꞌ li ac camenakeb, aꞌan eb li teꞌcꞌamekꞌ xbe̱n cua riqꞌuin li Ka̱cuaꞌ. 16 Ut nak ta̱cubek chak li Ka̱cuaꞌ Jesucristo saꞌ choxa, tixjap re chi takla̱nc. Li xbe̱nil ángel tixjap re chi bokoc, ut ta̱ya̱basi ̱k xtrompeta li Dios. Ut li teꞌcuacli ̱k xbe̱n cua, aꞌaneb li ac camenakeb, li queꞌpa̱ban re li Cristo. 17 Acaꞌ chic la̱o li toj yoꞌyo̱ko tosapu̱ k takecꞌ saꞌ li chok kochbenakeb aꞌan re xcꞌulbal li Ka̱cuaꞌ Jesucristo saꞌ ikꞌ. Ut cua̱nko junelic riqꞌuin li Ka̱cuaꞌ Jesucristo. 18 Joꞌcan ut nak checꞌojob e̱chꞌo̱l che̱ribil e̱rib riqꞌuineb a a̱tin aꞌin. 5 Yoꞌon cua̱nko ut aj-ajak ku saꞌ li kapa̱ba̱l 1 Ut chirix lix kꞌehil ut lix cutanquil xcꞌulunic li Ka̱cuaꞌ Jesucristo, ma̱cꞌaꞌ rajbal tintzꞌi ̱bak e̱riqꞌuin xban nak ac nequenau chic lix ya̱lal. 2 La̱ex nequenau chi us nak lix cutanquil lix cꞌulunic li Ka̱cuaꞌ Jesucristo, ta̱cha̱lk chi ma̱ ani nanaꞌoc re jokꞌe, joꞌ nak nachal laj e̱lkꞌ chi ma̱cꞌaꞌ saꞌ kachꞌo̱l. 3 Nak eb li tenamit yo̱keb chixyebal, “Cuanco saꞌ tuktu̱quil usilal ut ma̱cꞌaꞌ cꞌoxlac”, tojoꞌnak ta̱cha̱lk rosoꞌjiqueb saꞌ junpa̱t chi ma̱cꞌaꞌak saꞌ xchꞌo̱leb joꞌ nak nachal xraylal li yaj aj ixk chi ma̱cꞌaꞌ saꞌ xchꞌo̱l. Ut eb aꞌan incꞌaꞌ teꞌcolekꞌ chiru li raylal ta̱cha̱lk saꞌ xbe̱neb. 4 Aꞌut la̱ex herma̱n, moco saꞌ kꞌojyi ̱n ta chic cuanquex. Ac nequenau chic lix ya̱lal. Li Jesucristo incꞌaꞌ ta̱cha̱lk chi ma̱cꞌaꞌak saꞌ e̱chꞌo̱l joꞌ nak nachal laj e̱lkꞌ. 5 La̱o aj pa̱banel moco cuanco ta chic saꞌ kꞌojyi ̱n. Cuanco ban chikajunilo saꞌ cutan saken ut nakanau chic lix ya̱lal xban nak reho chic li Cristo. 6 Junelic yoꞌon taxak cua̱n ko ut yo̱ko taxak chiroybeninquil lix cꞌulunic li Jesucristo. Incꞌaꞌ takaba̱nu joꞌ nequeꞌxba̱nu li jun chꞌol chic. Aj-ajak ban ku saꞌ li kapa̱ba̱l. 7 Eb li nequeꞌcuar, chi kꞌek nequeꞌcuar ut eb li nequeꞌcala, chi kꞌek nequeꞌcala. 8 Aꞌut la̱o, li ac nakanau chic xya̱lal, yoꞌon taxak cua̱nko. Li rahoc ut li kapa̱ba̱l, aꞌan taxak ta̱cꞌanjelak ke re kacolbal joꞌ nak li soldado naxcol rib riqꞌuin li chꞌi ̱chꞌ li naxqꞌue chire xchꞌo̱l. Ut li kacolbal li yo̱co chiroybeninquil, aꞌan ta̱cꞌanjelak ke joꞌ nak nacꞌanjelac li punit chꞌi ̱chꞌ chiru li soldado re xcolbal rib. 9 Li Dios incꞌaꞌ quixsicꞌ ku re nak toxqꞌue chixtojbal rix li kama̱c. Quixsicꞌ ban ku re tocolekꞌ saꞌ xcꞌabaꞌ El Nuevo Testamento en Kekchi de Guatemala; © 2014, Wycliffe Bible Translators, Inc. 1 TESALONICENSES 5 412 li Ka̱cuaꞌ Jesucristo. 10 Aꞌan quicam saꞌ kacꞌabaꞌ re nak usta yoꞌyo̱co usta ac camenako chic nak ta̱cꞌulu̱ nk, ta̱cua̱nk kayuꞌam chi junelic kochben aꞌan. 11 Joꞌcan ut nak checꞌojob e̱chꞌo̱l che̱ribil e̱rib ut cheqꞌuehak xcacuil e̱chꞌo̱l che̱ribil e̱rib joꞌ li ac yo̱quex chixba̱nunquil. 12 Ex Laj Pablo naxqꞌue xnaꞌlebeb laj pa̱banel herma̱n, nakatzꞌa̱ma che̱ru nak oxlokꞌ cherileb li ani nequeꞌcꞌanjelac chiru li Ka̱cuaꞌ Jesucristo saꞌ e̱ya̱nk. Eb aꞌan nequeꞌcꞌamoc be che̱ru ut aꞌan nequeꞌqꞌuehoc e̱naꞌleb. 13 Che-oxlokꞌiheb ut cherahakeb chi anchal e̱chꞌo̱l xban nak nequeꞌxqꞌue xchꞌo̱l chi cꞌanjelac saꞌ e̱ya̱nk. Chexcua̱nk saꞌ usilal che̱ribil e̱rib. 14 Nakatzꞌa̱ma che̱ru, ex herma̱n, chekꞌuseb li yal subuc cutan nequeꞌxba̱nu. Cheqꞌuehak xcacuil xchꞌo̱leb li nequeꞌchꞌinan xchꞌo̱leb ut chetenkꞌa ajcuiꞌ li toj kꞌuneb xchꞌo̱l saꞌ xpa̱ba̱leb. Ut chicua̱nk e̱cuyum riqꞌuineb chixjunileb. 15 Cheqꞌuehak retal nak ma̱ ani junak saꞌ e̱ya̱nk chixqꞌue re̱kaj li ma̱usilal qui-ux re riqꞌuin ma̱usilal. Cheba̱nuhak ban chi junelic li cꞌaꞌru us che̱ribil e̱rib ut riqꞌuin chixjunileb. 16 Junelic chisahokꞌ saꞌ e̱chꞌo̱l. 17 Junelic chextijok. 18 Chextioxi ̱nk riqꞌuin chixjunil li cꞌaꞌru nequecꞌul xban nak joꞌcan naraj li Dios e̱riqꞌuin la̱ex xban nak junajex chic riqꞌuin li Jesucristo. 19 Me̱risi xcuanquil li Santil Musikꞌej e̱riqꞌuin. Cheqꞌuehak ban chi cꞌanjelac e̱riqꞌuin, joꞌ naraj aꞌan. 20 Me̱tzꞌekta̱na li esil li nequeꞌxye li profeta. 21 Cheqꞌuehak ban retal chixjunil ut checꞌu̱ lahak saꞌ e̱chꞌo̱l li cꞌaꞌru us. 22 Ut chetzꞌekta̱na chixjunil li ma̱usilal. 23 Aꞌ taxak li Dios li naqꞌuehoc tuktu̱quil usilal chisantobresi ̱nk e̱re chi tzꞌakal ut aꞌan taxak chiosobtesi ̱nk re le̱ ra̱m, le̱ cꞌaꞌux ut le̱ rok e̱rukꞌ re nak texcua̱nk chi tzꞌakal e̱re e̱ru chi ma̱cꞌaꞌak e̱kꞌusbal saꞌ xcꞌulunic li Ka̱cuaꞌ Jesucristo. 24 Li Dios, li quisicꞌoc e̱ru, aꞌan ti ̱c xchꞌo̱l chixba̱nunquil li cꞌaꞌru naxye ut aꞌan ta̱santobresi ̱nk e̱re. 25 Ex Laj Pablo naxchakꞌrabiheb herma̱n, chextijok chikix la̱o. 26 Ut cheqꞌuehak xsahileb xchꞌo̱l chixjunileb li herma̱n riqꞌuin santil utzꞌuc u. a 27 Chi anchal inchꞌo̱l nintzꞌa̱ma che̱ru saꞌ xcꞌabaꞌ li Jesucristo nak chi-ilekꞌ xsaꞌ li hu aꞌin chiruheb chixjunileb li herma̱n. 28 Aꞌ taxak li usilal li naxqꞌue ke li Ka̱cuaꞌ Jesucristo, chicua̱nk e̱riqꞌuin. Joꞌcan taxak. Saꞌ li versículo 5:26 najter kꞌe cutan eb li herma̱n cꞌaynakeb chixqꞌuebal xsahileb xchꞌo̱l riqꞌuin li utzꞌuc u. Aꞌan li santil utzꞌuc u nayeman re xban nak saꞌ xcꞌabaꞌ li Jesucristo queꞌxba̱nu aꞌan. a El Nuevo Testamento en Kekchi de Guatemala; © 2014, Wycliffe Bible Translators, Inc.
