Les 2 pa Juli 9, 2016 “E ora ei Dios a bisa, ‘Laga Nos traha hende segun Nos imagen, konforme Nos semehansa; laga nan tin dominio riba e piskánan di laman, riba e parhanan di shelu, i riba e bestianan di kria, riba henter e tera i riba tur bestia ku ta lastra riba e tera’ ” (Genesis 1:26) E ORIGENNAN E PRIVILEGIO RESTOURASHON DOMINIO RIBA E TERA KONTABILIDAT/RESPONSABILIDAT LÍMITENAN/ FRONTERANAN “E ora ei Dios a bisa, ‘Laga Nos traha hende segun Nos imagen, konforme Nos semehansa; laga nan tin dominio riba e piskánan di laman, riba e parhanan di shelu, i riba e bestinan di kria, riba henter e tera i riba tur bestia ku ta lastra riba e tera.’” (Genesis 1:26) E Beibel ta splika e origen I e rason di eksistensia di hende riba Tera; hende a wòrdu kreá dor di Dios pa dominá e sobrá di Kreashon. Esei ta un dominio delegá(enkargá). Nos a wòrdu kreá komo mayordomonan fiel pa dominá e Tera na Dios Su lugá. Kada un di nos tin un propósito den e bida aki. Dios tin un plan pa kada un di nos manera E tin pa humanidat. Dios ta bisa tokante di kada un di nos “kende Mi a krea pa Mi gloria; Mi a form’é, si, Mi a trah’é.” (Isaias 43:7). Laga nos someté nos bida na Dje i lag’É hasi Su propósito den nos. “E ora ei Dios a bendishoná nan, i Dios a bisa nan, ‘Sea fruktífero i multipliká; yena e tera i hasi esaki someté na bo; tin dominio riba e piskánan di laman, riba e parhanan di shelu, i riba tur kos bibu ku ta move riba tera.’” (Genesis 1:28) Añadí na dominio, Dios a laga humanidat poderá e Tera. Esei ta inkluí(envolví) un hirarkia(gobernashon) ku ta permití nos huza e Tera su rekursonan pa kubri nos nesesidatnan. Humanidat a huza e hirarkia ei pa utalisá rekursonan natural, pero e no tabata diseña e manera ei. Nos mayordomíá riba Tera i e animalnan riba dje mester wòrdu realisá komo un servisio amoroso (Marko 10:43) ku lo benefisiá tantu naturalesa i humanidat. E relashon entre nos i e sobrá di e Kreashon mester reflehá kon Dios tiernamente i amorosamente ta kuida pa Su kriaturanan. “I Señor Dios a ordená e hòmber, bisando, ‘Di tur palu di e hòfi bo mag kome libremente; pero di e palu di e konosementu di bon i malu lo bo no kome, pasombra e dia ku bo kome di djé lo bo muri sigur.’” (Genesis 2:16-17) Dios no a duna nos dominio sin límite riba Kreashon. No kome di e palu di e konosementu di bon i malu tabata un límite kla ku no mester wòrdu transgresá . Kreashon ainda ta sufri e konsekwensianan di transgresá e límitenan ku Dios a imponé(apliká) na Adam i Eva. Dios Su Lei ta marka e límitenan den nos relashon ku Dios i nos próhimonan den e mundu pekaminoso aki. “ El a wòrdu duná poder pa duna rosea na e imagen di e bestia, pa e imagen di e bestia lo por a papia i tambe hasi ku tur esnan ku lo no adorá e imagen di e bestia pa wòrdu matá.” (Revelashon 13:15) Humanidat a transgresá e límitenan ku Dios a marka na dos manera: Ki prinsipionan por yuda nos komprendé e límitenan di nos dominio? Mira Mateo 7:1, 12. “ Señor a kohe e hòmber i a pon’é den e hòfi di Edén pa kultiv’é i kuid’é.” (Genesis 2:15) Adam a wòrdu tené tambe responsabel pa kuida e Kreashon komo un bon mayordomo. Na prinsipio, animalnan i matanan a aseptá Adam su outoridat riba nan i a debolbé nan afekshon i frutanan. Despues ku piká a drente e Tera, naturalesa a rebeldiá kontra di e outoridat di humanidat. Sinembargo, ainda nos ta Dios su mayordomonan, pesei nos ta wòrdu tené responsabel tambe pa kuida pa e Kreashon. Si nos utilisá impropiamente e rekursonan di nos planeta, nos ta iresponsabel dilanti di Dios. Ekología ta un asunto moral, étiko, i teológiko, espeshalmente ora ku eksplotashon di e tera por hiba(guia) na tempu difisil grandi pa otronan. “Atventistanan di Shete Dia ta rekomendá(sostené) un estilo di bida simpel i saludabel, kaminda hende no ta trapa riba e rutina(tarea monótono) di e protekshon sin kontrol(sin frena) di e derechonan di e konsumidó, hañando merkansia, i produkshon di basura. Nos ta yama pa rèspèt di kreashon, restrikshon den e huzo di e mundu su rekursonan, reevaluashon di un persona su nesesidatnan, i re-afirmashon di e dignidat di bida kreá.” Official Statement of the Seventh-day Adventist Church on Environment, 1995 “ Esnan kende ta viktorioso lo ereda tur esaki, i Ami lo ta nan Dios i nan lo ta Mi yiunan.” (Revelashon 21:7) Kristu a bini pa restourá e dominio ku nos a pèrdè. E restourashon ei lo ta kompleto na Su último Binida (1 Korintionan 15:24). Sinembargo, nos por kuminsá ku e restourashon ei aworaki dor di alkansá i yuda esnan den nesesidat. Nos ta wòrdu pidí pa kuida pa e bienestar físiko, mental i spiritual di esnan rònt di nos, tantu komo un Iglesia i tambe komo individualnan. Esei ta importante ora ta trata ku esnan den nesesidat. Nos a wòrdu yamá pa ta un lus ku ta trese speransa na e mundu aki i ta habri e porta na salbashon. (Mira Deut. 15:7-12; Luk. 14:12-14; 1Pedr. 3:15; Sant. 1:27; Isa. 58:7; 2Tes. 3:10). Awor nos konosé e privilegionan, límitenan i responsabilidat di e dominio ku Dios a duna nos riba Kreashon. Kiko nos mester hasi tokante di esaki? Komprendé nos lugá den Kreashon komo sernan humano i kon importante ta pa rekonosé Dios komo e Kreador di e universo. Ser mayordomonan humilde i fiel dilanti di nos Kreador. Kuida pa hendenan i Kreashon ku amor i kariño.