benny nisbet (ppa): “ ppa ta di opinion cu `accijns` riba gasoline y

BENNY NISBET (PPA):
“ PPA TA DI OPINION CU ‘ACCIJNS’ RIBA GASOLINE Y DIESEL LO
MESTER WORDE BAHA COMPLETAMENTE OF SUBSTANCIALMENTE !!
Aruba ta den un problema financiero enorme y un problema economico
supergrandi. Tur esaki a consecuencia di e maneho fatal di Gabinete Mike Eman
ejecuta pa Ministro di Finanzas sr. Mike de Meza. Tanto gabinete Mike Eman
(AVP) como ministro di Finanzas sr. Mike de Meza lo tuma nan lugar den historia
politico di Aruba como e gobierno di mas malo y e ministro di finanzas di mas
malo cu Aruba a conoce.
E problema financier enorme ta consisti di varios elemento importante….esta un
DEBE NACIONAL gigantesco …..cu a crece cu 1/3 parti minimal dentro di tres
ana…locual a crece den 27 ana di gobernacion. Y tambe e ‘deficit’ e falta di placa
di presupuesto di pais Aruba cu tambe a crece for di 130 million florin pa casi 500
million florin arubiano.
Na mes momento cuatro ana largo Gabinete Mike Eman NO tabatatin un vision
Economico di su mesun partido. E ausencia di e vision aki a guia su mes cu
Gabinete Mike Eman a bai presta un vision economico cu PPA so anas largo
tabatatin como parti di su programa economico ….esta pa hasi Aruba un
HUB/PUENTE/GATEWAY….entre Europa y SUR y Latino America. Entodo caso
esaki ta e curazon di e maneho economico di PPA y nos lo sigui pa nos duna
contenido na esaki den futuro.
Kedando un rato riba tanto e tereno financiero y e tereno economico, PPA kier a
discuti un rato nos ponencia den pasado cu PPA ta di opinion cu e indirecto
belasting …esta e asina jama ‘accijns’ riba gasoline/diesel lo mester worde rebaha
sea completamente of substancialmente !! PPA ta mantene e punto di salida aki
como UNICO partido politico cu anas largo tin e punto di bista aki.
Pakiko ? Pasobra movicion di un pueblo ….ta un elemento importante cual ta
contribui na e movicion economico. Un pueblo cu ta keda cas of move menos
pasobra gastonan di Transportacion den cual e prijs di gasoline/diesel ta mucho
caro….NO ta un pueblo cu lo gasta hopi ….pasobra simpelmente ta cas nan ta
keda. Fuera di esaki e hecho cu tin ‘accijns’ riba gasoline/diesel etc ta worde
mira como un castigo pa e ciudadano cu ta cumpra su auto…pagando sea directo
of indirectamente un parti substancial na ‘ invoerrechten’ riba e vehiculo aki.
Despues e mesun ciudadano mester paga pa su number di auto (wegenbelasting)
y su aseguro, Pa colmo ora e kier hasi uso di su auto cu el a cumpra y paga tanto
belasting pele esta invoerrechten y wegenbelasting etc…. e mester worde ‘castiga’
kada vez cu e bai pone gasoline/diesel den su auto. Esaki PPA semper a cuestiona
…Pasobra e ciudadano cu NO scoge pa inverti den un auto …NO ta worde poni e
hecho di paga tanto belasting. Pesey PPA ta keda boga pa sea kita ‘accijns’
completamente of rebahele substancialmente. Cu esaki lo kiermen cu lo mester
bin entrada di otro caminda….esey ta berdad….pero entodo caso …PPA ta keda di
opinion cu ‘accijns’ riba gasoline/diesel lo mester worde rebaha !!
Esaki lo contriibui cu e ciudadano/chauffeur lo por move mas facil y
consecuentemente lo gasta mas placa den otro forma.
Pesey PPA kier informa nos pueblo cu dor di sostene y vota pa partido PPA esaki
lo ta un meta principal di nos organisacion…no kabe duda cu esaki ta trece cunele
cu lo mester di un restructuracion di e forma cu gobierno ta jega na su entrada …
mas ainda dentro di e crisis financiero. Pero e entrada aki lo NO mag ta un estorbo
pa e crecemento economico di nos Pais.
Aruba 29 di juli 2013
Lider Politico di PPA
BENNY NISBET