Entrega di peticion di naturalisacion na Cas di Cultura

Kabinet van de Gouverneur van Aruba
Na december 2010
Entrega di peticion di naturalisacion
na Cas di Cultura
Departamento di Asuntonan Consular di Gabinete di Gobernador durante luna
di december 2010 lo ricibi tur peticion di naturalisacion na Cas di Cultura.
Personanan durante e luna ey pues lo no por acudi na oficina di Gabinete pa
peticionnan di naturalisacion.
Segun cita
Entrega di peticion ta bay solamente segun cita. Por haci cita pa luna di
december via e sistema di cita na www.kabga.aw of via telefon 583-4445.
Condicionnan
Ta haci un yamada na tur persona cu ta desea di entrega un peticion di
naturalisacion, pa controla si a cumpli cu tur condicion, principalmente e
condicionnan relaciona cu duracion di bo admision y estadia na Aruba. Alabes
pa por entrega un peticion, por lo menos mester dispone di un paspoort balido,
un acta di nacemento cu apostilla of legalisacion y e certificado di examen di
naturalisacion. Ademas lo pidi otro documento relevante.
Luna di december ta e ultimo periodo cu oportunidad di entrega un peticion
cu un certificado obtene, a base di e examen di naturalisacion solamente na
papiamento.
Pa mas informacion por bishita www.kabga.aw of yama departamento di
Asuntonan Consular na tel. 583-4445.