¿Cómo lo da pa mañana?

1
VI DÍA DE LES CIENCIES ASTURIANES
¿Cómo lo da pa mañana?
2
Seliquino, siéntese un orbayu.
Lluis Xabel Álvarez
3
El tiempu que va venir, un tiempu nuevu, o’l tiempu como ciencia qu’estudia
l’atmófera, o como’l que marquen los relós, el que s’espera o’l tiempu
muertu d’un partíu de baloncestu. A lo llargo de les nuestres vides, podemos
usar la palabra tiempu de maneres mui estremaes. Pero ta claro que si
daquién entruga ¿Cómo lo da pa mañana? nun tenemos duldes: tamos
falando del tiempu atmosféricu.
Nestes fueyes vamos falar del tiempu, pero tamién de dalguna cosa más.
Porque cuando llueve, fai sol o llega l’aire les castañes, nun son namás
fenómenos meteorolóxicos: son tamién elementos que topamos en versos,
en cuentos o n’otres histories.
Pero agora nun vamos perder el tiempu y vamos entamar; nun vaiga ser que
llueva y nun podamos siguir.
4
1. DEFINICIÓN.
Pos sí, la definición de “tiempu” tien unes cuantes acepciones. Echa una güeyada a
la definición que fai l’Academia de la Llingua Asturiana nel so Diccionariu.
2. EL TIEMPU METEOROLÓXICU.
De la meteoroloxía podemos cuntar munches coses, pero equí vamos ver namás
el centru del procesu. Tu pues rabilar y aprender muncho más.
Antes de nada, ye importante definir la meteoroloxía. ¿Qué ye?
La meteoroloxía podemos definila como la ciencia que s’ocupa de l’atmósfera y de
los fenómenos qu’hai nella.
Entamando pela atmósfera, vamos dicir que ye’l conxuntu de gases qu’envuelve la
Tierra. Ta formada por una partida de tipos de gas, ente ello: nitróxenu, osíxenu, argón,
dióxidu de carbonu y vapor d’agua.
5
L’atmósfera divídese nuna serie de capes: troposfera, estratosfera, mesosfera, termosfera
y exosfera. La temperatura en caúna de les capes va cambiando (mira’l cuadru).
La temperatura que podemos
topar en caúna de les capes de
l’atmósfera ye mui variao. Lo de la
troposfera ye lo meyor pa tener vida.
Na termosfera los rayos del sol
aumenten la temperatura abondo.
Mentanto, na exosfera hai un
fenómenu mui raru: equí les
partícules muévense mui rápido, pero
si tuviéremos ellí tendríemos fríu
porque l’aire que tien esta capa ye
tan ralo que tien mui poques
partícules (y cuando les partícules
choquen cola nuestra piel, produz
calor).
2.1.
La temperatura.
Cuando falamos del tiempu, siempre facemos una referencia a la temperatura. Y amás
nun facemos referencia a una temperatura namás, non. Cuando vemos la previsión del
tiempu siempre s’indiquen dos niveles de temperatura: lo máximo y lo mínimo.
LO MÁXIMO: Ye la temperatura más alto que pue rexistrase nun día y nun sitiu
determináu.
LO MÍNIMO: Ye la temperatura más baxo que podemos tener nun día y nun sitiu
determináu.
6
Los termómetros pa calcular la temperatura máximo y mínimo son distintos. Rabila pela
rede y atopa les diferencies.
Fai un cutu qu’escarabaya’l pelleyu
Seguro que más d’una vez escuchasti esta frase, ¿a que sí? Pos como casi too, tien la
so esplicación.
El pelleyu ponse d’esa manera porque ye una reacción del nuestru cuerpu. Cuando
tamos nun sitiu onde ta frío, los poros de la piel zárrense pa intentar que’l cuerpu nun
pierda calor.
¿Y por qué tiritamos cuando ta frío?
Pos tiritamos porque’l nuestru cuerpu tien vida propia. Cuando ta mui frío y la nuestra
temperatura cuerre’l riesgu de baxar, tiritamos pa producir una enerxía que xenere
calor dientro’l cuerpu.
2.2.
La presión atmósférico.
L’aire pesa. Sí, anque nun nos deamos cuenta, l’aire fai una fuercia
sobre los oxetos, pola acción de la gravedá. Esa fuercia llámase presión
atmosférico y la unidá de midida ye’l pascal (1 pascal = 1
newton/m2).
El barómetru val pa midir la presión atmosférico y
depués facer los mapes d’isobares.
Anticiclones y borrasques.
La presión atmosférico ye distinto en cada capa de l’atmósfera. Dientro
d’elles hai una especie de carreteres nes que la presión atmosférico ye
diferente.
Pa esplicar los anticiclones y les borrasques, garramos como referencia la
presión medio global a nivel de la mar: 1013,2 milibares (mb).
Cuando la presión ta penriba d’esta cantidá, referímonos a presión alto. Nos mapes
represéntase con una A. Ye lo que conocemos como un anticiclón.
Solemos rellacionar los anticiclones col bon tiempu. Y ye bien fácil que los topemos nos
mapes, siempre nel mesmu sitiu.
A
Seguro que sentisti falar, más d’una vez, del Anticiclón de les Azores. Intenta ponelu en sitiu nun mapa.
7
B
Cuando la presión ta per debaxo d’esos 1013,2 milibares, tamos faciendo referencia a les
Presión baxo. Nos mapes represéntase con una B. Ye lo que conocemos como una
borrasca.
Les borrasques siempre tán moviéndose, d’un llau pa otru, faciendo munchos
quilómetros. El vientu que les lleva xira pa dientro, circulando al revés que les aguyes del
reló (nel Hemisferiu Sur, xira pa fuera). Esti movimientu llámase ciclónicu*.
*Equí ta l’orixe de la palabra ciclón. Podemos dicir que toles borrasques son ciclones, pero equí la
intensidá tien muncho que dicir.
Cuando sentimos falar de borrasca, vamos asocialo mui rápido a llover; ensin escaecer
qu’hai munches maneres de llover.
2.3.
Llueve… y muéyate.
Esta gota d’agua qu’acaba de cayer enriba la to cabeza ye probable que va unos
meses tuviere nun océanu. Sí, porque dende l’agua de la mar convirtióse nuna
molécula de vapor d’agua (n’estáu gaseosu, asina que nun se ve), a traviés d’un procesu
d’evaporación. Depués de la evaporación del agua, vien otru procesu: la condensación.
Esa gota d’agua condensao ye la que te cayó enriba. Ye’l momentu de la precipitación.
Hai munchos tipos de precipitación:
 Orbayu: les gotes tienen un diámetru de menos de 0.5 mm y tán mui xuntes.
 Lloviu: les gotes tienen un diámetru de más de 0.5 mm o tán más separtaes.
 Xarabatu: ye una precipitación fuerte y curtia que cai de sutrucu.
 Nieve: precipitación cola forma de cristales de xelu.
 Xarazu: precipitación de boles de xelu con diámetros ente 5 y 50 mm.
Amás, dientro d’estos tipos, tamién podemos tener en cuenta la
intensidá. ¿O ye lo mesmo l’orpín que’l pedriscu?
8
2.4.
Les nubes.
Una nube ta formada por munches gotines minúscules y cristalinos de xelu que s’agrupen
por causa de que’l vapor d’agua d’una masa d’aire, cuando asciende a l’atmósfera, esfrez
y llega a la saturación.
CLASES DE NUBES
NOME
CARACTERÍSTIQUES
CIRRU
Asemeyaes a una guedeya de pelo.
Son grupos de nubes formaes por
cristales de xelu que tán perriba de
los 6.000 m. Tienen traza
esfilachada y polo xeneral son
tresllúcidos. Nun precipiten.
CÚMULU
Son les nubes con forma de boles
d’algodón.
Nubes de cristales de xelu que tán
perriba de los 6.000 m. Apaecen en
CIRROCÚMULU báramos ralos de nubes d’esti tipu.
Nun producen agua nin nengún tipu
de precipitación.
ESTRATU
Nube básica. Aseméyase a un
sábanu continuu de color agrisao.
Producen agua menudo, prúa,
orbayu y, delles veces, nevaes. Si ta
averáu al suelu, produz nublina.
Velu de nubes, tresparente y
CIRROESTRATU ablancazáu, de traza fibrosa (como
pelo).
EXEMPLU
9
Otres nubes. Hai nubes que llamen l’atención: pol color, pola forma… ¡o pol nome!
Podríes cuntar algo más sobre la…
 Nube ovni.
 Nube ubre.
 Nube coliflor.
 Nube castiellu.
 Panza’l burru.
2.5.
El vientu.
El vientu ye’l movimientu que fai
l’aire d’un sitiu a otru. La razón
básica pa qu’haya vientu ye
qu’exista
una
diferencia
considerable de la temperatura
y/o presión ente dos sitios.
Teniendo en cuenta qu’al
ras del suelu la temperatura ye
mayor y de la que xubimos va
baxando, cola temperatura del
aire pasa lo mesmo: cumpliendo’l
ciclu, l’aire caliente xube y l’aire
frío baxa.
L’anemómetru-veleta val pa midir dos coses: la
velocidá del vientu y la dirección que lleva.
10
Falando del vientu... seguro qu’escuchasti falar de nudos.
Los pilotos d’aeronaves y los patrones de barcos saben
muncho d’esti asuntu, porque miden la velocidá del vientu
en nudos.
Un nudu ye 1,852 km/h. Pa facenos una idea más clara,
podemos dicir que, si un barcu va a 120 km/h, ye lo
mesmo que dicir que va a 65 nudos.
65
Falando de vientos… ¿sabes lo que ye una
galerna? Busca información sobre la
Galerna del Cantábricu.
Clases de vientu.
Según d’ónde venga, la fuercia que traiga o la temperatura que tenga, los
vientos llámense de maneres diferentes. Dellos nomes son:
 Brisa de la mar.
 Brisa de monte y valles.
 Vientos xeneraos por furacanes y tornaos.

Los furacanes.

Los tornaos.
11



Nun furacán, el vientu pue algamar velocidaes de 250 km/h.
El centru del furacán conozse como “güeyu”.
La Organización Meteorolóxica Mundial alcordó pone-yos nomes a los
furacanes. ¿Alcuérdeste del Katrina o del Yolanda?
o Pa poner los nomes a los furacanes, síguese un procesu mui
chocante. Rabila pela rede y mira a ver qué alcuentres sobre esti
tema. ¿El furacán que ta pa venir tien nome d’home o de muyer?
3. CAXIGALINES DEL TIEMPU.
Seguro que te suenen munchos de los nomes que vas lleer equí. Toos ellos tán
rellacionaos cola meteoroloxía.
Xente histórico
Torricelli
Zeus
Kelvin
Evanxelista Torricelli (1608-1647) inventó’l barómetru de
mercuriu, que valió pa midir la presión que fai l’atmósfera
sobre la Tierra.
Yera’l dios del cielu y el mundu. Cuando s’enfadaba,
desencadenaba les tormentes y llanzaba rayos a los
enemigos.
Ye’l padre de la temperatura absoluto, que ye’l valor de
la temperatura midío con respectu a una escala
qu’entama nel cero absolutu.
Copérnico (1473-1543) desarrolló la teoría
heliocéntrica, que diz que la Tierra xira alredor del Sol.
Copérnico
Anders Celsius (1701-1744) inventó la escala
termométrica centesimal que lleva’l so nome.
Celsius
Fahrenheit
Desarrolló’l termómetru de mercuriu y la escala
Fahrenheit de temperatura.
12
4. EL TIEMPU Y LA LLITERATURA.
Los fenómenos meteorolóxicos cítense munches veces na lliteratura. D’una manera
especial, la poesía recueye, ente los versos de los poetes más intimistes, palabres como
llover, llume, borrina, aire o nieve.
Vamos recoyer equí dalgún d’esos poemes. Ye’l to llabor analizalos y comentalos.
LA NIEVE DE L’ARAMU
d’esta certedume que m’esgarduña la piel.
Van cobrando los güeyos el posu la ceniza,
la lluz que llastió nellos abángase al iviernu.
Nel auga los cuerpos desfaciéndose
Sé que por más que vuelva, enxamás voi ser
quien
ente palabres que suañaben mañanes
azules
a quitate, dafechu, el fríu les manes,
en países soleyeros.
les tardes terecíes buscando lo solano,
Pero los mios güeyos perdíos,
el tiempu que, valeru, s’esfrez ente visillos
cuasi muertos nel remolín del desagüe,
y fexo del to cuerpu la dureza del xil.
despidíen l’agua, el sol, la tierra entero
Sicasí vengo agoraa celebrar contigo
y esta amarga certedume d’olvidu
los retayos qu’entá nos ceda l’alcordanza,
que tovía nun confieso.
el rir col que vivimos los avientos y el vinu
Vanessa Gutiérrez
al dieldu de la lluna, refecha nes vidayes
la nieve de l’Aramu que s’esparde na tierra.
Lourdes Álvarez
DOS GARCES
[…]Depués quedamos en silenciu, mirando,
espiando la so perfecta quietú
contra les agües que pasen
NEL AGUA
del iviernu, y entós,
Nel agua tuvi la última promesa
per un momentu, resumen
y la to mano que, pegada al mio llombu,
pa nosotres la contemplación
percorría les imperfecciones callaes
del mundu: esti ríu, estos árboles,
del pasáu que va tiempu que discurro.
el cielu de seronda, el calor,
Dacuando un besu suave p’apaciguar el
dolor
el fríu.
Berta Piñán
13
PALABRES DE ÑEVE
LOS TRUÉBANOS DEL CIELU
Escribimos na llingua de la ñeve,
Cuando yera un nenu,
palabres blanques que caen na tierra
Inis Aión,
y nada semen nella, alpenes son
afalábanme las nubles blancas,
un falagu húmedu nos llabios secos,
ya las prietas andurinas
un falagu y desfainse, bórrense pa siempre.
pa los mieus güechos
faían de plata los niales.
Escribimos con palabres de ñeve,
Antias que la nieve
falamos na so llingua blanca a una tierra
nos bosques durmeciera,
que ya nun la entiende, alpenes siente
tres mil colores
el murmuriu d’un vientu suave que sopla y
pasa.
dexábame’l sol vere
ya entoncias al.lumaba
el calecer de la tua vida.
Escribimos con palabres de ñeve,
Pero agora
páxines en blanco que faeln de la tierra
outra vez vengo a ti,
de niundes y de la casa de naid, alpenes
al buen dios vengo,
memoria d’un día ensin nueche nin
albancia,
como un nenu feliz,
memoria d’un nome que s’olvidó callando.
Escribimos con palabres de ñeve,
na llingua blanca de les xelaes y los
muertos,
conas mías manos arramandu l’amor
que naz de mesteriosa soledá,
como un nenu qu’alcontrara
un guapu tesoru al pía la mar.
El.la, gran dios,
escamplamos fogueres na povisa frío,
alpenes
nun yía como la planta aceda
solombres enfotaes nun llume escondíu,
Nun yía,
solombres que prensen y estínguense soles.
tampoucu,
qu’arrabuña las almas.
como’l dolor qu’al corazón-l.ly presta.
Escribimos na llingua de la ñeve,
Como la gota del miel
palabres blanques que caen na tierra
de los truébanos del cielu,
como estrelles ensin lluz, alpenes
asina yera el.la.
el mumuriu suave d’una voz estraña,
Cumu una nuble qu’afuxe de los montes
el murmuriu d’un vientu suave que sopla y
marcha.
ya blanca vien a mí.
Pablo Antón Marín Estrada
Roberto Glez.-Quevedo
14
5. TIEMPU DE MÚSICA.
Na portada d’esta propuesta pedagóxica atopábamos esta
imaxe. Ye d’un videu musical d’un grupu asturianu, los
Stormy Mondays. El nome danos una idea de qu’a esta
xente présta-y lo del tiempu.
Una de les canciones más famoses d’esti grupu ye
«Weatherman» y pues atopar el videoclip na web
www.stormymondays.com.
La lletra orixinal ye n’inglés. ¿Anímeste a traducila al asturianu? Les cinco primeres lletres que
nos lleguen tienen premiu.
Alfredo González publicó nún de los sos postreros trabayos, Dobleces, la canción “Llueve” (con
lletra de Nacho Fonseca). Un cantar que nació siendo pa neños y acabó siendo pa mayores.
(www.alfredo-gonzalez.es). ¿Conóceslu?
Skanda, el grupu de Mieres del Camín, asoleyó nel añu 2010 el discu Folk & Roll Circus, onde
podemos atopar el cartan “A xirar el sol”, onde, mes a mes, el tiempu meteorolóxicu tien
muncho que contar.
Y munchos más. Hai munchos grupos asturianos que recueyen nos sos temes aspectos
rellacionaos cola meteoroloxía, ¿conoces dalgún?
15
Imáxenes.
Home del tiempu. Portada
Capes de l’atmósfera
Gota d’agua.
Planeta Tierra
Anemómetru.
Burru
Barcu
Nubes (Páxina 8)
www.stormymondays.com
Ensin autor. Bancu d’imáxenes MEC.
Félix Vallés Calvo. Bancu d’imáxenes MEC.
Ensin autor. Bancu d’imáxenes MEC.
Ensin autor. Bancu d’imáxenes MEC.
Félix Vallés Calvo. Bancu d’imáxenes MEC.
José Dulac Ibergallartu
© AEMET. Autorizáu l’usu de la información y la
so reproducción citando a AEMET como autora
de la mesma.
Bibliografía.
Argüelles, J. L. 2010. Toma de tierra. Editorial Trea, Xixón.
Brasero, Roberto. 2012. Entender el tiempo. Ed. Oberon Práctico, Madrid.
Glez-Quevedo, Roberto. 2004. Pan d’amore. Editorial Ámbitu, Uviéu.
Gutiérrez, Vanessa. 2011. La quema. Editorial Trea, Xixón.
Viñas, Jose Miguel. 2014. Preguntas al aire. Alianza Editorial, Madrid.
Webgrafía.
http://recursostic.educacion.es
http://www.aemet.es/es/portada
http://www.academiadelallingua.com/termast