Tribulaciones d`un pelegrín

EDUCACIÓN SECUNDARIA
FACTÓTUM TEATRO
Tribulaciones d’un pelegrín
Remembranza del pelegrinar d’un home pola so vida y poles sos querencies vitales, dende’l nacimeintu con
los problemes del nome que te ponen o tienes de poner, según seyas pa o fíu, hasta les estayes de la xuventú,
los collacios, la mala vida, les males aficiones…, porque los caminos del señor son infinitos, vaya un sin
acabar, menos el de Santiago que finar fina ellí en Santiago y nel dalgo sedremos quien a deprender, hasta
que llegues a la maurez y tienes d’arrecostinar colo que tu mesmu escoyisti, bueno tu mesmu dalgunes
vegades porque si ye por ti…y entós ye cuando entames a camentar so los suaños de la to salvación anque
igual namas queden n’eso, en suaños.
Espectáculu de monólogos p’adultos con textos de Silvino Torre.
Dirección ya interpretación: Silvino Torre.
Control técnicu: Verónica Gutiérrez
Duración: 45 minutos aprox.
OXETIVOS DIDÁCTICOS
– Averase a la lliteratura en llingua asturiana y al monólogu modernu en particular.
– Desendolcar la capacidá de aceptación de maneres de vivir la realidá abondo estremáes.
– Reconocimientu del sen asturiano al travies de les diferentes maneres de camentar.
ETAPES A LES QUE VA DIRIXÍU L’ESPECTÁCULU
Alumnáu de 3º y 4º de la E.S.O. y Bachilleratu.
MATERIAL DIDÁCTICU PA TRABAYAR NOS CENTROS
Con esti apartáu damos unes pautes de lo que podría trabayase nel aula enantes o depués de ver esti
espectáculu, en sin qu’ello torgue aquelles otres estayes qu’el profesor camiente que puede completar esta
actividad.
Creyemos qu’el debate o la reflexión crítica sobre estos temes, ya seya de forma xeneral o sofitada’n casos
más concretos, puede ser la base pa un entendimientu non solo del espectáculu en si mesmu si non de la
realidad que nos arrodia nel día a día.
Temes del trabayu
– El monólogu como expresión de la realidad d’un tiempu y la evolución social que lu arrodia, como
en cada textu, del tipu o tiempu que seya, vamos topar detalles so la época y la manera de vivir de la
xente, seya de la clas que seya, y de la so capacidad pa facelo evolucionar.
– Lletura de dalgunos monólogos d’époques estremaes, les sos diferencies, estructures, temes que traten
(Puen lleese dende textos de Pin de Pría, Pandiella, Manfer de la Llera o los últimos editaos como
recopilaciones de monólogu modernu “Pa echar unes rises”, tamién se pueden topar na rede monólogos
en llingua asturiana en delles páxines, dalgunos del finau programa de la TPA “La risión”).
– Lleer en voz alta dalgún monólogu, dase cuenta de la necesidad de control de les entonaciones, les
pauses, los finales, el tiempu de reacción del públicu, prebar con dalgo memorizáo, puede ser dende un
chiste a una anécdota.
– De la anécdota al monólogu, como facer un monólogu curtiu dende una anécdota o cualquier ocurrencia
que mos faiga gracia... o non.
– Partiendo de la ralidá de ca un comparala con la d’otru tiempu, les domines de los sos pas o los sos
güelos, ver como la comparanza de situaciones asemeyaes en domines estremaes puede tener un sentíu
traxicómicu que valga non solo pal entretenimientu si non pa la reflexión.
– Rellacionar les idegues trabayaes na clase y l’espectáculu:
Facer un comentariu críticu de la obra.
RESUME DE L’ACTIVIDÁ
En forma monólogu cómicu-dramáticu faise un repasu poles vivencies d’un home:
– Dende la so nacencia y la reponsablilidá de pone-y un nome a los fíos, tópicos so los nomes, nomatos de
dellos sitios, apocopes mas o menos gafos, a la fin toos tenemos de nomamos de dalguna manera.
– El pasu pola xuventú los collacios les maneres de divertise, de dir de parranda, el Camín que mos lleva a
la edá adulta y pol que munches vegaes arrastrámonos mas que pelegrinar, la llucha por facer d’un “persona”
o paisano, l’averamientu a les drogues, a les verdaes y mentires de la xente y d’uno mesmu, tiempu d’allorie
o d’asentamientu.
– Hasta la familia, la vida’n comun, los fíos, el trabayu... y el refalfiu de too que fai que busquemos otros
caminos pelos que caleyar, caminos de conocimientu y de nuevos aprendizaxes, anque nun se tenga claro
pa que y acabe siendo una salida de pata bancu.
Asina desplícase el propiu personaxe pasu ente pasu con socarronería y con capacidad pa rise d’ún mesmu.
NECESIDADES TÉCNIQUES QUE TIEN DE DISPONER EL COLEXU
Equipu de soníu, adaptau en potencia (Watios) al espaciu nel que se vaya a facer al representación, con
conexión de RCA (minijak) pa instalar un ordenador o reproductor.
Si fuere un sitiu pergrande podibilidad d’usu o instalación dun micrófonu de pie.
Toma eléctrica de lo menos 2500 W, aparte del equipu de soníu.
Si el colexu toviere dalgún sistema de illuminación pal espectáculu, poder da-y usu.
Espaciu pa la actuación de 4x4 (adaptable dientro dunos márxenes)
Tiempu de preparación 1,30 h
Tiempu de recoyida 35 m
Otres necesidaes
Vestuariu.