AJJC Tres Departamentu Jeugdreclassering

AJJC
Ambulante Justitiële Jeugdzorg Curaçao
AJJC a keda fundá dia 3 di desèmber 2013 dor di Minister di Hustisia, sr. Nelson
Navarro, pa asina ehersé e Kodigo Penal Hubenil ku a drenta na vigor na aña
2011. Dia 1 di febrüari 2014 AJJC a forma un tim di 11 persona ku a keda entrená
pa traha ku hóbennan ku a kai i/òf ta kore riesgo di kai den sirkuito kriminal.
AJJC su meta ta pa prevení i kombatí kriminalidat hubenil na Kòrsou i ta hasi
esaki pa medio di guia duná na hóbennan di 12 pa 18 aña.
Tres Departamentu
AJJC ta konsistí di tres departamentu
kual ta Jeugdreclassering, HALT i
Veiligheidshuis. Kada un tin nan
tareanan spesífiko, sinembargo tur tin
e mesun meta final: kombatí i prevení
kriminalidat hubenil.
Kasonan ku ta drenta AJJC pa un di e
departamentunan ta bini di e mesun
fuentenan, esta Ministerio Públiko,
Polis, Leerplicht, SMAT, skolnan,
famianan i konosínan di e hóben en
kuestion.
Jeugdreclassering
Jeugdreclassering ta e departamentu ku ta enkargá ku duna guia na hóbennan
entre 12 i 18 aña ku a kometé un delitu. Meta di Jeugdreclassering ta pa evitá ku
e hóben ta bolbe kometé delitunan (residivismo). Jeugdreclassering ta hasi esaki
pa medio di rekursonan hasiendo uso di intervenshonan basá riba “What
Works” i e analisis di “Big Four”.
Pa medio di e rekursonan aki e guiadó por analisá e kaso di kada hóben i su
situashon, nesesidatnan, riesgonan i kondukta. Ku e analisis aki e guiadó lo traha
un plan den kual ta atendé ku tur e areanan den e hóben su bida ku tin nesesidat
pa kambio. E kambionan aki su meta ta pa yega na redukshon òf eliminashon di
faktornan ku por kondusí e hóben na kometé aktonan kastigabel. E plan aki ta
keda trahá pa na momento ku e hóben mester presentá dilanti Hues. Tambe e
guiadó por traha un plan kòrtiku na momentu ku e hóben wòrdu poné den
‘Verzekering’. Pa hasi esaki e guiadó ta bai hasi bishita na e hóben kaminda e ta
detené i tambe papia ku su mayornan. E plan aki ta bai pa e fiskal ku tin e kaso.
1
Na momento ku e hóben risibí su kastigu òf wòrdu lagá den libertat kondishonal,
Jeugdreclassering lo duna e hóben aki guia pa e durashon di su temporada di
prueba. Den e periodo aki e guiadó lo traha pa kumpli ku e plan ku ela stipulá
anteriormente. E ta logra esaki trahando ku e diferente entidatnan di diferente
disiplinanan manera entre otro skolnan, FMA, Sentro pa Famia i Hóben, SEDA,
SIFMA, instansianan ku ta duna yudansa sikológiko i sikiátriko, èts. Na e
momentu ku e hóben no kumpli, e guiadó ta raportá esaki bèk na fiskal.
Ademas di e tarea di guiadó, Jeugdreclassering ta fungi tambe komo esun ku tin
ku monitòr e hóben ku tin ‘banchi elektroniko’ i esun ku tin ku hasi kastigu
alternativo. Kastigu alternativo ta enserá trabou obligatorio sin pago i/òf
training pa ahustá mal kondukta (ART i Tops).
HALT
HALT su enfoke primordial ta prevenshon di kriminalidat hubenil. Esaki e ta
logra pa medio di guia na hóbennan entre 12 i 18 aña ku a kometé un delitu
chikitu i tambe pa medio di duna charlanan riba diferente tópiko relatá ku
kriminalidat hubenil.
Bou di delitunan chikitu por komprondé entre otro hòrtamentu di artíkulonan
chikitu, destrukshon, yama numbernan di alarma pa pòrnada, sende vürwèrk
pafó di temporada permití, grafiti, faltamentu ku leerplicht, bringamentu, maluso
di alkohòl, èts. Hóbennan ku a hasi nan mes kulpabel di e tipo di kasonan aki,
mester para responsabel pa nan aktonan. Den e kaso aki HALT ta e
departamentu ku lo duna guia i struktura na e hóbennan aki durante un periodo
di 6 luna.
Durante e periodo di guia di HALT e hóben mester kumpli ku afspraknan trahá
ku e guiadó segun un plan ku e guiadó a hinka den otro. E plan aki ta enserá
akshonnan ku mester tuma lugá pa siña e hóben tokante su akshonnan, karga
responsabilidat di esaki i traha pa evitá ku e hóben ta kai den e sirkuito kriminal
i kometé delitunan aun mas pisá. Na final di e guia, e hóben mester por pidi su
diskulpa (sea personalmente òf por eskrito) na e víktima i/òf traha pa remediá e
daño ku el a hasi.
Den kuadro di duna charlanan, HALT ta dirigí su mes na hóbennan, mayornan,
skolnan, sentro di bario i instansianan pa duna informashon tokante entre otro
kriminalidat hubenil. HALT ta desaroyá charlanan spesífiko i tematiko pa
gruponan ku tin nesesidat di esaki. Asina HALT ta organisá ‘workshop’ pa
skolnan riba temanan spesífiko manera entre otro tentamentu, bringamentu i
akshonnan i nan konsekuensianan durante kual nan ke hasi alumnonan
konsiente di un manera aktivo i interaktivo di nan propio akshonnan i
responsabilidatnan. Tambe HALT tin un intervenshon pa atendé ku hóben ku
2
drenta den kontakto ku AJJC pa motibu di a bringa ku otro hóben. Den kasonan
asina AJJC ta intermediá pa trese pas entre e partidonan i ta wòrdu sostené pa
Jeugdagenten di KPC durante e mediashonnan.
Veiligheidshuis
Veiligheidshuis no ta un kas kaminda nos ta akapará hóbennan ku ta den
kriminalidat. Veiligheidshuis ta e departamentu enkargá ku konsultanan basá
riba un akuerdo di koperashon entre entidatnan riba tereno hudisial, sosial i
enseñansa.
Veiligheidshuis ta e òrgano ku ta yama tur instansianan bini huntu pa deliberá
riba kasonan spesífiko di hóbennan ku ta kore riesgo di kai den kriminalidat,
hóbennan ku ta kliente di Jeugdreclassering i HALT, pero tambe hóbennan ku ta
kai bou di e projekto di Top C (‘tur wowo riba bo’).
Pa medio di e sistema di Veiligheidshuis instansianan ta traha huntu i dirigí
segun un plan di akshon. Esaki ta pa garantisá ku tur kliente ta risibí e yudansa
nesesario i adekuá kual ta evitá ku e hóben i su famia ta kai pafó di e sistema di
ayudo sosial.
Instansianan ku aktualmente ta forma nukleo di Veiligheidshuis ta Ministerio
Públiko, KPC, Voogdijraad, GVI, Leerplicht i Stichting AJJC (Jeugdreclassering i
HALT).
LVB (Limitashon Mental Leve)
LVB ta derivá for Lichtverstandelijke Beperking, na Papiamentu Limitashon
Mental Leve. Personanan ku tin un nivel di inteligensia (IQ) entre 50 i 80 tin un
limitashon mental leve. E limitashon mental aki ta pone ku e persona ku un LVB
ta pensa, rashoná i aktua diferente. E persona aki tin un pensamentu i aktitut di
un persona di un edat imadurá.
Den kaso di un hóben ku un limitashon mental leve, e hóben físikamente por ta
grandi, pero forma di prosesá informashon, rasoná situashonnan i demostrá
aktitutnan ta di mucha chikitu. Esaki ta pone hopi lihé e por bira víktima di
kriminalnan ku ta usa e hóbennan aki pa kometé delitunan pa nan, manera
komete un atrako, sirbi komo mula, hòrta artíkulonan, èts.
Stichting AJJC ta keda konfrontá ku gran mayoria di su klientenan tin e
limitashon mental leve aki, kual ta rekerí mas atenshon, struktura i
komunikashon kontinuo i na nivel.
3
RISK
RISK ta para pa hóbennan entre 12 i 18 aña ku ta kore riesgo pa kometé aktonan
kastigabel pa lei, basá riba e echo ku nan tin problema riba 2 òf mas area di bida
(situashon na kas, skol òf trabou, amistatnan robés, falta di aktividat positivo
durante nan tempu liber, èts.) i nan tin problema di kondukta. E hóbennan aki
tambe ta bin na remarke pa risibí guia na Stichting AJJC. AJJC ta ofresé e hóbenan
aki i nan mayornan guia òf ta mustra nan kaminda pa haña guia spesialisá pa
evitá ku nan lo yega na kometé un delitu.
Kontakto
Stichting AJJC ta situá na
Pater Eeuwensweg #50
(Otrobanda).
Numbernan di telefòn:
461-4552
520-1940 (Pikèt)
520-1729
Email: [email protected]
Wèpsait: www.ajjc.org
Facebook: StichtingAJJC
4