Yech kwaꞌn mixëꞌl San Pab lo Tito

Yech kwaꞌn mixëꞌl
San Pab lo Tito
1
¿Mal wech, men cheꞌn Jesukrist? ¿Chi wen kal?
1
Na
Pab, nak da nela tu men nado gaꞌ lo Dios, mbaino
Jesukrist mizo da nak da tu apost; mixëꞌl Me da par
dizha widiꞌzh nazhon cheꞌn Me lo rë men xaꞌ ngule Dios
gak men cheꞌn Dios, par zobyek bixaꞌ widiꞌzh walipaꞌ cheꞌn
Jesukrist, orzeꞌ ban bixaꞌ nela xmod nzhakla Dios. 2 Por
widiꞌzh reꞌ, nane be, lëꞌ be ban dubtaꞌ kun Dios, nela xmod
milaꞌ ka Dios diꞌzh, or ni naga yuxkwaꞌ yizhyuo. Dios leꞌ kureꞌ,
porke Dios gat nikëꞌt mbël. 3 No or ngol zhë, mileꞌ Dios xigab,
miluꞌ Me xmod ban men par dubtaꞌ. No Dios, Me nguloꞌ be lo
kwaꞌn nzëꞌb xki be, miwiꞌ Me lon lëꞌ da zuꞌ ka dizha rë kureꞌ,
porke saꞌ mileꞌ Me mandad len. 4 Kixëla widiꞌzh reꞌ lol, Tito,
lu nak nela tu xgaꞌna, porke lu no na, yub paꞌ widiꞌzh cheꞌn
Jesukrist ñila be. Ninaꞌba lo Dios Xuz be mbaino lo Krist
Jesús, Me nguloꞌ be lo kwaꞌn nzëꞌb xki be, gaknu Me lu, no leꞌ
Me, zil chul dizde leꞌn laxtoꞌl.
Zhiꞌn nazhon kwaꞌn miaꞌn diꞌzh leꞌ Tito lazh men Creta
5 Milan
lu lazh men Creta kwaꞌn nzhin saoꞌ nitsdoꞌ, par wiꞌl
kwan nakiꞌn yuxkwaꞌ xid rë men cheꞌn Jesukrist, no kad plo
nzhin men cheꞌn Jesukrist, kwel tu gaꞌ xaꞌ zo lo bixaꞌ, nela
xmod milen mandad. 6 Tu men zo lo rë men cheꞌn Jesukrist,
ñal gak xaꞌ tu men yent cho gak gab kwan tu kwaꞌn nak xaꞌ,
no ñal tutsa unaꞌ gap xaꞌ, mbaino rë xmëꞌd xaꞌ ñal gak bixaꞌ
men cheꞌn Jesukrist, no nagakt bixaꞌ men gat nzhon diꞌzh o
554
El Nuevo Testamento en el zapoteco de Coatecas Altas ©Liga Bíblica Internacional, 2013
555
Tito 1​, ​2
men nayiꞌlazh, 7 porke tu men xaꞌ zo lo rë men cheꞌn Jesukrist,
ñal gak xaꞌ tu men, yent cho gak gab kwan tu kwaꞌn nak xaꞌ
lo zhiꞌn nazhon cheꞌn Dios. No nazit xaꞌ ya, mbaino gakt xaꞌ
tu men nazhoꞌ yek, no nagakt xaꞌ nguy, no ni nagak xaꞌ tu xaꞌ
nichaoꞌ dil, o tu xaꞌ nikide men par kaꞌ xaꞌ dimi cheꞌn men.
8 Ñal gak xaꞌ reꞌ tu xaꞌ dox wen kun rë men xaꞌ ñaꞌn lizh xaꞌ,
no tu xaꞌ dox ño laxtoꞌ nileꞌ kwaꞌn wen, mbaino wenawen nileꞌ
xaꞌ xigab or nileꞌ xaꞌ tu kwaꞌn, no nileꞌ xaꞌ kwaꞌn ñal, mbaino
nambe laxtoꞌ xaꞌ dilant lo Dios, no nikaꞌn xaꞌ lo rë kwaꞌn
nzhakla kwerp cheꞌn xaꞌ. 9 Ñal naye zo xaꞌ lo yub paꞌ widiꞌzh
cheꞌn Dios kwaꞌn mitseꞌd xaꞌ, nes par gak tseꞌd xaꞌ men, roꞌb
men lo widiꞌzh viv cheꞌn Dios, no nu par gak leꞌ xaꞌ zi men
kwaꞌn nak men, or diꞌzh tu men widiꞌzh cheꞌn Dios xaꞌla mod,
10 porke plo nzhol baꞌ, lazh men Creta, dox nzho men xaꞌ niluꞌ
widiꞌzh cheꞌn Dios xaꞌla mod, mbaino nidiꞌzh bixaꞌ kwaꞌn
niyent yek, nikide bixaꞌ men. Xid rë men reꞌ nzho rë xaꞌ nikiꞌl
men këꞌ señ kwerp cheꞌn men, nela xmod nzobniꞌ lo ley cheꞌn
Muisés. 11 Rë xaꞌ reꞌ ñal saoꞌ be xaꞌ roꞌ xaꞌ, porke nileꞌ xaꞌ dub
lizh men nilaꞌ widiꞌzh wali paꞌ cheꞌn Dios. Kiluꞌ bixaꞌ lo men
kwaꞌn gat ñalt, namás par nileꞌ bixaꞌ gan dimi. 12 Mis tu men
yezh Creta zeꞌ, tu xaꞌ nidiꞌzh por Dios, seꞌ nzhab xaꞌ nak rë
melazh xaꞌ: “Rë men yezh reꞌ, dox mbël bixaꞌ, no nak bixaꞌ
nela ma nayiꞌ gaꞌ, mbaino nzhao choꞌ bixaꞌ, no jloj bixaꞌ.” 13 No
walika nak bixaꞌi, kuzeꞌ dox biluꞌzh bixaꞌ (bizaꞌ kunsej bixaꞌ),
par zo bixaꞌ wen lo viv widiꞌzh cheꞌn Jesukrist, 14 nes nayilatraꞌ
bixaꞌ rë kwaꞌn nichaoꞌ yek rë men Israel, mbaino naleꞌtraꞌ
bixaꞌ rë kwaꞌn nileꞌ rë men reꞌ mandad, rë xaꞌ nguruyaꞌ la lo
yub paꞌ widiꞌzh cheꞌn Jesukrist. 15 Rë xaꞌ ñila widiꞌzh viv cheꞌn
Jesukrist, par lëꞌ bixaꞌ rë kwaꞌn nambe; per par rë xaꞌ minu la
xigab cheꞌn lo Dios, mbaino rë xaꞌ gat kinut widiꞌzh viv cheꞌn
Jesukrist, yent kwaꞌn nambe par lëꞌ bixaꞌ. 16 Nidiꞌzh bixaꞌ, dox
nilibeꞌ bixaꞌ Dios, per por xmod nak bixaꞌ, nileꞌ bixaꞌ nayaꞌ lo
Dios. Niluꞌ bixaꞌ lo Dios nela tu kwaꞌn más nakap lo rë. Dox
nayiꞌlazh bixaꞌ lo Dios, kuzeꞌ ni tu kwaꞌn wen nagakt leꞌ bixaꞌ.
2
Ñal tseꞌd be men yub paꞌ widiꞌzh cheꞌn Dios
1
Per lu Tito, biluꞌ nela xmod nak ka widiꞌzh viv cheꞌn
Dios. 2 Guzh lo rë miyiꞌ, xaꞌ ngwagal la; nakiꞌn gak bixaꞌ
menaye lo rë kwaꞌn nileꞌ xaꞌ, no gak bixaꞌ men xaꞌ nileꞌ lëꞌska
El Nuevo Testamento en el zapoteco de Coatecas Altas ©Liga Bíblica Internacional, 2013
Tito 2
556
lëꞌ tu kwaꞌn, mbaino gak bixaꞌ men xaꞌ nileꞌ xigab wenawen or
nileꞌ bixaꞌ tu kwaꞌn, no nab tsa widiꞌzh viv cheꞌn Jesukrist ñila
bixaꞌ, mbaino chizhiꞌ bixaꞌ más rë men, no nazoliaꞌzht bixaꞌ
lo Dios (leꞌt bixaꞌ nayaꞌ) or zak bixaꞌ tu kwaꞌn. 3 Seꞌgaꞌ guzh
lo rë unaꞌ, xaꞌ ngwagal la; gak bixaꞌ menaye lo rë kwaꞌn nileꞌ
bixaꞌ. No nagakt bixaꞌ men diꞌzhyix, no ni nazuzh bixaꞌ; ñal
gak bixaꞌ wen, 4 nes gak luꞌ bixaꞌ lo rë unaꞌ xi, xmod chizhiꞌ
rë unaꞌ xmiyiꞌ unaꞌ no rë xmëꞌd unaꞌ. 5 No or leꞌ rë unaꞌ xi tu
kwaꞌn, wenawen leꞌ bixaꞌ xigab, mbaino gak bixaꞌ unaꞌ nambe
laxtoꞌ nikizë, no laꞌch bixaꞌ lizh bixaꞌ mbaino gak bixaꞌ wen
kun men, no zob bixaꞌ xtiꞌzh xmiyiꞌ bixaꞌ, par yent cho diꞌzh
gat lëꞌ por widiꞌzh cheꞌn Dios. 6 No seꞌgaꞌ guzh lo rë miyiꞌ xi,
wenawen leꞌ bixaꞌ xigab or nileꞌ bixaꞌ tu kwaꞌn. 7 No lu, Tito;
lo rë kwaꞌn, biluꞌ xmod nabanal, par ne rë men, lëꞌl nileꞌ lëꞌtsa
lëꞌ tu kwaꞌn; no or niluꞌl widiꞌzh cheꞌn Dios, nakaꞌchtal ni tu
kwaꞌn, nela xmod ñal kai. 8 Bidiꞌzh pura kwaꞌn lëꞌtsa lëꞌ, par
yent cho gak rël ni tu kwaꞌn nidiꞌzhal gat lëꞌt; nes par tula rë
xaꞌ nidiꞌzh xaꞌla mod nak widiꞌzh cheꞌn Dios, orzeꞌ yentraꞌ por
kwan diꞌzh xaꞌ be. 9 Bidiꞌzhnu rë xaꞌ nak mos nado, gon bixaꞌ
roꞌ xaꞌ nileꞌ mandad xaꞌ; gak bixaꞌ wen, nakabroꞌt bixaꞌ. 10 No
naliwaꞌnt bixaꞌ, luꞌ bixaꞌ lëꞌ bixaꞌ menaye lo rë kwaꞌn, nes par
ne rë men, dox nazhon widiꞌzh cheꞌn Dios cheꞌn be, Me nguloꞌ
be lo rë kwaꞌn nzëꞌb xki be.
11 Porke lëꞌ Dios miluꞌ dox nazhiꞌ Dios rë men yizhyuo, por
Jesukrist Me nizaꞌ yalnaban kaꞌ rë men, xaꞌ nzhon widiꞌzh
cheꞌn Me. 12 Por nazhiꞌ Dios be, kitseꞌd Me be par naleꞌraꞌ be
kwaꞌn gat lëꞌ, no ni nawixraꞌ be kwaꞌn nzho yizhyuo reꞌ; par
gak be tu men xaꞌ nileꞌ xigab wenawen or nileꞌ be tu kwaꞌn,
mbaino leꞌ be kwaꞌn ñal no ban be nela xmod nzhakla Dios,
dub naban be lo yizhyuo reꞌ. 13 Seꞌ leꞌ be dub kwëz be haxta
zhin zhë gak rë kwaꞌn milaꞌ Dios diꞌzh; or yaxoꞌb Jesukrist kun
rë yalnazhon cheꞌn Me, par ne rë men, lëꞌgaka Me nak Dios,
Dios Me nguloꞌ be lo rë kwaꞌn nzëꞌb xki be. 14 Yub Me nguziyël
Me ngut Me por be, par nguloꞌ Me be lo rë kwaꞌn ngok
nayiꞌlazh be lo Me. Mitsimbe Me be par gak be tu ben men
nab tsa par lëꞌ Me, rë xaꞌ xoꞌbyek leꞌ nab tsa rë kwaꞌn wen.
15 Rë kureꞌ ñal diꞌzhal, no bidiꞌzhnu men leꞌ bixaꞌi, mbaino
bileꞌ zi men kwaꞌn nak men, no bileꞌ mandad gon bixaꞌ roꞌl; no
nalaꞌtal cho nane leꞌi.
El Nuevo Testamento en el zapoteco de Coatecas Altas ©Liga Bíblica Internacional, 2013
557
3
Tito 3
Xmod nakiꞌn ban men cheꞌn Jesukrist
1
Guzh
lo rë men cheꞌn Jesukrist, tsila bixaꞌ leꞌ paꞌ bixaꞌ par
gon bixaꞌ roꞌ rë men cheꞌn gobier, xaꞌ nileꞌ mandad; gat
ñalt gak bixaꞌ men gat nzhon diꞌzh. Ñal wiꞌ laka bixaꞌ leꞌ bixaꞌ
wanei cho zhiꞌn wen. 2 No guzh, nadiꞌzht bixaꞌ nakap tich ni
tu men no ni nakwaꞌnt bixaꞌ dil kun men; ñal xek bixaꞌ or nileꞌ
men kwaꞌn gat lëꞌ lo bixaꞌ, mbaino gak bixaꞌ nadoꞌ kun rë men.
3 Nuska be ngok saꞌ: Yent xigab yek be, no ngok be nayiꞌlazh,
mbaino nguziwan be lo rë kwaꞌn gat lëꞌ. No mbiꞌy rë xigab gat
lëꞌ be par mileꞌ be rë kwaꞌn nguio laxtoꞌ be, mbaino miyiꞌxian
be por gat kinu be kwaꞌn kinu xtu men, por dox miwix be gap
bei. Miyiꞌ men, nine men be, no nu ska be mileꞌi. 4 Per Dios, Me
nguloꞌ be lo rë kwaꞌn nzëꞌb xki be, miluꞌ Me, lëꞌ Me dox wen
mbaino nazhiꞌ Me be. 5 Nguloꞌ Me be lo rë kwaꞌn nzëꞌbxki be
por dox nilats laxtoꞌ Me be, gat lëꞌt por mileꞌ be tu kwaꞌn dox
wene. Por yalnazhon cheꞌn Sprit cheꞌn Dios, mitsumbe Me be
lo rë kwaꞌn gat lëꞌ, mileꞌ Me ngok be nela tu men laore ngol gaꞌ,
mbaino mineꞌ Me yalnaban kwaꞌn diꞌ par dubtaꞌ kaꞌ be. 6 Por
Jesukrist, Me nguloꞌ be lo rë kwaꞌn nazheꞌb nak be, mixëꞌl Dios
Sprit cheꞌn Me yo laxtoꞌ be kun rë yalnazhon cheꞌn Me. 7 Nal,
por nilatsa laxtoꞌ Dios be, niwiꞌ Me lo be, nela lo tu men xaꞌ gat
nzëꞌbxkit, nes par gal be kwaꞌn milaꞌ Dios diꞌzh; ban be dubtaꞌ
kun lëꞌ Me. 8 Walika rë kwaꞌn nin reꞌ. Kuzeꞌ, zilitaꞌ guzh kureꞌ lo
rë men cheꞌn Dios xaꞌ nzhin baꞌ, nes par rë xaꞌ nzhon roꞌ Dios, leꞌ
paꞌ bixaꞌ por leꞌ bixaꞌ rë kwaꞌn wen lo Dios, no kwaꞌn zuꞌ par rë
men. 9 Per nalaꞌtal dil men por kwaꞌn niyent yek, o por cho ngok
rë melizh men xaꞌ tiemp; no ni por rë kwaꞌn nzobniꞌ lo ley cheꞌn
Muisés, kwaꞌn wen par chëldil men nabei cho más tsak. Rë kureꞌ
yent kwan zuꞌi no yent cho kwente. 10 Chi nzho tu men nichaoꞌ
dil xid rë men cheꞌn Dios xaꞌ nzhin baꞌ, bidiꞌzhnu xaꞌ tu wëlt o
chop wëlt. No chi nagon xaꞌ roꞌl, nakoꞌtraꞌl kwent xaꞌ. 11 Orzeꞌ lëꞌl
nane la, lëꞌ xaꞌ reꞌ minu la lo Dios; por nad xaꞌ, gat nzhont xaꞌ
diꞌzh, kuzeꞌ niluꞌ nzëꞌb xki xaꞌ lo Dios, no gat ñalt wiꞌl lo xaꞌ nela
tu men cheꞌn Dios gaꞌ.
12 Or
Lult rë widiꞌzh reꞌ nzhab Pab lo Tito
xëla Artemas o Tíkiko lol, bikënla yiꞌdal yezh
Nicópolis, par yiꞌdtsiꞌl ma da, porke milen xigab, teꞌda mbëoꞌ
El Nuevo Testamento en el zapoteco de Coatecas Altas ©Liga Bíblica Internacional, 2013
Tito 3
558
nayag baꞌ. 13 Bileꞌ paꞌ por gaknul abogad Zenas no Pol; bizaꞌ rë
kwaꞌn nakiꞌn bixaꞌ, par ya bixaꞌ nez cheꞌn bixaꞌ, par yent kwan
gak jwalt lo bixaꞌ. 14 Biwiꞌ par tseꞌd rë men cheꞌn Jesukrist, leꞌ
bixaꞌ kwaꞌn wen, no par gaknu bixaꞌ, xaꞌ walika nakiꞌn kwaꞌn.
Seꞌ ñal leꞌ bixaꞌ par nagak bixaꞌ men yent kwan zuꞌ.
15 Rë xaꞌ nzho kuda reꞌ, nzhakla ne, chi wen kal; no guzh,
chi wen ka rë wech be, men cheꞌn Jesukrist, rë xaꞌ nzho kun
lu baꞌ, rë xaꞌ ñila tutsa mod widiꞌzh cheꞌn Dios kun be, mbaino
nazhiꞌ xaꞌ be. Kinaꞌba lo Dios, rë go gaknu Me. Saꞌ gake.
El Nuevo Testamento en el zapoteco de Coatecas Altas ©Liga Bíblica Internacional, 2013