Kon Dios a drenta paraiso ora Adam a kai? Manera unu ku a

Kapitulo 3
E Iglesia den figura
Kon Dios a drenta paraiso ora Adam a kai? Manera unu ku a frakasá, kabes abou?
No, Dios nunka ta baha kabes pa ningun ser i pa diabel ménos ainda. Dios a duna
kada unu nan sentensia. (Génesis 3:15) Dios a bisa diabel ku e ta pone enemistat entre
e i e muhé, entre e simia di e muhé i di dje. Diabel lo heridá e hilchi di e simia di e
muhé, pero e simia di e muhé lo machiká su kabes. Tin un nifikashon masha grandi i
profundo den e sentensia aki. Dios ta bisando diabel ku E, a pone un hòmber i un
muhé den Edén, kendenan diabel a engañá. Pero ku Dios lo pone un otro hòmber i un
otro muhé ku diabel lo no por engañá. E hòmber i e muhé aki lo derota diabel. Esaki ta
un parti di e bérdat ku ta duna nos libertat mental. Laga nos buska e kumplimentu di e
profesia aki den Beibel.
Diabel a ripara ku e hòmber i e muhé a kuminsá funshoná mesora ku Dios a papia.
A mata lamchinan pa bisti Adam i Eva, i a kuminsá duna nan instrukshon di salbashon,
sakrifisio i seremonianan. No ta posibel pa kita kueru di bestia bisti hende mesora.
Dios a hasi un seremonia pa hasi e kueru apto pa por bisti Adam i Eva. Asina e
servisionan di santuario a kuminsá, e komienso di e iglesia. E lamchi tabata representá
Hesus i e kueru tabata representá e hustisia di Hesus ku lo kubri Adam i Eva.
Sabiendo kiko lo pasa, diabel a kuminsá ataka i a hiba Kain na mata Abel. (Génesis 4)
Beibel ta yama iglesia muhé
Sabiduria ta wòrdu revelá na nos na momentu ku nos komprondé ku Beibel ta usa e
figura di muhé pa representá e iglesia. (Ezekiel 23:4 i Juan 12:15) Tambe Beibel ta
yama Hesus e segundo Adam. (1 Korintionan 15:45-49) E promé Adam a peka i a eredá
morto pa e i su desendientenan. Hesus, e Señor ku ta outor di bida eterno a bini komo e
segundo Adam pa e yunan di e promé Adam por nase di nobo, di e segundo Adam i
eredá bida eterno. E promé Adam tabata haña yu ku Eva; ken lo ta e muhé ku mester
haña yu pa e segundo Adam? Ken ta kasá di Hesus?
Di akuerdo ku Beibel ta e iglesia ta e kasá di Hesus, lesa 2 Korintionan 11:2,3 i
Revelashon 21:2-9. Si Hesus ta e segundo Adam, no tin duda ku e iglesia ta e
segunda Eva. P'esei Pablo ta kompará e iglesia ku Eva. Pa kumplimentu di e profesia
di Génesis 3:15, Hesus, e Hòmber i Su iglesia. Hesus i e muhé lo derota Satanas.
Den su astusia, Satanas a bini ku un anti-Kristo i a yena mundu ku iglesianan. Beibel
ta menshoná shete muhé, tirando man riba un solo hòmber. (Isaias 4:1) Den Beibel e
number shete ta nifiká kompletu òf tur. Pues tur e iglesianan di mundu ku ke Hesus
pa nòmber. (Mateo 24:4,5) Tambe Hesus a konfirmá ku lo
15
bini hopi den Su nòmber, pero ku mentira. Apóstel Juan a mira nan den forma di un
muhé sintá riba un bestia kórá ku ta yen di nòmbernan di blasfemia. (Revelashon
17:3-6)
Blasfemia pasombra e iglesianan tin nòmbernan atrayente di Dios, pero nan ta sintá
riba e bestia ku ta diabel. Wak Revelashon 12:9. Beibel ta referi na esakinan komo mama
i yunan di mal bida, abominashon di tera. E muhé ta burachi di sanger di e santunan i e
testigunan di Hesus. Pa e muhé aki dominá, e mester a destruí e iglesia ku a sali di
Herúsalèm. E ta e promé ku a prediká mentira usando e nòmber di Hesus; i su yunan a
siguié.
Pa nos por komprondé esaki bon nos por usa e siguiente ehèmpel. Di un famia konsistiendo
di tata, mama i shete yu; ken ta sigur famia di otro? E tata por tin su dudanan ku si tur e
shete yunan ta di dje, pero e mama si nunka por ta deskonfiá ku e yunan ta di dje. Ora
ku e Palabra di Dios yama nan mama i yunan e ta referí ku tur ta meskos. Nan doktrina ta
meskos.
No ta iglesianan falsu so Dios a revelá na Juan, esun berdadero tambe a wórdu mustrá
na dje. (Revelashon 12:1-6) E iglesia aki ta diferente den tur kos. E ta bisti ku lus. Tur e
tres lusnan di e mundu aki. Bisti ku solo, korona di streanan i pará riba luna. E iglesia di
Dios ta lus, no tin nada di skuridat den dje. E muhénan di mal bida di Revelashon 17:3-6,
no tin lus; ma skuridat i konfushon. Hesus ta yama nos for di skuridat, na Su lus atmirabel.
(1 Pedro 2:9)
Juan ta relatá historia di e iglesia aki, kuminsando ku Téstamént Bieu promé ku Hesus a
nase den e iglesia di Herúsalèm. Tambe e apóstel ta komentá Hesus Su nasementu, kon e
dragon a buska pa mata e Yu, Su bida i morto, Su subida na shelu, e destrukshon di e
iglesia mas o ménos na aña 538 d.c., tambe e ta menshoná e temporada di 1260 dia
ku ta representá añanan ku e skuridat spiritual a keda riba mundu wardando e iglesia
sali for di desierto i e lus di e evangelio puru bria bek.
Di aki te na e binida di Hesus e iglesia lo sigui. P'esei ta importante pa nos ta na altura di
e historia di nos iglesia. Nos no por ta den e iglesia ku ta burachi ku e sanger di e
santunan. Nos mester buska pa konosé e historia di e iglesia ku su santunan a wórdu
matá i ku mester a hui bai den desierto pa un tempu; pa nos por uni ku e santunan ku a
wòrdu matá.
Dios a pone un hòmber i un muhé den Eden, Satanas a engañá nan, Dios mes a pone
un otro hòmber i un otro muhé ku Satanas no por gaña nunka; esta Hesus i Su iglesia.
(Juan 14:30, Mateo 16:18)
E iglesia registrá den Revelashon 12, no tin yu muhé, indikando ku no tin mas iglesia ku
por wòrdu konsiderá esposa di Hesus. Beibel ta papia di un esposa, pues un iglesia. E
dragon registrá den Revelashon 17 riba kua su lomba e muhé ta sintá, ta diabel.
(Revelashon 12:9) Esaki ta konfirmá ku a muhé i su yunan ta iglesianan falsu, pasombra
Dios Su iglesia hamas lo por ta riba lomba di Satanas.
16
Beibel ta yama nan abominashon. (Revelashon 17:5) Outomátikamente e iglesia
registrá den Revelashon 12 ta bendishon.
Beibel ta bisa ku ora ku e dragon a hañ'é riba tera, e la kuminsá pèrsigui e
muhé ku a haña e yu hòmber. (Revelashon 12:13) Imposibel ku e muhé riba su
lomba por tin e yu hòmber ei. Akaso Hesus por ta riba lomba di Satanas? Hesus por
ta den abominashon? Hesus, e Yu Hòmber, e santunan di tur tempu, Hosé i Maria tur
ta miembro di e iglesia ku nos ta haña den Revelashon 12.
Tambe ta bon pa splika ku Dios no a tira diabel riba tera ora ku e la rebeldia den
shelu. Dios a tir'é den abismo pasobra planeta Tera no tabata tei den e tempu ei. òf, si
tera tabata eksisti mes e tabata bou di awa. Pues tera no tabata habitá. Dios a saka
diabel afó. E kastigu di diabel tabata ku e no tin lugá di biba. E i su angelnan mester a
keda den espasio i pasa mira tur ku a keda den armonia ku Dios gosa di e lugá ku
Dios a duna nan i di Dios Su gloria, inkluyendo planeta Tera. I si Dios no por a tene
Lusifér den shelu, kon Dios por mand'é pa Adam. Ami no a mira nunka un hende bari
su kas i saka e sushi bai tira den kas di bisiña, ounke ta bo kas bo ta hur kuné. Kon
nos por kere ku Dios, E hustu den tur Su kaminda por a tira diabel riba tera.
Loke Beibel ta bisa den Revelashon 12:9 ta referí na Hesus Su morto na krus. Di
akuerdo ku Revelashon 12:12, Su morto a libra e otro planetanan tambe. Komo ku
Dios no a manda diabel na un lugá spesifiko, e la keda ku e libertat di pasa na tur e
planetanan.
Pues Hesus Su morto ta abarká mas ku nos ta kere; Su morto a libra tur e otro
planetanan tambe. Despues di Hesus Su morto diabel no por bai na e otro
planetanan mas. Tabata i ta un gran alegria pa e otro planetanan, pasombra
diabel tabata trata na konkistá nan tambe. Pero Hesus a bash'é abou riba e
planeta ku e la konkista for di Adam. Ta p'esei ta ku gran rabia diabel a baha riba e
habitantenan di tera, speshalmente riba e muhé ku a haña e yu hòmber; esta e iglesia
di Dios.
Dios a pone Adam i Eva kendenan Satanas a tumba. P'esei Dios a pone un otro
hòmber i un otro muhé ku a tumba Satanas. Ainda tin dos gòlpi mortal ku diabel tin
ku haña. Diabel lo ta tumbá kuater biaha: 1) ora ku Dios a sak'é for di shelu, 2) na
Hesus Su morto, 3) na e segundo binida di Hesus, 4) ora ku e Herúsalèm nobo, e
stat santu, baha na final di e milenio.
Komo ku diabel a baha ku gran furia riba e iglesia, nos mester vigilá i resa
konstantemente. Boso lo konosé e bèrdat, i e lo hasi boso liber, gosa di bo libertat na
Revelashon 12.
E iglesia di Dios ta diferente, e no ta emoshonal; e ta konfeshonal. Emoshonal ta
ripití e mes un palabra hopi biaha bou di emoshon pa emoshoná otronan, kual
sentimentu no ta pèrdurá. Konvikshon, n'e otro banda ta dura te na morto. Esaki ta
desaroyá dor di siñansa segun Hesus mes Su mandato, di bai i siña nan.
17
(Mateo 28:19) Mi ta sigur ku pa loke bo ta lesando ya kaba bo a siña hopi. E
trabou di e Spiritu Santu ta pa konvensé mundu di bérdat, piká, hustisia i huisio.
(Juan 16:8,13)
E bèrdadero iglesia di Dios mester tin tur e bèrdat pa e siña e mundu. E ta e
uniko iglesia ku no tin doño riba e mundu aki, e no tin un hende na kabes
pasombra Kristu ta Su doño i e Spiritu Santu ta esun ku ta dirigié. Personanan ku
ta traha den e iglesia aki ta eligí pa un periodo kòrtiku di dos pa tres aña, evitando
di e manera aki ku ningun por bira doño. Dios ta keda doño di Su iglesia.
Si awe, mi a komprondé esaki, awe nochi lo mi pone mi kabes abou na
Revelashon 12; si ayera nochi mi a drumi na Revelashon 17, tabata pasombra mi
no tabata sabi. Awe mi ta drumi huntu ku tur e santunan di tur tempu na
Revelashon 12. Esaki ta un regalo di Dios pa tur hende. Dios tin hopi hende na
Revelashon 17. Dios Su stimánan. E siguiente kapítulo lo splika esei.
18