Defensor di Pueblo t`ei pa yuda.

Problema ku gobièrnu?
Defensor di Pueblo t’ei pa yuda.
Bo tin keho tokante
Gobièrnu lokal, Rijksdienst
Caribisch Nederland,
kuerpo polisial òf
Ministerio Públiko?
Defensor di Pueblo t’ei
kla pa yudabo
Kiko Defensor di Pueblo ta hasi ku bo keho?
Manda nos bo keho, despues lo bo haña un konfirmashon ku
nos a risibié. Denter di tres siman lo bo tende si tin algu ku nos
por hasi den bo kaso. Por ehèmpel:
Si bo problema ta fásil pa resolve, nos lo hasié mesora.
Si bo problema ta kompliká, nos lo studi’é bon prome. Esei
lo tuma mas tempu, pero nos lo tene bo na altura di kon kos
ta bai. Ora nos kaba di studia e problema, nos lo traha un
rapòrt. E rapòrt lo bisa si bo keho tin base òf nò i kiko
gobièrnu por hasi pa mehorá su servisio.
Bo ke sa mas?
Bo tin un pregunta òf bo ke entregá un keho mesora?
Ku plaser nos lo skucha bo.
Bèl nos den siman (riba dia di trabou) te ku 12’or ora lokal via
nos number di telefòn grátis 0800 05 55. Òf bishita nos wèpsait:
www.nationaleombudsman.nl/bes.
E Gobièrnu lokal, Rijksdienst Caribisch Nederland, e kuerpo
polisial i e Ministerio Públiko t’ei pabo. Un di nan tareanan ta
di sòru pa tur lei, regla i prosedimentu atministrativo wòrdu
ehekutá i implementá korektamente. Pero no ta semper nan ta
logra. De bes en kuando algu por bai robes entre abo i gobièrnu.
Den un kaso asina, bo por pidi yudansa (grátis) di Defensor
di Pueblo. Nos t’ei kla pa yudabo ora algu bai robes entre abo
i gobièrnu.
E foyeto akí ta splika pa ki tipo di keho bo por akudí na nos,
kon mester intregá keho i kon nos por yudabo. Si despues di
les’é ainda bo tin pregunta, bèl nos libremente na nos number
di telefòn grátis 0800 05 55. Por alkansá nos den siman (riba
dia di trabou) te ku 12’or ora lokal.
Ken ta Defensor di Pueblo?
Defensor di Pueblo ta un entermediario
independiente i imparsial entre abo i gobièrnu.
E t’ei pa sali na defensa di bo interesnan i
kontrolá gobièrnu na un manera krítiko.
Aktualmente, Alex Brenninkmeijer ta nos
Defensor di Pueblo. Pero e no ta traha su so:
tin 170 empleado ta asistié.
Riba kua instansia bo por keha?
Nos por yudabo si bo tin un problema ku:
Gobièrnu lokal (desde 10 di òktober 2012)
Rijksdienst Caribisch Nederland (desde 10 di òktober 2010)
kuerpo polisial (desde 10 di òktober 2010)
Ministerio Públiko (desde 10 di òktober 2010)
Desde 10 di òktober 2010, Bonaire, Sint Eustatius i Saba a bira
entidatnan públiko di Hulanda.
Ku kua keho bo por akudí na Defensor di Pueblo?
Ku gusto nos ta sostené bo ku bo problema ku: Rijksdienst
Caribisch Nederland, polis òf Ministerio Públiko. Kon
grandi òf chiki bo problema ta. Bo keho mester korespondé na
e proksimo sinku kondishon:
1. Bo problema mester a pasa riba óf despues di dia 10
di òktober 2010.
2. Bo mes a keha kaba na e instansia gubernamental.
3. Bo keho no ta tokante kontenido di reglanan fiha di lèi.
4. Bo keho no ta tokante bai riba un desishon di wes.
5. Bo no tin oportunidad (òf a haya) pa hasi un opheshon òf
pa apelá.
Pa e keho òf un problema ku Gobièrno lokal ta konta:
1. Bo problema a pasa riba óf despues di dia 10 di
òktober 2012.
2. Bo keho no ta tokante kontenido di reglanan fihá den lèi.
3. Bo keho no ta tokante un sentensia di wes.
4. Bo no tin oportunidad (òf a haya) pa hasi un opheshon òf
pa apelá.
Si bo no tin sigur ku nos por atendé bo problema, bèl nos
libremente na nos number di telefòn grátis 0800 05 55.
Kon ta entregá keho serka Defensor di Pueblo?
Bo keho ta importante. P’esei nos ta hasi’é fasil pa bo por entreg’é.
Skohe un di e siguiente manera:
Entreg’é den forma digital na www.nationaleombudsman.nl/bes.
Manda nos e formulario di keho ku tin parti patras di e foyeto aki.
Skirbi nos un karta.
Bo karta òf formulario di keho bo ta manda na:
Bureau Nationale ombudsman
Antwoordnummer 10870
2501 WB Den Haag
Nederland
Tene e diskripshon di bo problema kòrtiku, pero menshoná en todo kaso:
Kiko, na bo opinion, Gobièrnu lokal, Rijksdienst Caribisch Nederland,
kuerpo polisial òf Ministerio Públiko no ta hasiendo bon?
Ki otro medida bo a tuma kaba tokante bo keho?
Kiko ta loke bo kier logra ku nos yudansa?
Otro datonan: bo adrès, adrès di e-mail i number di telefòn.
Si nos tin mester di mas informashon, nos lo tuma kontakto ku bo.
Ta ku kua instansia di gobièrnu e problema ta?
Nòmber di instansia di gobièrnu:
Adrès:
Lugá / isla:
Ku ken bo tabatin kontakto na e instansia?
E problema ta andandu for di: fecha
Ki dia bo a komuniká e problema na e instansia di gobièrnu?
fecha
Ki dia e instansia di gobièrnu a reakshoná pa di ultimo biaha? fecha
Mas informashon
Si nos tin mester di mas informashon, nos lo tuma kontakto ku bo. Si di bo banda tin mas pregunta, ku plaser nos
lo skucha bo. Bèl nos den siman (riba dia di trabou) te ku 12’or ora lokal via nos number di telefòn grátis
0800 05 55. Òf bishita nos wèpsait: www.nationaleombudsman.nl/bes
Manda e formulario akí pa nos. Nos adrès grátis:
Nationale ombudsman
Antwoordnummer 10870
2501 WB Den Haag
Nederland
E formulario aki ta disponibel den forma digital tambe na www.nationaleombudsman.nl/bes
• Si tin mas opservashon:
Formulario di keho pa Defensor di Pueblo
Fecha:
Bo datonan personal
Fam:
Inisial: hòmber/mohé*
Adrès:
Lugá / isla:
Pais:
Telefòn:
Adrès di e-mail:
Mi a / no a yega di bèl Defensor di Pueblo kaba tokante mi keho.
(* Skrap e opshon inkorekto.)
Bo problema
Splika brevemente den bo mes palabra kiko e problema ta. En todo kaso, den bo splikashon mester tin kontesta
pa e siguiente preguntanan:
• Kiko, na bo opinion, Gobièrnu lokal, Rijksdienst Caribisch Nederland, kuerpo polisial òf Ministerio Públiko no ta hasiendo bon?
• Ki otro medida bo a tuma kaba tokante bo keho?
• Kiko ta loke bo kier logra ku nos yudansa?
Foto A. F. M. Brenninkmeijer: Caren Huygelen / Delft.
april 2013
De Nationale ombudsman
Antwoordnummer 10870
2501 WB Den Haag
Nederland
www.nationaleombudsman.nl/bes