ultimo dianan di hesus

12 – 18 yüni
Studia lès di e siman aki pa prepará pa
Sabat, 18 yüni
ULTIMO DIANAN DI HESUS
Lesa: Mateo 26:1-16; Lukas 12:48; Mateo 26:17-19; 1 Korintionan 5:7; Mateo 26:36-46; Mateo
26:51-75.
Teksto di Memoria: “...Awe nochi boso tur lo trompeká pa Mi motibu...” (Mateo 26:31).
D
EN E LES AKI nos ta ban wak na Hesus Su último momentunan promé ku e
krusifikshon. Pa e mundu, asta pa e universo, e último momentu importante den
historia di kreashon ta bai yega.
Nos por siña hopi lès for di e susesonan ku nos ta studia den e siman aki. Pero laga nos
enfoká espesialmente riba ún aspekto: libertat i boluntat liber. Ban mira kon e diferente
perso-nahenan a huza e maravioso i kostoso regalu aki di libertat. Ripará e konsekuensianan profundo i eterno ku di un forma òf otro ta resultá di e uso di e regalu aki.
Tantu Pedro, Hudas i e señora ku e bòter di alabaster mester a hasi un desishon. Pero
mas importante ta ku Hesus tambe mester a skohe i tuma un desishon. E desishon mas
grandi di Hesus tabata pa bai na e krus, asta ora ku Su naturalesa humano tabata lucha
kontra e idea: “Mi Tata, si ta posibel, laga e kopa aki pasa bai for di Mi; sinembargo, no
manera Ami kier, ma manera Abo kier” (Mateo 26:39).
E ironia ta inkreibel: e maluso di e regalu di nos boluntat liber a hiba netamente na e
momentu aki. Awor Hesus ku Su mes boluntat liber mester skohe si E lo salba nos si òf
nò for di destrukshon, ku pa motibu di nos mal uso di boluntat liber, tabata spera nos.
138
Djadumingu 12 yüni
Djaluna
UN BON AKTO
Nos ta kuminsá awor ku e último dianan di Hesus Su bida akinan riba tera. E tin ku
bai ainda na e krus, mester lanta ainda for di morto i E tin ku revelá Su mes ainda komo
e Salbador krusifiká i resusitá di mundu. Ounke Hesus Su siguidónan tabata stim’E i
tabata apresi’E, nan mester a siña hopi ainda ta ken E tabata, tambe tur loke E lo por
hasi pa nan. Danki na e skrituranan den henter Beibel, entre nan e splikashon poderoso di Pablo tokante e morto rekonsiliadó di Hesus, nos sabi awor muchu mas di loke
Hesus a hasi i lo bai hasi pa nos, ku Su siguidónan den pasado.
Lesa ku e fondo aki na mente Mateo 26:1-16. Kua ta nifikashon di e regalu presioso aki?
Kiko esaki ta siña mi?
Ripará kon Mateo ta konta di e insidente aki di ungimentu di Hesus Su pianan (ku
probabel-mente a tuma lugá promé ku Su entrada triunfal), den konteksto di e kòmplòt
kresiente pa mat’E. Miéntras ku tabatin di Su mes hendenan ku tabata traha plan pa
hasi’E daño, tabatin otronan ku tabata basha amor desinteresá i dedikashon riba djE.
Meskos ku e muhé aki ku e ‘butishi di alabaster ku zeta hopi karu ku el a basha riba
Hesus Su kabes’ (Mateo 26:7).
E disipelnan a lamentá e dispidimentu aki, pero Hesus a yama e akshon ‘un bon obra’
(Mateo 26:10). Dor di akshon aki, ku tabata parse hopi strabagante, e señora a mustra
na Hesus e apresio profundo ku e tabatin p’E. Ounke ta klaro ku e señora no tabata sa
tur kos ku lo bai sosodé òf kiko su akshon lo nifiká, e tabata komprondé sufisiente pa
sa ku e tabata debe hopi kos na Hesus. E kier a duna tambe hopi bèk. Podisé el a tende
Hesus bisa: ‘I di kada un, na kende hopi a wòrdu duná, hopi lo wòrdu eksigí’ (Lukas
12:48). Mientrastantu e disipelnan, ku siguramente a mira Hesus mas tantu biaha den
akshon ku e muhé aki, nan no tabata komprondé esaki.
‘E zeta ei tabata símbolo di e kurason ku tabata yen te basha ofer. E tabata muestra
eksterior di un amor, nutrí dor di korientenan selestial, te ora ku e tabata basha ofer.
I e zeta ei di Maria, ku e disipelnan a yama drispidimentu, ta ripití su mes kada bes di
nobo den miles di otro kurasonnan reseptivo’ (Ellen G. White. The SDA Bible Commentary, vol. 5, p. 1101).
Kiko e relato aki ta konta nos di e forma ku nos mester reakshoná pa loke Hesus ta duna
nos? Kiko nos lo por dun’E di boluntat liber, komo reakshon pa loke El a duna nos kaba?
139
Djadumingu
Djaluna 13 yüni
E ALIANSA NOBO
Lesa Mateo 26:17-19. El a tuma lugá den temporada di Pasku. Pakiko esaki ta bisa nos hopi?
(Mira tambe Eksodo 12:1-17; 1 Korintionan 5:7).
Historia di e Exodo ta klaro un historia di salbashon i liberashon. Un akto ku Dios a
hasi pa esnan ku no por a hasi’é pa nan mes. Ki un símbolo apropiá pa loke E tabata bai
hasi pronto pa nos tur!
Lesa Mateo 26:26-29. Kiko Hesus ta bisa na Su disipelnan? Kiko Su palabranan ta nifiká pa nos?
Hesus a mustra nan na e nifikashon mas amplio di Pasku (Pesach). E liberashon for
di Egipto tabata un ekspreshon bunita di e soberania i poder di Dios, pero al final e lo
ta insufisiente. No tabata e liberashon ku e Hebreonan, òf ken otro, tabatin mester. Nos
mester di e liberashon ku nos ta haña den Hesus: bida eterna. ‘Pa e motibu aki E ta e
Mediador di un aliansa nobo, pa esnan ku a wòrdu yamá por risibí promesa di e erensia
etèrno—awor ku un morto a tuma lugá pa redenshon di e transgreshonnan ku a wòrdu
kometí bou di e promé aliansa’ (Hebreonan 9:15). Hesus a mustra nan na nifikashon
berdadero di e biña i nifikashon berdadero di e pan. Tur dos tabata mustra na Su morto
riba e krus.
Kontrali na e ofrendanan di animal, ku tabata mustra padilanti na e morto benidero
di Hesus, e Santa Sena ku nos ta partisipá di dje ta mustra nos bèk na e morto aki. Den
tur kos kaso e símbolonan ta mustra na Hesus riba e krus.
I tòg e krus no ta final di e historia. Hesus a bisa ku e no ta bebe mas di djus di e mata
di drùif ‘te na e dia ku Mi beb’é di nobo ku boso den e reino di Mi Tata’ (Mateo 26:29).
E ta mustra nan na futuro, na Su regreso i mas despues.
Para ketu na Hesus Su promesa ku E no ta bai bebe mas di e djus di drùif te ora ku nos ta
huntu kunE den reino di Su Tata. Kiko esaki ta bisa di e intimidat ku E lo tin ku nos? Kon nos
por siña pa tin e intimidat ei awor kunE?
140
Djamars 14 yüni
Djarason
GETSEMANI
Durante Pasku e saserdotenan tabata ofresé sientos di lamchinan serka di e tèmpel
riba un seru nèt riba e vaye di Kidron. Tabata basha sanger di e lamchinan riba e altar
i nan tabata kore den un kanal bai na un roi ku tabata pasa dor di vaye di Kidron. Por
tabata posibel ku e roi ei su koló tabata kòrá dor di sanger di e hopi lamchinan. Hesus i
Su disipelnan mester a pasa over di e roi aki pa nan sigui pa e hardin di Getsemani.
Lesa Mateo 26:36-46. Pakiko e eksperensia den Getsemani tabata asina pisá pa Hesus?
Kiko tabata pasando einan realmente?
Hesus no tabatin miedu di e morto físiko, ora ku El a resa pa e kopa pasa bai for di
djE. E kopa ku E tabata teme tabata separashon for di Dios. Hesus tabata sabi ku pa
tuma nos pikánan riba djE, pa muri na nos lugá, i soportá e odio di Dios kontra piká, E
lo bai wòrdu separá for di Su Tata. Un violashon di Dios Su lei tabata asina serio, ku e
tabata eksigí morto di esun ku a kibr’é. Hesus a bini pa netamente tuma e morto ei riba
Su Mes, pa spar nos di esei. Esaki tabata na wega pa tantu Hesus i pa nos.
“Ku esakinan Su dilanti, e kurason di Kristu tabata yená ku miedu pa e pensamentu,
ku E tabata bai wòrdu separá for di Dios. Satanas a bis’E ku e separashon ei lo bai ta
pa semper, si E bira bòrg pa un mundu pekaminoso. E lo wòrdu identifiká ku Satanas
su reino i nunka lo E ta ún mas ku Dios. ... E momentu imponente a yega—e momentu
kaminda tabata bai disidí e suèrtè di mundu. Suèrtè di humanidat tabata den balansa.
Te ainda Hesus por a nenga di bebe di e kopa, destiná pa hende pekador. No tabata
muchu lat. E por a seka e sodó di sanger for di Su frenta i laga hende pa su kuenta, pa
wòrdu destruí dor di su mes pikánan. E por a bisa: Laga e pekador karga kastigu di su
mes transgreshon. Ami ta bai bèk serka Mi Tata. E Yu di Dios lo bai bebe e kopa marga
di humiashon i lucha di alma? Esun inosente lo aseptá konsekuensia-nan di e maldishon di piká, pa reskatá esun kulpabel?” (Ellen G. White, Jezus—De wens der eeuwen,
p. 572, 574).
Kon leu Hesus Su disposishon pa hasi loke El a hasi pa nos, mester sigui traha den kada
aspekto di nos bida? Kon nos por laga e karakter di Hesus wòrdu demostrá mas mihó den
nos bida?
141
Djamars
Djarason 15 yüni
HUDAS TA BENDE SU ALMA
Relato di Hudas ta hopi tristu. Si el a muri promé ku nan último biahe pa Jerusalem,
e lo por tabata un héroe di Beibel. Lo a yama edifisionan di iglesia na su nòmber. Na
lugá di esei, kada bes ku menshoná su nòmber e ta relashoná ku traishon i engaño.
Lesa Juan 6:70 i Lukas 22:3. Kon e sekshonnan aki ta yuda aklará e echonan di Hudas?
Ta klaro ekselente pa akusá Satanas pa loke Hudas a hasi, pero esei ta hiba solamente
na e pregunta: dor di kua karakterístika di Hudas diabel por a us’é pa e traishon aki?
Ta bisa tambe ku Satanas kier a sefta Pedro (Mira Lukas 22:31). Kualke sea e motibu,
e diferensia lo mester tabata ku Hudas a nenga di entregá su mes kompletamente na
Señor. E lo mester a keda tene duru na un piká, un fayo di karakter, dor di kua Satanas
a haña porta habrí, pa us’é pa hasi loke el a hasi. Akinan atrobe nos ta mira importansia
di libertat di skohe, i kon a hasi mal uso di dje.
Lesa Mateo 26:47-50 i 27:1-10. Ki lèsnan nos por siña for di e relato tristu di Hudas?
Den Mateo 26:47-50 nos ta mira ku Hudas tabata bayendo ku mas o ménos 600
sòldat, huntu ku e sumosaserdotenan i ansianonan. Ki un momentu grandioso di poder
pa Hudas! Ora bo tin algu ku hende tin masha gana di haña, e ora ei bo tin hopi poder,
manera Hudas akinan. Esei ta bon tanten bo tin loke nan ke. Pero si nan ta interesá den
bo solamente pa loke bo tin i nan ta haña loke nan ke, al final nan lo no tin mester di bo
mas despues. Denter di algun ora Hudas tabata bai keda ku apsolutamente nada.
Un otro lès importante ta loke Hudas a pèrdè su alma p’é: 30 pida plata. Den kálkulo
di awendia esei lo ta igual ku 1-4 luna di salario, dependiendo di e tipo di moneda. Asta
si e tabata shen òf mil biaha e kantidat ei, wak kiko esaki a kost’é. I manera e historia
ta laga nos mira, el a pèrdè asta esei. Ni sikiera e por a gosa di nan. Na lugá di esei el a
tir’é dilanti pia di esnan ku a dun’é nan. Ki un ehèmpel konvinsente kon finalmente e
kosnan ku ta kita nos for di Hesus, ku ta pone nos bende nos alma ku maldat, al final
nan ta mes inútil ku e sèn di Hudas. Hudas tabata asina serka di bida eterna; i tòg e ta
skohe pa bent’é afó pa nada.
142
Djaweps 16 yüni
Djabièrnè
E NENGAMENTU DI PEDRO
Hesus tabata sabi for di padilanti di e eskoho liber ku Hudas a hasi pa traishon’E.
Esaki ta un di e kasonan den Beibel ku ta mustra ku pasobra Dios sabi tur kos for di
padilanti, ku di ningun manera esaki no ta kita e libertat ku hende tin pa skohe pa su
mes. No solamente E tabata sabi di Hudas su traishon, pero tambe di Pedro su nengamentu, apesar di tur su konfiansa di mas i deskuido, na un momentu importante Pedro
lo bai hui i despues nenga ku e konosé Hesus.
Lesa Mateo 26:51-75. Pakiko bo ta kere ku Pedro a nenga Hesus?
Hopi biaha nos ta karga e idea ku Pedro a nenga Hesus pasobra e tabatin miedu. Pero
tòg tabata Pedro (segun Juan 18:10) esun ku tabatin sufisiente kurashi pa karga un
spada i a sak’é pa bringa kontra e sòldatnan Romano! Pedro tabata prepará pa muri ku
gloria, te ora ku Hesus a par’é.
Asina, ta kiko a kambia den Pedro entre e momentu ku e tabata zwai rònt ku un spada i un ratu despues, ora el a nenga ku e no sabi ken Hesus tabata? Pakiko el a bisa ku e
no tabata un disipel? Pakiko el a bisa: ‘Serio, mi no konosé e Hòmber!’ (Mateo 26:72).
Por ta pasobra Pedro a realisá ku e no tabata sabi ken e hòmber tabata, e no sa pakiko
el a bini i no tabata sabi kiko su aresto tabata enserá. Asina, den un momentu di pániko
el a nenga ku el a yega di konosé. Podisé el a nenga Hesus ora el a realisá ku e no tabata
komprondé kiko Hesus tabata hasiendo. El a entregá ora el a pensa ku Hesus tambe a
entregá. Pedro tabata kere ainda hopi den su mes komprondementu, na lugá di kere
kompletamente den Hesus. Apesar di tur e señalnan maravioso ku el a yega di mira,
i asta apesar di e testifikashon balente ku el a duna di su fe den Hesus komo e Mesias
(Mateo 16:16). E nengamentu di Pedro ta laga nos mira ku asta tur e milagernan i señalnan den mundu no ta sufisiente pa yuda nos keda fiel na Dios, a menos ku nos a entregá
nos kurason tambe kompletamente na djE.
Den e relato di Lukas ‘Señor a drai wak Pedro’ (Lukas 22:61) na momentu ku Pedro pa di tres
biaha ta nenga ku e ta Su disipel. E palabra ‘drai wak’, na Griego emblepo, ta wòrdu usá tambe
pa deskribí kon Hesus a wak profundo den Pedro su alma na nan promé enkuentro (Mira Juan
1:42). Ki speransa nos por saka for di Dios Su amor pa nos, asta ora nos faya manera Pedro?
143
Djaweps
Djabièrnè 17 yüni
Mas Estudio: Na aña 1959 dos kriminal a drenta den un kas na Kansas i a mata dos tinéger
i nan mayornan. Promé ku a haña e kriminalnan, ruman hòmber di e tata asesiná a skirbi e
karta aki pa e korant lokal. ‘Tin hopi amargura den e komunidat aki. Mi mes a yega di tende
mas ku un biaha ku e hòmber, ora hañ’é mester kolog’é na e palu di mas serka. No laga nos
pensa asina. El a sosodé. Pa kita un otro bida no ta kambia nada na esei. Na lugá di esei,
laga nos pordoná manera Dios lo ta deseá esei. No ta bon pa nos kana rònt ku rabia den nos
i pensa riba vengansa. E malechor berdaderamente lo deskubrí ku ta duru pa biba ku su
mes . E lo haña pas solamente ora e pidi Dios pordon. No laga nos stroba den kaminda, pero
na lugá di esei laga nos resa pa e por haña su deskanso’ (Truman Capote, In Cold Blood [New
York: Modern Library, 2013], p. 124).
Laga nos laga e asuntu di kastigu di morto for di konsiderashon. Loke nos ta mira akinan ta
e ekspreshon enorme di e tipo di miserikòrdia ku Hesus ta ofresé nos tur. Asta despues di
Pedro su nengamentu inpordonabel Kristu a pordon’é i a konfi’é ku e trabou di kombershon
di hende. ‘Un ratu promé Pedro a bisa ku e no konosé Hesus, pero awor el a deskubrí ku
ferdrit marga kon bon su Señor tabata konosé, i kon presis El a lesa su kurason, di kua Pedro
mes no tabata sa kon traishonero e por ta’ (Ellen G. White, Jezus – De wens der eeuwen, p.
593). Hesus tabata konosé Pedro su kurason promé ku Pedro tabata konosé; i E tabata sabi
kiko Pedro tabata bai hasi promé ku Pedro tabata sa esei. I tòg Su amor i miserikòrdia a
keda kon-stante, a pesar di e echo ku Pedro no por a kulpa niun otro hende ku e mes pa su
fayonan. Ora nos atendé ku hende ku a hasi mes un ekibokashonnan, ta krusial pa nos siña
tene miseri-kòrdia, manera nos lo a deseá esei pa nos mes.
Preguntanan pa Diskushon:
• ‘Kada historia di kombershon’, C.S. Lewis a skirbi, ‘ta e historia di un derota bendishoná’. Kiko esaki ta nifiká? Kon abo a eksperensiá e ‘derota’ aki? Kiko a wòrdu derotá,
i ken a gana?
• Den e relato di Hesus den Getsemani Hesus ta puntra si por laga e kopa pasa bai for di
djE, pero solamente ‘si ta posibel’ (Mateo 26:39). Pakiko? I pakiko e morto di Hesus,
kargadó di piká, tabata apsolutamente nesesario? Pakiko no tabatin niun otro manera
pa Dios, pa na lus di e gran konflikto, solushoná e problema di piká?
144
Djabièrnè 17 yüni
Djasabra
145
Djasabra
Djasabra 18 yüni
‘E ULTIMO DIANAN DI HESUS’
MATEO 26:21-29
PREGUNTA PA KIBRA EIS:
Boso a yega di tende di e dicho: ‘Tene bo amigunan serka, tene bo
enemigunan mas serka”? Papia entre boso kiko boso ta kere esaki ta
nifiká.
MI TA REKONOSÉ:
Nos ta yegando awor na klimaks di e evangelio: morto i resurekshon di Kristu
Hesus. E outoridatnan Hudiu ya ta buskando un manera pa neutralisá e ‘Mesias’
aki, pero nan no ta haña gara riba djE. Nan mester di un hende for di Su sírkulo
interior, un hende ku por duna nan informashon vital, ku ta nesesario pa deshasí
di e Hesus di Nazarèt aki. Hesus sabi bon bon kiko ta hungando den kurason di
hende, i E sabi presis ta kiko Hudas tin intenshon di hasi. E anochi promé ku e
suseso mas grandi den historia di humanidat, E ta sintá na mesa ta kome ku Su
amigunan di mas serka.
MI TA STUDIA:
Hesus ta huntu ku Su djesdos disipelnan, manera ta spera di kada Hudiu respetabel, pa kome e kuminda di Pasku huntu. Pakiko Hesus a skohe netamente
e momentu aki pa bini Jerusalem, i kuminsá ku Su kaminda di sufrimentu?
Durante komementu Hesus ta bisa diripiente ku ún di Su djesdos amigunan
ta bai traishon’E. Despues E ta duna nan un tep: esun ku dòp su pan den mes
un kònchi ku Hesus ta esun! Kiko e akto (simbóliko) aki por nifiká? (Kompará
Ruth 2:14). Pakiko Hesus ke laga mira den e forma aki ta ken lo bai traishon’E?
Di Hudas ta wòrdu bisá ku tabata mas mihó ‘pa e hòmber ei si e no a nase
nunka’ (Mateo 26:24). Kon bo ta haña e palabranan ei? Lesa Mateo 27:3-5. Kon
nos por kom-prondé Hudas mihó komo karakter i persona?
Despues di e kombersashon tenso aki nan ta sigui ku e sena di Pasku, i Hesus
ta splika kon símbolonan di e fiesta aki ta referí na E (versíkulonan 26-28). Bo
ta kere ku e ora ei a bira kla pa tur Su disipelnan, (inkluyendo Hudas), ta kua
tabata realmente Hesus Su mishon riba tera?
E ta terminá e sena bisando di un komementu den futuro den ‘e reino di Mi
Tata’ (versíkulo 29). Kiko bo ta kere Hesus kier a alkansá ku e palabranan aki?
Su disipelnan a komprondé esei?
146
Djasabra 18 yüni
Djasabra
MI TA APLIKÁ:
Nos ta mira ku ora Hesus a bisa ku un di Su disipelnan lo traishon’é, a bini pániko.
‘No t’ami nò?’ e disipelnan ta puntra. Nos sabi klaro ku ta Hudas tabata e traidor,
pero e disipelnan si no tabata sabi esei. Kon boso lo reakshoná, por ehèmpel, si esun
ku ta dirigí e klas bisa ku un di boso no ta un kreyente berdadero?
Hudas ta kisas un di e figuranan mas kompliká for di relato di e Evangelio. Den
tempu moderno tin hopi studiosonan di Beibel ku ta sinti simpatia pa Hudas. Nan ta
bisa, por ehèmpel, ku no tabata Hudas su intenshon pa laga Hesus muri, pero mas
bien pa fòrs’E revelá su identidat berdadero komo Mesias-Rei. Pero kos no a sali
segun Hudas su ekspektashon. Bo ta di akuerdo ku e splikashon aki?
Nos por sali for di punto di bista ku for di prinsipio Hesus tabata sabi ku Hudas ta
bai traishon’E, pero tòg El a aserk’é. El a asept’é den e sirkulo mas será di Su amigunan di konfiansa. Kiko esaki ta bisa nos di Hesus i Su relashon ku Hudas? Kiko
nos por siña di esaki den nos relashon ku hende, ku nos tin difikultat kuné?
Nos ta selebrá Santa Sena, siguiendo e ehèmpel aki ku Hesus a duna ku Su disipelnan. Hopi biaha den e servisio ei nos ta hasi énfasis riba e sakrifisio ku Hesus a hasi
pa nos (Su kurpa i Su sanger), pero kiko mas nos por siña for di e relato aki, ku por
duna mas nifikashon na nos selebrashon di Santa Sena awe?
MI TA RESA:
Tata di amor, ku ta den shelu, Bo
ta perfekto i konfiabel. Nos tin nos
defektonan i nos no ta di konfia,
pasobra nos sa laga Bo tin biaha na
kaya. Tòg Bo ta skohe pa kada bes di
nobo sigui traha huntu ku nos. Nos ta
hopi agradesido pa esei. Señor, yuda
nos pa nos tin mes un kon-fiansa ei
den Bo i den otro, asina huntu nos por
yuda hasi bo reino mas grandi akinan
riba tera, tanten nos ta sperando riba
Bo regreso. Den nòmber di Hesus.
Amèn.
147
Djasabra
Djasabra 18 yüni
BOSO TUR LO LAGA MI NA KAYA AWE NOCHI
Pregunta inisial
Kua ehèmpel di bon òf mal uso di poder bo a haña siman ku a pasa? Diskuti ku otro si e
liña entre nan dos semper ta asina kla.
Lesa huntu Mateo 26:31-35
Pregunta
Kua promesa hopi serio bo a yega di hasi, pero bo no a logra pa mantené bo na dje?
Inspirashon
‘Ma despues ku Mi a wòrdu lantá, lo Mi bai Galilea boso dilanti.’1
Trata e teksto
Aplikashon
Djaweps. Bo a yega di sintibo traishoná? Kon bo a anda ku e situashon? Diskutí.
Djabièrnè. Bo a yega di tin un eksperensia di ‘gai ta kanta’ ku Hesus? Kon boso a
solushon’e?
Sabat. Kon bon bo sa kon lo bo reakshoná den situashonnan inesperá? Dikon bo ta
kere ku bo sa òf no sa? Diskutí ku otro i duna ehèmpelnan di bo propio bida.
Tarea
Hasi e siman aki solamente promesanan ku bo por kumpli. Un promesa por ta tambe ku
por ehèmpel bo ta bisa lo bo ta na tempu.
1 Matteüs 26:32, Beibel Santu
148
LÈS DI HOBEN
Djadumingu: vèrs 31. Hesus e pronostiká e komportashon di Su studiantenan a base
di Zakarias 13:7 òf a base di Su eksperensia ku Hudas, wak Mateo 26:17-25? Motivá
bo kontesta. E studiantenan lo a komprondé si òf nò? Unda bo ta ripará esei? Splika.
Djaluna: vèrs 32. Ki un promesa speshal Hesus a hasi akinan. Lo E lanta for di morto.
Kon E tabata sa esei? Lesa Mateo 16:21, 24-28; 20:17-19. Tin un konekshon ku e
palabranan di Pedro den Mateo 16:16? Kiko esaki ta bisa di Su relashon speshal ku e
Tata? Diskutí esaki ku otro.
Djamars: vèrs 33. Dikon Pedro lo a reakshoná asina? E tabatin di hasi ku su edat hoben,
su falta di eksperensia òf simplemente konfiansa dimas? Pensa mas rason pa Pedro
su komportashon.
Djarason: vèrs 34-35. Hesus ta reakshoná riba Pedro bisando e ku e lo traishon’E tres
biaha. Kon Pedro ta reakshoná riba esei? Kiko bo ta haña di esei? Bo ta pensa ku el
a kere Hesus? Dikon si/nò?
Djasabra 18 yüni
Djasabra
149