...entre España y sus regiones

...entre España y sus regiones
A Enrestida :: 17/05/2006
ESMO, A fuella reboluzionaria. Numero 3 - Mayo 2006
entre españa y sus regiones Con a enchaquia d'o 23 d'Abril, San Chorche ta os politicos, Diya
Nazional d'Aragón ta os "barrenaus" d'a cucha independentista reboluzionaria como nusatros y diya
de puen y bacanzas ta gran parti d'iste pueblo, o presidén aragonés, Marcelino Iglesias, fazió bellas
declarazions en diferens meyos tanto a ran nazional como estatal arredol d'una ideya prou penible,
per no dizir que bergüeñosa. O nuestro insinne mainate deziba que Aragón eba de rezibir un trato
espezial y millor per parti d'o gubierno español perque os aragoneses ya no reibindicamos cosa, no
femos a tana a os politicos zentrals como fan atros, y prou que ixo cal reconoxer-lo per os españols.
U siga, que emos d'estar callaus y sosmesos ta rezibir dimpués a recompensa (economica y en
infraestructuras, se suposa) per tener ixa actitut. Remataba iste ofensibo argumento dizindo que en
Aragón no bi ha garra conflito de identidat nazional, que a identidat aragonesa ye plenamén
compatible con a española, siempre ha estau asinas y dengún ha d'alticamar-se per que ixo pueda
cambear. Aquí no somos como os bezíns d'este y de l'oeste. Nusatros siempre en o zentro, en a
moderación y respetando os regles de chuego. Uns regles que mos han imposau y un chuego an que
nunca no imos a ganar. Ixe ye l'Aragón que quieren Iglesias y os difernes partius d'o caziquismo
dominán en iste país, o mesmo Aragón que quiere a burguesía española, un Aragón semiso, quedo,
policamén y sozial inautibo, con Zaragoza como gran núcleo economico y lochistico, mientres a resta
d'o país ye cuasi espoblau ta instalar-ie os suyos empandullos economico-especulatibos como a Expo,
Aramón, fer entibos, poligonos melitars, macro-zentros d'esterminio como a garchola de Zuera,
explotar recursos umans y naturals y continar con o proyeuto más que rentable que t'a burguesía le
supone a esistenzia d'España. Y tot isto retrasmitiu per a nueba telebisión autonomica, prou que sí.
¿Retrasmitirán tamién as cazatas feitas per collas faxistas campando libremén per Zaragoza, u ixo
no fa buena imachen? Contra ista reyalidat cal debantar-se y fer d'os 23 d'Abril, que no dixan d'estar
una calendata simbolica eslexida ta no fer serbir atras calendatas con mayor carga istorica y
politica, un diya de dinnidat y luita. Y estendillar ixa luita a toz os diyas. Somos un pueblo que tien o
dreito a dezidir libremén o suyo futuro y cómo quiere organizar-se y disponer d'os suyos recursos de
toda mena, dillá d'o que dicta l'estau español, que nomás ye o marco churidico-instituzional que
regula la esplotazión capitalista sobre os treballadors d'as diferens nazionalidaz peninsulars. Y en ixa
luita somos. Encara que l'enemigo ye gran, a nuestra ganas de benzer son mayors.
www.aenrestida.tk [email protected]
_______________
http://www.lahaine.org/mm_ss_est_esp.php/entre_espana_y_sus_regiones
lahaine.org :: 1