E escohencia di SHUBERT

E escohencia di SHUBERT
Skirbi pa dr. Becky A. Bailey
Illustracion di James Hrkach
Loving Guidance Inc.
Traducccion di
“Shubert’s Choice”
Traduccion di Helen Guda
Develop to Grow NV
E ESCOHENCIA DI SHUBERT
Pag 1
“Hoera, hoera, ta un dia glorioso e ta.
Hoera hoera, mi ta gusta hunga.”
Shubert ta canta mientras cu e ta hungando cu su co’i hunganan den cu camber.
Pag 2
“Tempo pa bisti paña pa scol”, Shubert su mama, Sara, ta grita for di cushina.
Shubert ta sigi hunga y canta su cantica.
“Hoera Hoera, ta un dia glorioso e ta.
Hoera hoera, mi ta gusta hunga.”
Pag 3
Den esey, Sara ta hinca su cara den e porta di Shubert su camber pa check con leu
e ta. E ta mir’e den su jockey, hungando riba vloer. E ta hala un bon rosea y ta dirigi
su atencion riba loke e kier pa Shubert haci.
Cu un voz yen di smaak den su voz e ta bisa, “Shubert bo por scohe! Bo por bisti e tshirt blauw cu e S riba dje of bo por bisti e t–shirt berde cu e S riba dje. Cua di nan
bo ta scohe awe?”
“E t-shirt blauw cu e S”, Shubert ta contesta.
“Anto! Ta blauw mes e ta.” Shubert su mama ta bisa ora e ta tira e t-shirt blauw p’e.
Pag 4
Ora Shubert ta pasa e t-shirt riba si cabes e ta cuminsa canta un cantica di tur sorto
di palabra cu ta cuminsa cu un S.
“S ta pa Shubert. Shubert ta cuminsa cu un S.
S ta pa Sofia. Sofia ta cuminsa cu un S.
S ta pa straño, straño ta cuminsa cu un S.”
Pag 5
E ora ey Shubert ta cuminsa traha tur sorto di cara straño mientras cu e ta wak den
spiel.
No mucho rato despues Sara ta para den porta loer pa tira un bista con leu Shubert
ta. E ta wak Shubert traha tur sorto di cara straño den spiel.
Pag 6
Sara ta cana bai cerca Shubert y e mes ta traha un cara straño. Ora Shubert ta wak
e y ta cuminsa hari, e ta bisa, “Oke, cara straño, sigui bisti bo paña.”
Pag 7
“Bo por bisti e carson aki cu saco dilanti of e carson aki cu e saconan patras. Cua di
e carsonnan lo ta miho pa bo awe?”, Sara ta puntra.
3
E ESCOHENCIA DI SHUBERT
Pag 8
“Saco dilanti”, Shubert ta bisa. “Mi por carga mas cos den mi saconan dilanti”
“Mi ta sigur cu bo por,” Shubert su mama ta hari ora e sali for di e camber.
Shubert ta bisti su carson y di biaha ta cuminsa pensa riba tur e cosnan cu e por
pone den su saconan dilanti. E ta cuminsa baila y canta.
Pag 9
“Kiniki den mi saconan dilanti.” “Olifanti no ta pas.”
“Placa den mi saconan dilanti. Palo no ta pas.”
Pag 10
Sara ta wak paden y ta wak Shubert balia y canta. E ta cana bay cerca di dje y ta
warda te ora e ta wak e den su wowo. E ora ey e ta bisa, “Shubert bo por scohe. Bo
por bisti mea cu ta bai te na halto of meanan cu ta keda abou na bo corosh’i pia. Cua
lo e ta?”
Shubert ta scohe e meanan halto. Sara ta warda te ora Shubert ta cuminsa bisti su
meanan prome cu e sali for de e camber.
Pag 11
Shubert ta cuminsa pensa tocante halto y abou y ta cuminsa canta.
“Mi por canta halto.” “Mi por canta abou.”
“Mi por stretch halto.” “Mi por stretch abou.”
“Mi por mustra na halto.” “Mi por mustra abou.”
Pag 12
Un biaha mas Sara ta check den e camber pa wak con leu e ta. E ta bisti y cla pa bai
scol.
“Ata bo a haci’e!” e ta bisa. “Bo a bisti bo t-shirt blauw, bo carson cu e saconan
dilanti y bo meanan halto. Ata bo por, bo a haci’e!”
Pag 13
Shubert ta cana bai scol hunto cu su ruman Sofia, tur orguyoso cu tin.
Pag 14
Su jufrouw, jufrouw Bukibuki, ta cumind’e na scol. E ta bisti un schort cu plachinan
chikito riba dje. E ta cuminsa smile ora e mira Shubert.
Jufrouw Bukibuki ta bisa, “Bon dia, Shubert. Bo por scohe awe mainta. Bo kier un
high-five, un brasa di pinki of un brasa di colebra awe mainta?”
E ta decidi cu e kier e brasa di colebra.
Pag 15
Den klas, Shubert ta wak Big Benny, e tor, sinta. Cu un cara tur bruha e sinta dilanti
4
E ESCOHENCIA DI SHUBERT
di un set di buki tur plama. “Kico a pasa?. E ta puntra.
‘Mi no por haci’e! Mi mester pone tur e bukinan plama aki riba e shelf,” Big Benny ta
bisa.
Pag 16
“No worry amigo,” Shubert ta contesta manera un homber grandi.
“Bo por haci’e, djis haci paso pa paso cu escohencia. Wak, semper bo tin un
escohencia. Bo por cuminsa cu e set di buki aki of e set di buki aya,” Shubert ta
bisa. “Cu cua abo lo cuminsa?”
Big Benny ta scohe un set di buki y ta cuminsa haci e trabou facilmente.
Pag 17
Big Benny ta wak un banda y ta mira e trepochi fruminga pleita cu otro. E ta
bisa, “Para un rato! Boso tin escohencia! Bo por traha hunto y soluciona boso
problema of bo por puntra pa ayudo. Cua boso ta gusta, soluciona of puntra pa
ayudo?”
“Ayudo”, nan ta bisa tur hunto.
“Cu smaak,” Big Benny ta bisa. “Cu placer mi ta yuda”.
Pag 18
Shubert ta wak con su amigonan ta exitoso y e ta cuminsa canta su cantica.
“Hoera, Hoera!
Ki glorioso e dia ta!
Hoera Hoera!
Mi tabata exitoso awe!”
“Hoera Hoera!
Ora mi a perde mi caminda,
Escohencia a yuda mi
Pa mi sa kico pa haci of bisa!”
4