tenonotsalistli

TENONOTSALISTLI
Tlatlanilistli ipan
Totlalnantsin itechpa
Tlanekilistika Tlachiualistli uan
Tepaleuilistli ipan xiuitl
2015
In Asamblea General de las Naciones Unidas kineki kinmauistilis in tepaleuianij iuan imintekiuj, yejika okitlali se tonali ipan nochi totlaltikpak in ijkuak in tepaleuiani
mauistililos, koyotlajtoltika moijtoa Día Internacional del Voluntariado ipan itlanauatil A/RES/40/212 tlein omochiuj ipan 17 de diciembre xiuitl 1985: “Moneki
mauistililos imintekiuj nochtin tepaleuianimej tlein tekitij ipan, itechpa uan ipampa sekin nechikolmej tlein tepaleuiaj ipan se tlalnantsin noso iuan oksekin tlalnantsitsin,
in tlaa noijki tlapaleuiaj in tlanauatijkej noso amo ijkon. In Organización de Naciones Unidas (ONU) kinyoleua nochtin imintlanauatijkauan tlalnantsitsin maj xixiujtika
kiyelnamikikan in tonali 5 de diciembre, keme “Día Internacional de los Voluntarios para el Desarrollo Económico y Social”. Noijkon, ipan diciembre 2012 otlanauati
in A/RES/67/138 “Integrción del Voluntariado en el próximo decenio”. Yejika, in totlanauatijkauj tlein moijtoa Ejecutivo Federal otlanemili kinmakas se netetlayokolil
in tepaleuianimej tlein tlanekilistika tepaleuiaj, ijkon kinmauistilis imintekiuj, kinyoleuas uan kinyolchikaualtilis imintepaleuilis iuan nochi imintlachiualis tlein kichiuaj
ika tlein tetlayekoltian, yejika mauistililoske itechkopa Tlatlanilistli ipan Totlalnantsin itechpa Tlanekilistika Tlachiualistli uan Tepaleuilistli, tlein otenextillilo ipan
Diario Oficial de la Federación ipan 7 de septiembre xiuitl 2009, inon netetlayokolil momakas ipampa Día Internacional del Voluntariado, yejika in totlanauatijkayo
tlein moijtoa Gobierno de la República iuan sekin nechikolmej:
KINNOTSTOKE
Nochtin tlakaj uan nochtin altepeuaj tlein sentekitin ipan sekin nechikolmej in tlein senka mauistik imintekiuj ipampa kinpaleuian iminmaseualikniuan sayoj ijkon (amo akaj
kintlaxtlaua), uan ijkon tlapaleuian maj moskalti iminaltepeuj. Nochtin inon tepaleuianij maj motokaytlalikan uan maj kiselikan in Tlatlanilistli ipan Totlalnantsin itechpa Tlanekilistika Tlachiualistli uan Tepaleuilistli ipan xiuitl 2015.
IN KENIN MOXELOA
NECHIKOLMEJ:
Iminnechicol altepeuaj tlein tlanekilistika tekitijtok uan itechkopa inon tekitl kichiuan sekin ueytlachiualistli ika tlein kinpal
euian ininmaseualikniuan ipan iminaltepeuj uan nochtin kinmauistilian inon tepaleuilistli.
SEJSE TLAKATL: Se tlakatl altepeua tlein amo tekiti iuan se nechikol, yesej san iseltsin uan tlanekilistika tekiti, ika nochi iyolo tekiti uan ijkon
kinpaleuia imaseualikniuan ipan ialtepeuj uan nochtlakaj kimauistilian itekiuj inon tepaleuiani.
ICHPOKAMEJ UAN TELPOKAMEJ: Ichpokamej uan telpokamej tlein tlanekilistika kichiujtoke sekin tlachiualistli ika nochi iminyolo uan ijkon kichikauan, ijkon
kichayauan se tepaleuilistli ika tlein kinpaleuian iminmaseualikniuan uan nochtin kimauistilian inon tlaman tekitl.
IN TLEIN KITLANISKE
NECHIKOLI:
SEJSE TLAKATL:
ICHPOKAMEJ/TELPOKAMEJ :
$200,000.00
$100,000.00
$100,000.00
(Doscientos mil pesos M.N.)
(Cien mil pesos M.N.)
(Cien mil pesos M.N.)
IN TLEIN MONEKI
Ipampa yelnamiko in Día Internacional del Voluntario para el Desarrollo Económico y
Social, yejika momakas se netetlayokolil itechpa Tlatlanilistli ipan Totlalnantsin
itechpa Tlanekilistika Tlachiualistli uan Tepaleuilistli ipan xiuitl 2015 in tlein
kiseliske sekintin tlakaj tlein ok achi kuali imintekiuj noso imintepaleuilis.
NOCHI TLEIN MONEKI KIAJXILTIS IN AKIN MOTOKAYTLALIS
1.
Inon tlakatl tlein kitlanis amo san moseltsin motokaytlalis, yesej maj kitokaytlalikan
sekin altepenechikolmej, sekin itekitijkauan totlanauatijkayo, sekin tlakaj tlein
sentekitin ipan se oloch ipan se altepetl noso sekin tomaseualikniuan tlein kimauistilian
uan kitlepanitan itekiuj inon tepaleuiani tlein motokaytlalis ipan inin tlatlanilistli. In
tlaa motokaytlalis se maseualnechikol noso se altepenechikol, uelis iminseltsitsin
kintokaytlaliske iminmaseualikniuan, iminTepaleuijkauan yesej moneki maj ixmacho
melauak amo akaj kintlaxtlauan imintekiuj, noijki moneki maj tenextililo imintekiuj
in akinke motokaitlaliske, amo mopouas in tlaa inon tekitl okisenchiujke inuan
nochtin iminnechikolikniuan (in tlaa akaj sak iseltin motokaytlalis, amo uel kisento
kas mokuikuilis).
2.
Moneki achto ye otlepanitalo ipampa itekiuj ipan Mexijko totlalnantsin.
3.
Se tlakatl noso se nechikol moneki maj kipixtok 5 noso ok achi miyak xiuitl ipan
itekiuj tlein ika kipaleuia ialtepetsin uan amo kiselijtok nion se tlaxtlauili. In
tepaleuijke ichpokamej uan telpokamej san moneki kipixtoke 3 xiuitl ipan
inintekiuj. Moneki maj kiixpantikan amatl itechpa imintekiuj.
4.
In tepaleuijkej moneki nikan Mexijko otlakatkej noso in tlaa okseko imintlalnan,
maj kipiakan se amatl tlein kinkauilia nikan kuali mochantiske.
5.
In ichpokamej uan telpokamej moneki maj kiajxiltikan 18 ixkichka 29 xiuitl ijkuak
tlamis inin tenonotsalistli. Maj kinextikan se amatl itechpa iminxiujka (Uelis
credencial itechpa IFE noso tlakatilisamatl).
6.
Moneki kinextiske sekin amatl escaneado ika kuali1 tlein tenauatia kenin mochiujtok
itekiuj inon tepaleuiani, in tlaa se tlakatl noso se nechikol: se tekpanali itechpa itekiuj
noso se amatl tlein kipoua inemilis inon tepaleuiani, se amoxtli tlein okichiuj, itlakoton
se tenauatilamatl, video, diploma noso oske tlamantli. In tlaa ika amatl kiuikaske uan
kikauaske: nochi inon amatl noso tlamantli tlein kinextiske amo kinkuepiliske, yejika
maj kiixkopinakan uan maj kititlanikan se itlaixkopinal inon amatl noso inon tekitl,
noijki uelis kitlaliske uan kititlaniske nochi imintekiuj noso iminamauj itechkopa se disco.
7.
Moneki ixpantilos naui amatl tlein kiijkuiloske iminteixpantijkauan inon tepaleuijkej
in kanin kiyekijtoske melauak tepaleuian, melauak kipia ipatiuj imintekiuj ipan
iminaltepeuj uan amo kiselian tomin ipampa inon tepaleuilistli. (In amatl carta de
recomendación, nikan amo mopouas).
8.
Amo mopouas in tlaa se tepaleuiani iseltsin kineki motokaytlalis.
9.
In nechikol noso tlakatl tlein ye okitlani itechpa inin tlatlanilistli ipan okse xiuitl
ayokmo uelis oksepa motokaytlalis. (Yesej, in mauissotl tlen itoka menciones
honoríficas, keme uelis kiseliske niman ipan okse xiuitl).
10. Noijki moneki ixpantilos se amatl in kanin moijtoa in tomin tlein momostla
kitekiujtika in tepaleuiani amo kisa noso amo ualeua itechkopa itekiuj noso
itepaleuilis tlein ika motokaytlalis axkan ipan inin Tlatlanilistli.
IN AKIN AMO KIAJXILTIS SE NOSO MIYAK TLEIN NIKAN TLANAUATIA AMO POUALOS
IPAN ININ TLATLANILISTLI.
1.
UEYTLAJTOKAN
In Comité Organizador kitlalis in ueytlajtokan in kanin mosentlaliske inon tlakaj
tlein kiyekitaske akin kitlanis, ompa monechikoske keme 15 tlakaj: 9 altepeuaj,
5 itlakauan sekin nechikolmej uan se tlakatl tlein ye okitlani ipan inin tlatlanilistli
ipan okse xiuitl ye opanok.
1.
2.
3.
4.
5.
•
•
•
•
•
•
•
•
•
•
IN TLEIN MONEKI MOCHIUAS
Nochi amatl kiseliske itechkopa archivos electrónicos uan maj moijkuilo in amatl
noso machiyotl tlen moajsi ipan inin amaixko:
www.premioaccionvoluntaria.gob.mx, ipan menú tlen toopochmako moajsi in
kanin kijtoa: Postulación en Línea (San kipouaske san sepa itechpa sejse tlakatl tlen
mokuikuilis).
P2. In tlaa se tlakatl kineki mouikuilis: achto maj kiijkuilo in machiyotl tlen moajsi
ipan inin amaixko: www.premioaccionvoluntaria.gob.mx
Nochi imauaj inon tlakatl, moneki maj kititlanilikan itechkopa correo electrónico:
[email protected], satepa ika amatl maj kiuikakan
uan kimakakan ipan oficina de enlace iaxka Indesol, tlen moajsi ipan sejse
idelegaciones Secretaría de Desarrollo Social (Sedesol) ipan sejse estados ipan
Mexijko Totlalnantsin, noso ipan Instituto Nacional de Desarrollo Social (Indesol)
tlen moajsi ipan 2ª cerrada Belisario Domínguez N° 40, Col. Del Carmen, Delegación
Coyoacán, C.P. 04100, en México D.F., ipan lunes ixkichka viernes ipan 10:00
ixkichka 18:00 iman. Inon amatl tlen kiuikaske uan kimakaske ipan sejse ikal in
Secretaría de Desarrollo Social noso itechkopa por mensajería kititlaniske ipan
Indesol moneki kiuikas ika amatl tlen versión electrónica.
Nochtlakaj uelis motokaytlaliske noso peuas kititlaniske iminamauj
ipan 15 de junio ixkichka 5 de septiembre inin xiuitl 2015, in tlamantli
electrónico liseliske ixkichka youalnepantla, yesej ika amatl san kiseliske ixkichka 6
ipan teotlak.
In Comité Organizador noso in akin kichiujtoke inin tenonotsalistli uelis kijtoske
akin amo uelis kitlanis ipampa amo kiajxiltijtok nochi tlein nikan motlajtlania noso
ijkuak momatis amo melauak se iamauj noso se itlajtol in akin kineki kitlanis ipan
inin tlatlanilistli.
In tlein kijtoske ipan ueytlajtokan amo akaj uelis kiixnamikis. Ipan 5 de noviembre
momatis akin kitlanis uan kiselis inetetlayokolil itechpa inin tlatlanilistli, momatis
itechkopa:
www.premioaccionvoluntaria.gob.mx, www.indesol.gob.mx y www.salud.gob.mx
COMITÉ ORGANIZADOR
Secretaría de Salud
Presidencia de la República
Secretaría de Gobernación
Secretaría de Relaciones Exteriores
Secretaría de Educación Pública
Secretaría de Desarrollo Social
Secretaría de Hacienda y Crédito Público
Sistema Nacional para el Desarrollo Integral de la Familia (DIF)
Instituto Nacional de Desarrollo Social
Consejo Ciudadano Consultivo del Sistema Nacional para el Desarrollo Integral de
la Familia
In tlaa tikneki ok achi miyak tenauatili uelis tiktlajtlanis itechkopa itlapoualmachiyo
Indesol: 5554-0390 ext. 68122 in tlaa amo timochantia ipan Mexijko ueyaltepetl uelis
titenotsas itechkopa 01800 718 8621, niman xikmajpilpechi in tlapouali 9 satepa in
machiyotl #; noijki xikita in:
www.premioaccionvoluntaria.gob.mx, www.indesol.gob.mx y www.salud.gob.mx
In tlaa tikmatisneki kanin yetok ioficina Indesol ipan moEstado xikita inin amaixko:
http://indesol.gob.mx/indesol-en-los-estados/