Una hestoria con munchu cuentu - Serviciu de Política Llingüística

EDUCACIÓN PRIMARIA
TRAGALUZ TÍTERES
Una hestoria con munchu cuentu
OXETIVOS DIDÁCTICOS
Oxetivos xenerales
• Xunir el fechu teatral y llingüísticu al fechu educativu, por ser una canal importante d’espresión y
comunicación de les persones ante la sociedá.
• Reconocer el teatru de títeres fechu n’asturianu como un elementu de tresmisión de conocimientos nel
ámbitu educativu.
Área llingua asturiana
• Realizar una escucha activa del testu de la obra representada. Siguir la llinia argumental de la mesma.
• Identificar y reconocer los soníos, ritmos y entonaciones de la llingua asturiana usada na obra de teatru.
• Averiguar les posibilidaes espresives orales del asturianu pa desarrollar la sensibilidá estética.
• Apreciar la llingua asturiana como un mediu de comunicació'97n y un fechu cultural enriquecedor.
• Cavilar sobre los usos sociales de les llingües pa evitar los estereotipos llingüísticos (xuicios de valor y
prexuicios clasistes, racistes, sexistes y xenófobos).
Área artística
• Disfrutar como públicu d’una obra de teatru de títeres. Conocer y interesase pol trabayu creativu de les y
los artistes intervinientes na creación del espectáculu.
• Reconocer les formes d’espresión utilizaes pa la interpretación: xestu, movimientu, voz, títeres, mú'sica.
• Reconocer los títeres como una forma de facer teatru.
• Reconocer les posibilidaes del teatru de títeres como un llinguaxe artísticu, un elementu de comunicación
que pue usase pa espresar idees y sentimientos. Conocer los sos códigos y técniques.
• Conocer y observar les normes de comportamientu nel teatru.
• Percepción del soníu (voz, música) y el silenciu nel espectáculu.
• Descubrir los títeres como oxetos de creación plástica nos que se combina escultura y pintura. Observar
y describir los materiales emplegaos na so creación.
Área conocimientu del mediu natural, social y cultural
• Identificar el teatru de títeres y el teatru como una manifestación cultural na vida de los pueblos, non solo
como espectáculu d’entretenimientu, sinón como vehículu de tresmisión de conocencia y xenerador de
diversidá y riqueza.
• Reconocer dellos oficios teatrales evitando estereotipos sexistes: actor-actriz, director-a, titiritera-u, técnicua de soní…
• Reconocer y apreciar la pertenencia a grupos sociales y culturales con característiques propies, valorando
les diferencies de los otros grupos y la necesidá del respetu a los Derechos Humanos.
• Desarrollar la creatividá, la iniciativa, el trabayu en grupu, l’espíritu críticu y la flexibilidá, valorando la
importancia del esfuerzu, de la responsabilidá personal, de la xusticia y de la solidaridá.
• Identificar al traviés de la observación del trabayu del actor titiriteru la capacidá del cuerpu humanu pa
espresar emociones y sentimientos.
• Analizar el papel de la muyer na hestoria respecto al home (El rei decide con quien se casa la so fía).
• Respetar les pautes de comportamientu social: nel teatru, na casa, na clas…
ETAPA EDUCATIVA
Neños y neñes de 1.u y 2.u ciclu de Primaria.
MATERIAL DIDÁCTICO PA TRABAYAR NOS CENTROS
Actividaes pa facer enantes de la función
— Lleer la información que s’acompaña sobre la compañía y l’espectáculu. Nel enllaz
http://www.tragaluz.info/tragaluz-titeres/repertorio/item/5-una-historia-con-mucho-cuento.html ató'pase
información, semeyes y videu del espectáculu (en castellanu); tamién pue descargase la ficha completa
n’asturianu del espectáculu.
— ¿Qué ye’l teatru de títeres? ¿Qué diferencies hai ente teatru y teatru de títeres? Tamién puen vese de les
diferencies ente’l cine y el teatru.
— Comentar y dialogar sobre’l comportamientu que se tien que tener al asistir a una representación teatral
(nun son los mesmos que nel cine), a partir del "El bon espectador...".
— Vocabulariu teatral. Buscar nel diccionariu (o esplicar) el significáu de palabres rellacionaes col teatru
como: títere, marioneta, actor-actriz, interpretar, decoráu, escenografía, personaxes, autor-a, escenariu,
camarín, comedia, director-a, drama, ensayu, teatru, técnicu-a de lluces y soníu, aforu, maquillaxe, morciella,
mázcara, guión, productor-a, repertoriu, sala, saludar, tramoya...
— ¿Quién paga’l teatru? Cavilar na clas sobre esta cuestión: Cuando vamos al cine paeznos totalmente lóxico
pagar la entrada. Pero non siempre pasa lo mesmo cuando vamos al teatru. Vais ver una representación de
teatru y la entrada ye gratis, eso ye porque daquién la pagar por vós. Investigái qué'entidaes financiaron
l’actuación (la escuela, el Conceyu, el Gobiernu del Principáu, un bancu o caxa...).
— Lleer los cuentos en que se basa’l guión de “Una hestoria con munchu cuentu”:
"El hombrecillo de papel", de Fernando Alonso y editáu por Miñón.
"El espantapajaros", de Fernando Alonso y editáu por Alfaguara nel llibru "El hombrecito vestido de
gris".
"Donde vive el tiempo", de Vladimír Skutina y editáu por S.M.
"Bien puede ser", Cuentu popular.
— Preparación del coloquiu que se va realizar colos componentes de la compañía qu’intervienen na
representación. Pue presentase como si se tratara d’asistir a una rueda de prensa: decidir nel aula cuáles puen
ser les entrugues y quién van ser los que van facer de reporteros en representación del aula.
El Bon Espectador...
- Tien qu’informase bien sobre l’espectáculu que va ver.
- Llega puntual, antes del empiezu pa ocupar tranquilamente l’asientu.
- Guarda silenciu y nun fai comentarios a los vecinos pa nun molestar a los actores.
- Nun come pipes, palomites, nin llambionaes mientres la representación pa nun molestar a los actores.
- Desque empezó l’espectáculu nun abandona la so butaca. Por eso va al serviciu antes o depués de la
representación.
- Si la obra nun-y gusta, queda calláu na butaca pa nun fadiar a otros (que-yos pudo gustar) y por respetu
al trabayu de los cradores del espectáculu.
- Col so aplausu al rematar la obra manifiesta la so satisfacción a los actores pol so trabayu.
Actividaes pa facer depués de la función
— En caú'na de les hestories del espectáculu “Una hestoria con muncho cuentu” faise referencia a temes
que tamié'n puen tratase na clas:
-el diálogu padres-fíos y les rellaciones en familia (na hestoria de "Karin")
-la intolerancia, l’abusu de l’autoridá, siguir les propies idees (nel “Espantapaxaros")
-el riesgu del esfuerzu personal, la picaresca (en "Bienpuedeser")
-el rol subordináu de la muyer a lo llargo de la hestoria (en "Bienpuedeser")
-les noticies de los periódicos, la importancia de lo positivo pa la vida (nel “Home de papel")
-L’amistá, el ciñu (nel “Home de papel", nel poema "Un amigu ye daquién a quien gustes")
— Proponer un coloquiu sobre l’espectáculu: la escenografía, los recursos técnicos, la interpretación del
actor, les formes y elementos utilizaos pa cuntar les hestories...
— Realizar un comentariu escritu de la obra, por exemplu: escribir una carta a un amigu cuntándo-y
l’espectáculu, o a ún de los personaxes de les hestories o al actor.
— Construyir títeres a partir d’oxetos cotidianos.
— Facer un dibuxu d’una de les hestories, d’un personaxe o d’una escena.
— Ellaborar un cómic o un mural a partir del espectáculu y del teatru de títeres.
— Facer de periodistes: proponer a los alumnos-es qu’escriban (por exemplu pal periódicu o blog de la
escuela) una noticia, un reportaxe, o facer una crítica del espectáculu al qu’asistieron.
RESUME DE L’ACTIVIDÁ
El personaxe protagonista de “Una hestoria con munchu cuentu”, usando recursos teatrales estremaos (la
interpretación del actor, la mázcara, la utilización de títeres...), cunta delles hestories, poemes y rellatos.
Janco, el protagonista del espectáculu, llee y crea hestories guardáu nel so desván. Y apasiónase tanto con
elles que se mete dientro pa cuntales.
Cunta la hestoria del home de papel de periódicu que ta murniu porque nun sabe facer rir a los neños, porque
namás conoz hestories de catá'strofes, de guerres, de miseries...
Tamién cunta la hestoria d’El espantapaxaros al que nun-y gusta’l so trabayu d’asustar a los páxaros, porque
él quier velos volar, posase sobre les tierres, picotiar les espigues... Un día un baillarín enséñalu a baillar,
pero’l so amu nun quier que baille...
Y la hestoria d’una neña llamada Karin que va en busca del tiempu porque naide na so casa tien tiempu pa
tar con ella.
Y la hestoria de la Princesa qu’a too respuende “Bien pue ser” y a la que so padre’l Rei decide casar con
quien consiga qu’ella diga dalguna otra cosa.
DURACIÓN
45 minutos.
ESPACIU ESCÉNICU
Espectáculu d’interior. Frente 6 m / fondu 4 m / altu 2,75 m. Tiempu de montaxe: 2 1/2 hores. Tiempu de
desmontaxe: 1 1/2 hora
NECESIDAES ELÉCTRIQUES
Conexón: 5000 W. a 220 V.
N.u D’ESCOLINOS/ES
máximu 250
FICHA ARTÍSTICA
Director: José M. Doyague
Guión: JMD & JH
Actor y marionetista: Joaquín Hernández
Técnicu lluz y soníu: Isabel G.a Porto
Escenografía y títeres: Taller del Sol
Vestuariu: Cristina Hernández y Begoña Laó