EL CURA, L`AMA YA`L SACRISTÁN
Anuncio
EL CURA, L’AMA YA’L SACRISTÁN Esta ía la historia d'un cura que vivía col ama, que se l.lamaba María, ya col sacristán, que se l.lamaba Marcial. Yera de nueite ya taban a puntu de ponese a cenar cuando l.lamanon a la puerta dous probes que pidían algu pa comer ya un sitiu pa dormir. El cura mandóulos entrar ya sentánonse na mesa. Ya diz el cura: - Á María, trai las papas. - Pos yá me dirá usté cómo faigo pa repartir comida pa cinco, cuando la preparéi pa tres… - Echa muitas pa ti ya muitas pa mi; poucas pa Pedro ya menos pa Xuan; ya a Marcial, écha-y la conca pequeña ya enzafárna-yla bien toda el.la… Ya diz Marcial: - ¡Esu yá me lu facéis tolas nueites, que póngome de costras ya veixo las vostras; póngome de didas ya nun veixo las mías! Cuentos de tradición oral d’El Cuartu los Valles. Marta López Fernández. Academia de la Llingua Asturiana. Uviéu, 2005. Informante Francisco Álvares García; 54 años. Llugar: Miñu. Imaxe: http://es.123rf.com/imagenes-dearchivo/peeled_potato.html
