DIARIODEPONTEVEDRA|domingo, 30 de junio de 2013 “Sen a imaxinación isto sería unha cousa aburridísima. A imaxinación é o que permite transformar o mundo. Déixanos imaxinar o que non existe aínda, sen ela estariamos moi mal ” E o humor? —Si, pero iso xa é máis tardío. As primeiras cousas que escribín facían chorar ás pedras. Eran tristísimas, e o de agora, tamén, pero está contado con humor. Foi un proceso paulatino. A maior parte do tempo pásao en Madrid, como ve Galicia dende alí. —Sempre estiven ligada á universidade porque quixen ter a vida resolta para poder adicarme a escribir o que me apetece, o que me gusta. Eu non fago novela histórica porque non me gusta, escribo o que quero. Galicia non a vexo con demasiada nostalxia, eu sempre digo que levo a nube comigo. Cando me din onde está Brétema (a vila imaxinaria na que sitúa as súas novelas), eu digo que está dentro de min. Está feita de cidades galegas pero van comigo. As miñas primeiras novelas, que eran moi, moi neboentas, escribinas en Benidorm, baixo un sol de xustiza, pero eu levo ese mundo galego no meu interior. ENTREVISTA | MIL PRIMAVERAS MÁIS | reviSta! |7 “Quería reflexionar sobre o mundo da realidade, que é esa relación coa familia: os pais separados, o irmán coa noiva negra, a avoa. E logo está o mundo do anxo, que é o mundo do misterio” “Cando me din onde está Brétema, eu digo que está dentro de min. Está feita de cidades galegas pero van comigo. As miñas primeiras novelas, eran moi neboentas, e as escribín en Benidorm” Pecados confesables “Non me resisto ao marrón glacé” Fixo trampa algunha vez? —Non, xa dixen que a mentira me repugna. O peor que fixo nun ataque de xenreira foi... —Romper unha man, do golpe que dei. Levou algunha vez algo sen pagar ou marchou dun restaurante sen pedir a conta? —Non, nunca. Que sería capaz de facer por un millón de euros? —Prefiro non pensalo. Fáiselle a boca auga cando... —Cando me falan de determinadas comidas, por exemplo, os grelos ou o xamón. Quen ou que situacións espertan os seus desexos máis ocultos? —Os homes, desde logo non son lesbiana. E na mesa ante que non se pode resistir? —Ante o marrón glacé, con castañas galegas, de Ourense. Pero o caldo ou o lacón con grelos tamén me gustan. Pode vivir sen espello ou é das que se van mirando nos escaparates? —Eu mírome nos escaparates. Cal é a súa tenda/lugar preferido para sentirse culpable? —Non teño un lugar preferido, síntome culpable nos lugares máis inesperados. A preguiza véncelle cando? —Son moi traballadora, pero vénceme algunhas veces, sobre todo despois de comer, que boto sempre a sesta. De que se sente máis orgullosa de si mesma? —Considérome unha loitadora. Todo o que conseguín o acadei con traballo, ninguén me regalou nada. Se puidese ser calquera persoa no mundo, quen sería? —Un xa está tan afeito a ser un mesmo que xa non te queres cambiar por ninguén. Arrepíntese de... —De moitas cousas, pero non as podo dicir. 6|reviSta!| mil primaveras máis | ENTREVISTA diariodepontevedra|domingo, 30 de junio de 2013 Vén de publicar ‘O anxo de Eva’ (Editorial Xerais), unha engaiolante historia sobre unha nena adolescente que busca fuxir da abafante relación coa súa familia a través da presenza dunha amiga imaxinaria. Ata aí todo sería normal, pero ao seu carón aparece a figura dun anxo, un ser alado que aliviará non só a Eva, senón ao propio anxo cunha longa historia tras el. Marina Mayoral achéganos unha lectura sobre a imaxinación e a realidade, unha feliz convivencia literaria sobre a que reflexiona dende estas palabras. n Fai calor na praza da Estrela. Van ser as cinco da tarde e as pombas buscan refrescarse nunha fonte da que borbotea unha auga coa que pingan as súas ás. Elas van para alí e para alá, alleas ao que acontece ao seu arredor. Marina Mayoral chega puntual a súa cita, moi coqueta no seu vestir, algo que amosa que a esta muller lle poden caer anos enriba pero o seu espírito segue a estar cheo de vitalidade. Así o demostra cando ao rematar a entrevista, e ata que participe na libraría Cronopios na presentación do libro, e para facer tempo, pregunta pola zona de tendas na cidade. As pombas seguen a bulir e a acompañarnos cos seus arrolos vós. As súas ás lévannos directamente ao corazón dunha novela na que teñen singular protagonismo. Como xorde ‘O anxo de Eva’? ­—Pois dunha forma inconsciente, case irracional. Eu dou moitos talleres literarios, e cando os alumnos me preguntan como construír un personaxe dígolles que cando o teñan eu lles podo indicar como pasalo da mellor maneira posible ás páxinas dunha novela. Mediante monólogos, diálogos, a voz narrativa ou o que sexa, pero o personaxe ten que aparecer na túa cabeza. Pero como xorde este anxo? Pois seguramente de lembranzas infantís, porque en Mondoñedo as nenas cando saía o bispo iamos correndo a bicarlle o anel e, ás veces, dábanos estampas e a min unha vez deume unha dun anxo fermosísimo, cunhas enormes ás, que estaba protexendo a unha nena. Eu sempre digo que me namorei daquel anxo. Non facía máis que ollar para el, era guapísimo. Pasa o tempo e nunha novela miña, ‘La sombra del ángel’, hai unha escritora que basea os seus relatos no que pasa na vida dos seus amigos, pero transformándoos, naturalmente. Nunha ocasión a un amante dunha das súas amigas transfórmao nun anxo. E aí está ese anxo, estraño, que non é nada devoto, nada relixioso. É un home guapísimo con ás, e que ten lembranzas estrañas da súa vida, que quizais fose o alén. Tivo así a súa aparición en dous contos e cando eu estaba a escribir sobre Eva, un día apareceu na habitación dela, así, polas boas, así xurdiu. Que sería do ser humano sen a imaxinación? ­—Unha cousa aburridísima. A imaxinación é o que permite transformar o mundo. Déixanos imaxinar o que non existe aínda, sen ela estariamos moi mal. Sente Marina Mayoral a presenza dun anxo ao ser arredor? —Non, xa me gustaría a min ten un anxo así protexéndome. Que lle permite a presenza dun ser como un anxo na novela? ­—Pois que apareza na vida ordinaria o extraordinario, a min iso é algo que me interesa moitísimo. Porque a vida, á parte das cousas m nas que podes crer, que podes apalpar, hai experiencias, vivencias, cousas que moitas veces son incomprensibles. Eu chámolles un misterio, ou cousas que non teñen explicación. Aquilo que non se pode explicar racionalmente, como na película de Kubrick, ‘2001: unha odisea do espacio’, cando aparece aquel monolito. A min iso interésame moito, e neste caso apareceu un anxo e eu dixen, vale, que siga, a ver como reacciona a xente ante esa aparición extraordinaria. Ademais é un anxo non moi divino e si moi terreal. —Neste caso é un anxo terreal, moi sensual, moi erótico, pero o mesmo podería ser a aparición dun ser extraordinario, máis divino, un milagre que rompe a cotidianeidade. Tanto pode ser de aspecto trascendente relixioso como non relixioso. Aí tes a Santa Compaña, non é un mundo relixioso, pero si trascendente, vai máis alá da morte. Fala do erotismo, tamén un aspecto recurrente na súa obra. ­—Porque é algo recurrente na vida das persoas. O erotismo, como falabamos antes da imaxinación, é o mesmo, se nos falla algunha destas cousas perdemos moitas cousas da vida. Supoño que lle preguntarán moito a raíz deste libro, canto hai de Eva en Marina Mayoral? ­—Pois é curioso, si que mo preguntan e é algo que me sorprende, eu non me sinto nada identificada con esa nena. Conto como aparece esa nena. Entre os veciños en Madrid había unha rapaciña que tería once anos, á que eu sempre que coincidía con ela no ascensor lle preguntaba que tal no colexio e sempre me dicía, “ben”, e nada máis. Pero unha vez, por tomarlle o pelo, iso pensaba eu, pregunteille: “Bueno e que, tes mozo?”. Ela botou un sorriso e dixo: “Bueno, si”. Estaba encantada da vida de ter mozo, eu quedei tan abraiada que non sabía que dicirlle máis, porque aquela cousiña tan pequena con mozo... E quedoume esa idea na cabeza de que sabiamos moi pouco das nosas adolescentes. Eu teño fillos e os rapaces maduran máis lentamente cás rapazas, así que me puxen a ler, a observar ás nenas que se movían ao meu arredor, e unha vez pasoume unha cousa que tamén incluín na novela (os que a lean daranse de conta da anécdota). Nunha biblioteca que hai preto da casa na que van moitos rapaciños, unha vez vin a unha rapaza moi pequena, cun rapaz maior ca ela que e estaba arrodeando cos brazos contra unha parede. E ela díxolle: “Déixame, déixame”. Eu achegueime e pregunteille: “Ola, pasa algo?”. El púxose firme e rapidamente baixou os brazos e ela dixo: “Estamos xogando”. Non me acabo de facer á idea de que unhas mozas tan pequenas anden xa xogando con eses xogos eróticos. E gustoume trasladar ese tema. Esas marina ayoral Escritora e Catedrática de Literatura Española [escribe Ramón Rozas| fotografía Javier Cervera-Mercadillo] “Sempre levo a nube comigo” mpmáis mil primaveras máis [...Operfil] Estudos e libros Marina Mayoral naceu en Mondoñedo. Catedrática de Literatura Española na Universidade Complutense, agora xa está xubilada desta responsabilidade. Directora de numerosas coleccións literarias sobre os clásicos, é no eido literario onde a figura de Marina Mayoral ocupa un posto privilexiado nos narradores. As súas obras fixadas nese lugar chamado Brétema miran a Galicia dende os ollos daquela rapaza que levou a esta terra con ela. Nas súas obras o amor ou a morte, xunto co erotismo e o humor, engraxan unhas narracións sempre cercanas ao ser humano, ao fin e ao cabo, o gran protagonista da súa escrita. Novelas e contos, xunto aos estudos literarios, fixan a súa figura entre as máis sobranceiras da Literatura Española. Moitas das súas obras foron traducidas a diferentes idiomas. Entre as súas últimas publicacións podemos citar: ‘Dar la vida y el alma’, ‘Recuerda cuerpo’, ‘La sombra del ángel’, ‘Tristes armas’, ‘Bajo el magnolio’. son pequenas cousas autobiográficas, pero eu, por exemplo, non mentía, e Eva minte como respira, cunha absoluta facilidade. A min resultaríame moi sinxelo porque a imaxinación mo permite. E que un relaciona a muller que será escritora coa imaxinación desa rapaza. ­—Eu si que imaxinaba dende moi nena. E escribín tamén de moi pequena. En Mondoñedo xogabamos ás comedias. Facíanse as comedias na praza da Catedral ante o bispo, e logo as nenas tamén xogabamos a facer as comedias. Eu inventaba as historias e as miñas amigas as representaban. Elas cantaban, eu non canto ben. Pero insisto no de mentir, eu nunca mentía, e nunca lle dixen unha mentira á miña nai. É algo ao que lle teño repugnancia, mesmo as mentiras piadosas me custa dicilas. E que hai de Marina Mayoral en Eva? ­—É moi lectora, coma min. Eu lía todo o que caía nas miñas mans, incluso o que non tiña por que ler, xa que aínda non tiña idade para lelas. Niso si que nos parecemos moito as dúas. Outro dos temas do libro que é moi importante xunto a relación de Eva co anxo, e a relación entre os membros da familia. ­—Si, eu quería reflexionar sobre o mundo da realidade, que é esa relación coa familia: os pais separados pero que parece que a nai segue namorada del, o irmán coa súa noiva negra, a avoa... Ese é o mundo da realidade, das cousas concretas. E logo está o mundo do anxo que é o mundo do misterio. O mesmo anxo lle di: “Eu non estou seguro de ser un anxo”. De feito, a voz narrativa nunca lle di anxo, sempre lle di, “o ser alado”. En certo sentido, esa voz narrativa represéntame a min. Como se atopa Marina Mayoral nestes momentos no eido literario? ­—Pois no fin do camiño. Na última volta, que dicía Buñuel. Sente que aínda lle quedan moitas historias que contar? ­—Non, teño moi presente a morte na miña vida. Sempre pensei nela e agora véxoa moi preto. Non sei ata onde chegarei e se me dará tempo a escribir máis libros. Que importancia ten Galicia na súa obra? —É tan grande, eu teño a impresión de que todo vén daquí: a miña maneira de entender a vida, as relacións humanas. Por exemplo, con iso do erotismo, a min paréceme natural, ese sentimento, afastado do mundo relixioso. Cando se ten un fillo é unha cousa boa, unha compaña para a nai na vellez, non esa cousa Calderoniana da honra. A min iso vénme de Galicia, de onde me vai vir. Outra cousa, o alén, eu son agnóstica, pero teño unha postura de apertura cara o outro mundo. Que sabemos nós?, e iso tamén me vén de Galicia.