Hmong - STAR Tests

HMONG
   
    
X E E V C A L I F O R N I A D E PA R T M E N T O F E D U C AT I O N
Daim ntawv no pab koj nkag siab koj tus menyuam daim ntawv xeem thiab
cov lus cob qhia. Muaj tej qhaub lus hauv daim ntawv xeem yeej muab
txhais ib lo zuj zus, muaj tej qhaub yuav txhais lub tseem ntsiab lus xwb.
1
Nthuav Lus Qhia
Hawm txog Niam Txiv/Tus Saib Xyuas,
Txhua txhua xyoo, xeev California lub Plhau-nkas STAR muab ntawv rau koj
tus menyuam xeem seb nws puas xeem dhau California cov Qauv Paub
Ntawv (Content Standards), es qhia txog cov qauv es txhua tus menyuam
yuav tsum tau paub ua kom ncav nws qib.
Daim ntawv no qhia txog koj tus menyuam qhov qhab-nees es nws xeem tau
rau daim ntawv xeem hu ua California Standards Test; thiab yog koj tus
menyuam xeem daim qib 3 los sis qib 7 no ces yog daim hu ua California
Achievement Tests, Sixth Edition Survey (CAT/6 Survey).
2
1
2
3
Cov lus qhia nyob rau
pawg lus no yuav txawv
nyob ntawm seb koj tus
menyuam kawm qib twg.
Lus qhia txog koj tus menyuam
Ntawm no koj yuav pom: koj tus menyuam tus naj npawb kawm ntawv, hnub
yug, qib, hnub xeem, tsev ntawv, thiab lub district. Yog tias muaj, kuj yuav
pom koj qhov chaw nyob thiab.
4
3
Koj tus menyuam cov qhab-nees thiab qib xeem ncav
Cov kab ua tej yag es zas dub dub qhia koj saib seb koj tus menyuam xeem
tau siab li cas rau cov kev kawm hauv daim California Standards Test. Tus lej
es sau rau saum toj cov kab yog koj tus menyuam qhov qhab-nees. Cov kab
ua tej yam nyob phab laug es zas ua xim thiab cov ntawv saum hauv qab cov
kab dub qhia tias koj tus menyuam xeem ncav qib twg rau tej yam twg. Muaj tsib
qib: Qib siab (Advanced), Qib paub txaus (Proficient), Qib paub (Basic), thiab tsis
paub zoo (Below Basic), thiab Qib poob qis (Far Below Basic).
Cov menyuam kawm qib 2 txog 11 yuav tau xeem Ntawv thiab Lus Askiv (English-Language
Arts) thiab Lej. Cov kawm qib 8, 10, thiab 11 yuav tau xeem keeb kwm (History) thiab laj kam
teb chaws (Social Science). Txhua tus kawm qib 5 thiab ib txhia ntawm cov es kawm qib 9, 10,
thiab 11 yuav tau xeem xais-yees (Science). Koj tus menyuam xeem yam twg ces daim ntawv
qhia yeej muaj nws qhov qhab-nees. Yog tias koj tus menyuam tsis xeem ib yam twg los yog
ib yam twg tsis muaj nws qhov qhab-nees, los peb yeej sau hauv daim ntawv qhia no thiab.
Yog tias koj tus menyuam raug xeem tsis thwj nws qib ces daim ntawv qhia yuav sau tias:
“Koj tus Menyuam Tau Xeem Hauv Qab Qib Nws Kawm.”
4
Koj siv tau cov vev-xaij chaw nyob no mus saib tas nrho cov qhab-nees STAR
(http://star.cde.ca.gov) thiab koj lub tsev kawm ntawv Tsab Ntawv Pov Thawj Qhia Txog
Tsev Kawm Ntawv (Accountability Report Card) (www.cde.ca.gov/ta/ac/sa). Koj mus thov
ib daim qauv Ntawv Pov Thawj (School Accountability Report Card - SARC) tim koj tus menyuam
lub tsev kawm ntawv los tau thiab.
5
Kuv yuav siv STAR Plhaus-nkas cov qhab-nees li cas?
Cov qhaub lus nyob no piav txog thiab pab tswv yim tias koj yuav ua li cas thiaj li pab kuaj
nraim tau koj tus menyuam txoj kev kawm, kev xeem ntawv hauv hoob, thiab kev ua hoos-vawj,
thiab nws cov qhab-nees. Koj siv tau cov tswv yim no mus nrog koj tus menyuam tus xib fwb
qhia ntawv tham txog kev yuav ua cas thiaj pab tau koj tus menyuam kawm ntawv zoo.
5
6
Koj tus menyuam cov kev paub thiab cov es nws tsis tau paub tab sis
xav tau
Cov qhaub lus nyob phab no qhia seb koj tus menyuam xeem tau siab li cas
hauv ib yam twg. Saum toj tej phab yeej sau qhia tias seb yog xeem yam twg.
Feem ntau cov menyuam kawm qib 2 txog 11 yuav muaj xeem ntawv Askiv
thiab Lej. Cov kawm qib 5, 9, 10, thiab 11 muaj xeem Science. Cov kawm qib
8, 10, 11 xeem keeb kwm (History) thiab laj kam teb chaws (Social Science).
Cov tswv yim xeem hauv daim California Standards Test (CST) tau muab faib ua
tej pawg nyob phab laug. Cov tswv yim hauv tej pawg no yog tsim los ntawm
California cov Qauv Paub Ntawv (Content Standards), es qhia txog cov qauv es
txhua tus menyuam yuav tsum tau paub ua kom ncav nws qib. (Yog tias koj tus
menyuam tsis xeem ib daim ntawv xeem twg, los sis ho tsis muaj qhab-nees
rau ib yam twg, tsab ntawv no yuav sau qhia.)
Cov menyuam teem kaum teeb rau hauv no qhia tias koj tus menyuam xeem raug
pes tsawg feem pua ntawm cov lus nug nws hauv ib pawg tswv yim twg. Cov kab
zas ua tej ya ntev ncuv qhia txog cov tub ntxhais kawm ntawv es xeem dhau zoo
los lawm, thiab seb lawv xeem tau qhab-nees qis li cas mus txog siab li cas.
Hauv qab muaj lus qhia tias koj tus menyuam xeem tau zoo li cas rau yam twg.
7
7
Cov lus qhia nyob rau
pawg lus no yuav txawv
nyob ntawm seb koj tus
menyuam kawm qib twg.
8
9
10
Phab no qhia txog tej yam xws li:
•
Rau cov menyuam es kawm qib 2 txog 4, 6, thiab 7, nws muaj lus qhia
ntxiv txog cov kev xeem Ntawv Askiv thiab Lej.
•
Rau cov menyuam es kawm qib 5, 8, thiab 9, nws muaj lus qhia ntxiv
txog 3 pawg tswv yim xeem ntxiv rau ib yam ntxiv xws li.
•
8
6
–
Cov kawm qib 5 thiab 9 muaj xeem Ntawv Askiv, Lej, thiab Science.
–
Cov kawm qib 8 muaj xeem Ntawv Askiv, Lej, thiab Keeb Kwm-Laj Kam Teb Chaws.
Rau cov menyuam es kawm qib 10 thiab 11, nws muaj lus qhia ntxiv txog
qhab-nees xeem Keeb Kwm-Laj Kam Teb Chaws thiab Science.
Lus qhia txog kev siv cov ntawv no
Ib daim ntawv xeem tsuas qhia tau qee yam txog koj tus menyuam xwb. Tus menyuam es xeem daim ntawv ntau dua
ib zaug tej zaum yuav xeem tau siab dua los sis qis dua, tab sis yuav txawv tsis deb. Yog koj xav paub kom ntxaws dua
txog koj tus menyuam cov kev txawj los sis tsis tau txawj, koj yuav tau mus saib nws cov ntawv ua hauv hoob, nws cov
qhab-nees es xeem rau lwm tsab ntawv, thiab lwm daim ntawv qhia txog nws txoj kev kawm raws xyoo.
9
Xeev California Ntawv Nyeem
Tus naj npawb California Ntawv Nyeem (Reading List Number) sau rau hauv no tau muab rau koj tus menyuam raws
li nws qhov qhab nees xeem nyob hauv daim California English-Language Arts Standards Test. Koj tus menyuam yuav
muaj cuab kav nyeem tau cov ntawv sau hauv tus naj npawb no yam es tsis tas yuav pab. Tab sis, ib daim ntawv xeem
xwb kuj ho qhia tsis tau tseeb tseeb tias koj tus menyuam txawj los yog yuav tsum tau nyeem hom ntawv twg xwb.
Pab txhawb kom koj tus menyuam mus saib lwm tus naj npawb nyeem ntawv thiab nrhiav cov ntawv es xav nyeem.
Koj mus saib tau California cov Ntawv Nyeem ntawm:
•
Daim vev-xaij http://star.cde.ca.gov ces nias California Reading List.
•
Nias rau Search for a Reading List kom nrhiav tau ntawv nyeem rau koj tus menyuam
Kev txawj nyeem ntawv yog ib qho yuav pab tau kom menyuam kawm tau zoo rau txhua yam hauv tsev kawm ntawv.
Pab txhawb kom koj tus menyuam nyeem ntawv thaum nyob tsev.
10
Piv rau teb chaws (qib 3 thiab 7) los sis Lus qhia ntxiv txog Plhaus-nkas STAR (lwm qib)
Yog tias koj tus menyuam kawm qib 3 los yog qib 7, lub npov no muab koj tus menyuam cov qhab-nees es nws xeem
tau ntawm daim CAT/6 Survey piv raug cov qhab-nees es lwm cov menyuam es nyob txawv xeev es xeem tau sib ncag
los sis qis dua koj tus menyuam (piv txwv, ib qho qhab-nees 50 txhais tau tias koj tus menyuam xeem zoo ib yam los
yog zoo tshaj li ib nrab ntawm cov menyuam es txawv xeev).
Yog koj tus menyuam tsis yog kawm qib 3 los sis qib 7, phab no muaj lus qhia tias koj yuav mus nug leej twg yog koj
muaj lus nug txog lub Plhaus-nkas STAR los sis nug txog koj tus menyuam cov qhab-nees.