ACUERDO ENTRE PODEMOS ARAGÓN Y PUYALÓN CARA T’AS ELECCIONS GHENERALS D’O 26 DE CHUNYO DE 2016 Vivimos un momento politico historico. Dimpués de ueito anyos de crisis e quatre anyos de gubierno d’o Partido Popular, s’ubre una oportunidat unica pa que las fuerzas que apuestan per un cambio politico e social profundo en Aragón e a lo conchunto d’o Estau articulen una alternativa politica en las Cortes espanyolas similar a la que ya arribó d’a man d’os Concellos d’o cambio e un nuevo escenario politico tanto en las eleccions aragonesas de mayo de l’anyo pasau como en las eleccions d’o 20 d’aviento. Existe, de feito, una posibilidat real d’articular una mayoría e un gubierno que revierta es retalles dictaus per Bruselas e que meta las institucions a lo servicio d’a chent, con un proyecto politico guiau per la solidaridat, la chusticia social e una transparencia que aconsiga acotolar la corrupción e lo clientelismo d’as institucions publicas. S’ubre, de vez, una oportunidat historica pa construir democraticament solucions a las insuficiencias e a los conflictos que ha teniu lo Estau dende la Transición e l’aprebación d’a Constitución de 1978. Se dan, en suma, las condicions pa abordar un cambio politico en clau constituyent a lo servicio d’os pueblos e d’a ciudadania. Per ixo, conscients como somos d’a especial coyuntura que atravesamos, Podemos Aragón e Puyalón suscribimos lo present acuerdo cara t’as eleccions d’o 26 de chunyo. Un acuerdo que se sustancia en tres principios. Lo primero, la necesidat de guaranciar lo compromís d’as diputadas electas per Podemos en Aragón con las necesidatz, voluntat e reivindicacions d’a ciudadanía. En segundo puesto, una ripa de compromisos comuns arredol d’a linia programatica que guiará l’acción institucional d’istes cargos electos en la suya relación con Aragón. Lo zaguero, las dos organizacions entendemos que en la campanya que ye arribando ye preciso que se fayan visteras las reivindicacions historicas d’o pueblo aragonés, en la mida en que constituyen uno d’os vectors més importants de democratización a la nuestra tierra. Acuerdo politico. La Voz d’Aragón a Madrit En tota la democracia, las fuerzas progresistas aragonesas han disposau, tradicionalment, d’una voz devant lo Congreso que ha guaranciau la presencia d’as reivindicacions e las necesidatz d’a ciudadanía aragonesa en las institucions estatals. Pa guaranciar que isto contine ocurrindo entre que dure la vinient lechislatura e lo faya con una fuerza sin precedents, s’arriba a los vinients compromisos: -Es electos per Podemos en Aragón gozarán de libertat de decisión en los temas relativos a Aragón, ascuitando la voz e la opinión d’os diferents achents que dende lo territorio emparan ista candidatura. 1 -S’articulará, aintro d’o grupo parlamentario d’Unidos Podemos, los medios que calgan pa que istos diputaus puedan desarrollar sin garra problema e de traza vistera la suya actividat colectiva, dau que son representants aragoneses. -Se desenrollarán, dimpués d’as eleccions los espacios conchuntos de coordinación politica e de participación ciudadana que permitirán cumplir es dos puntos anteriors e dinamizar la rendición de cuentas d’os representants devant los suyos electors aragoneses, la proposición politica e qualsiquier atro aspecto dimanau d’a suya presencia institucional. -Compromís d’os cargos electos a desfender lo dreito a decidir d’os pueblos, como dreito de- mocratico basico. Acuerdo programatico Amés de per lo programa politico de Podemos a nivel estatal e de l’acuerdo marco d’Unidos Podemos “50 pasos pa gubernar chuntos”, lo present alcuerdo contempla una ripa de linias chenerals e de propuestas concretas compartidas per ambas partes en lo relativo a Aragón que habrán d’estar desenrolladas en l’actividat politica e institucional d’as Cortes espanyolas. Tamién, en ixes aspectos no contemplaus en lo vinient alcuerdo u sobre los quals las dos organizacions encara no han desenrollau posicions concretas, se i reculle lo compromís d’estudiar e debatir ixes aspectos aintro d’as organizacions pa poder fer posturas consensuadas. 1. Vertebración d’o territorio, Desenrollo Rural e Comarcal e freno a la Despoblación. Las dos organizacions reconoixen ista tematica pa la viabilidat material d’a vida social a la mayor parte d’o territorio aragonés, e uno d’es aspectos més sistematicament aladiau en las politicas estatals durante los anyos de democracia. Per ixo contemplamos las vinients mesuras socioeconomicas. -Desenrollo d’un potent sector publico e amparo a la economía social e cooperativa (como fuent de creación d’empleo e pa revertir proceso de despoblación). -Transportes e infraestructuras publicas de calidat que vertebren las comarcas e lo conchunto d’Aragón (Reapertura d’o Canfranc e corredor ferroviario Cantabrico-Mediterraneo). -Fer un Plan d’Uso Social d’a Tierra pa facilitar l’acceso prioritario a la tierra d’os chovens e las mullers que deseen incorporar-se a lo sector agroalimentario e forestal. Mesuras Politicas -Empentar e desenrollar la comarcalización e supresión d’as estructuras provincials. 2. Alternativas Socioeconomicas Una d’as diferencias fundamentals entre las fuerzas politicas que fan un apueste per lo cambio e ixas atras que miran de tornar enta zaga en lo tiempo, a perpetuar l’austeridat u a cambios d’imachen, radica en lo tipo d’evolución que se desfende pa la economía. Ye decir, si se fa un apueste per tornar ent’a economía especulativa e la precariedat u s’entiende que las institucions e la fayena colectiva tienen la potencialidat pa guaranciar una existencia digna e una economía a l’altaria d’os retos socials e ambientals que arribarán. -Disenyo estratechico d’a economía e creación d’empresas publicas (sectors estratechicos) que 2 construyan economía real metindo en lo mercau biens e servicios. -Defensa e apoyo d’os Servicios Publicos. -Progresiva finalización de convenios publico-privaus, prioritariament a sectors publicos estra- techicos u en ixos en los que la duplicidat respecto a institucions no la chustifique. En qualsiquier caso, lechislación e practica de contratación de l’administración publica meterá clausulas socials. -Creación d’una Banca Publica aragonesa. -Profundización en un Marco Aragonés de Relacions Laborals e de protección social, especial- ment parando cuenta d’a recuperación d’os dreitos d’os treballadors aragoneses en lo que toca a la negociación colectiva e a lo desenrollo d’as politicas activas e pasivas d’empleo. 3. Programa d’Emerchencia Social. Tanto en Puyalón como en Podemos metemos l’acento en la necesidat de rescatar a las personas e colectivos socials a los que, d’un modo deliberau, s’ha deixau dezaga mientres istos anyos de crisis. -Establimento d’un sistema de guarancia vital: dreito a la vivienda, paralización de desafiu- zamientos, servicios publicos e socials universals (educación, sanidat, dependencia,...), con especial atención a grupos més agredius per la precarización social: mullers, migrants, diversidat funcional, medio rural,... -Establimento d’una Renta Guaranciada mientres la lechislatura, como paso basico e fundamen- tal pa la guarancia d’una vida digna de toda la ciudadanía. Es termens en que se desenrollará ista mesura quedan recullius en l’alcuerdo programatico “50 pasos pa gubernar chuntos” d’Unidos Podemos. -Dreito a Decidir sobre lo propio cuerpo: muerte digna, dreitos reproductivos e de chenero. -Creación d’o denominau “empleo verde”, como alternativa sostenible a lo desempleo, con es- pecial atención a un Modelo de Transición Enerchetica que aprofite las potencialidatz d’o conchunto d’o Estau e, especialment, d’Aragón, potenciando una sobiranía enerchetica descentralizada. -Fiscalidat progresiva. 4. Cambio cultural e emparo d’as lenguas e cultura propia. -Avanzar en la construcción d’un modelo de sociedat que promueva la chusticia, la igualdat, la cooperación e la solidaridat, superando la hechemonía cultural dominant, asinas como neutralizar la menaza d’o faixismo, como zaguer reacción d’as elites d’o sistema capitalista. Deconstruir la sociedat patriarcal. -Emparo d’a Educación Publica aragonesa, desenrollando lo suyo marco competencial e la suya dotación de recursos. Treballar per una educación publica an que la comunidat educativa d’o nuestro territorio tienga lo mayor peso en la organización e disenyo d’a ensinyanza. D’a mesma traza asegurar lo cumplimento d’a competencia autonomica en materia educativa, devant invasions competencials estatals e asegurando en futuras reformas legals que se i respetará lo principio d’autonomía e serán las institucions aragonesas las encargadas de disenyar e meter en marcha la educación publica aragonesa. -Programas continaus en lo tiempo de sensibilización e permeabilización en valors (medioam- bient, muller, homofobia, racismo, maltrato animal, orientación sexual e condición de chenero). 3 -Cooficialidat d’as tres lenguas propias d’Aragón (aragonés, catalán e castellano) e empentar- las como lenguas vehiculars en totz es ambitos publicos. Compromís d’incluyir la cuestión lingüistica en l’achenda politica estatal e la dinamización parlamentaria, fendo visteras las nuestras problematicas e la necesidat de que se cumplan es dreitos lingüisticos d’a nuestra población. Compromís pa explotar medidas e recursos economicos que permitan salvar l’aragonés como lengua més menazada d’Europa. 5. Aragón, Duenyo d’o suyo Destino. La vinient lechislatura va a conoixer, posiblement, un cambio profundo en la estructura territorial d’o Estau. En iste sentiu, mos comprometemos a que, de forma contraria a lo que ha pasau dende 1978 con la suya no inclusión en la vía rapida enta l’autonomía, Aragón prenga lo puesto que se mereix en plano d’igualdat con la resta de pueblos d’o Estau. Aragón ha d’estar reconoixiu como sucheto politico, achente decisorio d’o suyo futuro e d’os dreitos colectivos que le permitan definir lo suyo modelo politico, economico e institucional en función d’a suya voluntat e necesidatz. -Un modelo de financiación diferent a l’actual, muito més chusto pa los e las aragonesas. Mien- tres la lechislatura se fará un modelo pa l’Hacienda aragonesa en lo marco d’una hacienda federal e d’una reforma d’o modelo de financiación territorial. Ixe modelo s’atendrá a es principios de suficiencia, autonomía, solidaridat interterritorial e lealtat institucional. -Resulta necesario que s’encomience a cumplir las relacions de bilateralidat Aragón-Estau con- templadas en lo nuestro Estatuto, reforzando lo carácter vinculant e echecutivo d’es suyos alcuerdos. Asimismo s’empentará lo desenrollo competencial e la consolidación administrativa. Aplicación e desenrollo d’o Estatuto d’Autonomía actualment deixau aladiau en bel aspecto, mientres se redefine lo modelo territorial e lo papel d’Aragón en ixe modelo, incluyendo-ie lo suyo reconoiximiento como nacionalidat historica. -Reclamar lo pago d’a deuda historica d’o Estau con Aragón, tal e como las institucions e la ciudadanía aragonesa siempre ha demandau pa acabar con la suya discriminación. -Inicio d’un cambio constitucional an que Aragón, a lo mesmo nivel que atros pueblos d’o Es- tau, pueda tener un encaxe constitucional como sucheto politico propio. Sin renunciar a denguno d’os dreitos que, en virtut d’a suya historia, le puedan corresponder a lo pueblo aragonés, tal e como queda explicitau en la Disposición Adicional Tercera d’o Estatuto d’Autonomía d’Aragón. 6. Preservar lo nuestro medio ambient, aturar lo desenrollismo. La crisis que sufrimos a escala global no ye només economica u social; ye tamién un desafío a nivel ambiental, que mos plantea que cal someter a debat social l’actual modelo economico e las suyas implicacions concretas en Aragón, qu’en incluye los entibos, lo modelo d’explotación agropecuaria, la enerchía u lo transporte entre atros. -Moratoria en infraestructuras e ampliación de nucleos urbans con custionamiento socio-am- biental: Yesa, Mularroya, Bergantes, Biscarrués, ampliación de Cerler, unión de Formigal e Candanchú. -Avanzar enta una etica d’a vida e lo rispeto per los animals, oblidando totas las formas de su- frimiento superfluo. 4 -Protección e mantenimento d’o patrimonio cultural, natural e historico tanto material como inmaterial. 7. Transparencia e Recheneración Democratica. -Institucions servindo a la ciudadanía, implementando mesuras de participación. Explorar modelos que mos acerquen china chana a l’obchetivo que las decisions més importants caldrán estar presas per la chent. -Compromís d’os cargos politicos a desfender lo dreito a decidir d’os pueblos, como dreito democratico basico. Acuerdo en campanya Compartimos lo convencimento que lo cambio politico no només arribará dende un relato e una construcción d’imachinarios a nivel estatal. Per contra, la presencia d’as reivindicacions territorials -u la valor d’a unidat, mesmo l’aporte d’es puestos municipalistas- van a sumar a la hora de construir ixa marea per lo cambio que li caldrá emplir las urnas lo 26 de chunyo. En ixa clau, mientres la campanya femos un apueste per: -Meter de relieve las propuestas programaticas e politicas comuns e més vinculadas con Aragón. -Potenciar l’uso d’as lenguas propias d’Aragón, l’aragonés e lo catalán, en la comunicación politica. -Fer visteros los espacios e plataformas politicas de carácter aragonesista que emparen la candidatura d’Unidas Podemos en Aragón. -Fomentar la presencia publica de candidatos que puedan potenciar los tres puntos anteriors en l’actividat d’a campanya. Addenda Lo present acuerdo bilateral podrá estar integrau, per medio d’acuerdo entre las partes, en acuerdos politicos multilaterals con atros espacios e organizacions politicas de l’ambito aragonés u inferior. Zaragoza, a 8 de junio de 2016 Puyalón de Cuchas Podemos 5