os dez puntos da union de pobo galego
Anuncio
TRADUCCIÓN AL ASTURIANU D’ asturiesdixebra.wordpress.com Presentámosvos una nueva torna al asturianu, nesti casu d’un documentu hestóricu del nacionalismu revolucionariu gallegu: los diez puntos de la UPG. Como podréis ver, pesie a les décades trescurríes dende la so espublización, entá son munches les visiones y plantegamientos vixentes. De la mesma mena, tamién hai cuestiones que quedaron obsoletes: una d’elles ye’l reconocimientu esplícitu de namái “Euskadi” y “Catalunya”, como suxetos políticos diferenciaos d’España, xunto a la propia Galiza. Ensin más, dexámosvos con esti documentu, qu’al consideralu d’interés formativu, presentamos nuna de les llingües d’Asturies. PUXA ASTURIES LLIBRE VIVA GALIZA CEIVE OS DEZ PUNTOS DA UNION DO POBO GALEGO 1- Galiza ye una nación, y como tal tien drechu al so autodetermín. 2- El pueblu gallegu, exercerá’l poder en Galiza. 3- Los medios de producción, distribución y créditu pertenecen al pueblu. 4- La colectivización del agro principiará con una etapa cooperativa, como fase previa a formes más desarrollaes de socialización. 5- La pequeña empresa ya industria artesano sedrán concentraes n’unidaes productives superiores. 6- La gran empresa capitalista sedrá socializada darréu. 7- La organización alministrativa del rural gallegu tendrá por noyu les agrupaciones Comarques. El tipu Parroquia, territoriu urbanu que va van tar integrase alministráu nes polos Conceyos, compuestos por Distritos. 8- La educación tará al serviciu del pueblu. 9- L’idioma oficial de Galiza sedrá’l gallegu, d’enseñu obligatoriu. 10- La lliberación nacional gallega nun refuga’l venceyamientu federativu de Galiza a los demás pueblos de la Península. 1. GALIZA YE UNA NACIONALIDÁ, Y COMO TAL TIEN DRECHU AL SO AUTODETERMÍN. La UPG ye’l partíu nacionalista de Galiza y, polo tanto, sigue la doctrina de CASTELAO en “Sempre en Galiza”. Dicimos que Galiza ye una nacionalidá porque nella tán cumplíes toles condiciones esixíes pa qu’una comunidá d’homes forme una nacionalidá. Somos una unidá étnica, llingüística, cultural, xeográfica, económica. Somos, polo tanto, una “nación” o “nacionalidá”. De toes formes, nun constituyimos un “estáu”. Una nación puede tar dixebrada en dos estaos (Vietnam, Corea, Alemaña), o pol contrariu, un estáu puede tar integráu por varies naciones reconocíes (URSS, Yugoslavia). El casu de Galiza ye’l d’una nación amestada (históricamente pela fuercia), a un estáu llamáu España, que nun reconoz la so esistencia y exerce un imperialismu y un colonialismu secular, al tiempu que lo fae escontra Euskadi o Catalunya. Nós nun pretendemos nin queremos que Galiza seya una nación. Galiza yá ye una nación. Namái queremos dá-y a Galiza el nome que-y correspuende en bona lóxica. Amás, queremos que Galiza exerza’l drechu que-y correspuende a toa nación nuna democracia bonal: el drechu d’autodetermín de los pueblos. La meyor y más sensata definición de nacionalidá foi la fecha por Stalin (Escritos sobre la cuestión nacional). Pal cabezaleru y autor soviéticu, un grupu humanu ye nación cuando se cumplen les vinientes condiciones: tener idioma y territoriu propios, economía de calter diferenciáu, y unos vezos psicolóxicos particulares, espeyaos nuna comunidá de cultura. Nós tamos seguros de que Galiza tien idioma y territoriu propios, unes necesidaes económiques distintes al restu del mundu (debío a que constituyimos una rexón socioeconómica perclara); y, ensin dubia, tenemos una psicoloxía, una manera propia de comportanos, de forma que cualquier persona non galega decátase de la esistencia d’un “carácter”, d’una “manera de ser” galega, que contrasta dafechu col restu de les d’España. Esta psicoloxía especial foi quien a producir una cultura orixinal y una riquísima lliteratura. Poro, somos una nación. Ye por ello que la UPG nun ye rexonalista. La “rexón” ye anguaño un conceutu estrictamente económicu o bien xeoeconómicu. La xeografía y la teoría del desendolcu rexonal empleguen davezu esti términu. Una rexón ye una unidá xeoeconómica dientro de la que les semeyances son mayores que les diferencia coles realidaes d’alredor. La rexón galaico-duriense (Galiza y el norte de Portugal) ye una amuesa clara de “rexón”. El Valle del Guadalquivir constitúi una rexón. Catalunya ta dixebrada en dos rexones (la Costero-Catalana y el Valle del Ebru). Independientemente del factor rexonal, ye evidente que la nacionalidá gallega emplega los recursos d’una parte (el norte del Miño) de la rexón galaico-duriense; que’l Valle del Guadalquivir – rexón perfeuta- nun ye una nacionalidá, y que Catalunya, sicasí, sí que lo ye, pesie a tar separtada la so vida económica en dos rexones (o en cuatro, si cuntamos la fastera pirinaica y la fastera industrial de Barcelona). Poro, nós nun podemos ser rexonalistes. El rexonalismu y les teoríes del desendolcu rexonal pueden empobinar –como medíes tecnocrátiques o lliberales- a facer una descentralización que favoreza l’espoxigue nueu y armónicu del capitalismu en tola estensión del actual Estáu español. Pero la UPG (amás de ser una fuercia enemiga de la tecnocracia, el neolliberalismu, y el capitalismu), nun se contenta con que l’alministración d’España se descentralice, o la economía española se rexonalice. La UPG declara que les aspiraciones de Galiza namái van cumplise cuando ‘l nuesu pueblu escueya llibremente’l so destín y, d’escoyer la federación con otros pueblos de l’actual España y Portugal, namái va facelo mediante una federación llibremente apautada por caúna de les partes: Galiza, Euskadi, Portugal, Païssos Catalans, y Castiella. La base xurídica de la nuesa postura ta nel drechu al llibre autodetermín de los pueblos, afitáu nel drechu internacional y na Carta de les Naciones Xuníes. Si Galiza ye una nacionalidá, tien drechu a escoyer el so destín: xunta, o separtada, el casu que seya más afayaízu. Sicasí, la UPG nagua por que nel futuru Galiza tea xunía a les restantes nacionalidaes Peninsulares y Europées, siempres qu’esa Xunión Europea tea constituyía como democracia popular –la única qu’aceptamos- nacionalistes y baxo revolucionarios les señes refugamos del el socialismu. patriotismu Como burgués español, y el patriotismu europeísta. Nós queremos una Europa socialista y demo-popular, enfotada n’emburriar la revolución nos países oprimíos de tol mundu, y favorecer el progresu de tolos pueblos, y l’alderique con toles cultures. El nuesu programa nun ye una síntesis de nacionalismu y socialismu. Somos nacionalistes porque somos revolucionarios. El nuesu socialismu comporta’l nacionalismu. Pero, pel contrariu, debío al contestu especial de la nación gallega, el nuesu nacionalismu namái ye posible como socialismu. Ye por ello que tamos colos pueblos que lluchen pola lliberación en tol mundu. L’internacionalismu proletariu ye un principiu fundamental del nuesu nacionalismu, y condergamos a los que, invocando’l marxismu, traicionen acaldía l’internacionalismu. Basando’l so nacionalismu nos intereses revolucionarios de les clases trabayadores de Galiza, el coral de la UPG (y si tuviere poder abondu, el so brazu) ta colos campesinos y obreros de tol mundu. El nuesu nacionalismu ye heriede del vieyu y gloriosu Partido Galeguista. Pero tenemos abondes razones pa tentar separtanos de la so llinia idealista y burguesa. La razón principal ye que los que caltienen les carauterístiques nacionales con pureza nun son los burgueses gallegos, sinon los proletarios, los campesinos, y los marineros de Galiza. A diferencia d’otres nacionalidaes somorguiaes al centralismu castellán, Galiza carauterízase porque la burguesía arrenunció a caltener les carauterístiques nacionales. Amás, esta burguesía ye, en munchos casos, d’orixe foriato. Pel contrariu, el duru y sufríu pueblu gallegu sigue fiel a la so tierra y la so nacionalidá. Por estes razones, el pueblu gallegu nun respondió con rapidez y enfotu al antiguu nacionalismu galleguista: porque yera un nacionalismu burgués. El pueblu gallegu nun ye galleguista na midía en que’l galleguismu nun ye popular, esto ye, revolucionariu y socialista. Ye por ello que los actuales galleguistes burgueses algamen un vagu rexonalismu que l’antiguu Partido Galeguista y Castelao teníen ampliamente refugáu. Les sos aspiraciones nun pueden dir mui lloñe, porque nun tienen el sofitu de la so propia clas –la burguesía- y saben qu’una fuerte politización y movilización del pueblu gallegu finaría colos sos privilexos. Solo’l nacionalismu de la UPG ye posible en Galiza, porque ye’l nacionalismu revolucionariu, el nacionalismu de los trabayadores, el nacionalismu de les mases populares. 2- EL PUEBLU EXERCERÁ’L PODER EN GALIZA. Aspiramos a que’l poder seya exercíu en Galiza polos sos estamentos sociales de base: proletarios, campesinos, y marineros. Sabemos qu’esti “poder de los trabayadores” tará sofitáu y responsabilizáu polos meyores intelectuales y técnicos del país y, tamién, por un importante sector de pequeños propietarios. Pero les nueses mases, les que llevarán dalgún día’l pesu del poder, son les obreres de les villes, les campesines de les aldees, y les marineres del llitoral. Esto ye, el 90% de la población de Galiza. La UPG ta al serviciu de los sos intereses, y por eso ye una fuercia marxista d’esquierdes. La UPG ta enfotada, poro, nuna llucha nel que la fin ye que’l poder tea exercíu pol pueblu. Nel apartáu anterior, declarámonos nacionalistes. Agora toca esclariar que’l nuesu nacionalismu enxamás nos llevaría a aceptar una Galiza nacional pola so forma, pero burguesa pola so estructura. Nós queremos que Galiza seya una democracia popular, entendiendo por tal, un país gobernáu pol pueblu, y non pola burguesía, como pasa nes democracies lliberales… Tamos con Carlos Marx cuando diz que l’estáu ye siempres una ferramienta d’opresión d’una clase sobre otra. Les llamaes democracies lliberales son un instrumentu d’opresión nes manes de la clase burguesa sobre los trabayadores. Ye por ello que nós queremos afitar en Galiza una democracia popular que seya un instrumentu d’opresión de les clases trabayadores sobre la clase burguesa. Pensamos que namái asina podemos algamar una Galiza non separtada en clases. Pa llograr un país ensin clases, l’únicu camín a siguir ye facer desapaecer a la clas condergada pola hestoria al so desaniciu: la burguesía. Tou estáu ye una dictadura, un órganu que llenda la llibertá humana, un instrumentu alienante que, nuna etapa futura, tendrá qu’eliminar la humanidá. Pero, demientres, tenemos qu’emplegar l’estáu pa destruyir a los nuesos enemigos: la clase capitalista. Trabayamos, poro, por una Galiza dueña del so estáu, ye dicir, por un estáu gallegu propiu de los trabayadores… La UPG considera que la democracia popular que s’afite en Galiza, tendrá qu’emplegar dos métodos. Como dixo Mao Tse-Tung de la so dictadura popular democrática: “Colos enemigos, emplégase la dictadura, esto ye, nun se-yos permite, pol periodu que seya necesariu, tomar parte n’actividaes polítiques, y obligálos a obedecer les lleis del Gobiernu Popular, a trabayar y tresformase, col trabayu, en xente nuevo. Col pueblu, pela contra, emplégase la democracia y non la coacción; esto ye, se-yos permite participar nes actividaes polítiques y nun se-yos obliga a facer esto o aquello, sinon que se-yos educa y persuade por medios democráticos”. Fálase equí d’enemigos escontra los qu’hai qu’empobinar la dictadura. Estos enemigos son los capitalistes, y tola xente d’ideoloxía facista o anti-socialista. El pueblu considerará a esta minoría de la nuesa población como enemigos del orde público. De la mesma forma que l’estáu persigue y torga de los sos drechos cívicos a los lladrones, traficantes de drogues, esplotadores de muyeres, asesinos, etc, tamién va facelo col que faiga actividaes que vayan contra los intereses del pueblu, ye dicir: del 90% de la población. Pero la fuercia y la violencia, factores non democráticos, tendrán de ser emplegaos pol pueblu nel intre del asaltu al poder burgués. Nin l’imperialismu USA, nin la reacción española, permitirán enxamás que Galiza pase al socialismu pela vía pacífica. Ye por ello que la UPG considera que la fuercia y la violencia tienen d’exercese pa poder afitar nel nuesu pais el futuru rellumante del socialismu. Y, una vegada ocupáu’l poder pol pueblu, la violencia tamién podrá exercese contra les fuercies esteriores a Galiza, que nagüen por destruyir el socialismu pela vía imperialista y agresiva. escontra Tal asina ta anguaño’l mundu, la griesca l’imperialismu mundial tien de ser cosa de los revolucionarios de tol mundu, como bien señaló Ché Guevara na so comunicación a la Tricontinental. Ye por ello qu’una vegada ocupáu’l poder, la nuesa fuercia y la nuesa violencia podrán exercese tamién fuera de les nueses llendes, en defensa d’otros pueblos que tean na llucha pola so lliberación,¡. Pero yá qu’afitemos que’l nuesu futuru sistema sedría la democracia popular, vamos precisar dalgunes condiciones que la UPG esixe a tal situación: 1) El gobiernu sedrá exercíu pol partíu de los trabayadores de galiza: la UPG. Esto nun quier dicir que la Unión do Pobo Galego nun puea xunise o federase con otros partíos esquierdistes que nagüen pola tresformación revolucionaria de la nuesa realidá. En cuantes a los burgueses, van esfrutar del drechu a l’asociación y la llibertá d’espresión, pero sedrán desposeyíos de les sos riqueces y los sos medios de producción. Nesti sen, les confesiones relixoses sedrán tamién desposeyíes de les sos riqueces y los sos ministros tendrán les obligaciones de cualquier ciudadanu, anque podrán facer cualquier clas d’actos de cultu, y l’estáu apurrirá, a petición, l’usu de les ilesies, y podrán enseñar a los fíos de los creyentes que quieran, les sos doctrines respectives. 2) El Gobiernu del Pueblu puxará por echar a andar un sistema de pedagoxía política que-y permita al ciudadanu conocer la ideoloxía y los matices y direiciones diverses de la revolución, les cuestiones esenciales de la economía y el mecanismu del aparatu d’estáu. Esta complexa politización popular tendrá como órganos los círculos d’alderique llibre que van afitase en cada unidá productiva (estaya de fábrica, barcu, parroquia rural, cooperativa, comuña, facultá…). Esto va convertir a Galiza nuna gran ágora llibre y democrática. 3) El pueblu tendrá’l control direutu sobre l’aparatu represivu d’Estáu (exércitu, policía). Como nós pensamos que, a la fin, el socialismu namái puede afitase al traviés d’una llucha armada de lliberación, l’exércitu sedrá un organismu popular ñacíu d’esa mesma llucha. La democracia interna del exércitu del pueblu ye dalgo imprescindible. Poro, el gobiernu y les mases controlarán los sos xefes especializaos, faciendo un constante trabayu políticu nel sen de cada unidá. Terminamos diciendo que la democracia –el gobiernu del pueblu- nun puede cristalizar nuna institución determinada, sinon que tien de ser un métodu dinámicu y progresivu. Lloñe de construyir un sistema establecíu, la democracia ye un procesu. Ye por ello que la UPG proclama la necesidá d’una participación cada vegada mayor de les mases nel llabor de gobiernu, basada nun sistema pedagóxicu empobináu a la creciente participación popular y la creciente consciencia hestórica del pueblu. El final d’esti vastu procesu sedrá la supresión de la democracia porque’l mesmu estáu políticu tará desapaecíu. Esto va pasar cuando en tol mundu triunfe’l socialismu y la democracia tal y como nós l’atalantamos. Pero enantes de too esto, el pueblu exercerá’l poder en Galiza al traviés de la democracia popular, y afitará un sistema socialista de producción. 3- LOS MEDIOS DE PRODUCCIÓN, DISTRIBUCIÓN Y CRÉDITU PERTENECEN AL PUEBLU. La UPG llucha pol sistema socialista. Ye la fuercia que quier que’l pueblu algame lo que ye suyo. La propiedá de los medios de producción, distribución y créditu tán anguaño nes manes de la burguesía gallega, o de los imperialistes non gallegos que traten a Galiza como una colonia. La democracia popular sedría una ilusión si’l poder políticu y militar nun tuviere xuníu al económicu. La UPG ye, polo tanto, socialista ya identifica la democracia popular col socialismu. El socialismu de la UPG tien por finxu suprimir el trabayu alienáu, que ye consecuencia de, o identifícase con, la propiedá privao de los medios de producción. O lo que ye lo mesmo: la UPG niega’l drechu a mercar el trabayu ayenu. Les reivindicaciones socialistes de la UPG nun van satisfacese coles ameyores de salarios nin de les condiciones de vida del pueblu (tal como les concibe’l capitalismu en toles sos formes: como posibilidá de consumu). Pela contra, la UPG cuida que’l trabayu asalariáu ye un xeitu d’esclavitú y que, mientres esista, nun ye posible’l desarrollu llibre y normal de la personalidá humana. Pa que’l trabayu llegue a ser trabayu lliberáu ye precisu un llargu procesu de tresformación de la economía y de la totalidá de la vida humana, cola condición inescusable de que los medios de producción tean controlaos pol pueblu. 4. LA COLECTIVIZACIÓN DEL AGRO PRINCIPIARÁ CON UNA ETAPA COOPERATIVA COMO FASE PREVIA A FORMES MÁS DESARROLLAES DE SOCIALIZACIÓN. Galiza ye un país agrícola, y la mayoría la población ta formao por pequeños campesinos cuyes condiciones de vida na mayoría los casos son piores que les de los proletarios. La UPG concentra la so atención, especialmente, nel problema del minifundiu, y quier –como condición más importante pa facer la revolución en Galiza- espertar a los campesinos gallegos del so lletargu económicu, políticu y cultural. El pequeñu campesín ye’l núcleu de la población gallego, y la so movilización sedrá la base del futuru socialismu. En cuantes a los pequeños campesinos, la postura de la UPG esprésase nos vinientes puntos: 1) Na midía en que nun esploten el trabayu ayenu, l’estáu socialista nun debe dir pel nueu nazismu européu. Queremos ser el pior enemigu del europeísmu nazi y espropiar los sos bienes de producción. Tampoco podemos obligalos a colectivizase pela fuercia. 2) L’estáu socialista tien qu’apoyase nellos igual que nos obreros. Esto ye tan fundamental cuanto mayor ye la participación d’estos pequeños propietarios na composición de la población del país. 3) La forma de producción d’estes clases ye poco rentable y, pola so condición económica, nun tán capacitaos pa introducir nes sos esplotaciones los avances de la técnica, qu’esixen grandes inversiones y una división técnica del trabayu. Esto ye, convertiríense n’empreses de tamañu mediu. 4) L’estáu socialista tien de facilitar a estos sectores los medios pa que meyoren el so mou de producción. 5) La meyora de producción tien como consecuencia inmediata la colectivización, si se caltién el principiu de non apropiación del trabayu ayenu. 6) L’estáu socialista tien la misión de convencer a los pequeños propietarios rurales de les ventaxes de la colectivización, y de facilitá-yos los medios pa facela de xeitu progresivu y en beneficiu, non namái d’estos seutores, sinon tamién del conxuntu de la población. 7) La formación de cooperatives de producción y de comercialización ye, polo tanto, el pasu inicialmente necesariu pa estos sectores. Por mor de la situación percomplicada del campu gallegu, carauterizada pol so minifundiu miserable, la falta de maquinaria, cuchos y cultivos racionales (que nun pueden ser utilizaos dafechu ensin la previa ordenación n’unidaes superiores) y la tendencia del campesín a la economía en circuitu zarráu, la colectivización ye la xera más urxente de cualquier sistema que tea daqué esmolecíu polos campesinos. La reforma más moderada posible ye la cooperativización de los pequeños propietarios. La cooperativización sedrá, polo tanto, la base operativa del programa agrariu de la UPG. Esto nun quier dicir que se tea qu’obligar pela fuercia a los campesinos a formar cooperatives. Nós camentamos que nun van oponese a tal midía. Cuidamos, pela contra, que’l llamáu “espíritu rutinariu” y la llamada “desconfianza” del campesín son actitúes mui lóxiques, basaes nun abandonu y nun engañu secular a esti sector básicu de Galiza. El campesín, llegáu’l momentu, sabrá separtar lo que-y convién y el so “espíritu reaccionariu” nun ye de ningún mou tan grande como’l de los que s’apoyen nesti tópicu gafu pa evitar el comunismu campesín. Teniendo, amás, a la escontra que la solución tradicional a la miseria del minifundista ye la emigración y la conversión del campesín n’asalariáu de la industria nun país estrañu y nuna actividá económica qu’en principiu desconoz, nun paez imposible nin improbable que los campesinos tean dimpuestos, y l’estáu capacitáu pa dirixilo, les cooperatives de producción van tresformase en cooperatives de trabayu, n’empreses agrícoles estatales. 5- LA PEQUEÑA EMPRESA YA INDUSTRIA ARTESANO SEDRÁN CONCENTRAES N’UNIDAES PRODUCTIVES SUPERIORES. La política de la UPG alrodiu la producción artesano va empobinase polos mesmos principios que pa los pequeños campesinos y los pequeños marineros del “minifundiu de la pesca”. Va tratase, nesi sen, de facer que xorreza’l rendimientu mediante fórmules asociatives que permitan afitar les ventaxes (o parte d’elles) de la producción industrial, ensin convertir estos sectores industriales n’asalariaos, siguiendo, nuna primer etapa, nel marcu de la pequeña propiedá. Esto ye, del cooperativismu. Entiéndase tamién, que la nuesa intención ye llegar (cubriendo toles etapes y con un ritmu afayaízu) la colectivización total de la producción. El camín d’esta colectivización tien de ser distintu pa los sectores artesanos y pa los obreros. Cada estamentu humanu tien les sos característiques y vamos actuar en consecuencia. Per otru llau, la UPG nun considera preciso imponer la colectivización nos sectores pequeño-burgueses de la mesma mena que nos campesinos. Esiste una grave contradicción ente los proletarios y el capitalismu. Nós vamos iguala desposeyendo al capitalismu. Darréu esisten, nel sen del so pueblu, otres contradicciones ante pequeños agricultores, pequeños propietarios marineros, pequeños propietarios artesanos, y el sistema capitalista burgués. La UPG camienta que pa desendolcar la colectivización d’estos sectores hai qu’escomenzar por dos principios férreos. Ún, basáu nel progresu tecnolóxicu, que proclama la necesidá de concentrar les pequeñes industries n’unidaes modernes, grandes y eficaces. Otru, basáu nel socialismu científicu, que ñega’l drechu de los homes a mercar el trabayu d’otros homes. Siguiendo’l primer principiu, l’estáu va a favorecer la xunión d’artesanos en forma cooperativa, respetando la propiedá de les aportaciones individuales. Estes empreses formaes asina, por concentración, tenderán a meyorar la so producción y a alloñar del trabayu a los sos propietarios. Nesi intre, la mano d’obra anicial –constituyía pol artesán, la so familia, y un númberu pequeñu d’oficiales y aprendices- escomenzará a tal formáu dafechu por asalariaos, mientres los antiguos artesanos, pasen a dirixir la empresa y a beneficiase del so rendimientu. Esto ye, l’artesán pasa a ser un burgués qu’abandona’l bancu de la motora, o’l serrón del carpinteru, o’l mostrador de la tienda, por un cómodu sillón nel conseyu d’alministración de la cooperativa. Ye entós cuando, aplicando’l segundu principiu, que ñega’l drechu a mercar el trabayu ayenu, el pueblu, l’estáu, van apropiase de la empresa cooperativa, mientres los artesanos que la constituyen pasen a la categoría de directores técnicos al serviciu del estáu. Ehí vemos cómo la xestión artesano va ser fundamental na construcción de la futura Galiza socialista, y cómo estos sectores son tan importantes pal desendolcu eficaz y armónicu de la nuesa sociedá. Y nun se trata de facer una maniobra d’engañu o una trampa. La UPG, dende siempres, faló claro y siguirá faciéndolo. Los pequeños empresarios y artesanos aceptarán les ventaxes del socialismu y la colectivización porque-yos pruye. Sabrán que desendolcando la función descrita na construcción del socialismu, el so xeitu de trabayu y la so preparación profesional va llevalos a los puestos de direición, mientres que cola actual evolución del desarrollu capitalista, terminaríen siendo absorbíos pola gran empresa, polos monopolios, y finarán fatalmente na proletarización. No más fondo de la psicoloxía artesano nun ta –anque lo paeza- l’enfotu pola propiedá, sinon l’enfotu pola seguridá familiar y la continuidá del trabayu. Esto van atopalo nel socialismu, mientres que la concentración capitalista namái va llevalos a l’anulación como sector y al desaniciu de la so obra personal, ensin les ventaxes qu’ufre la colectivización. Poro, la política de la UPG respecto a la pequeña empresa, ta basada nos vinientes puntos: 1) El facismu ye apoyáu poles clases medies y la pequeña burguesía. Asustaos énte’l proletariáu y el gran capital, estos sectores atopen nel estáu totalitariu la so forma de sobrevivir. Esti ye’l raigañu del actual Estáu español, consecuencia d’una insurrección militar sofitada poles clases medies. 2) Pesie a que’l facismu puede considerase como una fórmula de la clase media, de fechu namái constitúi una alianza d’esta cola alta burguesía, alianza na que tamién el capitalismu algama una forma de subsistencia. Na midía en que’l capitalismu se siente seguru del so poder económicu, tórnase de nueu contra les clases medies y continúa na concentración de capital. Les clases medies nun algamen col facismu, polo tanto, más qu’un aplazamientu. 3) Esta alianza cola oligarquía de los sectores medios puede dase tamién dientro del lliberalismu parllamentariu clásicu. Exemplu típicu: Francia. 4) A la hora de considerar el posicionamientu de los distintos sectores sociales respeuto a los oxetivos revolucionarios, ye preciso tener presente que determinaos grupos nun s’oponen a estos polos oxetivos mesmos, sinon poles dificultaes d’adaptación durante’l periodu de tresformación revolucionario. La política de la pequeña burguesía, y de los sectores medios, ta condicionada pola necesidá de seguridá. Polo tanto, si esa adaptación se facilita y s’ufren garantíes a esos sectores, ye posible camudar el sistema d’aliances a favor del proletariáu. 5) La UPG considera, polo tanto, necesario ufrir garantíes a los seutores medios, asina como destacar delantre d’ellos estes ventaxes que’l concretes pa socialismu realizar la apurre pa toos. orientación Les d’estos fórmules sectores adoptaráse tres un estudiu cuidadosu de les condiciones económiques d’estes clases y de les fuercies productives que los componentes d’elles pueden apurrir dientru del sistema socialista de producción. 6- LA GRAN EMPRESA CAPITALISTA SEDRÁ SOCIALIZADA DARRÉU. Como diximos nel puntu 5, la UPG caltién el principiu de la supresión del drechu a mercar el trabayu ayenu. Como la gran empresa capitalista furrula sobre la base de qu’unos pocos homes –los burgueses- merquen el trabayu d’una masa d’homes –los propietarios-, la UPG declara la necesidá de socializar esta forma de producción pa suprimir la esplotación del home pol home. La industria, como la mar, como la tierra y como l’aire, tien que ser de toos. Lo dicho nun quier dicir que’l nuesu programa s’ameste a una determinada fórmula d’economía socialista. Pel contrariu, la UPG dexa indetermináu’l xeitu d’organizar la economía. Nós nun queremos manifestanos dogmáticamente sobre esti puntu, enantes de que la revolución popular triunfe na nuesa tierra y enantes de que la nuesa realidá seya estudiada dafechu dientro d’un criteriu técnicu- económicu. Nós nun queremos poner el carru delantre los gües. Esto ye, queremos proceder con métodu marxista. Primero, analizar la realidá socioeconómica de la nuesa fastera, y facer la revolución. Depués, decidir qué fórmula de direición socialista correspuende a Galiza. Anguaño aceptamos como posibilidaes, dende’l sistema d’autoxestión o de planificación estatal, asina como toles combinaciones posibles. Anque la nuesa preferencia tea más bien delláu d’un sistema que tenga como noyu la planificación total. Lo que sí afitamos ye que la fórmula escoyía a la fin, tendrá qu’obedecer a los vinientes puntos: 1) La propiedá coleutiva de los medios de producción. Esti ye’l principiu básicu según el que la propiedá capitalista sedrá esaniciada radicalmente. 2) Racionalización democrática de la producción. La revolución que queremos facer apunta a dos oxetivos. Ún, ideolóxicu, que consiste na abolición de la propiedá privada de los medios de producción, y que ta espresáu nel puntu anterior. Otru, de progresu económicu, consistente nuna multiplicación de la bayura industrial, nun desendolcu industrial al tiempu qu’una racionalización y una ameyora de les industries esistentes. Esti desendolcu y esta racionalización van executase al traviés d’una amplia participación de la base de tol país, nuna mena de xestión non namái técnica, sinon tamién democrática. De la mesma manera que dexamos ensin determinar el sistema de direición económica, tamién nos reservamos fasta l’intre en que les circunstancies revolucionaries tean más avanzaes, l’órganu de poder públicu (parroquial, conceyil, comarcal, nacional o federativu), del que va depender alministrativamente cada tipu d’empresa. La socialización inmediata nun quier dicir que l’estáu tenga qu’asumir la direición de les empreses enantes de que tea capacitáu pa facelo. Depués d’un asaltu revolucionariu a los mandos d’un país, ye fácil atopar nos asaltantes grandes llíderes de mases, grandes políticos, grandes intelectuales, grandes trabayadores del partíu revolucionariu. Lo difícil ye atopar eficaces ya intelixentes direutores d’empresa, porque –por fuercia- la mayor parte d’esos homes tán na redolada burguesa. Tenemos que tar bien sollertes, polo tanto, de que la producción nun apare nel intre de la toma del poder pol pueblu. Poro, el procesu de socialización sedrá como vien darréu: 1) El capital sedrá inmediatamente espropiáu ensin indemnización. 2) Los xerentes de les empreses (o propietarios-xerentes) y tol personal direutivu siguirán nos sos puestos en conceptu de funcionarios del estáu y, como tales, sedrán responsables del caltenimientu de la producción. 3) El gobiernu y la UPG van apurrir la formación acelerao de cuadros direutivos d’ideoloxía y militancia marxista. 4) Nos casos nos que por incapacidá o por razones de responsabilizaes sociales o polítiques, dalgún de los antiguos xerentes tea que ser sustituyíu, podrá nomase pa esi puestu dalgún otru antiguu direutivu, en casu de nun haber cuadros socialistes disponibles. 5) Estes empreses furrularán el tiempu que seya afayaízu, pol sistema d’autofinanciación. Tamién podrá almitise nesti periodu de transición una participación de los direutivos y de tol personal nos beneficios de les empreses. 6) El Gobiernu del Pueblu organizará un procedimientu de control de la producción lo más rápido posible. Igualmente, la introducción de cuadros revolucionarios na direición,sedrá lo más rápida posible. 7) Cada empresa sedrá fiscalizada dende’l primer momentu por un Comisariu del Pueblu, representante nella del Gobiernu Popular; asistíu por un Conseyu de Trabayadores escoyíos por sufraxu de los sos compañeros. 8) Nel intre nel qu’esto seya realizable ténicamente, la producción industrial sedrá reorganizada alcordies a la fórmula socialista escoyía pol pueblu. 9) Cuando se faiga la reestructuración socialista de la producción industrial, y seya cual seya’l sistema de xestión escoyíu, los antiguos xerentes y direutivos podrán caltenese nos sos puestos o sedrán escoyíos pa otros nuevos, siempres que tean técnicamente preparaos y na midía na qu’amuesen bona dimposición pa contribuyir a la construcción del socialismu en Galiza. 7. LA ORGANIZACIÓN ALMINISTRATIVA DEL AGRO GALLEGU TENDRÁ POR NOYU LES AGRUPACIONES TIPU PARROQUIA, QUE VAN INTEGRASE NES COMARQUES. EL TERRITORIU URBANU SEDRÁ ALMINISTRÁU POLOS CONCEYOS, COMPUESTOS POR DISTRITOS. El sistema alministrativu gallegu d’anguaño nun se correspuende en nada cola realidá del país. Galiza, dende’l puntu de vista alministrativu, nun tien esistencia. Esisten cuatro provincies, ensin venceyos mancomunales, que dependen direutamente del poder centralista. La provincia de Lleón y de Lugo, tán tan rellacionaes alministrativamente como ésta y A Coruña. La imitación de la división departamental francesa sirve a los imperialistes españoles como gran arma pa desdibuxar la nuesa realidá nacional. Estes provincies tán dixebraes, en cuantes a l’alministración llocal, en “municipios”. El “municipio”, yá se sabe, ye una entidá que se correspuende cola realidá castellana, onde hai grandes pueblos concentraos. Pero en Galiza, onde la población ta separtada en gran midía, la entidá natural ye la “parroquia”. Nel nuesu país, el “municipio” namái s’adapta a la realidá de les grandes villes. La UPG considera que la supresión de les cuatro provincies gallegues ye’l primer pasu a dar de cara a una real organización alministrativa de la nuesa nacionalidá. Esta operación fadríase en delles etapes mediante la fusión de les actuales Diputaciones, servicios, xefatures y delegaciones d’ámbitu provinciales, gallegu. Nun ye nos agora correspondientes l’intre de organismos llexislar nel tema alministrativu. Esto fadráse nel so día. Lo que pruye anguaño ye decidir les llinies principales d’una adaptación del sistema alministrativu a la realidá socioeconómica gallega. Otru pasu sedría nel tarrén de la división interior de Galiza. Suprimíes les provincies, habría qu’estudiar –sobre la realidá- una dixebra en comarques. Galiza taría, poro, separtada n’unidaes como les comarques (Valadouro, Terra Cha, Baixo Miño, Ribeiro, Bergantiños…) que comprenderán tol so territoriu rural. Cada comarca taría formada por una xuntanza de parroquies. Les parroquies, como dixo Castelao, tienen de ser la “célula vital de la organización campesina”, baxo la presidencia d’un conseyu escoyíu polos vecinos, asistíu pola asamblea de tolos vecinos mayores d’edá que, en conceyu abiertu, tomarán les decisiones. L’estáu va apurrir a la parroquia l’asistencia técnica precisa y la UPG tentaría constituyir célules a nivel parroquial qu’ameyoraría’l trabayu políticu y orientaría a la mayoría. Nes villes grandes y pequeñes, l’organismu llocal tendrá que ser el conceyu o municipiu, col so alcalde al frente y la so cámara conceyil, formada polos conceyales escoyíos por tol pueblu. Naguamos por mayor autonomía conceyil. Debío al gran desarrollu de les nueses grandes villes, los recursos municipales d’anguaño nun son abondos pa una urbanización y pa una racionalización afayaíza. Ye por ello que la política urbana de la UPG consistirá en dos pasos fundamentales: 1) Una Llei de Reforma Urbana, asemeyada a la de Cuba, que regule l’amortización de les viviendes ocupaes mediante’l capital satisfechu al propietariu en conceptu d’alquiler, de xeitu que, al tener dao al dueñu el preciu de costu y un beneficiu prudencial, la vivienda pasa al poder del inquilín. La nueva construcción sedrá esclusivamente estatal. Asina quedará iguáu’l problema del agospiu. 2) El suelu de la villa sedrá nacionalizáu, y l’estáu cederá’l so usu al conceyu. Pensamos qu’asina podrá desendolcase un plan d’ordenación urbano y plantegar una ciudá a midía del home y non a midía del especulador. El territoriu conceyil tará compuestu por distritos, autónomos. Igualmente tendrán autonomía, dependiendo del conceyu, les parroquies rurales que lu arrodien. En cuantes a la parroquia, conceyu y comarca, la UPG considérase continuadora del programa del desapaecíu Partido Galeguista, que diz: “3º Plena autonomía conceyil, reconociendo la personalidá alministrativa de la parroquia rural y de la comarca, con drechu a l’alministración de los sos propios intereses”. De la mesma mena, l’estatutu sofitáu pol pueblu en xunu de 1936 reclama nel Títulu III: “La organización y réxime llocal de Galiza, sobre les bases de reconocimientu de la personalidá xurídica de la parroquia rural y plena autonomía del conceyu; ye la división del territoriu a tolos efeutos”. 8. LA EDUCACIÓN TARÁ AL SERVICIU DEL PUEBLU. La UPG considera qu’una fondera y rápida reforma del enseñu ye ún de los oxetivos que más pruyen nuna revolución socialista, y quiciabes la condición más importante pal so afitamientu. La reforma del enseñu sedrá, por ello, el llabor nel cual del socialismu gallegu pondrá los sos mayores enfotos, amosando intransixencia na so consecución. Nun podemos, nel marcu del presente programa, facer un plantegamientu del enseñu na Galiza nueva, nin muncho menos ellaborar un plan d’estudios. Pero de toes formes, queremos señalar los principios nos que tien, por fuercia, qu’axustase’l futuru sistema educativu, que son trés: 1) L’enseñu sedrá estatal 2) L’enseñu sedrá de baldre 3) L’enseñu sedrá obligatoriu En cuantes al separtáu 1º, manifestámonos intransixentemente enemigos del enseñu priváu. Como empreses capitalistes que son – mazcaraes con falsu barniz d’humanismu docente- los colexos y escueles privaes de toa triba pasarán al poder el estáu y los sos llocales nacionalizaos. Los sos antiguos propietarios, de tar debidamente entitulaos y capacitaos, podrán trabayar nos sos centros llaborales docentes o direutivos en calidá de funcionarios del estáu. Dicir que l’enseñu sedrá de baldre nun tapez l’enorme esfuerciu económicu que l’estáu socialista tendrá que facer dende l’entamu. Pero camentamos que ye una inversión y un esfuerzu necesarios pa llograr el so fin en sí –la educación de tol pueblu- y amás una condición imprescindible pal desarrollu técnicu y económicu. Verdaderamente creyemos que l’enseñu , pa ser total y masivu, tien que ser obligatoriu fasta un gráu equivalente al Bachilleratu superior. La educación ye un bien públicu del que nengún pá de familia puede torgar a los sos fíos. Cualquier neñu gallegu podrá estudiar cualquier especialidá ténica o universitaria pa la que tea capacitáu. El fíu del campesín podrá ser espertu en xenética o cualquier fíu d’inxenieru podrá ser peón si’l so nivel mental nun-y permite otra cosa. Per otru llau, la UPG conderga toa triba de discriminación sexual. Los neños y les neñes, fasta les estayes cimeres, recibirán el mesmu enseñu, nos mesmos centros y nes mesmes aules. El principiu d’igualdá de los drechos del home y de la muyer, van caltenese dende’l primer momentu, y nun se-y dará nengún tipu d’instrucción especial que tienda a especializala en trabayos domésticos. Esperamos con ello que la muyer gallega medre nun clima d’igualdá ya independencia que la llibere de la postración na que tuvieron por mor de los prexuicios patriarcales, los escrúpulos clericales, l’atrasu y la miseria. Dende’l primer enseñu les materies teóriques van alternase coles práutiques, especialmente col deprendizaxe d’un oficiu manual, xera obligatoria pa tola población. Mesmo si Galiza ta amestada nuna federación ibérica o europea, l’estudiu de la economía aplicada a les condiciones de Galiza tendrá un llugar importante nos planes d’enseñu. Va introducise tamién l’estudiu xeneral de la socioloxía, l’agricultura y la sexualidá. El sistema d’enseñu tien de puxar en tolos niveles, pola supresión de la forma actual de división del trabayu, alcordies a los principios y esencies del humanismu marxista. Va procurase una combinación afayaíza énte formación xeneral y especialización, que satisfaga les esixencies del humanismu y les del desendolcu tecnolóxicu. Les enseñances técniques superiores van adaptase a les desixencies de la producción en cada etapa del desarrollu económicu. La Universidá de Compostela sedrá l’organismu máximu de la docencia en Galiza. Podrá caltener facultaes n’otres fasteres del país y, al so alredor, va afitase un Seminariu d’Estudios Gallegos, que va constituyir –íntimamente xuníu al enseñu- un complexu d’institutos d’investigación de caúna de les estayes de la ciencia. El númberu d’investigadores y profesores del Seminariu y de la Universidá sedrá tan ampliu como seya necesario pa la división de los cursos en grupos, como máximu de 10 alumnos, especialmente nes clases práutiques y nos seminarios particulares. Los estudiantes universitarios y téunicos tendrán unos conocimientos xenerales en comuña. Sobre la base d’estos conocimientos xenerales van irguise pirámides d’especialización progresivo. Cada estudiante va ellaborar el so propiu plan d’estudios dientro de ciertes condiciones xenerales. Los estudiantes, corporativamente, tendrán participación na direición de la Universidá y centros téunicos, y más na construcción de los planes xenerales d’estudiu. Los trabayadores del enseñu, en toles sos categoríes, precisen d’un títulu universitariu y siguirán, amás, cursos de pedagoxía y didáutica na Escuela Normal. Pa que-y seya autorizáu l’exerciciu de la docencia van tener qu’acreditar tanto como la sabiduría, la formación y les dotes pedagóxiques. Nuna primer etapa va desendolcase una campaña pal esaniciu del analfabetismu y la formación d’adultos. La divulgación cultural y les Escueles y Universidaes Populares importancia como l’enseñu ordinariu. p’adultos tendrán tanta 9. L’IDIOMA OFICIAL DE GALIZA SEDRÁ’L GALLEGU, D’ENSEÑU OBLIGATORIU. El llinguaxe ye la seña fundamental del home, el que fae posible la sociedá y, polo tanto, lo que fae posible la condición humana. L’idioma ye la característica fundamenal de toles que definen una nacionalidá. L’enseñu primariu tien que dase na llingua materna del neñu, na que fala nel llar, como dicen a les clares tolos pedagogos modernos y la doctrina de la UNESCO. Poro, l’enseñu nes escueles rurales va dase, dende’l primer momentu, en gallegu, pudiendo los neños deprender darréu castellán u otru idioma modernu, como asinatura. Nes escueles onde predominen neños cuya llingua materna seya’l castellán, deprenderán darréu’l gallegu. Queremos que’l gallegu llegue a ser la llingua avezada de tola población gallega, y que tola población gallega conoza tamién el castellán u otra llingua moderna (rusu, inglés, francés, o lo que s’alcuerde nel so día). Los documentos del Estáu Gallegu sedrán redactaos en gallegu. Los documentos de la Federación a la que lleguemos a pertenecer, sedrán tornaos al gallegu pal so emplegu en Galiza. El pueblu trabayador (proletarios, campesinos y marineros) fala gallegu na so inmensa y absoluta mayoría. Les clases medies y la burguesía de Galiza falen l’idioma oficial, el de l’estáu anti-gallegu, y la so fala ye símbolu esterior de la so superioridá social. En consecuencia, esiste un complexu d’inferioridá llingüísticu alrodiu’l gallegu, que vien de les condiciones de vida baxo’l colonialismu y l’imperialismu de Castiella, baxo’l despotismu uniformista borbónicu y baxo’l centralismu burgués: el castellán ye la fala de los señoritos, el gallegu ye la fala de los trabayadores. Pa lliberar al pueblu gallegu de la so esclavitú política y social, hai que lu lliberar d’esti complexu, que ye consecuencia d’aquella esclavitú. Pa escomenzar, tola propaganda de la UPG, partíu de los trabayadores de Galiza, ta redactao en gallegu. El nuesu programa en cuantes al idioma, quier iguar les torgues del pueblu y de la nacionalidá gallega, non crear problemes a la población que nun fala la llingua del país. Poro, nuna primer etapa, el gallegu sedrá cooficial col castellán. 10. LA LLIBERACIÓN NACIONAL GALLEGA NUN REFUGA’L VENCEYAMIENTU FEDERATIVU DE GALIZA COLOS DEMÁS PUEBLOS DE LA PENÍNSULA, D’EUROPA, Y DEL MUNDU. La UPG nun ye separatista. Ye humanista, revolucionaria ya internacionalista. Aspira a la xuntanza de tolos trabayadores del mundu, por riba de les torgues de los estaos, y creye na hermandá y na identidá de toles naciones del mundu. Nesti sen cuidamos que la nuesa lliberación nacional ye, ante too, la recuperación del poder sobre nós mesmos, poder que mos foi quitáu pol imperialismu castellán, pol cesarismu borbónicu, y pol centralismu burgués. Esta lliberación nacional comporta’l drechu a l’autodetermín, como diximos nel puntu 1. Pero la UPG insiste en que, nel momentu d’escoyer el so destín, preferimos una xunión federativa col restu la península ibérica. Esto supón qu’Euskadi y Catalunya se lliberen del centralismu burgués y escueyan la vía de la federación de les naciones ibériques. Supón, igualmente, que Portugal decida tamién xunise a esta federación ibérica. Nós naguamos por ello, y nesa llinia, vamos intentar siempres asitianos coles fuercies progresistes d’Euskadi y Catalunya –hermanos na opresión- pa combatir xuntos al Estáu español que mos oprime. De les ruines d’esi monstruu burgués y racista, que practicó escontra nós siempres el más venenosu apartheid, va surdir la federación ibérica pola que puxamos, la xunión europea socialista pola que naguamos, y la xunión mundial que tendrá qu’aportar. Too ello presupón tamién l’esaniciu y la ruina de la España burguesa. De los órganos llexislativos de la federación, ún polo menos tará integráu por representantes de les nacionalidaes ibériques –o d’una federación más amplia- con total igualdá de drechos, ensin tener en cuenta’l poder de caúna, nin la so población. L’Estáu Gallegu tendrá la soberanía en Galiza, pudiendo trespasar a la federación tantos poderes como seyan necesarios pa la organización de la vida en comuña. De la mesma manera que la federación va poder tresferir poderes a una organización mundial que regule la convivencia de los pueblos dientro la paz, l’apoyu mutuu y el socialismu. En particular, Galiza va tresferir poderes de calter económicu pa facer posible una planificación socialista que, n’interés de toos, emplegue de mena afayaíza les posibilidaes de división del trabayu ente les rexones económiques de la península, d’Europa, o del ámbitu de la federación. Como revolucionarios naguamos pola construcción del socialismu en tol mundu. Almitimos que, transitoriamente, puede dase nuna sola nación. Pero entendemos que cuanto más poblada y económicamente fuerte seya una unidá política socialista, más probabilidaes tien de nun ser esbarrumbada pol imperialismu y el capitalismu. El nuesu enfotu ye, polo tanto, que’l socialismu triunfe en tola península, en toa Europa, y tamos dimpuestos a collaborar con toles fuercies qu’acepten, como principiu, la nuesa lliberación nacional y el socialismu. Los drechos políticos del Estáu Gallegu van corresponder a los ciudadanos gallegos. La midía y la manera na que persones d’otres nacionalidaes ibériques o de cualquier sitiu del mundu residentes en Galiza van poder participar d’esos drechos, va determinase polos trabayadores gallegos.
