120912inicio de curso_ast

COMUNICÁU DE PRENSA - EDUCACIÓN
NOTES SOBRE L’ANICIU DE CURSU N’ASTURIES
SUATEA resume brevemente dellos aspectos que marquen l’aniciu de
cursu n’Asturies:
1.- La conseyería publicó places na primer convocatoria pa profesoráu interín de
les que nun se sabe si van ser convocaes otra vuelta o si yá taben ocupaes nel
momentu de la so publicación.
2.- Nun se publicaron les comisiones de serviciu nin se sabe a quien
s’adxudicaron les places correspondientes.
3.- Permitióse la xuba de ratio na concertada al nun se derogar l’ampliación
autorizada pol gobiernu saliente.
4.- Esmantelóse la rede de Centros de Profesoráu y Recursos (de 7 a 4) y
púnxose ensin concursu previu a los asesores de los que queden: reducción de
37 puestos de trabayu.
5.- Nun se repunxeron places de docentes xubilaos dende 2010 –unes 800
sigún les nuestres estimaciones- y nun se sustituyeron nin por profesoráu
definitivu nin por interín.
6.- La convocatoria de profesoráu interín presentó irregularidaes a la del usu
d’internet y nun permitió solicitar places en papel. La plataforma SAUCE ta
obsoleta y da munchos problemes.
7.- Convocóse en delles especialidaes a mui poques persones de la llista
d’interinos – munches d’eses personas o son yá funcionarias n’otres CCAA o
nesta o por otra especialidá, o sacaron plaza por otra especialidá na mesma
convocatoria- lo que provocó que quedaren places vacantes a les que nun
pudieron acceder quien nun taben convocaos.
8.- Al nun se facer convocatoria la otra selmana pa que’l profesoráu pudiera
incorporarse nesta, miles d’alumnos de tolos niveles van entamar el cursu
ensin profesor tutor o especialista (véanse noticies en medios de comunicación:
nun centru falten tolos tutores d’infantil de 3 años!!!!) pesie a les sides pelegrines
de que “taben estudiándose les demandes” y de que yeren sobreveníes (munches
de les places pendientes son vacantes que yá taben autorizaes dende xunu y
manches otres correspuenden a sustituciones- llicencies por maternidá, llargues
enfermedaes, etc.).
9.- La Conseyería niega a munchos centros la dotación del profesoráu necesariu
p’apoyu, pa sustituyir a los cargos directivos o pa desdobles.
10.- La Conseyería aplicadó’l desendolcu del Decretu Wert lo que supunxo’l
despidu polo menos de 500 interinos. SUATEA presentó, tanto nel Conseyu
Escolar d’Asturies como na Mesa Sectorial, propuestes pa reducir dafechu
SINDICATU UNITARIU Y AUTÓNOMU DE TRABAYADORES DE LA ENSEÑANZA D'ASTURIES
C/ Telesforo Cuevas 2, 1u A dcha. -33005 Uviéu. Tfnu. 985 274 343. Fax. 985 236 464.
E-mail: [email protected] Web: www.suatea.org
COMUNICÁU DE PRENSA - EDUCACIÓN
l’impactu d’eses midides. Nun s’aceptaron les nuestres enmiendes principales y
agora en tolos centros de secundaria ta ampliándose la xornada llaboral y
llectiva del profesoráu de Secundaria, FP, Réxime Especial, etc., aumentando’l
númberu de grupos y d’alumnos y alumnes que cada docente tien d’atender y ello
depués de la reducción salarial a la que los sucesivos gobiernos mos
sometieron…
11.- Eliminóse’l pagu del branu al profesoráu interín qu’ocupa vacante per tol
cursu, como se ve nos contratos firmaos esta selmana pol profesoráu de primaria
y infantil.
12.- Mantúvose la xuba de la ratio nos grupos d’infantil de 3 años de 20 a 25
alumnos y alumnas alcordada pol gobiernu anterior. Munchos grupos d’alumnos
y alumnes n’infantil y primaria xubieron enforma les ratios, xenerando problemes
d’espaciu en dellos centros.
13.- Los programes de beques pa llibros de testu han relucieron el so ámbitu
y va reducise’l númberu de families que van tener derechu a elles. Xunta la xuba
del IVA del material escolar, esto va afectar gravemente a les families más
desfavorecés. Nun hai midides pa paliar esta situación.
Toes estes midides respuenden prácticamente a un intentu de recortar na
educación pública y que seya la comunidá educativa la que pague una crisis
qu’en ningún casu xeneró. SUATEA vuelve a desixir prioridá pa la escuela
pública y fai un llamáu al profesoráu y a la comunidá educativa a participar nes
prósimes movilizaciones anunciaes.
Secretariáu d’Asturies de SUATEA
SINDICATU UNITARIU Y AUTÓNOMU DE TRABAYADORES DE LA ENSEÑANZA D'ASTURIES
C/ Telesforo Cuevas 2, 1u A dcha. -33005 Uviéu. Tfnu. 985 274 343. Fax. 985 236 464.
E-mail: [email protected] Web: www.suatea.org