Code d`etica per las collavuraturas ed ils collavuraturs da la SRG SSR

Code d'etica per las collavuraturas ed ils
collavuraturs da la SRG SSR
Surpigliar responsabladad
Nus surpigliain responsabladad per noss agir e prendain resguard sin ils umans, la societad e l'ambient.
Per la lavur schurnalistica ans orientain nus a las directivas publicisticas.
Nus tractain collavuraturas e collavuraturs, partenaris da fatschenta ed ulteriuras gruppas participadas
cun respect ed a moda loiala. Nagin na dastga vegnir discriminà.
Suandar las normas
I valan las reglas da maniera cumprovadas – ellas procuran per in cumportament conscienzius. Nus
observain las leschas e tut las ulteriuras prescripziuns externas ed internas.
Esser integher
Nus agin integramain. Las finamiras ed ils interess dal service public ans mussan la direcziun. Nus
vesain ed evitain conflicts d'interess, scuvrin els e tschertgain ina soluziun. Tgi che dispona
d'infurmaziuns d'insider na maldovra betg ellas per ses agen avantatg u per l’avantatg da terzas
persunas. I na dastga betg dar corrupziun ed avantatgs nungiustifitgads per terzas persunas.
Nus evitain scadin donn da l'interpresa, da sia facultad e da sias valurs immaterialas. Nus protegin las
datas da clients, da partenaris da fatschenta e da collavuraturas e collavuraturs.
Annunziar surpassaments
Surpassaments da quest codex da cumportament annunziain nus al superiur, al post responsabel u al
post per Whistleblowing da la SSR.
Cussegl d'administraziun e directur general SSR
november 2012