Esperdiciu alimentariu Material d`Educación pal Desarrollu
Anuncio
Esperdiciu alimentariu Material d’Educación pal Desarrollu Rede de Consumu Solidariuu Picu Rabicu Espaciu por un Comerciu Xustu Esperdiciu alimentariu Material d’Educación pal Desarrollu Rede de Consumu Solidariuu Picu Rabicu Espaciu por un Comerciu Xustu Autores del testu y del material didáuticu: Jordi Gascón y Xavier Montagut Edición: Picu Rabicu; Rede de Consumu Solidariu; Espaciu por un Comerciu Xustu Numa Guilou, 14 – 33206 Xixón Xixón, 2014 Esta publicación asoleyóse col sofitu de l’AECID. El conteníu d’esta publicación ye responsabilidá esclusiva de los y les sos autores y de les organizaciones que lu editen, y nun reflexen necesariamente la opinión d’esta institución. ÍNDIZ Introducción. Perspeutiva y oxetivu del material 4 Seición 1. Un analís del esperdiciu dende la Soberanía Alimentaria. Material pal profesor 8 Seición 2. Propuestes didáutiques 20 Introducción Perspeutiva y oxetivu del material Material d’Educación pal Desarrollu L’esperdiciu alimentariu ye un fenómenu de grandes dimensiones. Una investigación encargada pola Xunión Europea (XE) calculó que se producía una media de 179 kg d’esperdiciu d’alimentos por européu y añu. Otru estudiu afirmaba que, sólo en Suecia, dende’l campu al platu, desapaecía el 50% de la comida producío. Dende que l’esperdiciu d’alimentos entamó a ser consideráu oxetu del analís académicu y ámbitu pa la intervención institucional, los averamientos al fenómenu son dixebraos: dende concepciones reducionistes qu’atalanten que’l problema se debe a una determinada cultura de consumu o a ineficiencies loxístiques, fasta otres qu’alcuentren les causes nel modelu agroindustrial. Adelantemos equí que queremos enfocar el problema dende esta segunda perspeutiva. Sicasí, les concepciones que definimos como reducionistes son anguaño les más difundíes. Estes concepciones defienden, implícita o esplícitamente, que la responsabilidá nun surde del modelu de producción y comercialización, nin depende de les polítiques públiques agraries: ye un problema de concienciación social y d’anomalíes nos mecanismos loxísticos de la cadena agroalimentaria. Aceptando que la perda de la cultura alimentaria o los fallos loxísticuteunolóxicos tienen un papel nel problema, camentamos que una mirada dende la Soberanía Alimentaria ofrez una perspeutiva más detallada de cómo se produz l’esperdiciu. Una perspeutiva que pasa por entrugase si los diferentes modelos de producción y distribución d’alimentos tienen una implicación estremada nel problema. O si nun xueguen tamién un papel les desiguales rellaciones de poder qu’esisten ente los distintos axentes participantes na cadena agroalimentaria. El presente material, que ta dirixíu a niveles d’ESO y bachilleratu, tien dos partes. La primera presenta los elementos básicos a profesores y téunicos pa entender el fenómenu del esperdiciu dende esta perspeutiva. La segunda ufre delles propuestes 5 Esperdiciu alimentariu didáutiques pa l’aplicación de los conceutos plantegaos nel aula. Toparemos propuestes basaes nel usu del material fílmicu y analís de testos. 6 Finalmente hai que señalar qu’esti material surde del llibru “Alimentos desperdiciados” X. Montagut & J. Gascón. Barcelona & Quito. 2014). Material d’Educación pal Desarrollu 7 Esperdiciu alimentariu Seición 1 Un analís del esperdiciu d’alimentos dende la Soberanía Alimentaria. Material pal profesor. 8 Material d’Educación pal Desarrollu El supermecáu vien empuxando a les pequeñes tiendes al so desaniciu per aciu de delles estratexes polítiques de precios a la baxa, en dalgunos casos rompiendo los precios (competencia deslleal); campañes de promoción; gran bayura de marques y productos gracies a los sos enormes espacios de venta; estratexes sicolóxiques pa encauzar los vezos de consumu; accesu a análisis de mercáu; etc. Güei ye difícil pa un consumidor occidental nun tener d’entrar nún d’estos establecimientos pa mercar parte o cuasi la totalidá de la so alimentación. Nel estáu español, cuatro de cada cinco compres fáense nos supermercaos. Y el númberu de cadenes ye, amás, escosu: sólo cinco empreses controlen el 55% de les ventes de alimentos n’España. Esti oligopoliu permite a les grandes empreses de distribución controlar la cadena agroalimentaria. Afitóse como un cuellu botella ente productor y consumidor. Les empreses más grandes y con mayor facturación del sector agroalimentariu son anguaño grandes cadenes de supermercaos como Wall Mart (la tercera empresa más grande del mundu según la llista Fortune Global 500”) o Carrefour. Esti predominiu sobre la cadena alimentaria afeuta, per un llau, a los vezos de consumu. Y, pel otru, permite-yos controlar el procesu productivu. Acumulando esperdicios na producción Nel ámbitu de la producción, l’agricultor vese na necesidá d’adautar les sos praútiques y estructures productives a les esixencies d’esti mercáu oligopólicu. Si nun ye quien a facelo, queda marxináu del mercáu. Una d’eses imposiciones que más repercusión y espardimientu tien nos medios de comunicación ye la que se refier a los precios: les cadenes de supermercaos presionen al productor con precios a la baxa p’aumentar los sos márxenes. Pero nun ye la única esixencia. Hai 9 Esperdiciu alimentariu otres que favorecen l’acumulación d’esperdiciu d’alimentos. Una de les esixencies que más influyen nel esperdiciu d’alimentos débese al aspeutu que tien de presentar el productu suministráu: determináu calibre, testura, color y forma. Tampocu nun s’acepta que tenga dalguna frayadura o irregularidá. Sicasí, la producción campesina tradicional xenera artículos mui desiguales dende´l puntu de vista visual, y predomina´l tamañu pequeñu. Amás, reclámase tamién comodidá na manipulación y consumu del productu (facilidá pa mondar, que nun haiga pepites, etc.). Y, finalmente, l’adautación a unes normes hixénicu-sanitaries occidentales que sobrevaloren la contaminación orgánica y malpenes la química. Toos estos requisitos pasen pela estandarización de la producción. Poro, l’accesu al mercáu obliga al agricultor a aplicar un determináu paquete teunolóxicu que permite esta estandarización y que se carauteriza pol usu de semilles híbrides o, más de recién, organismos xenéticamente modificaos (OXM), asina como de pesticides, yerbicides, funguicides y fertilizantes industriales. esixencies de “calidá” impuestes polos grandes distribuidores. Tovía hai pocos datos estadísticos sobre qué cantidaes d’alimentos se pierden nel campu por non entrar nesos estándares, pero dalgunos estudios fechos amuesen la dimensión del problema. Unu realizáu pola empresa de xestión de residuos Biffa calculaba que, n’Inglaterra, ente un terciu y la metá de la producción de frutes yera refugao nel campu británicu. Otru, al rodiu de la fresa británico, amuesa qu’ente’l 10% y el 30% de la collecha ye considerao non comerciable y asina déxase apodrecer nel campu. Como vemos, estos cálculos, o bien son estimaciones poco riguroses, o bien céntrense en productos mui concretos, de mou que nun permiten llegar a conclusiones de tipu xeneral. Con too, teniendo en cuenta qu’en Catalunya la producción de fruta dulce refugao nel campu seya aproximadamente un 25% (esti porcentaxe ta ente la estaya baxa y la media de les estimaciones feches pa Inglaterra qu’acabamos señalar), en 2010 supondríen 236.304 tonelaes (la producción total foi de 945.219 tm). Ye dicir, cuasi la mesma cantidá de fruta que consume la población catalana nun añu. Sin embargu, inclusive col usu d’esta teunoloxía y los esfuerzos del productor, una parte sustancial de la producción nun cumple les 10 Una parte importante d’esta producción refugao destínase a la Material d’Educación pal Desarrollu ellaboración d’abonos orgánicos. Pero nestos casos el balance enerxéticu y en nutrientes nun parez ser positivu. El costu de producir un alimentu esperdiciáu ye muncho mayor al so posible aprovechamientu pa usu agrariu o enerxéticu. Anque’l reciclaxe amenorga la perda de nutrientes producida pol esperdiciu d’alimentos (y tamién los problemes de xestión xeneraos por acumulación de residuos), ta llonxe de compensala. proveedor cuando calcula que sólo necesitará 100: asegura-y que nun va tener rotura d’estoc, y sábese col poder bastante como pa cargar nel proveedor los escedentes que finalmente nun requiera (cola xida, por exemplu, de que’l sobrante nun cumple cola calidá esixida). Pel so llau, esi proveedor preparará la so producción pa obtener 120 tm, y non les 110 contrataes col distribuidor minorista porque-y sal más a cuenta sobreproducir qu’arriesgase a non alcanzar la producción pautada, pues por mor de la distribución de poder les repercusiones contractuales d’esi incumplimientu son perdures. Poro, les estratexes de les grandes cadenes de distribución nun sólo tresformen n’alimentos esperdiciaos los sos errores de planificación sinón qu’empobina a la producción d’alimentos que, según se sabe, sedrán esperdiciaos. L’oligopoliu qu’exercen les grandes distribuidores na cadena agroalimentaria nun sólo-yos permite imponer les sos normes de calidá, sinón tamién actuar como xuez (y parte) a la hora de decidir si tán cumpliéndose o non. Esto déxa-yos facer recayer nos proveedores los sos errores de planificación o la so incapacidá de xestionar esta planificación con eficiencia. Simplemente tienen qu’adoutar una postura más o menos estricta nel cumplimientu de los controles de calidá según la so conveniencia. Pa la distribuidora minorista ye más interesante contratar 110 tm col Detrás de toa esta perda d’alimentos perfeutamente comestibles ta’l desendolque del modelu agroindustrial que predomina güei. Un modelu afitaú nel aumentu de la producción p’allugalu nun mercáu global controláu por unes poques corporaciones empresariales, onde los precios fíxense nos mercaos de bolsa ensin tener en cuenta les condiciones y costos de producción y arrequexando los mercaos llocales. Un modelu que facilita un fuerte desequilibriu na distribución del poder a favor de determinaos axentes de la cadena agroalimentaria (distribuidores minoristes) y en perxuiciu d’otros (los productores). 11 Esperdiciu alimentariu Acumulando esperdicios nel tresporte y la tresformación En 2011 l’estáu español importó d’Argentina 37.077 tonelaes de naranxes, de Brasil 41.932 tm de melones, y de Chile 20.788 tm de mazanes. Lo paradóxico (o estrambólico) ye qu’España ye’l principal productor y esportador de naranxes del planeta: más de 1.341.500 tm en 2010, que se distribuyeron per toa Europa y Estaos Xuníos. Y que tamién ye’l líder mundial n’esportación de melón: 373.028 tm nel mesmu 2011, que representaba más del 855 de tola producción estatal. O que nesa mesma fecha esperaba esportar el 30% de la producción de mazana obtenío en Girona. Los alimentos son productos perecederos. Poro, ye normal qu’haiga perdes nes diferentes fases dempués de la collecha como’l tresporte. Y equí la distancia xuega un papel importante: cuanto mayor seya la distancia que percuerre’l productu, mayores son les posibilidaes de que s’estroce, o que cuando aporte al llugar de destinu yá nun cumpla los requerimientos de calidá afitaos poles distribuidores. El fenómenu del tresporte megakilométricu d’alimentos vien siendo repetidamente analizáu críticamente a causa del so impautu medioambiental, de los subsidios nos que se sostién y de les consecuencies que tienen nos mercaos y productores llocales. Pero lo qu’agora mos interesa destacar ye que nestos procesos d’esportación ya importación, que munches vegaes suponen tresllaos de miles de kilómetros, un porcentaxe de los alimentos piérdese o estropiase. Por embargu, más importantes que les mermes son les perdes por alimentos estrozaos. A mediaos de la década cabera, Vietnam, un país que s’especializó na esportación agroalimentaria, calculaba que les perdes nes sos esportaciones de fruta con destinu al restu d’Asia, Europa y Estaos Xuníos, yeren ente’l 10% y el 15%. Nel casu del tresporte animal (en vivo) pue falase de verdaderes matances. Por exemplu, estímase que’l tresporte nacional de ganáu porcino nos EE.XX., sólo en 2006, 12 Les causes son múltiples: frayadures, rotura de la cadena de fríu, sobrecalentamientu, perda d’agua del alimentu, etc. Por exemplu, la práutica avezada ye que los esportadores incrementen el pesu de les caxes ente un 1% y un 5% del marcáu, según el productu y la distancia, pola merma que se prevé d’agua nel tresporte. Un estudiu sobre’l tresporte del ganáu bovino en vivo n’Estaos Xuníos descubría que cuanto mayor yera la distancia percorrida y el tiempu invertíu nello, mayor yera la perda de carne: nun viax de dos díes a 320 km diarios perdíase dalgo más del 5% de la carne por merma de pesu del animal nel mataderu. Material d’Educación pal Desarrollu supusu la muerte de cuasi 230.000 animales. Como vimos nel primer capítulu, el modelu campesinu tien una producción estremada que difícilmente pue ser atropada pol comerciu internacional, polo que’l so espaciu de comercialización natural son los mercaos llocales (asina como l’autoconsumu), lo que reduz enforma les perdes por tresporte. Otra fuente de residuos surde del procesu de tresformación d’alimentos. Naquéllos que se faen de forma industrial, una parte importante d’estos residuos ye alimentu esperdiciao. Y ye que les carauterístiques de procesos a gran escala xeneren soproductos que nun puen ser utilizaos. Por exemplu, na producción de quesu artesanal produzse sueru. El sueru ye un soproductu llíquidu consideráu una bébora nutritiva, y qu’en pequeñes cantidaes tenía’l so propiu mercáu. La producción industrial, pela cueta, nun ye capaz de procesar o dar salida a les grandes cantidaes de sueru que xenera, y que se convierte, asina, en residuu. Un casu especialmente significativu ye’l de la manteca de cacáu. El cacáu ye ún de los alimentos estrella del comerciu internacional. Na so mayor parte destínase a la producción de chocolate, del que ye’l so frutu base. Nuna primera fase les semilles del frutu del cacáu procésense fasta obtener una materia sólida: la pasta de cacáu. D’esta pasta estráyense dos derivaos: el cacáu en polvu y la manteca de cacáu. Tradicionalmente, el chocolate ellabórase a partir de dambos. Pero na segunda metá de la dómina de los 90, la Comisión Europea entamó a plantegar la propuesta de sustitución de la manteca de cacaú por otres manteques vexetales. El movimientu de comerciu xustu européu, organizaciones de consumidores, ya inclusive países como Francia o Bélxica, opusiéronse ensin ésitu. La direutiva aprobóse nel añu 2000. Tres d’ella atopábense los intereses de la potente industria chocolatera europea. El quid de la cuestión taba tanto na posibilidá d’alcontrar manteques vexetales más barates, como nun factor téunicu-industrial y loxísticu: la posibilidá d’utilizar manteques más resistentes a la fusión y, polo tanto, más fácilmente tresportables y almacenables nos periodos del añu más calurosos o en países tropicales. Esta normativa, establecida a instancies de la industria agroalimentaria del chocolate européu, convierte en residuu una parte importante del frutu del cacáu: aquélla de la que se saca la manteca. Ye dicir, tresforma un alimentu de gran valor nutritivu en desechu. En xeneral, la pequeña producción artesanal d’alimentos nun sólo xenera menos residuos, sinón que suel dar valor añadíu a productos o soproductos que la industria esperdicia. Sicasí, a vegaes normatives hixénicu-sanitaries mui restrictives torguen que’l pequeñu y medianu productor puea destinar al 13 Esperdiciu alimentariu mercáu la so producción artesanal. Estes normatives tienen como oxetivu, supuestamente, asegurar la salú de los consumidores de posibles intosicaciones. Pero l’orixe d’estes enfermedaes ye’l modelu industrilizáu de producción, col so usu d’insumos industriales y d’antibióticos, l’escesivu tiempu d’almacenamientu o los tresportes de llargues distancies. Tales normatives actúen neto sobre cualquier mena de producción (industrial o campesina), lo que nun ye mui eficaz: modelos agrarios non intensivos, con circuitos de comercialización curtios, nun precisen estes medíes. Acumulando esperdicios na comercialización y el consumu Un material d’espardimientu de la Generalitat de Catalunya afirmaba que’l 58% del esperdiciu d’alimentos tien llugar nel ámbitu domésticu, y un 16% nel supermercáu. Ciertamente, si establecemos una rellación direutamente proporcional ente responsabilidá pol esperdiciu d’alimentos y el llugar onde esi alimentu ye tiráu na basoria, el llar aparez como l’ámbitu más problemáticu. Pero ésta ye una esplicación reducionista. Esti discursu axudica al eslabón caberu de la cadena alimentaria problemas surdíos en fases anteriores y qu’al consumidor final vienen-y daos. muyer, culpar al consumidor final como principal responsable del esperdiciu d’alimentos tien un fuerte siesgu sexista. N’última instancia, “l’ama de casa” aparez como la responsable de la mala xestión de les compres doméstiques y de la despensa. Una acotación. Por mor de la tradicional división del trabayu domésticu, nel que les tarees llariegues siguen recayendo na 14 Volvamos a les cifres presentaes pola Generalitat de Catalunya: cayen nel Material d’Educación pal Desarrollu error de pescanciar l’efeutu como causa. Puesto que ye nel llar onde más alimentos se pierden, el llar ye’l principal responsable. El fenómenu del esperdiciu d’alimentos, sin embargu, ye complexu y nun se dexa sintetizar nuna solución tan simple. Esto nun significa quita-y responsabilidá al consumidor final: tienla. Pero ye necesario matizar los datos. sobrepasar preferente. la fecha de consumu Dende esta perspeutiva, analicemos agora dalgunes de les razones que lleven al esperdiciu d’alimentos nes últimes fases del procesu agroalimentariu. Una d’elles tien que ver con los márxenes medios colos que xueguen los supermercaos: son tan grandes que sal-yos más rentable mercar más productos de los que venderán que non arriesgase a una rotura del estoc. A ello ayuda inda que les teoríes de marketing consideren que tener los estantes enllenos dafechu aumenta les ventes. Cuando esi productu escedente nun pue cargase al productor, como vimos enantes, fina por acumulase nos contenedores del supermercáu. Otru factor ye’l de les feches de caducidá. Nun momentu determináu munches instituciones gubernamentales establecieron non sólo la obligatoriedá d’amosar nel envase una fecha que debía asegurar que’l productu nun tenía entamao’l procesu d’apodrecimientu y podía comese (fecha de caducidá), sinón tamién fasta qué momentu caltenía les sos propiedaes vitamíniques y organoléptiques (fecha de consumu preferente). A partir d’esti puntu xenéranse dos problemes. Per un llau, que’l consumidor nun ye capaz d’estremar ente los dos conceutos y tiende a refugar alimentos perfeutamente consumibles por L’otru problema ye la xestión nel gran distribuidor minorista: como les estanteres tienen de tar siempre enllenes xúntense partíes diferentes del mesmu productu que lleven feches de caducidá y de consumu preferente distintes. El supermercáu furrula per aciu del autoserviciu; el consumidor tien el vezu de coyer los productos con feches más alloñaes, porque camenta qu’asina contará con más tiempu pa consumilos o que deben ser más “frescos”. Ante esta situación, la política del supermercáu ye triple. Per un llau, non plantegar diferencies ente feches de caducidá y de consumu preferente nos sos sistemes de control de mercancíes. Per otru, allugar más a mano nos estantes aquellos productos que tienen fechas de caducidá o de consumu preferente más tempranes. Y, finalmente, separar (y desaniciar) los productos a los que-yos queda mui pocu tiempu pa llegar a esa fecha, sabiendo que van tener poca salida y qu’ocupen un llugar valoratible. Podría plantegase la posibilidá de vender a preciu reducíu estos productos cercanos a la fecha de 15 Esperdiciu alimentariu caducidá o que tuvieren sobrepasao la fecha de consumu preferente. Pero daos los márxenes colos que trabayen les grandes distribuidores minoristes, sal-yos muncho más a cuenta desfacese d’estos alimentos. Magar qu’hai propuestes de xestión dirixíes a rellacionar caducidaes y precios, nun paecen que se tean plantegando pela parte de los grandes distribuidores minoristes. Y ye que dende’l puntu de vista del minorista, poner a la venta productos con feches curties de caducidá (o con pequeñes tares nel envoltoriu) a precios màs baxos supondría-y facer la competencia a los productos que nun tienen esos “defeutos”, amás de afeutar a la imaxe de la empresa. Esa mesma imaxe fai que se refugen parte importante de los alimentos. Por exemplu, les normes de calidá de Marks & Spencer obliguen a ún de los sos proveedores a tirar cuatro tayaes de cada pan que ponen a la venta: les puntes y la primera tayada de los estremos. Esto supón aproximadamente el 17% de cada pieza. Lo mesmo podríamos dicir de los estremos d’un tomate cortáu en rodaxes que seya parte d’una bandexa de catering, o de les zanahories enforma arqueaes. Hai poco que nel estáu español púnxose de moda la venta y consumu de pan 16 de molde industrial al qu’enantes quitóse la corteza. Otra fuente d’esperdiciu d’alimentos alcóntrase nel sistema d’empaquetáu de los productos pela parte de los supermercaos y de los sos proveedores. Este sistema facilíta-yos el tresporte y manipulación, la xestión del almacén y de los inventarios, y contar con menos personal de venta. Pela cueta, tien un papel destacable nel esperdiciu d’alimentos. Por exemplu, el consumidor vese obligáu a mercar yogures y otros derivaos de la lleche en paquetes de dos, de cuatro o de más. El cliente tien qu’adautar el so vezu de consumu familiar a los porgüeyos y necesidaes del minorista (cuando la lóxica diz que tendría de ser al revés), mercando más de lo que requier y xenerando un escedente na so nevera que munches vegaes finará na basoria. Pero’l casu más llamativu ye la presentación en bandexes embalaes de productos que tradicionalmente vendíense a granel, como la fruta. Al problema anterior equí súmase que si una de les bandexes ta esgonciada, nengún consumidor la mercará; escoyerá otra. Y nestos casos al supermercáu sal-y más rentable tirar tola bandexa, incluyendo’l restu de pieces en perfeutu estáu, que non desembalala y volver facer otra nueva cola fruta en bon estáu. Los productos precocinaos faciliten l’esperdiciu, ya que la so conservación ye percurtia: cuando s’abren y s’usen una primera vegada, la parte non consumida pue finar fácilmente desaniciada. Material d’Educación pal Desarrollu Les estratexes de marketing de les grandes cadenes minoristes y de la industria tresformadora, basaes n’ofertes 2x1, porcentaxe de más productu nel paquete (yapas), paquetes xigantes, etc., tamién promueven una compra superior a les necesidaes de consumu. Equí, amás, xueguen un papel importante los estímulos sicolóxicos que s’alluguen per tol espaciu del supermercáu, dando visibilidá a determinaes mercancíes pa disparar la compra impulsiva d’alimentos que nun se necesiten nin sedrán cabalmente consumíos. Ye ésta una xera na qu’hai una fuerte inversión n’investigación ya innovación. Mui rellacionao con esto ta la propaganda qu’empobina a la compra de productos innecesarios, o con supuestos beneficios estres pa la salú o la imaxe física (alimentos funcionales), o dirixíos a dalgunos seutores de la población influenciables por determinada publicidá. Conclusiones La FAO y otres instituciones y organizaciones que trabayen dende’l paradigma reducionista camienten que la sobreproducción que surde ente’l distribuidor minorista y el so suministrador ye’l resultáu d’una irracionalidá loxística y d’un escosu desarrollu teunolóxicu que nun permite a estos dos axentes afitar estratexes coordinaes afayadices. Pero en realidá la decisión de la cadena minorista de contratar 110 tm col proveedor cuando calcula que sólo requerirá 100 ye una estratexa lóxica col furrulamientu de la cadena agroalimentaria industrial: asegura-y que nun tendrá rotura d’estoc, y sabe que tien el suficiente poder como pa cargar nel proveedor los escedentes que finalmente nun precise (cola xida, por exemplu, de que’l sobrante nun cumple cola calidá esixida). Cuando esi proveedor decide preparar la so producción pa obtener 120 tm, y non les 110 contrataes col distribuidor minorista, ye porque-y sal más a cuenta sobreproducir qu’arriesgase a non algamar la producción pautada, pues por mor de la distribución de poder les repercusiones nos contratos d’esi incumplimientu son perdures. Les decisiones de cada actor de la cadena agroalimentaria nun son irracionales y nun se deben a una mala loxística. La irracionalidá ta nel modelu agroalimentariu. Ye’l modelu’l que-yos lleva a valese d’eses estratexes racionales dafechu pa los sos porgüeyos y pa los que manexen un sistema loxísticu y teunolóxicu afayadizu. Poro, la solución nun tan n’aplicar puramente dellos mecanismos loxísticos y teunolóxicos correutores, sinón n’enfrentar el modelu agroindustrial dominante y les rellaciones desiguales de poder que lu carautericen. El problema y la solución son, sobre too, políticos. 17 Esperdiciu alimentariu 18 Material d’Educación pal Desarrollu 19 Esperdiciu alimentariu Seición 2 Propuestes didáutiques 20 Material d’Educación pal Desarrollu Índiz de la seición 1. Propuestes didáutiques a partir de testos 2. Propuestes didáutiques a partir de material videográficu 3. Propuestes didáutiques a partir de xuegos 21 Esperdiciu alimentariu 1. Propuestes didáutiques a partir de testos 22 Material d’Educación pal Desarrollu TESTU 1 Esperdiciu nel tresporte d’alimentos: Gochos y mangos (Estrautu del llibru Alimentos desperdiciados. 2014) Los alimentos son productos perecederos. Poro, ye normal qu’haiga perdes nes diferentes fases dempués de la collecha como’l tresporte. Y equí la distancia xuega un papel importante: cuanto mayor seya la distancia que percuerre’l productu, mayores son les posibilidaes de que s’estroce, o que cuando aporte al llugar de destinu yá nun cumpla los requerimientos de calidá establecíos poles distribuidores. Les causes son múltiples: frayadures, rotura de la cadena de fríu, sobrecalentamientu, perda d’agua del alimentu, etc. Por exemplu, la práutica avezada ye que los esportadores incrementen el pesu de les caxes ente un 1% y un 5% del marcáu, según el productu y la distancia, pola merma d’agua que se prevé nel tresporte. Un estudiu sobre’l tresporte del ganáu bovino en vivo n’Estaos Xuníos descubría que cuanto mayor yera la distancia percorrida y el tiempu invertíu nello, mayor yera la perda de carne: nun viax de dos díes a 320 km diarios perdíase dalgo más del 5% de la carne por merma de pesu del animal nel mataderu. Por embargu, más importantes que les mermes son les perdes por alimentos estropiaos. A mediaos de la década cabera, Vietnam, un país que s’especializó na esportación agroalimentaria, calculaba que les perdes nes sos esportaciones de fruta con destinu al restu d’Asia, Europa y Estaos Xuníos, yeren ente’l 10% y el 15%. Nel casu del tresporte animal (en vivo) pue falase de verdaderes matances. Por exemplu, estímase que’l tresporte nacional de ganáu porcino nos EE.XX., sólo en 2006, supusu la muerte de cuasi 230.000 animales. 23 Esperdiciu alimentariu El mangu n’Australia y l’esperdiciu d’agua. La producción d’un kilogramu de mangu n’Australia requier 2.298 llitros d’agua. Sicasí, por causa de les perdes nes etapes de tresporte y consumu, el gastu mediu d’un kilogramu de mangu consumíu por una familia australiana ye de 5.218 llitros. A. Oxetivu pedagóxicu ‡ Conocer cómo la distancia percorrida pol alimentu proporcional a los volúmenes d’alimentos esperdiciaos. ye direutamente B. Cuestiones pa la reflexón 1. Averigua qué quier dicir “merma”. ¿Camientes que pue considerase una forma d’esperdiciu d’alimentos? ¿ Por qué? 2. Nel supermercaú o na frutería del to barriu pues alcontrar mazanes producíes en Lleida y en Chile. ¿Qué distancia hai ente la to casa y la zona de producción? ¿ Por qué medios de tresporte tien pasao la mazana chilena y la de Lleida? 3. Intenta descubrir cuántos díes de tresporte fueron necesarios pa que cada mazana aportare al puntu venta dende que se recoyó del árbol. 4. ¿Qué mazana tuvo más posibilidaes d’estrozase nel tresporte? ¿Por qué? 5. Analiza’l costu enerxéticu del tresporte. ¿Qué mazana consumió más petroleu? 24 Material d’Educación pal Desarrollu TESTU 2 Pesca industrial y esperdiciu: el problema de los escartes (Estrautu del llibru Alimentos desperdiciados. 2014) Por escarte de pescáu conozse’l refugu d’animales marinos qu’entren de forma accidental nes artes de pesca y son devueltos al mar, xeneralmente muertos o feríos. Nun se trata de cantidaes marxinales: calcúlase que puen suponer ente’l 20% y el 35%, qu’en bona midida son exemplares xóvenes, esenciales p’asegurar el procesu reproductivu. ¿Por qué se cueyen unos animales pa dempués refugalos?, ¿y por qué se desecha un pexe que ye perfeutamente comestible? Les razones inmediates son diverses. Una ye que les redes y especialmente determinaes téuniques de pesca como l’arrastre, son mui poco selectives: garren tolo qu’atopen ensin estremar. Otra ye que bona parte de’eses coyíes accidentales nun son comerciables o comestibles. O son d’especies que tienen la pesca torgada o llimitada; nestos casos, el barcu nun pue llegar a puertu con eses especies baxu pena de multa. Pero si afondamos un poco más, vemos que tres d’estes causes de primer nivel hai dos de calter estructural: el modelu de pesca industrial y les polítiques públiques de control y xestión de los caladeros. La pesca industrial afítase nel usu d’una avanzada teunoloxía y barcos de gran caláu. Esta inversión sólo ye viable si la pesca se fai en grandes volúmenes y esto ta nel raigañu de dos circunstancies rellacionaes col esperdiciu d’alimentos. Per un llau, l’usu d’artes de pesca de grandes dimensiones lleva a la coyida d’una bayura d’especies que conviven o s’alcuentren casualmente cercanes a aquélla que se quier pescar. Per otru llau, nun esiste una capacidá loxística pa xestionar y vender les especies garraes ensin intención, ya que suel tratase d’especies diverses y en cantidaes demasiao pequeñes como pa qu’al armadory seya rentable la so comercialización. Pela cueta, la pesca artesanal, qu’utiliza téuniques tradicionales poco desendolcaes teunolóxicamente y barcos pequeños, y trabaya con cantidaes coyíes mui inferiores, amuésase muncho más eficiente al respeutive del esperdiciu alimentariu, ya que se carauteriza por: a) utilizar artes de pesca muncho más selectives; b) poder poner a la venta na rula portuaria cuasi toles especies garraes, seya cual seya’l so volume; c) destinar al autoconsumu especies coyíes que nun se quieran o puean 25 Esperdiciu alimentariu poner a la venta. A. Oxetivu pedagóxicu ‡ Conocer cómo’l volume d’alimentos esperdiciaos depende de los modelos de producción d’alimentos. B. Cuestiones pa la reflexón 1. Investiga qué quier dicir “pesca selectiva”. 2. ¿Cómo podría esbillase más na pesca? 3. Busca n’internet dalgún casu d’una especie marina en víes de desaniciu por culpa de la sobrepesca. ¿Trátase de pesca industrial o artesanal? 26 Material d’Educación pal Desarrollu TESTU 3 –Movimientos sociales contra l’esperdiciu: el freeganismu (Estrautu del artículu El club de los comedores de basura. El País. 2007) Los freegan reciclen los alimentos qu’otros refugen. Ye un convencimientu y una forma de vida (…). Nun los empuxa nin la fama nin la probeza. Revolver cada selmana ente la basoria respuende simplemente al llamáu de les sos conciencies. Fartos de ver cómo la sociedá occidental dexa morrer nes sos cais tonelaes de comida en perfeutu estáu, un garrapiellu de ciudadanos repartíos pel mundu y autonomaos “freegans” traten de retrasar el colapsu ecolóxicu al qu’afirmen que ta abocáu’l planeta evitando pagar por consumir y recuperando parte de la comida salvable que se tira a diario. Que nun ye poca. Na puerta de supermercaos neoyorquinos como D’Agostino, nel barriu de Midtown, atrópense cada nueche decenes de bolses de supuestos residuos. Pero si ún echa una güeyada dientro, como faen dos vegaes per selmana profesores d’institutu como Janet Kalish o espertos en comunicación como Madeleine Nelson, ye posible alcontrar toa triba de frutes y verdures en perfeutu estáu, yogures, zumos de fruta, pasta, arroz, güevos, carne, pescáu afumao… “El 80% de lo que xinto consígolo asina dende fai un añu. El pan ye lo que más abonda. Cada nueche tírense miles de barres. La verdura suel venir empaquetao y llimpio. La fruta dacuando ta frayao, pero en xeneral tien bon aspeutu. Alcuéntranse munchísimos yogures y la mayoría ensin caducar. La pasta o l’arroz a vegaes simplemente tienen el paquete rotu, y eso conviértelos yá en basoria”, esplica Madeleine. “Cada persona decide’l so grau de compromisu”, esplica esta muyer de 50 años. Ella vive nel corazón del West Village, nun ampliu apartamentu enllenu llibros; trabaya como vocera d’una ONG y enantes pa una multinacional: “Lo mío ye una decisión consciente: desobedecer la orde de mercar. Ye un boicot a la sociedá de consumu. Gástase abondo y esto ta matando al planeta. Por eso reduxe al mínimo toles mios compres. Los llibros son de segunda mano, los electrodomésticos íguolos, la ropa ye de mercaos de baldre”. Los freegan saben cuidase, nun anden a la gueta de bodadiellos ñascaos, sinón de setes italianes, pero en llugar de pagar precios astronómicos por elles, recuéyenles de la basoria. Quiciabes caduquen dos díes dempués. La diferencia, dicen, malpenes se pescancia. Los comercios ponen eses feches muncho enantes 27 Esperdiciu alimentariu de lo necesario. Pero ¿por qué acaben na basoria? Pola sobreabundancia. “Munchos supermercaos simplemente tiren productos cuando-yos lleguen otros más frescos por falta d’espaciu”, asegura Adam Weissman (…). Un trabayador del supermercáu D’Agostino confirmalo mentanto cata cómo los freegan faen les sos compres: plátanos, melocotones, espinaques, tofu… A. Oxetivu pedagóxicu ‡ Conocer qu’hai movimientos sociales esmolecíos pol fenómenu del esperdiciu d’alimentos. B. Cuestiones pa la reflexón 1. Quienes participen nel movimiento “freeganu”, ¿formen parte de seutores arrequexaos social y económicamente? ¿Por qué? 2. ¿Camientes qu’asumen riesgos pa la salú al comer productos que fueron desaniciaos por supermercaos y tiendes d’alimentación? 3. ¿Cuálos son los oxetivos d’esti movimientu social? 28 Material d’Educación pal Desarrollu TESTU 4 ¿A quién señalen les campañes de concienciación? (Estrautu del cartafueyu Un consum +responsable dels aliments: Propostes per a prevenir i evitar el malbaratament alimentari. Barcelona: Generalitat de Catalunya. Agencia de Residus de Catalunya. Ensin fecha). Les consecuencies del esperdiciu alimentariu son muches y estremaes: étiques, económiques, ambientales, de seguridá. Y, sin embargo, puen facese xestos mui cenciellos p’amenorgar el so impactu. Por exemplu, mercar les cantidaes afayadices, dosificar los alimentos, lleer con atención les feches de caducidá, respetar la cadena de fríu, organizar de forma lóxica los alimentos na nevera, llimpiala dacuando, cocinar los restos de’otres comíes, facer compost… Hai una bayura de soluciones pa prevenir los residuos y evitar l’espilfarru. (…) - Causes sociolóxiques: camudamientu de les estructures y de la organización familiar, de los ritmos de vida y de les perceiciones que desendolcamos al rodiu de los alimentos. - Desconocencia de los sistemes de conservación de los alimentos, una mala interpretación de les feches de caducidá, una mala xestión de la nevera… - Práutiques comerciales: la publicidá y les ofertes promocionales que mos afalen pa mercar. En sí mesmas estes ofertes nun suponen un esbardie, pero ye nidio que si la so compra nun correpuende, en calidá o cantidá, coles necesidaes d’un llar, produzse fácilmente un espilfarru alimentariu. A. Oxetivu pedagóxicu ‡ Conocer el peligru d’alimentos. de siesgos nes campañes escontra l’esperdiciu B. Cuestiones pa la reflexón 1. ¿Quién s’encarga de les tarees de mercar los alimentos y de cocinalos na vuesa casa? ¿Camentáis que ye culpable de los alimentos que s’esperdicien? 2. ¿Pensáis qu’esta visión culpa especialmenta a dalgunu de los miembros de la vuestra familia? ¿Por qué? ¿Abultavos que ye lóxico y xusto? 29 Esperdiciu alimentariu 2. Propuestes videográficu 30 didáutiques a partir de material Material d’Educación pal Desarrollu VIDEU 1 Recién salío del basureru: l’esperdiciu global d’alimentos (Alemania, 2012) Ficha téunica Tipu filmación: Producción: Realización y guión: Añu producción: Nacionalidá: Llingua: Duración: Documental Deustsche Welle Valentin Thurn 2012 Alemania VO con sotítulos en castellán 26 min. Accesibilidá Accesibilida: Enllaz online: Online http://www.youtube.com/watch?v=IVHIy1d0bZw Sinopsis Más de la metá de la nuestra comida va parar a la basoria (más de 10 millones de tonelaes añales). La mayor parte nun pasa nin pela cocina y va direuta del campu cultivu al vertideru: la metá de les llechugues, la metá de les patates y ún de cada cinco panes. Y esto asocede nun mundu colapsáu poles más evidentes desigual-daes. El documental amuesa cómo la industria alimenticia esperdicia y cómo los criterios de producción nun tienen nada de lóxica. Ficha didáctica A. Oxetivu pedagóxicu ‡ Conocer dalgunos de los axentes y mecanismos qu’espliquen l’esperdiciu d’alimentos. B. Cuestiones pa la reflexón 1. ¿Abúltate que’l color d’un tomate, la curvatura d’un pepinu o’l tamañu d’una 31 Esperdiciu alimentariu naranxa afeuten pal sabor y la calidá alimentaria d’un productu? Razona la to rempuesta. 2. Al rodiu del esperdiciu d’alimentos, ¿son más eficientes les pequeñes tiendes de barriu o los puestos d’un mercáu, o les grandes superficies (supermercaos)? 3. Identifica qué seutores empresariales apaecen nel documental como causantes del esperdiciu d’alimentos. ¿Por qué crees que tiren tanta comida a la basoria? ¿Ganen o pierden perres con ello? 4. Como ciudadanu, ¿qué polítiques reclamaríes a les instituciones públiques pa que reduxeren l’esperdiciu d’alimentos? VIDEU 2 Los espigadores y la espigadora (Francia, 2000) Ficha téunica Tipu filmación: Producción: Realización y guión: Añu producción: Nacionalidá: Llingua: Duración: Documental Deutsche Welle Agnès Varda 2000 Francia Disponible en castellán 82 min. Accesibilidá Accesibilidá: Enllaz online: CD (castellán) y online (VOS n’inglés) http://vimeo.com/37089032 Sinopsis Pequí y per acullá, en Francia, Agnès Varda vien atopándose con espigadores, pañadores y xente que busca ente la basoria. Por necesidá, puramente por casualidá o por obligación, esta xente recueye oxetos refugaos por otros. El so mundu ye sorprendente. Y la direutora tamién ye una especie d’espigadora, esbillando imáxenes pa este documental tan personal. 32 Material d’Educación pal Desarrollu Ficha didáctica A. Oxetivu pedagóxicu ‡ Conocer dalgunos de los axentes y mecanismos qu’espliquen l’esperdiciu d’alimentos. ‡ Conocer el movimientu social del freeganismu. ‡ Rellacionar l’esperdiciu d’alimentos col cambiu de modelu agroalimentariu. B. Cuestiones pa la reflexón 1. A partir de la información algamada nel documental y la esposición, deduz en qué fases del ciclu alimentariu hai esperdiciu d’alimentos: ¿Cuándo camientes que s’acumula más esperdiciu? ¿Por qué? 2. Na película apaecen personaxes que se dediquen a recuperar aliementos que fueren esperdiciaos. ¿Sabes qué ye’l freeganismu o friganismu? Busca información n’internet. ¿Cuál ye l’oxetivu d’esti movimientu social? 3. Identifica qué seutores empresariales apaecen nel documental como causantes del esperdiciu d’alimentos. ¿Por qué atalantes que tiren tanta comida a la basoria? ¿Ganen o pierden perres con ello? 4. Como ciudadanu, ¿qué polítiques reclamaríes a les instituciones públiques pa que reduxeren l’esperdiciu d’alimentos’ VIDEU 3 De la mata a la olla. Comercialización campesina y comerciu xustu (Nicaragua, Catalunya, 2008) Ficha téunica Tipu filmación: Documental Realización y edición: Erica Tomas Guión: Ernest Cañada y Erica Tomas Añu producción: 2008 Nacionalidá: Nicaragua, Catalunya Llingua: Catalán, castellán, portugués Duración: 47 min. Accesibilidá Accesibilidá: Enllaz online: CD y online Primera parte: http://vimeo.com/23335119 Segunda parte: http://vimeo.com/23499546 33 Esperdiciu alimentariu Sinopsis Nos últimos años les grandes cadenes de supermercaos llegaron a controlar de forma dominante la mayoría de los espacios de venta de productos alimenticios y de primera necesidá. El so espardimientu implica graves problemes tanto nos países del Norte como nos del Sur: aprobecimientu de los pequeños productores, destrucción del comerciu llocal, condiciones llaborales precaries, amenorgamientu de les opciones de compra a unes poques marques d’empreses tresnacionales… Ante los impautos d’esti modelu, les poblaciones de munches partes del mundu entamaron a organizase y construyir alternatives. Esti documental amuesa esperiencies n’Ecuador, Nicaragua, México y Catalunya dirixíes a un mesmu esfuerciu: democratizar el sistema de producción y distribución d’alimentos. Ficha didáctica A. Oxetivu pedagóxicu ‡ Conocer les carauterístiques del modelu de producción y de comercialización campesinu, y la so diferencia colos modelos agroindustriales pa poder analizar si xueguen dalgún papel nel esperdiciu d’alimentos. B. Cuestiones pa la reflexón 1. Analiza’l modelu de producción y comercialización campesinu que se plantega na película, y compáralu col agroindustrial. ¿Camientes que’l volume d’esperdiciu d’alimentos pue camudar con unu u otru modelu agrariu? ¿Por qué? 2. Considera les cuatro fases principales de la cadena agroalimentaria: producción, tresporte, comercialización y consumu: ¿Pienses que, en caúna d’eses fases, la perda d’alimentos ye asemeyada pal modelu campesinu y el modelu agroindustrial? Razona la rempuesta. 3. Nel establecimientu nel que normalmente la to familia merca la fruta, busca una mazana producida nel estáu español y otra producida en dalgún llugar distante. Pa que caúna d’eses mazanes aportare en bones condiciones a la estantera, ¿cuántes tendrán d’estrozase pel camín? ¿Camientes que la cantidá ye la mesma pa cada tipu mazana? 34 Material d’Educación pal Desarrollu 35 Esperdiciu alimentariu 3. Propuestes didáutiques a partir de xuegos (El xuegu de les diferencies) 36 Material d’Educación pal Desarrollu El gran xuegu de les diferencies La campaña No te Comas del Mundo, espardida pola Red de Consumo SolidarioXarxa de Consum Solidari, l’Observatori del Deute en la Globalització, Veterinarios Sin Fronteras y Entrepueblos, ellaboró y asoleyó un material educativu afitáu nel popular xuegu de les diferencies. Esti material pretende, de mena nidia y cenciella, amosar les diferencies ente dos modelos alimentarios. De mou amenu, visual y direutu quier dar visibilidá a l’apuesta pola soberanía alimentaria. Esti material asoleyóse baxu llicencia Creative Commons, y ye d’accesu llibre. Ficha bibliográfica Garriga, Neus & Montanyès, Xavi (2009) El gran juego de las diferencias. Barcelona: No Et Mengis el Món Accesibilidá Online http://www.entrepueblos.org/index.php/publicaciones/2015-juego_diferenciascast.pdf 37 Esperdiciu alimentariu Estructura del material y mecanismu del xuegu El material compónse de seis xuegos. En caún d’ellos trátase un tema determináu. Cada xuegu tien tres partes: 1. Mira y descubre Alcontrarás delles ilustraciones. Cada par de dibuxos parez igual, pero ¡nun lu ye! Si mires atentamente, entamarás a ver pequeñes diferencies. Y nun ye que al nuesu dibuxante-y se fuera la cabeza, ye sólo que caúna d’eses diferencies ta bien escondida pa qu’esfrutes buscándoles. La única pista que podemos date ye la cantidá d’errores que tien fecho’l dibuxante en cada semeya. Hai qu’abrir muncho los güeyos, tar bien sollerte y poner a preba la memoria. ¡Ah, val facelo n’equipu! 2. Busca les rempuestes Cuando tengas atopao la mayor cantidá posible de diferencies, pues pasar a la páxina siguiente. Ellí alcontrarás les soluciones del Gran Xuegu de les Diferencies. Y verás daqué más: pa caúna de les diferencies hai una curtia esplicación. 38 Porque esti xuegu tien trucu: cada ilustración fala d’un tema (el campu, los agrocombustibles, la pesca, los supermercaos) y en cada diferencia escuéndese una manera de pescanciar lo que nos arrodia. Por exemplu, nel mar nun ye lo mesmo pescar “pezqueñines” que sólo pexes grandes, ¿non? Pos eso: cuando atopes les diferencies, llee lo que tenemos que contate y, si quedes con duldes, ¡entruga too a los tos pas o a los tos profes1 3. Si quies saber más Pa cada ilustración fízose un apartáu especial pa pas y profes. Ellí nun sólo alcontrarás una esplicación más llarga de caún de los temes, sinón tamién una guía con actividaes estres pa facer en clas. Si yes profesor o monitor d’un grupu, ufrímoste un xuegu más (con oxetivos, metodoloxía, materiales y tiempu necesarios) col qu’afondar sobre los exes temáticos que propón esta guía. Estos xuegos estra son una referencia que pues adautar acordies colos conocimientos ya intereses del grupu. Xixón, 2014 http://www.xarxaconsum.net/es/index.html http://www.nodo50.org/picurabicu/ Col sufitu de:
