Awa Awe

AWA
AWA AWE
OUGUSTUS/SÈPTEMBER 2015
INFORMASHON TOKANTE PURIFIKASHON DI AWA SUSHI NA BONEIRU
UN EDISHON DI ENTIDAT PUBLIKO BONEIRU
DEN KOPERASHON KU WEB NV BONAIRE I MINISTERIO
DI INFRASTRUKTURA I AMBIENTE
UN DUSHI BONEIRU PA NOS I NOS YUNAN
P O R F I N !
Kloaka ta generá plaka, piská
i ta duna plaser
E proyekto di kloaka ta kosta plaka. Union Europeo i Hulanda ta kubri gastu di e invershonnan.
Boneiru, esta nos, mester bai paga un parti di e
gastunan di eksplotashon. Pero awor kiko esaki
ta generá pa nos?
Naturalesa no tin preis,e ta impagabel, nan ta bisa
tin bia. I esei ta sierto. Pasobra kiko ta mas dushi
kana kantu di laman anto ku e bientu ta pasa den bo
kabei? Òf kome, bebe, landa ku famia i amigunan
na Te Amo Beach? Òf hasi un buseo fantástiko den
e parke marino? Òf kohe un dushi purunchi òf piská kòrá na liña? E balor di e naturalesa ta tradusí
su mes tambe den dòler fuerte. Puntra e taksista, e
weiter, e resepshonista, e instruktor di buseo, e sirbidó den bar, esun ku ta hür skuter, e doño di pakus,
e kontratista, maestro i tantu mil otro hende mas
riba nos isla. Nos ekonomia ta dependé di turismo.
I pues di nos naturalesa. Nos ta biba di naturalesa.
Naturalesa i ekonomia ta bai huntu
Sientífikonan di e Vrije Universiteit di Amsterdam i
Wolfs Company a kalkulá e balor di nos naturalesa.
Tur e servisionan ku naturalesa ta brinda nos nan
a tradusí den balor ekonómiko. Tambe algu asina
intangibel manera e plaser ku nos ta saka for di e
naturalesa rondó di nos. I kiko a sali afó? Nos naturalesa ta bal mas di $ 100 mion pa aña!
Esther Wolfs di Wolfs Company na Boneiru ta splika a base di investigashon ekológiko hasí dor di e
Universidat di Wageningen Imares: “Sin kloaka
nos lo a pèrdè denter di dies aña di tempu mas ku
70% di nos koralnan bibu pa motibu di kresementu
di alga. I esaki lo sigui disminuí segun añanan ta
pasa. Pero ku kloaka e koralnan bibu por oumentá
ku 40% denter di dies aña di tempu. I nan lo sigui
krese den e añanan despues. Esei ta keda interpretá
den e interes di e turistanan pa nos isla. I esaki na
su turno atrobe ta generá dòler. Asina ta ku un ref
di koral saludabel ta duna nos mas plaser i ta generá
mas plaka. Nos naturalesa i nos ekonomia ta bai
Porfin! Tabata e gritu for di kurason di Rocky Emers
ora ku pa promé biaha el a haña awa pa irigashon.
Hopi aña el a warda riba esaki. Pero awor e kunukunan di LVV ta mas bèrdè ku nunka.
man den man. Tambe tin un relashon entre e salú
di e koralnan i e kantidat di e piskánan di ref. Nos
piskadónan tin mas posibilidat pa kohe mas piská,
danki na e kloaka!
Sin kloaka e balor ekonómiko di e servisionan ku
naturalesa ta ofresé nos lo baha denter di dies aña
ku mas o ménos $40 mion riba base anual. Ku e
kloaka e balor ekonómiko ta baha bèrdat pero
muchu ménos drástiko: den mas o ménos dies aña,
$20 mion riba base anual. Despues e balor ekonómiko ta stabilisá su mes”.
Prevení ta mihó ku kura
Esther: “Nos a mira tambe e plachi di gastu i benefisionan di tres diferente manera di mantenshon di
naturalesa. E promé enfoke ta e proyekto di kloaka,
e di dos ta e restorashon di e koralnan i mondinan i
e di tres ta konservashon di naturalesa. E proyekto
di kloaka ta esun ku nos ta ehekutá aktualmente.
E restorashon ta enserá, simpel bisá, ku ta duna e
naturalesa un man dor di kultivá i planta palu- i koralnan. I e konservashon di naturalesa ta nifiká ku
ta trata na tene espesie di animalnan ku no ta pertenesé aki, manera lionfish, kabritunan ku ta kana
lòs, buriku i porko bou di kontròl.
E proyekto di kloaka ta esun mas karu. E gastunan
ta haltu pero e rendementu (poné ekspresá den
plaka) ta kasi tres bes mas tantu. E restorashon di
naturalesa ta mas barata. Ku e aserkamentu aki e
gastunan ta algu mas ku e rendementu, si nos no
hasi nada na e sistema di kloaka i e animalnan ku
ta kana lòs. Konservashon di naturalesa ta e opshon
mas barata. E rendementunan ta mas ku kuater bes
mas haltu ku e gastunan, pero mas abou ku e proyekto di kloaka. E konklushon ta ku prevenshon di
daño na naturalesa (konservashon di naturelasa i
proyekto di kloaka) ta mihó ku repará daño despues
(restorashon). E proyekto di kloaka ta esun mas
rendabel, pero e ta esun mas karu. Ku konservashon di naturalesa nos ta risibí mas tantu balor pa
kada dòler ku nos a invertí. Finalmente ta asina ku
pa kada dòler ku nos ta invertí pa prevení daño na
e naturalesa, ta un bon invershon ku ta paga su mes
mas ku dòbel.
Di e estudio sientífiko aki a traha tambe un pelíkula kòrtiku i
kla ku por mira riba Youtube:
www.youtube.com/watch?v=zEiPFO8kWKc
Pa mas informashon: www.wolfscompany.com
Rocky i su koleganan tin diesocho tereno kaminda
nan ta kultivá e maishi Supra sorghum. E maishi aki
ta destiná pa kuminda di bestia. Entretantu nan a kòrta dieshete fèlt di maishi. I a plug e vèltnan atrobe pa
sembra di nobo. E awa sushi purifiká ku ta muha e terenonan via un sistema di drep di awa pa irigashon ta
hasi milager.
Revolushon
Rocky ta duna instrukshon i informáshon tokante kultivamentu di fruta i berdura. E la ripará ku bou di e
kunukeronan i doñonan di hòfi tin hopi interes pa e uso
di awa purifiká. Tin un revolushon bèrdè na Boneiru!
WWW.KLOAKA-B ONAIRE.C OM
Awa sushi di
b a rk u n a n
Riba barkunan tambe hendenan mester hasi nan
nesesidat. No ta permití pa benta sushi i awa sushi
di barkunan den laman sin mas. Pa esaki ta konta
leinan internashonal i nashonal.
Planta palunan
lokal den kurá
Hopi bia hotèl- i kasnan ku ta deskargá den e kloaka
tin un hardin tambe. Kiko ta e konsekuensia di e proyekto di kloaka pa irigashon di mata i palunan?
Blachinan di wayaká i fruta
Tronko di e palu di brasia
E maestro di haf di Boneiru, Rob Sintjago, ta e persona ku ta kontrolá e ehekushon di e leinan. Rob: “E
nabegashon tin di haber ku e Pakto pa prevenshon
di kontaminashon dor di barkunan (Marpol). Reino
a firma e pakto i a registrá esaki den su leinan nashonal. E pakto tin diferente anekso, ku tres di nan ta
importante pa nos isla”.
Zeta
Rob ta splika: “Anekso 1 ta trata reglanan pa awa sushi
ku ta kontené zeta. E kapitan di un barku por regla pa
medio di su agente na tera pa entregá e awa sushi ku
zeta aden ei na un kolektadó rekonosé. Na Boneiru
ta solamente un negoshi tin ku tin pèrmit pa tuma e
sorto di awa sushi asina i esaki ta Bon Recycling. Nan
ta usa un trùk di tanki ku ta tuma solamente e tipo di
sushi aki pa evitá polushon”..
Awa sushi
“Anekso 4 ta bai tokante awa sushi sanitario, awa
shinishi i awa pretu”, Rob ta konta. Awa shinishi bo
ta haña for di baño, kushina i awa di laba paña of
tayó. Awa pretu ta bini for di tualèt. Barkunan ku ta
mas ku 500 ton tin instalashon pa purifikashon di
awa sushi bou na bordo. Por basha e awa purifiká
den laman. Pero no na Boneiru, pasobra e barkunan
aki ta den un parke marino ku no ta permití pa nan
deskargá nada ei den. Si e barkunan ta keda mas largu nan ta laga hasi nan tanki di awa sushi bashí dor
di un negoshi ku ta kolektá e awa sushi: Mac Enterprises, Tazz o Damascus. Nan ta hiba e awa sushi na e
instalashon pa purifiká awa sushi na LVV. Freewinds
tambe ta hasié. Desde medio di aña 2011 e barku aki
ta hasi uso di awa dushi den e sistema di awa dushi
di manera ku nan awa sushi tambe por wordu keda
transportá i purifiká sin problema. Pa hopi di e yatenan ku ta keda usá pa bibienda ku ta na bui o ta keda
den e haf di yatenan, no tin un bon solushon ainda. E
hafnan di yate no tin un medida ainda ku por hasi e
tankinan di awa sushi bashí..
Sushi
Anekso 5 di e pakto di Marpol ta trata di sushi. Riba
barkunan grandi ta separá e sushi den sinku diferente baki di sushi. Plèstik nunka no tin mag di wòrdu
tira for di bordo. E doñonan di yate ta hiba nan sushi
di kas na e kònteinernan ku Selibon a pone pa esei.
INFORMATIE
RIOLERINGSPROJECT
SIGUI
NOS VIA OVER
RADIO,
NOS TV
VOLG
ONS
OP
RADIO,
TV
Website:
http:// www.kloaka-bonaire.com
I TUR OTRO
MEDIANAN
NA BONEIRU
EN ALLE ANDERE MEDIA OP BONAIRE
Kloaka Bonaire
Project Team
@kloakabonaireprojectteam
www.facebook.com/kloaka.bonaire
www.facebook.com/kloaka.bonaire
www.kloaka-bonaire.com
www.kloaka-bonaire.com
@ KloakaBonaire
PT
Kloaka Bonaire Project Team
Último tempu tin hopi bibienda, kompleho di apartamentu i hotèl den e área kantu di laman ku a keda
konektá riba e kloaka. Promé e edifisionan aki tabatin
mayoria bes un tanki séptiko pa e awa sushi. Ounke ku
a trata ku koutela, tabata usa awa sushi pretu for di e
último kamber di e tanki séptiko pa muha e mata- i palunan den hardin. I awor ku a saka e tankinan séptiko
ku ta keda den área di kloaka for di servisio, esei no por
mas. Kon kasnan i negoshinan por adaptá nan mes na e
kambionan?
Resistente kontra sekura
Den nos klima ta konsehabel pa pone mata i palunan
den nos kurá ku por resistí sekura. E palunan ta importante pasobra ku nan rais nan ta tene e suela, nan ta
duna sombra i ku nan blachi nan ta tene e stòf. E flor- i
frutanan tambe ta yama e paranan i tur otro animal den
bo kurá. Aki ta sigui un lista di trinta espesie di palunan
ku ta krese na Boneiru i ku bo por usa pa esaki.
Espesienan di palu ku ta resistente kontra sekura
Papiamentu (Latijns)
Hulandes
Brasia (Haematoxylon brasiletto)
verfhout
Dreifi di laman (Coccoloba uvifera)
zeedruif
Flamboyant (Delonix regia)
flamboyant
Hoba (Spondias mombin L.)
gele mombinpruim
Kabana (Sabal sp.)
sabal palm
Kalbas (Crescentia cujete)
kalebasboom
Kenepa (Melicocca bijuga)
knippa
Kibrahacha (Tabebiua billbergii)
Kohara (Cordia dentata)
Mahawa (Ficus brittonii)
Mangel (Terminalia catappa
wilde amandel
Mango (Mangifera indicia)
mango
Mispu (Manilkarazapota)
mispel
Oleifi (Bontia daphnoides
Oliba (Capparis odoratissima)
kapperstruik
Palu di bèshi (Condalia henriquezii)
Palu di Bonaire (Casearea tremula)
Kabana òf sabal lokal
Awa shinishi i awa pa irigashon
Kasnan por usa e awa shinishi, esei ta awa sushi ku ta
sali for di baño, kushina òf di wasmashin i mashin di
laba tayó, pa muha mata. Kompanianan si manera hotèl,
kompleho di apartamentu grandi segun lei no por usa e
awa shinishi ei. Nan ta konektá riba un ret apart di instalashon di awa pa irigashon ku ta hiba e awa sushi purifiká for di e instalashon pa purifiká awa di kloaka na e
hardinnan di hotèl. Miéntras ku e instalashon di awa pa
irigashon no ta den servisio ainda, por hiba e awa pa e
hardinnan di hotèl ku trùk di tanki. Pa hasi petishon pa
e awa pa irigashon por tuma kontakto telefóniko ku LVV
na 717-8836.
geelhout
Palu di lora (Capparis hastata)
Palu di sia blanku (Bursera bonairensis)
witte zadelboom
Palu di sia korá (Bursera simaruba)
rode zadelboom
Palu di taki (Geoffroea spinosa)
Palu santu (Thespesia populnea
Shimaruku (Malpighia emarginata)
West-Indische kers
Stòki (Capparis flexuosa)
Takamahak (Bursera tomentosa)
Tamarein (Tamarindus indica)
ta,aromde
Watakeli (Bourreria succulenta)
Watapana (Caesalpinia coriara)
dividivi
Wayaká (Guaiacum officinale
pokhout
Wayaka shimarón (Guaiacum
sanctum)
pokhout
De in dit
blad weergegeven
niet inoodzakelijkerwijs
de opvattingen
de
entidat
públiko
Boneiru i dimeningen
Ministerioweerspiegelen
di Infrastruktura
Medio Ambiente. Redakshon
no tavan
para
bewindslieden
het openbaar
lichaam
Bonaire en robes
het Ministerie
Infrastructuur
responsabel
pa van
eventual
impresishon
o informashon
o pa dañovan
kousá
pa esaki. en Milieu.
Voor eventuele onjuistheden in de weergave of foutieve informatie, dan wel voor schade hierdoor
veroorzaakt, stelt de redactie zich niet aansprakelijk.
Esaki ta un publikashon di entidat públiko Boneiru den koperashon ku WEB i Ministerio di Infrastruktura i Medio Ambiente.
Dit is een publicatie van het openbaar lichaam Bonaire in samenwerking met het
WEB en het Ministerie van Infrastructuur en Milieu.
Entidat públiko Boneiru
Openbaar
lichaam Bonaire
Direktorado di Planifikashon i Desaroyo
Directie
en Ontwikkeling
Kaya Ruimte
Amsterdam
21-23 | Kralendijk, Bonaire
Kaya
Amsterdam
21-23
| Kralendjik, Bonaire
T: 717-5330 tst. 521
| F: 717-7309
T:
717-5330
tst.
521
|
F:
717-7309
E: [email protected]
E: [email protected]
www.bonairegov.com
www.bonairegov.com