AGEU Su fràicu de sa Domo de su Dòmine 1 – Sa prima die de su

1482
AGEU
Su fràicu de sa Domo de su Dòmine
1 – Sa prima die de su de ses mese de s’annu duos de su re Dàriu, sa paràula de Babu Mannu fiat istata relatata dae Ageu deinatore a Zorobabel, fitzu de Salatiel, reghente de Zuda, e a Zesus, fitzu de Josedec, pìscamu, nanne: 2«Su Dòmine de sos esèrtzitos bos imbiat a narrer custas cosas: – Custu
pòpulu narat chi galu no est bènnita s’ora de torrare a fraicare sa domo de su
Dòmine!–».
3
E sa paràula de Babu Mannu fiat istata relatata a mèdiu de Ageu deinatore, ch’aiat natu: 4«Da n’atzes àpitu tempus pro bos acuilare in domos fatas
a bòveta, e custa domo est in sagrastu! 5E duncas su Dòmine de sos esèrtzitos narat de goi: –Datze cara a comente annant sas vainas vostras! 6Vois atzes semenatu meta e incuntzatu pacu, vois atzes mannicatu, ma non bos setzis tzatzatos, atzes vitu, ma non bos setzis agajatos, bos setzis cucutzatos,
ma non bos setzis caentatos e chie poniat a banna sos balanzos suos, los at
postos in una bussa istampata.–
7
Su Dòmine de sos esèrtzitos narat de goi: –Datze cara a comente annant sas cosas vostras! 8Artziate a su monte, picàtebos linna e torrate a fraicare sa Domo, chi m’at a esser de agradu e de vantu, narat Babu Mannu.
9
Vois bos arreaìatzes crèschita, e mi’ sa minimata; vois atzes arribatu in
domo, e jeo nche l’apo survatu a foras: ejò pruite, narat su Dòmine de sos
esèrtzitos? Ca sa Domo mea est assolata e onzunu de vois est istatu cuntipitzatu dae sa sua. 10Pro custu est istatu controitu a sos chelos de supra de bos
dare lentore e a sa terra de dare su frutu suo. 11E apo tzinghitatu sa sicagna a
supra de sas terras e de sos montes e a supra de su tricu e de su vinu e a supra de s’otzu e a supra de totu sos frutos de sa terra e contra a totu sos òmines e a sos masones e contra a totu sas istìmpitas de sos bratzos–».
12
E Zorobabel, fitzu de Salatiel, e Zesus, fitzu de Josedec, pìscamu e totu su restu de su pòpulu aiant postu mente a sa boche de Dòmine Deus e a
sas paràulas de Ageu deinatore, justa comente l’aiat imbiata a issos su Dòmine Deus issoro; e su pòpulu aiat àpitu timoria cara a su Dòmine. 13E Ageu
missu de su Dòmine, cuforma a sos cumannos de Babu Mannu aiat faeddatu
a su pòpulu nanne: «Jeo so chin vois! at natu su Dòmine». 14E su Dòmine
aiat datu arduriu a s’ispìritu de Zorobabel, fitzu de Salatiel, reghente de Zuda e a s’ispìritu de Zesus, fitzu de Josedec, pìscamu e a s’ispìritu de su sobru
de totu su pòpulu; e fiant annatos e aiant atacatu sa faina de sa domo de su
Dòmine de sos esèrtzitos, su Deus issoro.
1483
Sa Domo nova de su Dòmine
2 – Custu in sa die vintibator de su de ses mese, in s’annu duos de Dàriu. Sa die vintiunu de su de sete mese, Babu Mannu aiat faeddatu a Ageu
deinatore, nànneli: 3«Faedda a Zorobabel, fitzu de Salatiel, reghente de Zuda, e a Zesus, fitzu de Josadec, pìscamu e a su sobru de su pòpulu e nàralis:
4
–Chie b’at tra nois, ch’at bistu cudda Domo in sa prima gròria sua? E ite
bos ne paret de custa chi setzis bidenne como? Non paret a sa mirata vostra
che canno non s’esistat?
5
Ma como dàeti ànimu, o Zorobabel, narat su Dòmine; dàeti ànimu, o
Zesus, fitzu de Josadec, pìscamu, e totu vois, pòpulu de custa terra, ànimu!,
narat su Dòmine de sos esèrtzitos, e ponìtebos in vaina, chi jeo so chin vois,
narat su Dòmine de sos esèrtzitos! 6Tenzo fide a sa paràula mea ch’apo datu
bonus chi bessìatzes dae sa terra de Ezitu, e s’ispìritu meu at a abarrare chin
vois, e non timetas!–».
7
Ca goi narat su Dòmine de sos esèrtzitos: «Galu un’àteru atzicu, e jeo
ap’a mover su chelu e sa terra, su mare e sa terra manna; 8e ap’a mover totu
sos pòpulos e at a benner su Disitzatu dae totu sos pòpulos e ap’a prenare
de gròria custa domo, narat su Dòmine de sos esèrtzitos. 9Meu est s’oro e
mea sa prata, narat su Dòmine de sos esèrtzitos; 10manna at a esser sa gròria
de custa Domo, s’ùrtima, prus de sa prima, narat su Dòmine de sos esèrtzitos, e a custu locu ap’a dare sa pache, narat su Dòmine de sos esèrtzitos».
2
Duas preguntas
11
Sa die vintibator de su de nove mese de s’annu duos de Dàriu, fiat istatu relatata a Ageu deinatore sa paràula de Babu Mannu nanne: 12«Goi narat su Dòmine de sos esèrtzitos: –Pregunta a sos prìteros 13pro cantu pertocat
sa letze: “Si un’òmine juchet in s’òrulu de sa veste petza sacrata e tocat,
chin sa coa de sa veste sua, pane o petàntzia o vinu o otzu ghermanu o
un’àteru recatu, custas cosas sacratas ant a abarrare?”–». E sos prìteros aiant
natu: «Νo». 14E Ageu aiat annantu: «E si unu, sòrinu pro aer tocatu unu
mortu, at a tocare carcuna de custas cosas, at a esser fata sòrina?». E sos prìteros aiant natu: «S’at a facher sòrina». 15E Ageu l’aiat sichita, nanne: «Gai
matessi est de custu pòpulu, gai matessi de custa natzione, justa a mie, narat
su Dòmine, gai matessi est de sas vainas de sas manos suas, e totu sas dativas issoro sunt sòrinas.
16
Datze cara a cantu bos est cumbinatu dae oje in secus, galu antes de
ponner preta a supra de preta in su tèmpiu de su Dòmine: 17acostiànnebos a
unu muntone de vinti mojos, bi n’aiat deche; intranne a sa supressa pro
chimbanta barriles, bi n’aiat vinti. 18Bos apo corfatu chin su ventu caente e
chin su rughintzu de sos unnos e chin sa grànnine ch’ant fratzellatu totu sos
travàglios de sas manos vostras, e non b’at àpitu nessune de vois ch’essert
ghiratu a mie, narat su Dòmine.
1484
19
Datze cara como a su ch’at a cumbinare sa die, siat a narrer dae su
vintibator de su de nove mese ifatu, dae sa die chi fiant istatas ghetatas sas
funnamentas de su tèmpiu de Babu Mannu, atentzionàtebos a apompiare.
20
Fortzis chi su sèmene at bell’e siritu? Nemancu sa intza e sos unnos de
s’aicu e de sa melagranata e de s’ulia ant froritu; ma jeo dae custa die ap’a
beneicher».
21
Sa de duas vias su vintibator de su mese fiat istatu relatatu a Ageu sa
paràula de Babu Mannu, chi l’aiat natu: 22«Faedda a Zorobabel reghente de
Zuda e nàrali: –Jeo ap’a trisinare su chelu paris chin sa terra e ap’a ortulare
sa trona de sos rennos, 23e ap’a facher a cantos sa possa de s’impèriu de sos
pòpulos, e ap’a irfassare carrotzas e carrulantes, e caddos e cadderis ant a
rugher, e s’òmine at a esser isterricatu dae sa manu de su frate. 24Sa die, narat su Dòmine de sos esèrtzitos, ap’a picare a tie, o Zorobabel, fitzu de Salatiel, tzeracu meu, narat su Dòmine, e de tene n’apo a facher comente unu selu; ca t’apo in aprètziu, narat su Dòmine de sos esèrtzitos–».